ਜਸਪ੍ਰੀਤ ਦੀ ਕਲਮ ਦਾ ਸਫ਼ਰ

ਸਕੂਲ ਪੜ੍ਹਦਿਆ ਜ਼ਿੰਦਗੀ ਦੇ ਨਾਦਾਨ ਜਹੇ ਸਫ਼ਰ ਤੇ ''ਜਸਪ੍ਰੀਤ ਮਾਂਗਟ'' ਨਾਂ ਦੀ ਲੜਕੀ ਨੂੰ ਕਲਮ ਤੇਂ ਅੱਖਰਾਂ ਨਾਲ ਅਜਿਹਾ ਮੋਹ ਪਿਆ ਕਿ ਪੜ੍ਹਾਈ ਦੇ ਨਾਲ-ਨਾਲ ਰਚਨਾਵਾਂ ਲਿਖਣੇ ਦੀ ਦਿਲ ਨੂੰ ਤਾਂਘ ਰਹਿੰਦੀ ..........। ਸਭਿਆਚਾਰ ਨਾਲ ਪਿਆਰ ਵੀ ਇਸ ਗੱਲ ਦੀ ਗਵਾਹੀ ਭਰਦਾ ਹੈ ਕਿ ਆਪਣੀ ਚੂੰਨੀ ਤੇ ਹੋਰ ਪਹਿਰਾਵੇ ਦਾ ਖਾਸ ਖਿਆਲ ਰੱਖਣਾ ੳਹਦਾ ਸੁਭਾਅ ਬਣ ਗਿਆ........। ਫੁੱਲਕਾਰੀ, ਘੱਗਰਾ, ਪੰਜਾਬੀ ਸੂਟਾਂ, ਪੰਜਾਬੀ ਜੁੱਤੀ, ਕੱਚ ਦੇ ਕੰਗਣਾ ਜਹੇ ਸਭਿਆਚਕ, ਗਹਿਣਿਆਂ ਦੀ ਸ਼ੋਕੀਨ ''ਜਸਪ੍ਰੀਤ ਮਾਂਗਟ'' ਨੇ ਸਕੂਲ ਕਾਲਜ਼ ਪੜ੍ਹਦਿਆ ਫੰਕਸ਼ਨਾਂ 'ਚ ਹਿੱਸਾ ਲਿਆ ਅਤੇ ਥੋੜੀ-ਬਹੁਤੀ ਖੇਡਾਂ 'ਚ ਵੀ ਦਿਲਚਸਪੀ ਦਿਖਾਈ......। ਸਾਂਝੇ ਪਰਿਵਾਰ 'ਚ ਰਹਿੰਦਿਆਂ ਪੜਨ ਦੇ ਬਹਾਨੇ ਰਚਨਾਂ ਲਿਖਦੀ.......... ਕਿਉਂ ਕਿ ਰੱਬ ਵੱਲੋਂ ਹੀ ਅੰਦਰੋਂ ਰੂਹ ਤਾਘਾਂ ਭਰਦੀ ਸੀ ........। ਬਚਪਨੇ 'ਚ ਰੂਹਾਂ ਦੀ ਗੱਲ ਕਰਨਾਂ, ਰੱਬ ਦੀ ਹੀ ਦੇਣ ਹੈ। ਕਿਉਂ ਕਿ ਉਸ ਉਮਰੇ ਐਸੀਆਂ ਗੱਲਾਂ ਲਿਖਣਾ........
            ਲਿਖਦਿਆਂ ਲਿਖਦਿਆਂ ਨਾ ਕਲਮ ਥੱਕੇ ਨਾ ਮੈਂ ਥੱਕਾ,
                ਨਾ ਹੀ ਮੇਰੇ ਹਰਫਾ ਦੀ ਕਿਤੇ ਥੋੜ ਮੈਨੂੰ ਲਗਦੀਆਂ,
                    ਮੁੱਕਦਿਆਂ-ਮੁੱਕਦਿਆਂ ਇੱਕ ਦਿਨ ਜਿੰਦ ਮੁੱਕ ਜਾਣੀਏ,
                        ਫੇਰ ਵੀ ਹਰਫਾਂ ਸੰਗ ਲੜੀ ਟੁੱਟਦੀ ਨਾ ਮੈਨੂੰ ਲਗਦੀ ਏ।
    ਪ੍ਰਮਾਤਮਾਂ ਦੀ ਰਜਾ ਤੋਂ ਬਿਨਾਂ ਸੰਭਵ ਨਹੀਂ ..........। ਪੜਾਈ ਦੌਰਾਨ ਕਲਮਾਂ-ਕਿਤਾਬਾਂ ਨਾਲ ਮੋਹ ਸੁਭਵਿਕ ਹੈ ਪਰ ਵਿਆਹ ਤੋਂ ਬਾਅਦ ਇੱਕ ਲੜਕੀ ਨੂੰ ਘਰੇਲੂ ਜਿੰਮੇਵਾਰੀਆਂ ਦੇ ਨਾਲ-ਨਾਲ ਕਲਮਾਂ ਕਾਪੀਆਂ ਨੂੰ ਅੰਗ-ਸੰਗ ਰੱਖਣਾ ਬਹੁਤ ਮੁਸ਼ਕਿਲ ਹੋ ਸਕਦਾ ਉਹ ਵੀ ਬਿਨਾ ਕਿਸੇ ਨੌਕਰੀ ਪੇਸ਼ੇ ਤੋਂ........। ਪਰ ਜਸਪ੍ਰੀਤ ਕੌਰ ਮਾਂਗਟ ਨੇ ਲਿਖਣਾ ਨਹੀਂ ਛੱਡਿਆ....। ਆਪਣੀੳਾਂ ਰਚਨਾਵਾ ਅਖਬਾਰਾਂ ਤੱਕ ਪਹੁੰਚਾਈਆਂ ਕਿਉਂਕਿ ਪਰਿਵਾਰ ਦੀ ਰਜਾਮੰਦੀ ਅਤੇ ਜਸਪ੍ਰੀਤ ਦੀ ਕੋਸ਼ਿਸ਼ ਸਦਕਾ ਹੀ ਅੱਜ ਪੰਜਾਬ ਦੇ ਕਈ ਨਾਮੀ ਅਖਬਾਰਾਂ, ਮੈਗਜ਼ੀਨਾਂ ਤੋਂ ਇਲਾਵਾ ਵਿਦੇਸ਼ਾ 'ਚ ਵੀ ਜਸਪ੍ਰੀਤ ਕੌਰ ਮਾਂਗਟ ਦੀਆਂ ਰਚਨਾਵਾਂ ਛੱਪਦੀਆਂ ਹਨ..........। ਦੁਨੀਆਂ ਦੇ ਵੱਖ-ਵੱਖ ਕੋਨਿਆਂ 'ਚ ਜਸਪ੍ਰੀਤ ਦੀ ਪਹਿਚਾਣ ਬਣ ਚੁੱਕੀ ਹੈ ਕਿਉਂ ਕਿ ਉਸਦੀ ਕਿਤਾਬ, ''ਰਿਸ਼ਤੇ ਰੂਹਾਂ ਦੇ'' ਸਰੋਤਿਆਂ ਦੀ ਕਚਿਹਰੀ 'ਚ ਹਾਜ਼ਰੀ ਲਾ ਚੁੱਕੀ ਹੈ। ਕਿਤਾਬ ਤੋਂ ਬਾਅਦ ਵੀ ਅਣਗਿਣਤ ਆਰਟੀਕਲ, ਕਹਾਣੀਆਂ ਅਤੇ ਕਵਿਤਾ ਅਖਬਾਰਾਂ 'ਚ ਪੜ੍ਹਨੇ ਨੂੰ ਮਿਲਦਅਿਾਂ ਰਹੀਆਂ ਹਨ........।
ਪੰਜਾਬੀ ਭਵਨ, ਲੁਧਿਆਣਾ ਵਿਖੇ ਕਿਤਾਬ, ''ਰਿਸ਼ਤੇ ਰੂਹਾਂ ਦੇ'' ਲੋਕ ਅਰਪਨ ਹੋਈ ਅਤੇ ਪੱਤਰਕਾਰ ਪਲਵਿੰਦਰ ਸਿੰਘ ਢੂਡੀਕੇ, ਲੁਧਿਆਣਾ ਦੇ ਨਾਲ ਹੋਰ ਕਈ ਪੱਤਰਕਾਰਾ, ਵੱਲੋਂ ਕਿਤਾਬ ਦੇ ਰਿਲੀਜ਼ ਹੋਣ ਦੀ ਖਬਰ ਲਾਈ ਗਈ। ਪਿੰਡ ਰਾਮਪੁਰ (ਦੋਰਾਹਾ) ਸਾਹਿਤਕਾਰ ਸਭਾ ਵੱਲੋਂ ਵੀ ਕਿਤਾਬ ਅਤੇ ਜਸਪ੍ਰੀਤ ਮਾਂਗਟ ਨੂੰ ਮੈਂਬਰ ਬਣਨ ਦਾ ਸਨਮਾਨ ਮਿਲਿਆ........।
ਯੂ ਟਿਊਬ ਤੇ ਮਿੰਨੀ ਵੀਡੀਓਜ਼ ਤੋਂ ਇਲਾਵਾ ਗੀਤਾਂ ਨੂੰ ਅੱਖਰਾਂ ਰੂਪੀ ਮਾਲਾ 'ਚ ਪਰੋਦੀਂ ਹੈ ''ਜਸਪ੍ਰੀਤ ਕੌਰ ਮਾਂਗਟ'' ਆਪਣੀ ਮਿਹਨਤ, ਪਰਿਵਰਿਕ ਮੈਂਬਰਾਂ ਦੇ ਸਹਿਯੋਗ ਅਤੇ ਉੱਘੇ ਸਾਹਿਤਕਾਰਾਂ ਦੇ ਆਸ਼ਿਰਵਾਦ ਨਾਲ ਦੁਨੀਆਂ 'ਚ ਖਾਸ ਥਾਂ ਬਣਾ ਚੁੱਕੀ, ''ਜਸਪ੍ਰੀਤ ਕੌਰ ਮਾਂਗਟ'' ਰੂਹ ਤੋਂ ਕੁਦਰਤ ਦੇ ਨੇੜੇ ਰਹੀਂ ਹੈ ਤੇ ਰਹੇਗੀ........

ਪ੍ਰਭਜੋਤ ਕੌਰ ਢਿੱਲੋਂ,
ਮੋਹਾਲੀ।