ਦੀਵਾਲੀ ਆ ਗਈ - ਵੀਰਪਾਲ ਕੌਰ ਭੱਠਲ
ਸਵਰਗ ਜਿਹੀ ਹੋਈ ਹੈ ਧਰਤੀ
ਹਰ ਥਾਂ ਮਹਿਕ ਖਿੰਡਾਈ
ਚਾਅ ਦਿਲਾਂ ਦੇ ਲੈਣ ਹੁਲਾਰੇ
ਖੁਸ਼ੀਆਂ ਲੈ ਕੇ ਆਈ
ਗ਼ਮਾਂ ਦੇ ਬੱਦਲ ਝੜ ਗਏ ਸਾਰੇ
ਖੁਸ਼ੀ ਦੀ ਨ੍ਹੇਰੀ ਛਾ ਗਈ
ਦੀਵਾਲੀ ਆ ਗਈ
ਦੀਵਾਲੀ ਆ ਗਈ ਦੀਵਾਲੀ ਆ ਗਈ
ਘਰ ਘਰ ਦੇ ਵਿੱਚ ਖ਼ੁਸ਼ੀਆਂ ਖੇੜੇ
ਰੌਣਕ ਵਿੱਚ ਬਾਜ਼ਾਰਾਂ
ਇਉਂ ਜਾਪੇ ਜਿਵੇਂ ਪੱਤਝੜ ਪਿੱਛੋਂ
ਆਈਆਂ ਪਰਤ ਬਹਾਰਾਂ
ਰੋਂਦਿਆਂ ਤਾਈਂ ਹਾਸੇ ਦੇ
ਖੁਸ਼ੀਆਂ ਵਿੱਚ ਝੂਮਣ ਲਾ ਗਈ
ਦੀਵਾਲੀ ਆ ਗਈ
ਦੀਵਾਲੀ ਆ ਗਈ ਦੀਵਾਲੀ ਆ ਗਈ
ਚਾਨਣ ਚਾਨਣ ਹੋਈ ਧਰਤੀ
ਨੂਰ ਅਰਸ਼ ਤੋਂ ਵਰ੍ਹਦਾ
ਫੁੱਲਝੜੀਆਂ ਤੇ ਚੱਲਣ ਪਟਾਕੇ
ਰੱਬ ਵੀ ਸਿਜਦੇ ਕਰਦਾ
ਸਾਰੇ ਕਹਿੰਦੇ ਹੈਪੀ ਦੀਵਾਲੀ
ਨਫ਼ਰਤ ਦਿਲੋਂ ਮਿਟਾ ਗਈ
ਦੀਵਾਲੀ ਆ ਗਈ
ਦੀਵਾਲੀ ਆ ਗਈ ਦੀਵਾਲੀ ਆ ਗਈ
ਚਾਵਾਂ ਦੇ ਨਾਲ ਕਰੀ ਸਫ਼ਾਈ
ਮਾਂ ਲੱਛਮੀ ਨੇ ਆਉਣਾ
"ਵੀਰਪਾਲ ਭੱਠਲ ਨੇ ਸਭ ਨਾ
ਰਲ ਮਿਲ ਜਸ਼ਨ ਮਨਾਉਣਾ
ਲੱਛਮੀ ਮਾਤਾ ਜਗਤ ਵਿਧਾਤਾ
ਘਰ ਘਰ ਫੇਰਾ ਪਾ ਗਈ
ਦੀਵਾਲੀ ਆ ਗਈ
ਦੀਵਾਲੀ ਆ ਗਈ ਦੀਵਾਲੀ ਆ ਗਈ
ਵੀਰਪਾਲ ਕੌਰ ਭੱਠਲ
