ਜਿੱਥੇ ਅੰਮ੍ਰਿਤ ਧਾਰਾ ਵਹਿੰਦੀ ਹੈ - ਰਵਿੰਦਰ ਸਿੰਘ ਕੁੰਦਰਾ

ਤਰਜ਼ : ਜਿਸ ਦੇਸ ਮੇਂ ਗੰਗਾ ਬਹਿਤੀ ਹੈ .......

ਜਿੱਥੇ ਅੰਮ੍ਰਿਤ ਧਾਰਾ ਵਹਿੰਦੀ ਹੈ, ਸਾਡੀ ਲਿਵ ਉਥੇ ਰਹਿੰਦੀ ਹੈ।
ਅਸੀਂ ਉਸ ਸੁਆਮੀ ਦੇ ਵਾਰਸ ਹਾਂ, ਜਿਹਨੂੰ ਸਭ ਦੀ ਚਿੰਤਾ ਰਹਿੰਦੀ ਹੈ।

ਸਰਬੱਤ ਦਾ ਭਲਾ ਜੋ ਚਾਹੁੰਦਾ ਹੈ, ਜੋ ਪਰੇਮ ਦਾ ਪਾਠ ਪੜ੍ਹਾਉਂਦਾ ਹੈ।
ਸਭ ਨੂੰ ਬੁੱਕਲ ਵਿੱਚ ਲੈ ਕੇ ਜੋ, ਬਹੁਮੁੱਲੇ ਬਚਨ ਸੁਣਾਉਂਦਾ ਹੈ।
ਬਹੁਮੁੱਲੇ ਬਚਨ ਸੁਣਾਉਂਦਾ ਹੈ।
ਸਭ ਤਾਤ ਪਰਾਈ ਵਿਸਰ ਜਾਏ, ਜਦ ਸੰਗਤ ਜੁੜ ਜੁੜ ਬਹਿੰਦੀ ਹੈ।
ਅਸੀਂ ਉਸ ਸੁਆਮੀ ਦੇ ਵਾਰਸ ਹਾਂ, ਜਿਹਨੂੰ ਸਭ ਦੀ ਚਿੰਤਾ ਰਹਿੰਦੀ ਹੈ।

ਚਾਅ ਪਰੇਮ ਖੇਲਣ ਦਾ ਚੜ੍ਹ ਜਾਵੇ, ਸਿਰ ਝੱਟ ਅਰਪਣ ਲਈ ਖੜ੍ਹ ਜਾਵੇ।
ਜਦ ਗਗਨ ਦਮਾਮਾ ਵੱਜਦਾ ਹੈ, ਕੁਰਬਾਨੀ ਦਾ ਜਜ਼ਬਾ ਰੜ੍ਹ ਜਾਵੇ।
ਕੁਰਬਾਨੀ ਦਾ ਜਜ਼ਬਾ ਰੜ੍ਹ ਜਾਵੇ।
ਹੱਕ 'ਤੇ ਮਜ਼ਲੂਮ ਦੀ ਰਾਖੀ ਲਈ,  ਸਾਡੀ ਰੂਹ ਤੱਤਪਰ ਬੱਸ ਰਹਿੰਦੀ ਹੈ।
ਅਸੀਂ ਉਸ ਸੁਆਮੀ ਦੇ ਵਾਰਸ ਹਾਂ, ਜਿਹਨੂੰ ਸਭ ਦੀ ਚਿੰਤਾ ਰਹਿੰਦੀ ਹੈ।

ਸਿੰਘ ਭੁੱਖਾ ਭਾਵੇਂ ਰਹਿ ਜਾਵੇ, ਪਰ ਦੂਜੇ ਦਾ ਢਿੱਡ ਭਰਦਾ ਹੈ।
ਹਰ ਤਿਲ 'ਤੇ ਫੁੱਲ ਨੂੰ ਸਾਂਭ ਸਾਂਭ,  ਭੁੱਖੇ ਦੇ ਅੱਗੇ ਧਰਦਾ ਹੈ।
ਭੁੱਖੇ ਦੇ ਅੱਗੇ ਧਰਦਾ ਹੈ।
ਜਰਵਾਣੇ ਤੋਂ ਡੰਡੇ ਖਾ ਕੇ ਵੀ, ਫਿਕਰ ਉਸਦੇ ਢਿੱਡ ਦੀ ਰਹਿੰਦੀ ਹੈ ।
ਅਸੀਂ ਉਸ ਸੁਆਮੀ ਦੇ ਵਾਰਸ ਹਾਂ, ਜਿਹਨੂੰ ਸਭ ਦੀ ਚਿੰਤਾ ਰਹਿੰਦੀ ਹੈ।

ਅਸੀਂ ਵਾਰ ਕਿਸੇ 'ਤੇ ਕਰਦੇ ਨਹੀਂ, ਨਾਲੇ ਵਾਰ ਸਹਿਣ ਤੋਂ ਡਰਦੇ ਨਹੀਂ।
ਦੂਜੇ ਦਾ ਧਰਮ ਬਚਾਵਣ ਲਈ, ਕਾਇਰਤਾ ਤੋਂ ਕਦੀ ਹਰਦੇ ਨਹੀਂ ।
ਕਾਇਰਤਾ ਤੋਂ ਕਦੀ ਹਰਦੇ ਨਹੀਂ ।
ਸਿਰ ਧਰ ਤਲੀ ਤੇ ਰੱਖਣ ਦੀ, ਖ਼ੁਮਾਰੀ ਅੱਖਾਂ ਵਿੱਚ ਰਹਿੰਦੀ ਹੈ ।
ਅਸੀਂ ਉਸ ਸੁਆਮੀ ਦੇ ਵਾਰਸ ਹਾਂ, ਜਿਹਨੂੰ ਸਭ ਦੀ ਚਿੰਤਾ ਰਹਿੰਦੀ ਹੈ।

ਜਿੱਥੇ ਅੰਮ੍ਰਿਤ ਧਾਰਾ ਵਹਿੰਦੀ ਹੈ, ਸਾਡੀ ਲਿਵ ਉਥੇ ਰਹਿੰਦੀ ਹੈ।
ਅਸੀਂ ਉਸ ਸੁਆਮੀ ਦੇ ਵਾਰਸ ਹਾਂ, ਜਿਹਨੂੰ ਸਭ ਦੀ ਚਿੰਤਾ ਰਹਿੰਦੀ ਹੈ।