ਇਕੱਠੇ ਹੋ ਜਾਓ ਸ਼ੇਰ ਪੰਜਾਬੀਓ! - ਮੇਜਰ ਸਿੰਘ 'ਬੁਢਲਾਡਾ

ਉੱਠੋ ਜਾਗੋ ਤੁਸੀਂ ਪੰਜਾਬੀਓ!
ਪੰਜਾਬ ਜੇ ਵੇਖਣਾ ਖ਼ੁਸ਼ਹਾਲ।
'ਹਾਕਮ' ਖਾ ਗਏ ਇਹਨੂੰ ਲੁੱਟਕੇ,
ਇਸਦਾ ਕਰਤਾ ਮੰਦੜਾ ਹਾਲ।
ਬਿਨਾਂ ਰਿਸ਼ਵਤ ਕੰਮ ਨਾ ਹੋਂਵਦੇ,
ਇਹਨਾਂ ਰਿਸ਼ਵਤਖ਼ੋਰ ਰੱਖੇ ਨੇ ਪਾਲ।
ਸੁਰੱਖਿਤ ਇੱਜ਼ਤਾਂ ਨਾਹੀਂ ਲੋਕ ਨੇ,
ਲੋਕੋ! ਗੁੰਡਾ-ਗਰਦੀ ਬੇਮਿਸਾਲ।
ਇਥੇ ਹਰ ਤਰਾਂ ਦਾ ਮਾਫੀਆ,
ਰਲਿਆ ਹੋਇਆ ਇਹਨਾਂ ਨਾਲ।
ਬੇਰੁਜ਼ਗਾਰੀ ਹੱਦਾਂ ਟੱਪ ਗਈ,
ਨਿੱਤ ਮਾਰਦੀ ਜਾਂਦੀ ਛਾਲ।
ਹੱਕ ਮੰਗਦਿਆਂ ਨੂੰ ਕੁੱਟ ਸੁਟਦੇ,
ਨਾ ਕਰਨ ਕਿਸੇ ਦਾ ਖਿਆਲ।
ਜਵਾਨੀ ਨਸ਼ਿਆਂ ਦੇ ਵਿਚ ਡੋਬਤੀ,
ਐਸੀ ਖੇਡੀ ਇਹਨਾਂ ਚਾਲ।
ਇਕੱਠੇ ਹੋ ਜਾਓ ਸ਼ੇਰ ਪੰਜਾਬੀਓ!
ਤੁਸੀਂ ਬਣੋ ਇਸ ਦੀ ਢਾਲ।
ਮੇਜਰ ਬਣੋ ਇਸ ਦੀ ਢਾਲ...।
*ਮੇਜਰ ਸਿੰਘ 'ਬੁਢਲਾਡਾ'*
9417642327