ਤੈਨੂੰ ਕਿਵੇਂ ਭੁੱਲੀਏ। - ਬਲਜਿੰਦਰ ਕੌਰ ਸ਼ੇਰਗਿੱਲ
ਨੀਂਦ ਆਉਂਦੀ ਨਹੀਂ,
ਯਾਦ ਜਾਂਦੀ ਨਹੀਂ,
ਤੈਨੂੰ ਕਿਵੇਂ ਭੁੱਲੀਏ।
ਤੇਰੀ ਮਹਿਕ ਮੁਕਦੀ ਨਹੀਂ
ਸਾਹ ਦੀ ਡੋਰ ਟੁੱਟਦੀ ਨਹੀਂ,
ਤੈਨੂੰ ਕਿਵੇਂ ਭੁੱਲੀਏ।
ਭੁੱਖ ਲੱਗਦੀ ਨਹੀਂ,
ਪਿਆਸ ਬੁਝਦੀ ਨਹੀਂ,
ਤੈਨੂੰ ਕਿਵੇਂ ਭੁੱਲੀਏ।
ਰਾਤਾਂ ਨੂੰ ਉਠਦੀ ਫਿਰਾ,
ਕਿਸੇ ਨੂੰ ਦੱਸ ਨਾ ਸਕਾਂ
ਤੈਨੂੰ ਕਿਵੇਂ ਭੁੱਲੀਏ।
ਅੱਖੀਆਂ ਅੱਗੇ ਚਿਹਰਾ ਭੁੱਲਦਾ ਨਹੀਂ,
ਅਸਾਂ ਅੱਖਾਂ ਨੂੰ ਬੰਦ ਕਿੰਝ ਕਰੀਏ,
ਤੈਨੂੰ ਕਿਵੇਂ ਭੁੱਲੀਏ।
ਦਿਨੇ ਰਾਤੀਂ ਹੋਕੇ ਮੁਕਦੇ ਨਹੀਂ,
ਦਿਲ ਦੇ ਤਾਰ ਟੁੱਟਦੇ ਨਹੀਂ,
ਤੈਨੂੰ ਕਿਵੇਂ ਭੁੱਲੀਏ।
ਨੀਂਦ ਆਉਂਦੀ ਨਹੀਂ,
ਯਾਦ ਜਾਂਦੀ ਨਹੀਂ,
ਤੈਨੂੰ ਕਿਵੇਂ ਭੁੱਲੀਏ।
ਬਲਜਿੰਦਰ ਕੌਰ ਸ਼ੇਰਗਿੱਲ
ਮੋਹਾਲੀ
9878519278
