ਰੱਖੜੀ ਤੇ ਆਜੀਂ ਸੋਹਣੇ ਵੀਰਨਾ - ਸਤਨਾਮ ਸਿੰਘ ਮੱਟੂ

##1.
ਗਿਆ ਸੀ ਤੂੰ ਛੱਡ ਸਾਨੂੰ ਪ੍ਰਦੇਸ਼ ਵੇ,
ਮੈਂ ਤੇ ਛੋਟਾ ਵੀਰਾਂ ਲੈਕੇ ਰੋਏ ਖੇਸ ਵੇ,
ਬੇਬੇ ਸੀ ਵਿਰਾਉਂਦੀ ਸਾਨੂੰ ਅੱਖਾਂ ਪੂੰਝ ਕੇ
ਪਿਆਰ ਨਾਲ ਮੈਨੂੰ ਆਖ ਕੇ ਸੂਦੈਣ ਵੇ
ਰੱਖੜੀ ਤੇ ਆਜੀ ਸੋਹਣੇ ਵੀਰਨਾ
ਕਰਦੀ ਉਡੀਕਾਂ ਤੇਰੀ ਛੋਟੀ ਭੈਣ ਵੇ
## 2.
ਬੇਬੇ ਤੋਂ ਮੰਗਾਈ ਮੈਂ ਗੁਲਾਬੀ ਲੋਗੜੀ
ਕਾਲਾ ਧਾਗਾ ਲਾਇਆ ਨਾਲ ਬੰਨਣੇ ਨੂੰ,
ਰੀਝਾਂ ਲਾਈਆਂ ਇਹਦੇ ਉੱਤੇ ਮੈਂ ਪੂਰੀਆਂ
ਤੈਨੂੰ ਭੈਣ ਦੇ ਪਿਆਰ ਵਿੱਚ ਰੰਗਣੇ ਨੂੰ,
ਭੈਣਾਂ ਨੂੰ ਪਿਆਰੇ ਜਾਨੋਂ ਹੁੰਦੇ ਵੀਰ ਨੇ
ਸਾਰੀਆਂ ਹੀ ਭੈਣਾਂ ਇਹੋ ਗੱਲ ਕਹਿਣ ਵੇ
ਰੱਖੜੀ ਤੇ ਆਜੀ ......
## 3.
ਯਾਦ ਆਉਣ ਦਿਨ ਆਪਾਂ 'ਕੱਠੇ ਖੇਡਦੇ
ਤੂੰ ਦਿੰਦਾ ਸੀ ਪਿਆਰ ਨਾਲ ਗੁੱਤਾਂ ਪੱਟ ਵੇ,
ਬੁੱਕਲ ਚ ਲੈਕੇ ਨਹੀ ਸੀ ਰੋਣ ਦਿੰਦਾ ਮੈਂਨੂੰ 
ਬੇਬੇ ਝਿੜਕੇ ਤਾਂ ਰੋਕਦਾ ਸੀ ਝੱਟ ਵੇ,
ਹੁੰਦੀ ਸੀ ਸਕੂਲੋਂ ਕਦੇ ਮੈਂਨੂੰ ਦੇਰ ਜੇ
ਸਾਇਕਲ ਤੇ ਆਉਂਦਾ ਸੀ ਮੈਨੂੰ ਲੈਣ ਵੇ
ਰੱਖੜੀ ਤੇ ਆਜੀਂਂ....
## 4.
ਬੀਂਬੜ੍ਹ ਚ ਮੈਂਨੂੰ ਸੁੰਨ ਛਾਈ ਲੱਗਦੀ

ਬਾਪੂ ਵੀ ਰੋ ਪੈਂਦਾ ਹੁਣ ਹੰਝੂ ਸੁੱਟ ਕੇ,
ਛੋਟਾ ਤੈਨੂੰ ਦਿਨੇ ਰਾਤੀ ਯਾਦ ਕਰਦੈ
ਆਖੇ ਵੀਰਾ ਕਦੋਂ ਲਾਊ ਸੀਨੇ ਨਾਲ ਘੁੱਟਕੇ,
ਬੇਬੇ ਦਿਆਂ ਨੈਣਾਂ ਵਿਚੋਂ ਨੀਰ ਸੁੱਕਿਆ
ਵੀਰਾ ਸੁਭ੍ਹਾ ਸ਼ਾਮ ਤੇਰੇ ਹੀ ਭੁਲੇਖੇ ਪੈਣ ਵੇ,
ਰੱਖੜੀ ਤੇ ਆਜੀਂ ਸੋਹਣੇ ਵੀਰਨਾ
ਕਰਦੀ ਉਡੀਕਾਂ ਤੇਰੀ ਛੋਟੀ ਭੈਣ ਵੇ
###////###////###////###
ਸਤਨਾਮ ਸਿੰਘ ਮੱਟੂ
ਬੀਂਬੜ੍ਹ, ਸੰਗਰੂਰ।
9779708257