ਧੀਆਂ ਕਰਨ ਰੌਸ਼ਨ ਜਹਾਨ - ਪ੍ਰੀਤ ਰਾਮਗੜ੍ਹੀਆ

ਜਿਥੇ ਹੋ ਰਿਹਾ ਏ ਪਾਪ
ਕੁੱਖਾਂ ਵਿਚ ਦਿੱਤਾ ਜਾਂਦਾ ਏ ਮਾਰ
ਜਨਮ ਦਿੱਤਾ ਨੀ ਮਾਏ, ਤੂ ਰੱਬ ਮੇਰੀ
ਬਾਬੁਲ ਤੇਰਾ ਵੀ ਕਰਾਂ ਸਤਿਕਾਰ....


ਧੀ ਬਣ ਕੇ ਮੈਂ ਜਨਮ ਲਿਆ
ਦੇਵਾਂ ਪੁੱਤਾਂ ਵਾਗੂੰ ਸਾਰੇ ਫਰਜ਼ ਨਿਭਾ
ਮਾਣ ਹੋਵੇ ਤੈਨੂੰ ਧੀ ਆਪਣੀ ਤੇ
ਐਸਾ ਕਰਾਂ ਤੇਰਾ ਰੌਸ਼ਨ ਜਗ ਤੇ ਨਾਮ
ਲਾਹ ਦਿਆਂ ਪਰਦੇ ਉਹਨਾਂ ਅੱਖਾਂ ਤੋਂ
ਜੋ ਧੀਆਂ ਨੂੰ ਜਨਮ ਦੇਣ ਤੇ
ਕਰਦੇ ਨੇ ਸੋਚ ਵਿਚਾਰ......


ਦਿੱਤੇ ਸਾਰੇ ਹੱਕ, ਤੂ ਮੈਨੂੰ ਬਾਬੁਲਾ
ਚੰਗੀ ਸਿੱਖਿਆ ਤੇ ਪਿਆਰ
ਕਰਦੇ ਜਿਵੇਂ ਮਾਣ ਕਲਪਨਾ ( ਚਾਵਲਾ )
ਐਸਾ ਕਿਰਦਾਰ ਦਿਆਂ ਨਿਭਾ.....


ਅਹਿਸਾਸ ਨਿਕਲਦੇ ਜੋ ਧੀ ਦੇ ਦਿਲੋਂ
" ਪ੍ਰੀਤ " ਲਫਜ਼ਾਂ `ਚ ਦੇਵੇ ਸਜਾ
ਦੇਵੋ ਮੌਕਾ ਘਰ ਰੁਸ਼ਨਾਉਣ ਦਾ
ਕਰ ਦੇਣਗੀਆਂ ਧੀਆਂ ਰੌਸ਼ਨ ਸਾਰਾ ਜਹਾਨ


ਪ੍ਰੀਤ ਰਾਮਗੜ੍ਹੀਆ
ਲੁਧਿਆਣਾ, ਪੰਜਾਬ
ਮੋਬਾਇਲ : +918427174139
E-mail : Lyricistpreet@gmail.com