ਰਿਸ਼ਤਿਆਂ ਦੀ ਤਾਣੀ - ਮਨਦੀਪ ਗਿੱਲ ਧੜਾਕ
ਰਿਸ਼ਤਿਆਂ ਦੀ ਤਾਣੀ ਯਾਰੋ ਉਲਝਦੀ ਜਾਂਦੀ ਏ ,
ਜਿਉਂ-ਜਿਉਂ ਇਹ ਜ਼ਿੰਦਗੀ ਗੁਜ਼ਰਦੀ ਜਾਂਦੀ ਏ।
ਟੁੱਟਦੇ ਜਾਣ ਹੁਣ ਰਿਸ਼ਤਿਆਂ ਦੇ ਬੰਧਨ ਸਾਰੇ ,
ਸ਼ਰਮੋ-ਹਯਾ ਦੀ ਦੀਵਾਰ ਉਖੜਦੀ ਜਾਂਦੀ ਏ ।
ਪਿਆਰੀ ਹੋਈ ਹੁਣ ਵਿਆਕਤੀਗਤ ਆਜ਼ਾਦੀ ,
ਸਾਝੇ ਘਰਾਂ ਵਿੱਚ ਦੀਵਾਰ ਉਸਰਦੀ ਜਾਂਦੀ ਏ।
ਰਹੀ ਨਾ ਪਹਿਚਾਣ ਕੋਈ ਹੁਣ ਰਿਸ਼ਤਿਆ ਦੀ ,
ਪੱਛਮੀ ਦੀ ਇਹ ਨ੍ਹੇਰੀ ਯਾਾਰੋ ਝੁਲਦੀ ਜਾਂਦੀ ਏ।
ਹੁਣ ਨਾ ਖੜ੍ਹੇ ਦੁੱਖ:ਸੁਖ 'ਚ ਆਢ-ਗੁਆਢ ਕੋਈ ,
ਭਾਈਚਾਰਕ-ਸਾਝ ਵੀ ਹੁਣ ਖੁਰਦੀ ਜਾਂਦੀ ਏ ।
ਗਿੱਲ ਸਮਝ ਨਾ ਆਵੇ ਰਿਸ਼ਤਿਆ ਦੀ ਪਹੇਲੀ ,
ਕਦੇ ਤਾਂ ਉਲਝ ਜਾਵੇ, ਕਦੇ ਸੁਲਝਦੀ ਜਾਂਦੀ ਏ।
ਮਨਦੀਪ ਗਿੱਲ ਧੜਾਕ
9988111134
