ਤੇਰੇ ਬਾਝੋਂ - ਬਲਜਿੰਦਰ ਕੌਰ ਸ਼ੇਰਗਿੱਲ
ਹਰੀ ਹਰੀ ਘਾਹ 'ਤੇ, ਪਈਆਂ ਤਰੇਲ੍ਹੀਆਂ,
ਬਾਝੋਂ ਤੇਰੇ ਅਸਾਂ , ਝੱਲੀਆਂ ਹਨ੍ਹੇਰੀਆਂ |
ਬਿਰਹੋਂ ਦਾ ਰੋਗ ਬੁਰਾ, ਸੁਣੀਆਂ ਕਹਾਣੀਆਂ,
ਫੱਟ ਜਦ ਖੁਦ ਖਾਏ, ਪਤਾ ਲੱਗਿਆਂ ਹਾਣੀਆਂ |
ਤੇਰੀ ਮੇਰੀ ਜੋੜੀ ਸੋਹਣੀ, ਛੱਲਾਂ ਦੱਸਦੀਆਂ ਪਾਣੀਆਂ,
ਤੈਰਦੇ ਵੀ, ਡੁੱਬ ਰਹੀਆਂ, ਦੋ ਰੂਹਾਂ ਨਿਮਾਣੀਆਂ |
ਸ਼ੀਸ਼ਾ ਵੀ ਰੋਜ਼ ਰੋਜ਼, ਪੁੱਛੇ ਕਹਾਣੀਆਂ,
ਤੇਰੇ ਸਵਾਲਾਂ ਦੀਆਂ, ਗੱਲਾਂ ਪੁਰਾਣੀਆਂ |
ਸਾਡੀ ਰਮਜ਼ਾਂ ਤਾਂ, ਖਾਮੋਸ਼ੀਆਂ ਪਛਾਣੀਆਂ,
ਪਿਆਰ ਕੀ ਹੁੰਦਾ, ਜੂਨ ਫਕੱਰਾਂ ਹੰਢਾਣੀਆਂ |
ਕੌਡੀਆਂ ਮੁੱਲ ''ਬਲਜਿੰਦਰ'', ਰਹਿ ਗਈਆ ਯਾਰੀਆਂ,
ਹਵਾਵਾਂ ਨੇ ਆ ਕੇ, ਸਾਡੀ ਕਦਰਾਂ ਪਛਾਣੀਆਂ।
ਹਰੀ ਹਰੀ ਘਾਹ 'ਤੇ, ਪਈਆਂ ਤਰੇਲ੍ਹੀਆਂ,
ਤੇਰੇ ਬਾਝੋਂ ਅਸਾਂ , ਝੱਲੀਆਂ ਹਨ੍ਹੇਰੀਆਂ |
ਬਲਜਿੰਦਰ ਕੌਰ ਸ਼ੇਰਗਿੱਲ
ਮੁਹਾਲੀ 9878519278
