'ਗ੍ਰੰਥ' ਤੇ 'ਪੰਥ' ਨੂੰ ਰੋਲ਼ ਦਿੱਤਾ' - ਮੇਜਰ ਸਿੰਘ ਬੁਢਲਾਡਾ

ਸਿੱਖੀ ਭੇਸ ਵਿੱਚ ਸਿੱਖੀ ਵਿਰੋਧੀਆਂ ਨੇ,
ਕੀਤਾ ਸਿੱਖੀ ਦਾ ਬਹੁਤ ਨੁਕਸਾਨ ਯਾਰੋ!
ਗੁਰਮਤਿ ਤੋਂ ਕੋਰੇ ਸਿੱਖ ਸਾਧ ਬਾਬਿਆਂ ਨੇ,
ਐਸੇ ਜਾਲ਼ ਫਸਾਏ ਸਿੱਖ ਅਣਜਾਣ ਯਾਰੋ!
ਇਤਿਹਾਸ ਮਿਥਿਹਾਸ ਦੀ ਸਮਝ ਖੋ ਬੈਠੇ,
ਗੁਰਬਾਣੀ ਤੇ ਦਿੰਦੇ ਨਹੀਂ ਧਿਆਨ ਯਾਰੋ!
ਬਹੁਤੇ ਫਸ ਗਏ ਵਿੱਚ ਪਖੰਡੀਆਂ ਦੇ,
ਕੋਈ ਪਤਾ ਨਹੀਂ ਕੀ ਗੁਰੂ ਫੁਰਮਾਨ ਯਾਰੋ!
ਕੱਚੇ ਪਿੱਲੇ ਪੂਜਦੇ ਫਿਰਨ ਮਟੀਆਂ,
ਪਾਕੇ ਗਾਤਰੇ ਨਾਲ ਸ਼ਾਨ ਯਾਰੋ।
ਰਹਿੰਦੀ ਕਸਰ ਕੁਰਸੀ ਲਈ ਲੀਡਰਾਂ ਨੇ,
ਮੇਜਰ 'ਗ੍ਰੰਥ' ਤੇ 'ਪੰਥ' ਨੂੰ ਰੋਲ਼ ਦਿੱਤਾ।
ਸੋਸ਼ਲ ਮੀਡੀਏ ਤੇ ਅਖੌਤੀ ਆਗੂਆਂ ਦਾ,
ਸੱਚ - ਝੂਠ ਕੱਲ੍ਹਾ ਕੱਲ੍ਹਾ ਫਰੋਲ ਦਿੱਤਾ।
ਮੇਜਰ ਸਿੰਘ ਬੁਢਲਾਡਾ
94176 42327