ਨੂਰ - ਰਮਿੰਦਰ ਫਰੀਦਕੋਟੀ

ਨੂਰ ਪਿਤਾ ਜੀ ਕੋਲ ਆਈ ਤੇ ਕਹਿਣ ਲੱਗੀ, 'ਮੇਰਾ ਅੱਜ ਜਨਮ ਦਿਨ ਹੈ' ਪਰ ਮੇਜਰ ਸਿੰਘ ਨੇ ਬੇਟੀ ਦੀ ਗੱਲ ਵੱਲ ਕੋਈ ਧਿਆਨ ਜਿਹਾ ਨਹੀਂ ਦਿੱਤਾ। ਸਮਾਂ ਬੀਤਦਾ ਗਿਆ ਤੇ ਅਗਲੇ ਸਾਲ ਮੇਜਰ ਦੇ ਲਾਡਲੇ ਪੁੱਤਰ ਦਾ ਜਨਮ ਦਿਨ ਸੀ। ਕਹਿਣ ਲੱਗਾ ਪੁੱਤਰ ਦਾ ਜਨਮ ਦਿਨ ਬੜੀ ਧੂਮਧਾਮ ਨਾਲ ਮਨਾਵਾਂਗੇ। ਪੈਲੇਸ ਬੁੱਕ ਕੀਤਾ ਤੇ ਸਾਰੇ ਰਿਸ਼ਤੇਦਾਰ ਤੇ ਨਜ਼ਦੀਕੀ ਹੁੰਮ-ਹੁੰਮਾ ਕੇ ਪਹੁੰਚੇ। ਕੇਕ ਕੱਟਣ ਦੀ ਰਸਮ ਹੋ ਰਹੀ ਸੀ ਪਰ ਨੂਰ ਵਿਚਾਰੀ ਇੱਕ ਕੋਨੇ ਵਿੱਚ ਉਦਾਸ ਜਿਹੀ ਖਲੋਤੀ ਸੀ। ਮੇਜਰ ਸਿੰਘ ਨੇ ਪੁੱਛਿਆ ਧੀਏ ਤੂੰ ਏਥੇ ਚੁੱਪ-ਚਾਪ ਕਿਉਂ ਖਲੋਤੀ ਏਂ? ਤੇਰੇ ਵੀਰ ਦਾ ਅੱਜ ਜਨਮ ਦਿਨ ਐ।'' ਬਾਪ ਦੇ ਗਲ ਜਾ ਲੱਗੀ ਤੇ ਹੰਝੂਆਂ ਦੇ ਵਹਿਣੀ ਵਹਿ ਤੁਰੀ ਪਰ ਵਿਚਾਰੀ ਤੋਂ ਮੂੰਹੋਂ ਬੋਲਿਆ ਕੁਝ ਨਹੀਂ ਗਿਆ।

- ਰਮਿੰਦਰ ਫਰੀਦਕੋਟੀ
3 ਫਰੈਂਡਜ਼ ਐਵੀਨਿਊ,
ਨਿਊ ਹਰਿੰਦਰਾ ਨਗਰ, ਫ਼ਰੀਦਕੋਟ।
ਮੋਬਾਈਲ : 98159-53929
29 Jan. 2018