'ਭਗਵੰਤ ਮਾਨਾਂ' - ਮੇਜਰ ਸਿੰਘ ਬੁਢਲਾਡਾ

ਮਿਹਨਤ ਪਾਰਟੀ ਲਈ ਕੀਤੀ ਵਥੇਰੀ 'ਭਗਵੰਤ ਮਾਨਾਂ'।
ਤਾਂਹੀ ਹਰ ਕੋਈ ਸਿਫ਼ਤ ਕਰੇ ਤੇਰੀ 'ਭਗਵੰਤ ਮਾਨਾਂ'।
ਤੁਸੀਂ ਮਲਾਹ ਹੋਂ ਇਸਨੂੰ ਕਿਨਾਰੇ ਲਾਕੇ ਰਹਿਓਂ,
ਘੁੰਮਣਘੇਰੀਆਂ ਵਿਚ ਫਸੀ ਜੋ ਬੇੜੀ 'ਭਗਵੰਤ ਮਾਨਾਂ'।
ਇਤਿਹਾਸ ਬਣਾਉਣ ਲਈ ਕਰਨੀਆਂ ਪੈਂਦੀਆਂ ਕੁਰਬਾਨੀਆਂ,
ਜੇ ਸਮਾਂ ਆ ਗਿਆ ਕੁਰਬਾਨੀ ਕਰੀ 'ਭਗਵੰਤ ਮਾਨਾਂ'।
ਪਾਰਟੀ 'ਚ ਉਤਰ੍ਹਾ-ਚੜ੍ਹਾ ਆਉਂਦੇ ਜਾਂਦੇ ਰਹਿੰਦੇ ਨੇ,
ਵੇਖੀ ਕਿਤੇ ਕਰ ਜਾਵੇਂ ਅੜੀ 'ਭਗਵੰਤ ਮਾਨਾਂ'।
ਵੇਖ ਸਵੇਰੇ ਜਾਖੜ, ਦੁਪਿਹਰੇ ਰੰਧਾਵਾ, ਸ਼ਾਮ ਨੂੰ ਚੰਨੀ,
ਸਭ ਅਡੋਲ ਰਹੇ, ਚੱਲੀ ਖ਼ਤਰਨਾਕ ਨ੍ਹੇਰੀ 'ਭਗਵੰਤ ਮਾਨਾਂ'।
'ਸੀ. ਐੱਮ. ਦਾ ਮਤਲਬ ਤੁਸਾਂ '"ਕੋਮਨ ਮੈਨ" ਮੰਨਿਆਂ,
ਬੜੀ ਪਰਖ਼ਣ ਦੀ ਆ ਗ‌ਈ ਘੜੀ "ਭਗਵੰਤ ਮਾਨਾਂ'।
ਮੇਜਰ ਸਿੰਘ ਬੁਢਲਾਡਾ
94176 42327