ਸਜਾ - ਅਰਸ਼ਪ੍ਰੀਤ ਸਿੱਧੂ

ਕਦੀ ਕਦੀ ਇਨਸ਼ਾਨ ਨੂੰ ਉਨ੍ਹਾਂ ਗੁਨਾਹਾਂ ਦੀ ਸਜਾ ਭੁਗਤਣੀ ਪੈਦੀ ਹੈ ਜਿਹੜੇ ਉਸਨੇ ਕਰੇ ਵੀ ਨਹੀਂ ਹੁੰਦੇ। ਜੀਤੇ ਕੋਲ ਰੱਬ ਦਾ ਦਿੱਤਾ ਬਹੁਤ ਕੁਝ ਸੀ ਪਰ ਔਲਾਦ ਦਾ ਸੁੱਖ ਸਾਇਦ ਉਸਦੀ ਕਿਸਮਤ ਵਿੱਚ ਰੱਬ ਲਿਖਣਾ ਭੁੱਲ ਗਿਆ ਸੀ। 100 ਕਿਲਿਆ ਦਾ ਮਾਲਕ ਜੀਤਾ ਬਹੁਤ ਸੋਹਣੀ ਜਿੰਦਗੀ ਬਤੀਤ ਕਰਦਾ ਸੀ। ਵਿਆਹ ਤੋਂ ਪੰਜ ਵਰ੍ਹਿਆ ਮਗਰੋਂ ਵੀ ਜਦੋਂ ਜੀਤੇ ਦੇ ਕੋਈ ਔਲਾਦ ਨਾ ਹੋਈ ਤਾਂ ਘਰ ਦਿਆ ਨੇ ਜੀਤੇ ਦੇ ਸਾਲੀ ਨਾਲ ਉਸਦਾ ਦੂਸਰਾ ਵਿਆਹ ਕਰ ਦਿੱਤਾ, ਔਲਾਦ ਉਸਦੇ ਵੀ ਨਾ ਹੋਈ। ਜੀਤੇ ਦੀ ਘਰਵਾਲੀ ਆਪਣੀ ਭਤੀਜੀ ਦਾ ਸਾਕ ਲੈ ਆਈ। ਇੱਕ 17 ਵਰ੍ਹਿਆ ਦੀ ਕੁੜੀ ਜਮੀਨ ਦੇ ਲਾਲਚ ਨੂੰ ਆਪਣੇ ਹੀ ਫੁੱਫੜ ਦੇ ਨਾਲ ਵਿਆਹ ਦਿੱਤੀ ਗਈ। ਵਿਆਹ ਤੋਂ ਸਾਲ ਬਾਂਅਦ ਜੀਤਾ ਆਪਣੀ ਸੰਸਾਰਿਕ ਯਾਤਰਾ ਪੂਰੀ ਕਰ ਗਿਆ। 18 ਵਰ੍ਹਿਆਂ ਵਿੱਚ ਉਸ ਛੋਟੀ ਜਿਹੀ ਕੁੜੀ ਨੇ ਵਿਆਹ ਤੇ ਵਿਧਵਾ ਦੋਨੋ ਰਿਸ਼ਤੇ ਨਿੱਭਾ ਲਏ। ਫਿਰ ਉਹ ਕੁੜੀ ਆਪਣੇ ਭਰਾ ਦੇ ਪੁੱਤਰ ਨੂੰ ਗੋਦ ਪਾ ਲਿਆਈ। ਜਦੋਂ ਉਹ ਪੁੱਤਰ ਵੱਡਾ ਹੋਇਆ ਤਾ ਨਸ਼ਿਆ ਵਿੱਚ ਪੈ ਗਿਆ। ਜਦੋਂ ਉਹ 30 ਵਰ੍ਹਿਆਂ ਦੀ ਹੋਈ ਤਾ ਉਸਦਾ ਪੁੱਤਰ ਨਸ਼ਿਆ ਕਾਰਨ ਮਰ ਗਿਆ। ਹੁਣ ਉਹ ਵਿਚਾਰੀ ਇੱਕਲੀ 2 ਕਿਲਿਆ ਦੇ ਘਰ ਵਿੱਚ 100 ਕਿਲਿਆ ਨੂੰ ਸੰਭਾਲਦੀ ਹੋਈ ਨਾ ਕੀਤੀ ਗਲਤੀ ਦੀ ਸਜਾ ਭੁਗਤ ਰਹੀ ਹੈ। ਜਮੀਨ ਦੇ ਲਾਲਚ ‘ਚ ਅੰਨੇ ਹੋਏ ਲੋਕਾਂ ਨੇ ਕਿੰਨੀਆ ਜਿੰਦਗੀਆਂ ਨੂੰ ਬਿਨਾਂ ਕੀਤੇ ਗੁਨਾਹਾਂ ਦੀ ਸਜਾ ਸੁਣਾ ਦਿੱਤੀ।

ਅਰਸ਼ਪ੍ਰੀਤ ਸਿੱਧੂ ਸੰਪਰਕ:-94786-22509