14 Oct. 2021

ਬਹਿਬਲ ਕਲਾਂ ਗੋਲੀਕਾਂਡ: ਐਸ.ਪੀ. ਵਿਕਰਮਜੀਤ ਸਿੰਘ ਦੀ ਬਹਾਲੀ ਦੇ ਹੁਕਮ ਕੈਪਟਨ ਨੇ ਦਿਤੇ-ਰੰਧਾਵਾ

ਕੀ ਲਗਦੇ ਸੰਤੀਏ ਤੇਰੇ, ਜਿਨ੍ਹਾਂ ਨੂੰ ਰਾਤੀਂ ਖੰਡ ਪਾਈ ਸੀ।

ਪਟਿਆਲਾ ‘ਚ ਕਾਂਗਰਸ ਨੇ ਲਿਆ ਅਮਰਿੰਦਰ ਦੀ ਹਾਰ ਯਕੀਨੀ ਬਣਾਉਣ ਦਾ ਅਹਿਦ- ਇਕ ਖ਼ਬਰ

ਤੇਰੀ ਤੋੜ ਕੇ ਛੱਡਣਗੇ ਗਾਨੀ, ਨੀਂ ਸੋਨੇ ਦੇ ਤਵੀਤ ਵਾਲ਼ੀਏ।

ਸੁਖਬੀਰ ਬਾਦਲ ਨੂੰ ਫਸਾਉਣ ਲਈ ਕਾਂਗਰਸ ਸਰਕਾਰ ਨੇ ਸਾਜ਼ਿਸ਼ ਘੜੀ- ਚੰਦੂਮਾਜਰਾ

ਹੁੰਦਾ ਰੱਬ ਨਹੀਂ ਕਿਸੇ ਦਾ ਵੈਰੀ, ਵੈਰੀ ਤੇਰੇ ਐਬ ਬੰਦਿਆ।

ਵਿਧਾਨ ਸਭਾ ‘ਚ ਮੁੱਖ ਮੰਤਰੀ ਚੰਨੀ ਦੀਆਂ ਟਿੱਪਣੀਆਂ ‘ਤੇ ਅਕਾਲੀਆਂ ਵਲੋਂ ਹੰਗਾਮਾ- ਇਕ ਖ਼ਬਰ

ਜਦੋਂ ਸੱਚੀਆਂ ਸੁਣਾਈਆਂ ਨੀਂ ਬੜਾ ਦੁਖ ਲੱਗਿਆ, ਬੜਾ ਦੁਖ ਲੱਗਿਆ।

ਰੁਪਿੰਦਰ ਰੂਬੀ ਤੋਂ ਬਾਅਦ ਆਪ ਵਿਧਾਇਕ ਜਗਤਾਰ ਸਿੰਘ ਜੱਗਾ ਵੀ ਕਾਂਗਰਸ ਦੇ ਪਾਲੇ ਵਿਚ ਗਿਆ- ਇਕ ਖ਼ਬਰ

ਸਾਡਾ ਚਿੜੀਆਂ ਦਾ ਚੰਬਾ ਵੇ, ਬਾਬਲ ਅਸਾਂ ਉਡ ਜਾਣਾ।

ਸੁਖਬੀਰ ਜਲਾਲਾਬਾਦ ਤੋਂ ਜਿੱਤ ਕੇ ਬਣਨਗੇ ਮੁੱਖ ਮੰਤਰੀ- ਹਰਸਿਮਰਤ ਬਾਦਲ

ਤੇ ਮੈਂ ਵੀ ਹੁਣ ਦਿੱਲੀ ਛੱਡ ਕੇ ਪੰਜਾਬ ‘ਚ ਆ ਕੇ ਉੱਪ ਮੁੱਖ ਮੰਤਰੀ ਬਣੂੰ।

ਕਾਂਗਰਸ ਨੇ ਬੇਅਦਬੀ ਮਾਮਲਿਆਂ ਦਾ ਸਿਆਸੀਕਰਣ ਕੀਤਾ-ਬੀਬੀ ਜਗੀਰ ਕੌਰ

ਬੀਬੀ ਜੀ ਇਹ ਤਾਂ ਤੁਹਾਡੇ ਮਾਲਕਾਂ ਵਲੋਂ ਹੀ ਸ਼ੁਰੂ ਕਰ ਦਿਤਾ ਗਿਆ ਸੀ।

ਮੰਨ ਗਏ ਗੁਰੂ: ਚੰਨੀ ਨੇ ਬੋਲ ਪੁਗਾਏ, ਸਿੱਧੂ ਨੇ ਬੋਲ ਪੁਗਾਏ- ਇਕ ਖ਼ਬਰ

ਚੰਨੀ ਨੇ ਦਿਉਲ ਘਰੇ ਤੋਰਿਆ, ਲਗਦੈ ਸਹੋਤੇ ਦੇ ਵੀ ਥੋੜ੍ਹੇ ਦਿਨ ਹੋਰ ਆ।

ਅਸ਼ਵਨੀ ਸ਼ਰਮਾ ਨੇ ਹਾਈ ਕਮਾਨ ਦੇ ਆਗੂਆਂ ਨੂੰ ਦੱਸੇ ਪੰਜਾਬ ਦੇ ਸਿਆਸੀ ਹਾਲਾਤ- ਇਕ ਖ਼ਬਰ

ਝਾਕਦੀ ਦੀ ਅੱਖ ਪੱਕ ਗਈ, ਕਦੇ ਪਾ ਵਤਨਾਂ ਵਲ ਫੇਰਾ।

ਕੈਪਟਨ ਨੂੰ ਵੱਡੇ ਦਿਲ ਨਾਲ ਹਾਈ ਕਮਾਨ ਦਾ ਫ਼ੈਸਲਾ ਪ੍ਰਵਾਨ ਕਰਨਾ ਚਾਹੀਦਾ ਸੀ- ਬੀਬੀ ਭੱਠਲ

ਰੋਟੀ ਮੇਰਾ ਯਾਰ ਖਾ ਗਿਆ, ਦਾਣੇ ਚੱਬ ਲੈ ਪਤੀਲੇ ਦਿਆ ਢੱਕਣਾ।

ਸੰਯੁਕਤ ਕਿਸਾਨ ਮੋਰਚੇ ਵਲੋਂ 29 ਨਵੰਬਰ ਤੋਂ ਸੰਸਦ ਵਲ ਮਾਰਚ ਕਰਨ ਦਾ ਐਲਾਨ- ਇਕ ਖ਼ਬਰ

ਜਦੋਂ ਕੱਢ ਕੇ ਵਹੀ ਲੇਖਾ ਮੰਗਿਆ, ਫੇਰ ਕੀ ਜਵਾਬ ਦੇਵੇਂਗਾ।

ਸਿੱਧੂ ਤੇ ਚੰਨੀ ਨੇ ਗਿਲੇ-ਸ਼ਿਕਵੇ ਭੁਲਾ ਕੇ ਇਕ ਦੂਜੇ ‘ਚ ਵਿਸ਼ਵਾਸ ਪ੍ਰਗਟ ਕੀਤਾ- ਇਕ ਖ਼ਬਰ

ਚੰਨ ਛੁਪ ਗਿਆ ਟਹਿਕਦੇ ਤਾਰੇ, ਇਕ ਮੰਜੇ ਹੋ ਚਲੀਏ।

ਤੇਲ ਦੀਆਂ ਵਧੀਆਂ ਕੀਮਤਾਂ ਨਾਲ਼ ਇਕੱਠੇ ਹੋਏ ਚਾਰ ਲੱਖ ਪੌਂਡ ਕੇਂਦਰ ਰਾਜਾਂ ਨੂੰ ਵੰਡੇ- ਮਮਤਾ ਬੈਨਰਜੀ

ਇੱਲਾਂ ਦੇ ਆਲ੍ਹਣੇ ‘ਚੋਂ ਮਾਸ ਲੱਭ ਰਹੇ ਹੋ ਬੀਬੀ ਜੀ।

ਰਾਜਪਾਲ ਦੇ ਅਹੁਦੇ ਤੋਂ ਹਟਾਏ ਜਾਣ ਤੋਂ ਨਹੀਂ ਡਰਦਾ- ਸਤਿਆਪਾਲ ਮਲਿਕ

ਤੇਰੀ ਰੰਨ ਦਾ ਨਾ ਭਰਨਾ ਪਾਣੀ, ਤੇਰੀ ਨਾ ਕਨੌੜ ਝੱਲਣੀ।

ਸੁਪਰੀਮ ਕੋਰਟ ਲਖੀਮ ਪੁਰ ਖੀਰੀ ਦੀ ਹੋ ਰਹੀ ਜਾਂਚ ਤੋਂ ਖੁਸ਼ ਨਹੀਂ-ਇਕ ਖ਼ਬਰ

ਸੱਸ ਮੇਰੀ ਦਾ ਐਡਾ ਚੂੜਾ, ਵਿਚੋਂ ਕਿਰਦੀ ਰੇਤ, ਸੱਸੇ ਕੰਜਰੀਏ ਸ਼ੀਸ਼ਾ ਲੈ ਕੇ ਦੇਖ।

ਮਨਜਿੰਦਰ ਸਿਰਸਾ ਨੇ ਸਰਨਾ ਭਰਾਵਾਂ ਤੇ ਜੀ.ਕੇ. ਖ਼ਿਲਾਫ਼ ਜਥੇਦਾਰ ਤੋਂ ਕਾਰਵਾਈ ਮੰਗੀ- ਇਕ ਖ਼ਬਰ

ਲੂਣਾਂ ਅਰਜ਼ ਗੁਜ਼ਾਰੇ ਸਲਵਾਨ ਨੂੰ, ਕਰ ਦੇ ਪੂਰਨ ਜਲਦ ਹਲਾਲ।

07 Nov. 2021

ਯੂ.ਪੀ.’ਚ ਪ੍ਰਿਯੰਕਾ ਗਾਂਧੀ ਦੀ ‘ਹਨੇਰੀ’ ਝੁੱਲਣ ਦਾ ਦਾਅਵਾ- ਇਕ ਖ਼ਬਰ

ਸੀਟੀ ਤੇ ਸੀਟੀ ਵੱਜੇ, ਜਦੋਂ ਮੈਂ ਗਿੱਧੇ ਵਿਚ ਆਈ।

ਮੁਲਾਜ਼ਮਾਂ ਤੇ ਪੈਨਸ਼ਨਰਾਂ ਨੇ ਸਰਕਾਰ ਦੇ ਲਾਰਿਆਂ ਦੀ ਪੰਡ ਫੂਕੀ- ਇਕ ਖ਼ਬਰ

ਤੇਰਾ ਲਾਰਾ ਵੇ ਸ਼ਰਾਬੀਆਂ ਦੀ ਗੱਪ ਵਰਗਾ।

ਪੰਜਾਬ ਵਿਚ ਸਿੱਖਾਂ ਦਾ ਕੋਈ ਧਰਮ ਪ੍ਰੀਵਰਤਨ ਨਹੀਂ ਹੋਇਆ- ਬੀਬੀ ਜਾਗੀਰ ਕੌਰ

ਬੀਬੀ ਜੀ ਆਪਣੀਆਂ ਅੱਖਾਂ ਕਿਸੇ ਚੰਗੇ ਜਿਹੇ ਡਾਕਟਰ ਨੂੰ ਦਿਖਾਉ। 

ਡੀ.ਐੱਸ.ਪੀ. ਨੇ ਧਰਨਾਕਾਰੀ ਕਿਸਾਨਾਂ ਨੂੰ ਦੀਵਾਲੀ ‘ਤੇ ਮਠਿਆਈਆਂ ਵੰਡੀਆਂ-ਇਕ ਖ਼ਬਰ

ਡੀ.ਐਸ.ਪੀ. ਸਿਆਂ ਦੇਖੀਂ ਕਿਤੇ ਤੇਰੇ ‘ਤੇ ਦੇਸ਼-ਧ੍ਰੋਹ ਦਾ ਮੁਕੱਦਮਾ ਹੀ ਨਾ ਦਰਜ ਹੋ ਜਾਵੇ।

ਕੈਪਟਨ ਨੂੰ ਕਿਸਾਨਾਂ ਦੀਆਂ ਸ਼ਹੀਦੀਆਂ ਦਾ ਮੁੱਲ ਨਹੀਂ ਵੱਟਣ ਦਿਆਂਗੇ- ਚੜੂਨੀ

ਟੁੰਡੇ ਕਿਸੇ ਦੇ ਨਾਲ਼ ਕੀ ਯੁੱਧ ਕਰਨਾ, ਲੰਗੜੇ ਸਿਖਰ ਪਹਾੜ ਦੇ ਜਾਣ ਨਾਹੀਂ।

ਬਾਦਲ ਪਰਿਵਾਰ ਨੇ ਸ਼ਹੀਦ ਕਿਸਾਨਾਂ ਦੀ ਯਾਦ ਵਿਚ ਦੀਵੇ ਬਾਲ਼ੇ-ਇਕ ਖ਼ਬਰ

ਪਿੱਛੋਂ ਆਖਦੇ ਰੱਬਾ ਤੂੰ ਸੁਖ ਰੱਖੀਂ, ਲਾ ਕੇ ਰੂਈਂ ਦੇ ਨਾਲ਼ ਅੰਗਾਰਿਆਂ ਨੂੰ।

ਸਰਕਾਰ ਬਣਨ ‘ਤੇ ਦੰਗਾ ਪੀੜਤ ਡੀਵੈਲਪਮੈਂਟ ਬੋਰਡ ਬਣਾਉਣ ਦਾ ਵਾਅਦਾ- ਸੁਖਬੀਰ ਬਾਦਲ

ਹੁਣ ਅੱਕਾਂ ਤੋਂ ਭਾਲ਼ਦੀ ਡੇਲੇ ,ਜੱਟਾਂ ਨੇ ਕਰੀਰ ਪੁੱਟ ਲਏ।

ਨਵਜੋਤ ਸਿੱਧੂ ਦੇ ਮੁੱਦੇ ਤਾਂ ਠੀਕ ਪਰ ਸ਼ਬਦਾਵਲੀ ਗ਼ਲਤ- ਪਰਮਿੰਦਰ ਸਿੰਘ ਢੀਂਡਸਾ

ਆਉਂਦੀ ਜਾਂਦੀ ਨੂੰ ਘੜਾ ਚੁਕਾਉਂਦਾ, ਮਗਰੋਂ ਮਾਰਦਾ ਗੋਡਾ।

ਕਾਂਗਰਸ ਵਲੋਂ ਪ੍ਰਸ਼ਾਂਤ ਕਿਸ਼ੋਰ ਦੀਆਂ ਲਈਆਂ ਜਾ ਸਕਦੀਆਂ ਹਨ ਸੇਵਾਵਾਂ-ਇਕ ਖ਼ਬਰ

ਤੁਸੀਂ ਕਰੋ ਅਸਾਡੀ ਕਾਰੀ ਜੀ, ਹੁਣ ਹੋ ਗਈ ਮੁਸ਼ਕਿਲ ਭਾਰੀ ਜੀ।

ਨਵਜੋਤ ਸਿੱਧੂ ਨੇ ਮੁੜ ਕੈਪਟਨ ਅਮਰਿੰਦਰ ਸਿੰਘ ‘ਤੇ ਸੇਧਿਆ ਨਿਸ਼ਾਨਾ- ਇਕ ਖ਼ਬਰ

ਜਾਮਨੂੰ ਦੀ ਗਿਟਕ ਜਿਹਾ, ਮੇਰੇ ਸਾਹਮਣੇ ਧੜਾ ਧੜ ਬੋਲੇ।

ਮੀਂਹ ਪੈਣ ‘ਤੇ ਸਮਾਰਟ ਸਕੂਲ ’ਚ ਗੋਡੇ ਗੋਡੇ ਪਾਣੀ ਫਿਰਦੈ- ਇਕ ਖ਼ਬਰ

ਸੁਖਬੀਰ ਦੀ ਪਾਣੀ ਵਾਲ਼ੀ ਬਸ ਲੈ ਲਉ ਬਈ, ਵਿਹਲੀ ਹੀ ਖੜ੍ਹੀ ਐ।

ਬਿਜਲੀ ਸਮਝੌਤੇ ਰੱਦ ਕਰਨੇ ਏਨੇ ਸੌਖੇ ਨਹੀਂ- ਸੁਖਬੀਰ ਬਾਦਲ

ਇੰਜ ਕਹੋ ਕੇ ਸਾਡੀਆਂ ਦਿੱਤੀਆਂ ਗੰਢਾਂ ਖੋਲ੍ਹਣੀਆਂ ਏਨੀਆਂ ਸੌਖੀਆਂ ਨਹੀਂ।

ਸਰਕਾਰ ਨੇ ਬਿਜਲੀ ਸਸਤੀ ਕਰਨ ਦੇ ਨਾਂ ‘ਤੇ ਪੰਜਾਬੀਆਂ ਨਾਲ਼ ਧੋਖਾ ਕੀਤਾ- ਅਮਨ ਅਰੋੜਾ

ਸੱਸ ਪਿੱਟਣੀ ਪੰਜੇਬਾਂ ਪਾ ਕੇ, ਜੱਗ ਭਾਵੇਂ ਕਰੇ ਨਿੰਦਿਆ।

ਚੰਨੀ ਨੇ ਅੱਧਾ ਪੰਜਾਬ ਬੀ.ਐੱਸ.ਐੱਫ. ਹਵਾਲੇ ਕੀਤਾ- ਹਰਸਿਮਰਤ ਬਾਦਲ

ਜਿਹਨੀਂ ਸਾਰਾ ਪੰਜਾਬ ਲੁੱਟਿਆ ਕੁਝ ਉਨ੍ਹਾਂ ਬਾਰੇ ਵੀ ਕਹੋ ਬੀਬੀ ਜੀ।

ਸੋਨੀਆ ਗਾਂਧੀ ਨੇ ਕੈਪਟਨ ਅਮਰਿੰਦਰ ਸਿੰਘ ਦਾ ਅਸਤੀਫ਼ਾ ਕੀਤਾ ਮੰਨਜ਼ੂਰ-ਇਕ ਖ਼ਬਰ

ਜੱਗ ਜੰਕਸ਼ਨ ਰੇਲਾਂ ਦਾ, ਗੱਡੀ ਇਕ ਆਵੇ ਇਕ ਜਾਵੇ।
                                                                                                    

ਅਖੀਰ ਕੈਪਟਨ ਨੇ ਆਪਣੀ ਵੱਖਰੀ ਪਾਰਟੀ ਬਣਾ ਹੀ ਲਈ- ਇਕ ਖ਼ਬਰ

ਬੁੱਢੀ ਘੋੜੀ, ਲਾਲ ਲਗਾਮ।  

31 OCT. 2021

ਪੰਜਾਬ ਨੂੰ ਆਪਣੇ ਅਸਲੀ ਮੁੱਦਿਆਂ ਵਲ ਵਾਪਸ ਆਉਣਾ ਹੀ ਪਵੇਗਾ- ਨਵਜੋਤ ਸਿੱਧੂ

ਵੀਰ ਵੇ ਮੁਰੱਬੇ ਵਾਲਿਆ, ਮੇਰਾ ਆਰਸੀ ਬਿਨਾਂ ਹੱਥ ਖਾਲੀ।

ਕਾਂਗਰਸ ਵਿਚ ਰਹਿਣ ਦਾ ਹੁਣ ਕੋਈ ਇਰਾਦਾ ਨਹੀਂ- ਕੈਪਟਨ

ਤੇਰੀ ਸਾਡੀ ਵੱਸ ਵੇ, ਹੁਣ ਮੈਂ ਨਾ ਤੇਰੇ ਰਹਿੰਦੀ।

ਰਿਜ਼ਰਵ ਬੈਂਕ ਦੇ ਗਵਰਨਰ ਦਾ ਕਾਰਜਕਾਲ ਤਿੰਨ ਸਾਲ ਵਧਾਇਆ- ਇਕ ਖ਼ਬਰ

ਆ ਵੇ ਨਾਜਰਾ ਜਾਹ ਵੇ ਨਾਜਰਾ, ਬੋਤਾ ਬੰਨ੍ਹ ਦਰਵਾਜ਼ੇ।

ਪੰਜਾਬ ਵਿਚ ਮਾਫ਼ੀਆ ਰਾਜ ਦੇ ਦਿਨ ਪੁੱਗੇ- ਚੰਨੀ

ਹੌਲ਼ੀ ਹੌਲ਼ੀ ਨੱਚ, ਜੰਡਿਆਲ਼ਾ ਨੇੜੇ ਈ ਆ।

ਸਰਕਾਰ ਨੇ ਕਿਸਾਨਾਂ ਨੂੰ ਰੋਕਣ ਲਈ ਲਗਾਏ ਹੋਏ ਨਾਕੇ ਢਾਉਣੇ ਸ਼ੁਰੂ ਕੀਤੇ-ਇਕ ਖ਼ਬਰ

ਹੱਥਾਂ ਨਾਲ਼ ਬਣਾਇਆ ਸੀ, ਪੈਰਾਂ ਨਾਲ਼ ਢਾਇਆ ਸੀ।

ਬਾਦਲ ਨੂੰ ਹੁਸ਼ਿਆਰਪੁਰ ਦੀ ਅਦਾਲਤ ‘ਚ ਪੇਸ਼ ਹੋਣ ਲਈ ਸੰਮਨ- ਇਕ ਖ਼ਬਰ

ਮੈਨੂੰ ਗਿੱਧੇ ਵਿਚ ਬਹੁਤਾ ਨਾ ਨਚਾਉ, ਪਿੰਡ ਮੇਰੇ ਸਹੁਰਿਆਂ ਦਾ।

ਪੈਗਾਸਸ: ਇਸਰਾਇਲੀ ਰਾਜਦੂਤ ਨੇ ਪਾਸਾ ਵੱਟਿਆ- ਇਕ ਖ਼ਬਰ

ਅੱਗ ਲਾਈ ਡੱਬੂ ਰੂੜੀਆਂ ‘ਤੇ।

ਪੰਜਾਬ ਕਾਂਗਰਸ ‘ਚ ਇਸ ਤਰ੍ਹਾਂ ਦਾ ਕਾਟੋ-ਕਲੇਸ਼ ਪਹਿਲਾਂ ਕਦੀ ਨਹੀਂ ਦੇਖਿਆ- ਮਨੀਸ਼ ਤਿਵਾੜੀ

ਕੂੰਡੇ ਟੁੱਟ ਗਏ ਘੋਟਣੇ ਭੱਜ ਗਏ, ਤਕੀਏ ਮਲੰਗ ਲੜ ਪਏ।

ਭਾਜਪਾ ਦੇ ਇਸ਼ਾਰੇ ‘ਤੇ ਕਿਸਾਨ ਅੰਦੋਲਨ ਨੂੰ ਬਦਨਾਮ ਕਰ ਰਹੇ ਹਨ ਕੈਪਟਨ ਅਮਰਿੰਦਰ ਸਿੰਘ-ਡੱਲੇਵਾਲ

ਚੁੱਕੀ ਹੋਈ ਪੰਚਾਂ ਦੀ, ਗਾਲ਼ ਬਿਨਾਂ ਨਾ ਬੋਲੇ।

ਪੰਜਾਬ ਸਰਕਾਰ ਨੇ ਕੈਪਟਨ ਦੀ ਰਿਹਾਇਸ਼ ਦੁਆਲਿਓਂ ਸੁਰੱਖਿਆ ਮੁਲਾਜ਼ਮ ਹਟਾਏ- ਇਕ ਖ਼ਬਰ

ਜਿਧਰ ਗਈਆਂ ਬੇੜੀਆਂ, ਉਧਰ ਗਏ ਮਲਾਹ।

70 ਸਾਲ ਤੋਂ  ਕਿਸਾਨਾਂ ਨਾਲ਼ ਬੇਇਨਸਾਫ਼ੀ ਹੋ ਰਹੀ ਹੈ, ਖੇਤੀ ਕਾਨੂੰਨਾਂ ਦਾ ਵਿਰੋਧ ਜਾਇਜ਼-ਮਲਿਕ

ਹੱਥ ਪਕੜ ਜੁੱਤੀ ਮੋਢੇ ਮਾਰ ਬੁੱਕਲ਼ , ਰਾਂਝਾ ਹੋ ਤੁਰਿਆ ਵਾਰਸ ਸ਼ਾਹ ਜੇਹਾ।

ਦਿੱਲੀ ਹਾਈਕੋਰਟ ਵਲੋਂ ਲਾਲਾ ਰਾਮਦੇਵ ਨੂੰ ਸੰਮਨ- ਇਕ ਖ਼ਬਰ

ਦਾਰੂ ਨਾ ਕਿਤਾਬ ਨਾ ਹੱਥ ਸ਼ੀਸ਼ੀ, ਆਖ ਕਾਹੇ ਦਾ ਵੈਦ ਸਦਾਉਂਦਾ ਏਂ।

ਸਰਨਾ ਗੁਰਦੁਆਰਿਆਂ ‘ਤੇ ਸਰਕਾਰੀ ਕਬਜ਼ੇ ਕਰਵਾਉਣੇ ਚਾਹੁੰਦੈ- ਮਨਜਿੰਦਰ ਸਿਰਸਾ

ਹੁਣ ਅੱਕਾਂ ਤੋਂ ਭਾਲ਼ਦੀ ਡੇਲੇ, ਜੱਟਾਂ ਨੇ ਕਰੀਰ ਪੁੱਟ ਲਏ।

ਕਾਂਗਰਸ ਦੀ ਮਜ਼ਬੂਤੀ ਲਈ ਨਿੱਜੀ ਹਿੱਤ ਛੱਡਣ ਆਗੂ- ਸੋਨੀਆ ਗਾਂਧੀ

ਜੇ ਰੁੱਖਾ ਹੀ ਖਾਣੈ, ਤਾਂ ਤੇਲੀ ਜ਼ਰੂਰ ਕਰਨੈ।

ਭਾਜਪਾ ਦੀ ਬੋਲੀ ਬੋਲਣ ਵਾਲ਼ੇ ਕੈਪਟਨ ਨੂੰ ‘ਛਾਂਗੇ’ ਕਾਂਗਰਸ- ਜਰਨੈਲ ਸਿੰਘ

ਲੁਕ ਛਿਪ ਲਾਈਆਂ ਪਰਗਟ ਹੋਈਆਂ, ਵੱਜ ਗਏ ਢੋਲ ਨਗਾਰੇ।

ਕੈਪਟਨ ਅਮਰਿੰਦਰ ਸਿੰਘ ਚੱਲਿਆ ਹੋਇਆ ਕਾਰਤੂਸ- ਨਵਜੋਤ ਸਿੱਧੂ

ਮੁੰਡਾ ਭੰਨਦਾ ਕਿਰਕ ਨਹੀਂ ਕਰਦਾ, ਮੇਰੀਆਂ ਬਰੀਕ ਚੂੜੀਆਂ।

25 OCT. 2021

ਰੈਲੀ ‘ਚ ਅਕਾਲੀ ਆਗੂਆਂ ਦੀਆਂ ਜੇਬਾਂ ਕੱਟੀਆਂ ਗਈਆਂ- ਇਕ ਖ਼ਬਰ

ਕਦੀ ਦਾਦੇ ਦੀਆਂ, ਕਦੇ ਪੋਤੇ ਦੀਆਂ।

ਅਕਾਲੀ ਦਲ ਨੇ ਹਮੇਸ਼ਾ ਪੰਜਾਬ ਦੇ ਹਿਤਾਂ ਦੀ ਰਾਖੀ ਕੀਤੀ- ਹਰਸਿਮਰਤ ਬਾਦਲ

ਪੰਜਾਬ ਨੂੰ ਕੰਗਾਲ ਕਰ ਕੇ।

ਅਰੂਸਾ ਬਦਲੇ ਕੈਪਟਨ ਅਤੇ ਸੁਖਜਿੰਦਰ ਬਾਜਵਾ ਮਿਹਣੋ ਮਿਹਣੀ- ਇਕ ਖ਼ਬਰ

ਜੱਗੇ ਬੱਗੇ ਦੀ ਗੰਡਾਸੀ ਖੜਕੇ, ਬੰਤੋ ਨਾਰ ਬਦਲੇ।

ਕੋਰੋਨਾ ਕਾਲ ‘ਚ ਕਿਸਾਨਾਂ ਨੇ ਸੰਭਾਲੀ ਸੀ ਦੇਸ਼ ਦੀ ਅਰਥ ਵਿਵਸਥਾ- ਨਰਿੰਦਰ ਮੋਦੀ

ਕੀ ਇਸੇ ਕਰ ਕੇ ਕਿਸਾਨ ਸੜਕਾਂ ‘ਤੇ ਰੋਲ਼ੇ ਜਾ ਰਹੇ ਹਨ?

ਨਿਹੰਗ ਅਮਨ ਸਿੰਘ ਦਾ ਬੁੱਢਾ ਦਲ ਨਾਲ਼ ਕੋਈ ਸਬੰਧ ਨਹੀਂ- ਬਾਬਾ ਮਾਨ ਸਿੰਘ

ਉਡ ਕੇ ਚਿੰਬੜ ਗਿਆ, ਕਿਸੇ ਚੰਦਰੀ ਵਾੜ ਦਾ ਛਾਪਾ।

ਟਰੰਪ ਵਲੋਂ ਆਪਣਾ ਹੀ ਸੋਸ਼ਲ ਮੀਡੀਆ ਮੰਚ ਸ਼ੁਰੂ ਕਰਨ ਦਾ ਐਲਾਨ- ਇਕ ਖ਼ਬਰ

ਘੜਾ ਚੁੱਕ ਲਊਂ ਪੱਟਾਂ ‘ਤੇ ਹੱਥ ਧਰ ਕੇ, ਖਸਮਾਂ ਨੂੰ ਖਾਣ ਕੁੜੀਆਂ।

ਇਮਰਾਨ ਖ਼ਾਨ ਨੇ ਤੋਹਫ਼ੇ ‘ਚ ਮਿਲੀ ਘੜੀ ਦਸ ਲੱਖ ਡਾਲਰ ਦੀ ਵੇਚੀ-ਇਕ ਖ਼ਬਰ

ਘਰ ਦੇ ਭਾਂਡੇ ਵੇਚ ਗਿਆ, ਮਰ ਜਾਣਾ ਅਮਲੀ।

ਮੈਂ ਚੋਣ ਲੜਨੀ ਏਂ ਜਾਂ ਨਹੀਂ, ਇਸ ਦਾ ਫ਼ੈਸਲਾ ਪਾਰਟੀ ਕਰੇਗੀ- ਪ੍ਰਕਾਸ਼ ਸਿੰਘ ਬਾਦਲ

ਕਿਹੜੀ ਪਾਰਟੀ ਬਾਦਲ ਸਾਬ?

ਰੇਹੜੀ ‘ਤੇ ਚਾਟ ਖਾ ਕੇ ਸੁਖਬੀਰ ਬਾਦਲ ਨੇ ਆਮ ਆਦਮੀ ਬਣਨ ਦੀ ਕੋਸ਼ਿਸ਼ ਕੀਤੀ- ਇਕ ਖ਼ਬਰ

ਸੁਖਬੀਰ ਸਿਆਂ ਤੇਰੇ ਕੋਲੋਂ ‘ਚੰਨੀ’ ਨਹੀਂ ਬਣਿਆਂ ਜਾਣਾ।

ਕਸ਼ਮੀਰ ‘ਚ ਹਿੰਸਾ ਰੋਕਣ ‘ਚ ਨਾਕਾਮ ਰਹੀ ਹੈ ਮੋਦੀ ਸਰਕਾਰ- ਰਾਹੁਲ ਗਾਂਧੀ

ਹਿੰਸਾ ਰੁਕ ਗਈ ਤਾਂ ਕੀ ਸਰਕਾਰ ਫਿਰ ਟੱਲੀਆਂ ਵਜਾਏਗੀ, ਰਾਹੁਲ ਸਾਬ!

ਸਿੰਘੂ ਘਟਨਾ ਦੀ ਜਾਂਚ ਲਈ ਸ਼੍ਰੋਮਣੀ ਕਮੇਟੀ ਨੇ ਟੀਮ ਬਣਾਈ- ਇਕ ਖ਼ਬਰ

ਹੁਣ ਤਾਈਂ ਬਣਾਈਆਂ ਕਮੇਟੀਆਂ ਦਾ ਹਿਸਾਬ ਤਾਂ ਦੇ ਦਿੰਦੇ ਪਹਿਲਾਂ ਬੀਬੀ ਜੀ!

ਕੈਪਟਨ ਸ਼ੁਰੂ ਤੋਂ ਹੀ ਭਾਜਪਾ ਨਾਲ਼ ਮਿਲ ਕੇ ਚਲ ਰਹੇ ਸਨ- ਹਰਸਿਮਰਤ ਬਾਦਲ

ਬੀਬੀ ਜੀ ਇੰਜ ਕਹੋ ਕਿ ਕੈਪਟਨ ਭਾਜਪਾ ਤੇ ਬਾਦਲਾਂ ਨਾਲ਼ ਮਿਲ ਕੇ ਚਲ ਰਹੇ ਸਨ।

ਲਖੀਮ ਪੁਰ ਮਾਮਲੇ ‘ਚ ਸੁਪਰੀਮ ਕੋਰਟ ਨੇ ਫਿਰ ਯੂ.ਪੀ. ਸਰਕਾਰ ਨੂੰ ਪਾਈ ਝਾੜ- ਇਕ ਖ਼ਬਰ

ਦੋ ਪਈਆਂ ਕਿੱਧਰ ਗਈਆਂ ਸਦਕਾ ਢੂਈ ਦਾ।

ਭਾਜਪਾ ਨਾਲ਼ ਗੱਠਜੋੜ ‘ਚ ਕੁਝ ਵੀ ਗ਼ਲਤ ਨਹੀਂ- ਅਮਰਿੰਦਰ ਸਿੰਘ

ਗੱਠਜੋੜ ਤਾਂ ਪਹਿਲਾਂ ਹੀ ਸੀ ਹੁਣ ਆਂ ਬਸ ਰਸਮ ਹੀ ਨਿਭਾਉਣੀ ਹੈ।

ਚੰਨੀ ਨੂੰ ਆਗਾਮੀ ਚੋਣਾਂ ‘ਚ ਮੁੱਖ ਮੰਤਰੀ ਐਲਾਨਣ ਦੀ ਮੰਗ ਉੱਠੀ- ਇਕ ਖ਼ਬਰ

ਜਿਹੜਾ ਮੂਹਰਲੀ ਗੱਡੀ ਦਾ ਬਾਬੂ, ਉਹੀਓ ਮੇਰਾ ਵੀਰ ਕੁੜੀਓ।

18 OCT. 2021

ਅਗਾਊਂ ਜ਼ਮਾਨਤ ਦੇਣ ਤੋਂ ਪਹਿਲਾਂ ਅਦਾਲਤ ਅਪਰਾਧ ਦੀ ਗੰਭੀਰਤਾ ਦੇਖੇ- ਸੁਪਰੀਮ ਕੋਰਟ

ਨਾ ਜੀ ਨਾ ! ਅਦਾਲਤ ਪਹਿਲਾਂ ਅਪਰਾਧੀ ਦੀ ਹੈਸੀਅਤ ਦੇਖੇ !

ਮੈਂ ਹੀ ਹਾਂ ਕਾਂਗਰਸ ਦੀ ਸਥਾਈ ਪ੍ਰਧਾਨ- ਸੋਨੀਆ ਗਾਂਧੀ

ਜੱਟੀ ਪੰਦਰਾਂ ਮੁਰੱਬਿਆਂ ਵਾਲ਼ੀ, ਵੱਟਾਂ ਉੱਤੇ ਫਿਰੇ ਮੇਲ੍ਹਦੀ।

ਪ੍ਰੱਗਿਆ ਠਾਕੁਰ ਦੀ ਕਬੱਡੀ ਖੇਡਦੀ ਤੇ ਡਾਂਸ ਕਰਦੀ ਦੀ ਵੀਡੀਓ ਵਾਇਰਲ- ਇਕ ਖ਼ਬਰ

ਗੋਰੇ ਰੰਗ ‘ਤੇ ਝਰੀਟਾਂ ਵੱਜੀਆਂ, ਬੇਰੀਆਂ ਦੇ ਬੇਰ ਖਾਣੀਏਂ।

ਪੰਜਾਬ ਵਿਚ ਰਾਜਸੀ ਪਾਰਟੀ ਬਣਾਉਣਗੇ ਚੜੂਨੀ- ਇਕ ਖ਼ਬਰ

ਛੂਟਤੀ ਨਹੀਂ ਹੈ ਕਾਫ਼ਿਰ, ਮੂੰਹ ਕੋ ਲਗੀ ਹੂਈ।

ਪੰਜਾਬ ਦੇ ਅਧਿਕਾਰਾਂ ਦੀ ਰੱਖਿਆ ਕਰਨ ‘ਚ ਫੇਲ੍ਹ ਮੁੱਖ ਮੰਤਰੀ ਚੰਨੀ ਦੇਣ ਅਸਤੀਫ਼ਾ- ਸੁਖਬੀਰ

ਸੁਣ ਲੈ ਨਿਹਾਲੀਏ ਚੋ...ਦੀਆਂ ਗੱਲਾਂ।

ਨਸ਼ਾ ਅਡਾਨੀ ਦੀ ਬੰਦਰਗਾਹ ਤੋਂ ਫੜਿਆ ਤੇ ਹਮਲਾ ਪੰਜਾਬ ‘ਤੇ ਬੋਲ ਦਿੱਤਾ- ਖਾਲੜਾ ਮਿਸ਼ਨ

ਆਂਡੇ ਕਿਤੇ ਤੇ ਕੁੜ ਕੁੜ ਕਿਤੇ।

ਪੰਜਾਬ ਅੰਦਰ 50 ਕਿਲੋਮੀਟਰ ਤੱਕ ਕਾਰਵਾਈ ਕਰਨ ਦੇ ਅਧਿਕਾਰ ਮਿਲੇ ਬੀ.ਐਸ.ਐਫ. ਨੂੰ-ਇਕ ਖ਼ਬਰ

ਚੰਨੀ ਸਾਹਿਬ ਗਏ ਸੀ ਨਮਾਜ਼ ਬਖ਼ਸ਼ਵਾਉਣ ਤੇ ਉਲਟਾ ਰੋਜ਼ੇ ਗਲ਼ ਪੈ ਗਏ।

ਈਸਾਈ ਮਿਸ਼ਨਰੀਆਂ ਵਲੋਂ ਸਿੱਖਾਂ ਦਾ ਧਰਮ ਪ੍ਰੀਵਰਤਨ ਕਰਵਾਇਆ ਜਾ ਰਿਹੈ- ਜਥੇਦਾਰ

ਜਥੇਦਾਰ ਜੀ, ਇਹ ਕਿਸ ਦੀ ਨਾਲਾਇਕੀ ਕਰ ਕੇ ਹੋ ਰਿਹੈ, ਜ਼ਰਾ ਇਹ ਵੀ ਦੱਸਣਾ ਜੀ।

ਮੁੱਦਿਆਂ ਦੇ ਮਾਮਲੇ ‘ਤੇ ਕੋਈ ਸਮਝੌਤਾ ਨਹੀਂ ਕਰਾਂਗਾ- ਸਿੱਧੂ

ਜਿਸ ਪੱਲੇ ਫੁੱਲ ਬੱਧੇ ਹੋਵਣ, ਆਵੇ ਬਾਸ ਰੁਮਾਲੋਂ।

ਲਖੀਮ ਪੁਰ ਖੀਰੀ ਦੀ ਘਟਨਾ ਨੂੰ ਇਸ ਕਰ ਕੇ ਨਹੀਂ ਚੁੱਕਣਾ ਚਾਹੀਦਾ ਕਿ ਉੱਥੇ ਭਾਜਪਾ ਦੀ ਸਰਕਾਰ ਹੈ- ਸੀਤਾਰਮਣ

ਜਦੋਂ ਸੱਚੀਆਂ ਸੁਣਾਈਆਂ ਨੀਂ, ਬੜਾ ਦੁਖ ਲੱਗਿਆ ਬੜਾ ਦੁਖ ਲੱਗਿਆ।

ਭਾਜਪਾ ਕਾਰਜਕਾਰਨੀ ‘ਚੋਂ ਬਾਹਰ ਹੋਣ ਨਾਲ ਕੋਈ ਫ਼ਰਕ ਨਹੀਂ ਪੈਂਦਾ- ਮੇਨਕਾ ਗਾਂਧੀ

ਨੀਂ ਐਡਾ ਤੇਰਾ ਕਿਹੜਾ ਦਰਦੀ, ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।

ਮੈਜਿਸਟਰੇਟ ਨੇ ਅਸ਼ੀਸ਼ ਮਿਸ਼ਰਾ ਨੂੰ ਰਿਮਾਂਡ ਦੌਰਾਨ ਤੰਗ ਪ੍ਰੇਸ਼ਾਨ ਨਾ ਕਰਨ ਲਈ ਪੁਲਿਸ ਨੂੰ ਕਿਹਾ- ਇਕ ਖ਼ਬਰ

ਕਾਸ਼ ਕਿ ਇਹ ਹੁਕਮ ਭਾਰਤ ਦੀ ਸਾਰੀ ਪੁਲਿਸ ‘ਤੇ ਲਾਗੂ ਹੋਵੇ।

ਗਰੀਬਾਂ ਦੀ ਭਲਾਈ ਲਈ ਕੰਮ ਕਰ ਰਹੀ ਹੈ ਸਰਕਾਰ-ਅਮਿਤ ਸ਼ਾਹ

ਤਾਂ ਹੀ ਭਾਰਤ ਦਾ ਭੁੱਖਮਰੀ ਇੰਡੈਕਸ 94 ਤੋਂ 101 ‘ਤੇ ਪਹੁੰਚ ਗਿਆ। 

ਅਜੇ ਤੱਕ ਵੀ ਸੌਦਾ ਸਾਧ ਵਿਰੁੱਧ ਬਾਦਲਾਂ ਅਤੇ ਸ਼੍ਰੋਮਣੀ ਕਮੇਟੀ ਦਾ ਮੂੰਹ ਬੰਦ ਕਿਉਂ?- ਭਾਈ ਮਾਝੀ

ਕਾਲ਼ਾ ਦਿਉਰ ਕੱਜਲ ਦੀ ਧਾਰੀ, ਅੱਖੀਆਂ ‘ਚ ਪਾਈ ਰੱਖਦੀ।

ਭਾਜਪਾ ਦੀ ਸ਼ਹਿ ‘ਤੇ ਸੁਖਬੀਰ ਬਾਦਲ ਸਿਆਸੀ ਰੈਲੀਆਂ ਕਰ ਰਿਹੈ- ਰਾਜੇਵਾਲ

ਬਿੱਲੋ ਚੱਜ ਨਾ ਵਸਣ ਦੇ ਤੇਰੇ, ਕੱਤਣੀਂ ‘ਚ ਰੱਖੇਂ ਰਿਉੜੀਆਂ।

10 OCT. 2021

ਕੀ ਲਖੀਮਪੁਰ ਖੀਰੀ ਦੇ ਕਿਸਾਨਾਂ ਨਾਲ ਹੋਏ ਜ਼ੁਲਮ ‘ਤੇ ਪ੍ਰਧਾਨ ਮੰਤਰੀ ਨੂੰ ਕੋਈ ਦੁਖ ਨਹੀਂ?-ਆਪ ਪਾਰਟੀ ਦਾ ਸਵਾਲ

ਯਾਰ ਪ੍ਰਧਾਨ ਮੰਤਰੀ ਨੂੰ ਕੰਮ ਦਾ ਸਵਾਲ ਪੁੱਛੋ, ਉਹਦੇ ਮੋਰ ਕੀ ਖਾਂਦੇ, ਉਹਦੇ ਤੋਤੇ ਕੀ ਖਾਂਦੇ। 

ਭਾਜਪਾ ਆਪਣੇ ਆਗੂਆਂ ਦੇ ਅਪਰਾਧ ਲੁਕੋ ਲੈਂਦੀ ਹੈ-ਅਖਿਲੇਸ਼

ਭਗਤੇ ਨੂੰ ਖੰਡ ਪਾ ਦਿਉ, ਐਰ ਗ਼ੈਰ ਨੂੰ ਸ਼ੱਕਰ ਦਾ ਦਾਣਾ। 

ਰਾਜ ਧਰਮ ਨਿਭਾਉਂਦਿਆਂ ਪ੍ਰਧਾਨ ਮੰਤਰੀ ਅਜੈ ਮਿਸ਼ਰਾ ਨੂੰ ਵਜ਼ਾਰਤ ‘ਚੋਂ ਲਾਂਭੇ ਕਰੇ- ਕਾਂਗਰਸ

ਰਾਜ ਧਰਮ ਤਾਂ ਮਰਹੂਮ ਵਾਜਪਾਈ ਨੇ ਵੀ ਸਮਝਾਇਆ ਸੀ ਪਰ ਖਾਨੇ ਨਹੀਂ ਸੀ ਪਿਆ। 

ਸੜਕਾਂ ਦੀ ਬਜਾਇ ਭਾਜਪਾ ਨੇਤਾਵਾਂ ਦੇ ਘਰਾਂ ਦੀ ਸਫ਼ਾਈ ਕਰਦੇ ਨੇ ਸਫ਼ਾਈ ਕਰਮਚਾਰੀ- ‘ਆਪ’ ਵਿਧਾਇਕ

75 ਸਾਲਾਂ ਤੋਂ ਇਹੀ ਹੋ ਰਿਹੈ, ਪਹਿਲਾਂ ਕਾਂਗਰਸੀਆਂ ਦੇ ਹੁਣ ਭਾਜਪਾ ਦੇ ਘਰਾਂ ‘ਚ।  

ਮੰਤਰੀ ਦੇ ਹਲਕੇ ਵਿਚ ਖੜ੍ਹੇ ਪਾਣੀ ਵਿਚ ਹੀ ਬਣਾ ਦਿਤੀ ਸੜਕ- ਇਕ ਖ਼ਬਰ

ਸ਼ੁਕਰ ਐ ਪਾਣੀ ‘ਚ ਬਣਾਈ ਇਥੇ ਤਾਂ ਹਵਾ ਵਿਚ ਵੀ ਸੜਕਾਂ ਬਣਾ ਦਿੰਦੇ ਆ ਅਗਲੇ। 

ਪੰਜਾਬ ਪੁਲਿਸ ਵਲੋਂ ਜ਼ਬਤ ਡਰੱਗ ਨੂੰ ਨਸ਼ਟ ਨਾ ਕਰਨ ‘ਤੇ ਹਾਈ ਕੋਰਟ ਸਖ਼ਤ- ਇਕ ਖ਼ਬਰ

ਹਾਈ ਕੋਰਟ ਜੀ ਜੇ ਡਰੱਗ ਨਸ਼ਟ ਕਰ ਦਿੱਤੀ ਤਾਂ ਉਸ ਦੀ ਰੀਸਾਈਕਲਿੰਗ ਕਿਵੇਂ ਹੋਵੇਗੀ?

ਪ੍ਰਿਯੰਕਾ ਪਿੱਛੇ ਨਹੀਂ ਹਟੇਗੀ, ਅਸੀਂ ਅੰਨਦਾਤਾ ਨੂੰ ਜਿਤਾ ਕੇ ਰਹਾਂਗੇ- ਰਾਹੁਲ

ਇਹਨੂੰ ਨਰਮ ਕੁੜੀ ਨਾ ਜਾਣੀ, ਲੜ ਜੂ ਭਰਿੰਡ ਬਣ ਕੇ।

ਲਖੀਮਪੁਰ ਖੀਰੀ ਘਟਨਾ ਬਾਰੇ ਸ਼ਾਹ ਨੂੰ ਮਿਲੇਗਾ ਬਾਦਲ ਅਕਾਲੀ ਦਲ ਦਾ ਵਫ਼ਦ- ਇਕ ਖ਼ਬਰ

ਕਿਉਂ ਲਖੀਮਪੁਰ ਜਾਣ ਲਈ ਪੈਰਾਂ ਨੂੰ ਮਹਿੰਦੀ ਲੱਗੀ ਹੋਈ ਐ!

ਭਾਰਤ ਅਤੇ ਅਮਰੀਕਾ ਨੂੰ ਜੋੜਨ ਵਾਲੇ ਧਾਗੇ ਬਹੁਤ ਡੂੰਘੇ ਤੇ ਮਜ਼ਬੂਤ- ਸੰਧੂ

ਸੁੱਤੀ ਸੱਸੀ ਨੂੰ ਧੋਖਾ ਇਹ ਦੇ ਜਾਂਦੇ, ਊਠਾਂ ਵਾਲੇ ਨਹੀਂ ਕਿਸੇ ਦੇ ਯਾਰ ਹੁੰਦੇ।

ਲਖੀਮਪੁਰ ਖੀਰੀ ਘਟਨਾ ‘ਤੇ ਪੰਜਾਬ ਭਾਜਪਾ ਨੇ ਚੁੱਪ ਧਾਰੀ- ਇਕ ਖ਼ਬਰ

ਚੋਰ ਦੀ ਮਾਂ, ਕੋਠੀ ‘ਚ ਮੂੰਹ।

ਕੈਪਟਨ ਅਮਰਿੰਦਰ ਸਿੰਘ ਮੁੜ ਦਿੱਲੀ ਨੂੰ ਗਏ-ਇਕ ਖ਼ਬਰ

ਮੁੜ ਆ ਘਰ ਨੂੰ ਵੇ, ਨਹੀਂ ਲੱਭਣੀ ਪ੍ਰਤਾਪੀ।

ਪੰਜਾਬ ਵਿਚ ਸਰਕਾਰ ਨਾਮ ਦੀ ਕੋਈ ਚੀਜ਼ ਨਹੀਂ- ਬੀਬੀ ਜਗੀਰ ਕੌਰ

ਬੀਬੀ ਜੀ, ਸ਼੍ਰੋਮਣੀ ਕਮੇਟੀ ਵਿਚ ਵੀ ਸ਼੍ਰੋਮਣੀ ਨਾਮ ਦੀ ਕੋਈ ਚੀਜ਼ ਨਹੀਂ।

ਪੰਜਾਬ ਦੇ ਤਿੰਨ ਵੱਡੇ ਦੂਰਦਰਸ਼ਨ ਟੀ.ਵੀ. ਟਾਵਰਾਂ ਨੂੰ ਕੇਂਦਰ ਵਲੋਂ ਬੰਦ ਕਰਨ ਦੇ ਹੁਕਮ- ਇਕ ਖ਼ਬਰ

ਪੰਜਾਬੀ ਦੇ ਪ੍ਰੋਗਰਾਮ ਉਨ੍ਹਾਂ ਦੀ ਹਿੱਕ ਵਿਚ ਗੋਲ਼ੀ ਵਾਂਗ ਵੱਜਦੇ ਐ ਬਈ। 

1300 ਕਰੋੜ ਦੀਆਂ ਏਅਰਪੋਰਟ ਜਾਇਦਾਦਾਂ ਅਡਾਨੀ ਨੂੰ 500 ਕਰੋੜ ‘ਚ ਵੇਚੀਆਂ-ਇਕ ਖ਼ਬਰ

ਅਸਾਂ ਜੇਠ ਨੂੰ ਲੱਸੀ ਨਹੀਂ ਦੇਣੀ, ਦਿਉਰ ਭਾਵੇਂ ਦੁੱਧ ਪੀ ਲਵੇ।

ਕਿਸਾਨਾਂ ਦੀਆਂ ਮੌਤਾਂ ਲਈ ਮੋਦੀ ਜ਼ਿੰਮੇਵਾਰ- ਸੁਖਬੀਰ ਬਾਦਲ

ਆਪਣਾ ਨਾਮ ਵੀ ਸ਼ਾਮਲ ਕਰੋ ਨਾਲ ਬਾਦਲ ਸਾਬ੍ਹ।

ਬਾਦਲਾਂ ਕਰ ਕੇ ਹੀ ਅੱਜ ਕਿਸਾਨ ਸੰਤਾਪ ਭੋਗ ਰਹੇ ਹਨ- ਜਸਮੀਤ ਸਿੰਘ ਪੀਤਮਪੁਰਾ

ਵਕਤੋਂ ਮੈਂ ਖੁੰਝ ਗਈ, ਘੜਾ ਦੇਖ ਨਾ ਲਿਆ ਟੁਣਕਾ ਕੇ।

03 OCT. 2021

ਨਵੀਂ ਸਿਆਸੀ ਪਾਰਟੀ ਬਣਾ ਕੇ ਪੰਜਾਬ ਵਿਧਾਨ ਸਭਾ ਦੀਆਂ ਚੋਣਾਂ ਲੜਾਂਗੇ- ਚੜੂਨੀ

ਮੇਲਾ ਛੜਿਆਂ ਦਾ, ਵੇਖ ਚੁਬਾਰੇ ਚੜ੍ਹ ਕੇ।

ਅਕਾਲ ਤਖ਼ਤ ਦੇ ਜਥੇਦਾਰ ਨੇ ਬੇਅਦਬੀ ਦੀਆਂ ਘਟਨਾਵਾਂ ਦਾ ਲਿਆ ਸਖਤ ਨੋਟਿਸ –ਇਕ ਖ਼ਬਰ

ਬਸ ਅਸੀਂ ਨੋਟਿਸ ਹੀ ਲੈਂਦੇ ਹਾਂ, ਹੋਰ ਕਿਸੇ ਗੱਲ ਦੀ ਆਸ ਨਾ ਰੱਖੋ ਸਾਥੋਂ।

ਸੋਨੀਆ ਗਾਂਧੀ ਨੇ ਨਹੀਂ, 78 ਵਿਧਾਇਕਾਂ ਨੇ ਬਦਲਿਆ ਮੁੱਖ ਮੰਤਰੀ- ਸੁਰਜੇਵਾਲਾ

ਹੁੰਦਾ ਰੱਬ ਨਹੀਂ ਕਿਸੇ ਦਾ ਵੈਰੀ, ਵੈਰੀ ਤੇਰੇ ਐਬ ਬੰਦਿਆ। 

ਕਾਂਗਰਸ ਨੇ ਝੋਨੇ ਦੀ ਖਰੀਦ ਮੁਲਤਵੀ ਕਰਵਾਈ- ਸੁਖਬੀਰ ਬਾਦਲ

ਖੂਹ ਟੋਭੇ ਤੇਰੀ ਚਰਚਾ ਹੁੰਦੀ, ਚਰਚਾ ਨਾ ਕਰਵਾਈਏ।

ਸ਼ਾਹ ਨਾਲ ਨੇੜਤਾ ਨੇ ਅਮਰਿੰਦਰ ਦੀ ਧਰਮ ਨਿਰਪੱਖਤਾ ‘ਤੇ ਸਵਾਲ ਖੜ੍ਹੇ ਕੀਤੇ- ਰਾਵਤ

ਵੇ ਘਰ ਤੇਲਣ ਦੇ, ਤੇਰਾ ਚਾਦਰਾ ਖੜਕੇ।

ਤੀਜੇ ਦਿਨ ਵੀ ਪਟਿਆਲੇ ਦਾ ਕੋਈ ਵੀ ਵਿਧਾਇਕ ਸਿੱਧੂ ਦੇ ਘਰ ਨਾ ਪਹੁੰਚਿਆ- ਇਕ ਖ਼ਬਰ

ਲੱਡੂ ਮੁੱਕ ਗਏ ਯਰਾਨੇ ਟੁੱਟ ਗਏ, ਕੱਚੀ ਯਾਰੀ ਲੱਡੂਆਂ ਦੀ।

ਪੰਜਾਬੀਆਂ ਨੂੰ ਗੁਮਰਾਹ ਕਰ ਰਹੇ ਹਨ ਕੇਜਰੀਵਾਲ- ਸੁਖਬੀਰ ਬਾਦਲ

ਤੁਹਾਨੂੰ ਪੰਜਾਹ ਸਾਲ ਹੋ ਗਏ ਪੰਜਾਬੀਆਂ ਨੂੰ ਗੁਮਰਾਹ ਕਰਦਿਅਂ ਨੂੰ।

ਜ਼ਿਮਨੀ ਚੋਣਾਂ: ਭਬਾਨੀਪੁਰ ‘ਚ ਭਾਜਪਾ ਤੇ ਟੀ.ਐਮ.ਸੀ. ਸਮਰਥਕਾਂ ਵਿਚਕਾਰ ਝੜਪ- ਇਕ ਖ਼ਬਰ

ਕੂੰਡੇ ਟੁੱਟ ਗਏ ਘੋਟਣੇ ਭੱਜ ਗਏ, ਤਕੀਏ ਮਲੰਗ ਲੜ ਪਏ।

ਦੀਪ ਸਿੱਧੂ ਵਲੋਂ ਨਵੀਂ ਜਥੇਬੰਦੀ ‘ਵਾਰਿਸ ਪੰਜਾਬ ਦੇ’ ਦਾ ਐਲਾਨ-ਇਕ ਖ਼ਬਰ

ਤੂੰ ਵੀ ਧੂੜ ‘ਚ ਟੱਟੂ ਭਜਾ ਲਈਂ ਦੀਪ ਸਿਆਂ।

ਕੁਰਸੀ ਲਈ ਪੰਜਾਬੀਆਂ ਦੀ ਬੇਇਜ਼ਤੀ ਕਰਵਾ ਰਹੇ ਹਨ ਕਾਂਗਰਸੀ-ਭਗਵੰਤ ਮਾਨ

ਓ ਭਾਈ ਤੂੰ ਵੀ ਤਾਂ ਕੁਰਸੀ ਖਾਤਰ ਹੀ ਮੋਨ ਧਾਰਿਆ ਹੋਇਆ।

ਕਾਂਗੜ ਦੀ ਵਜ਼ੀਰੀ ਖੁੱਸਣ ‘ਤੇ ਅਕਾਲੀਆਂ ਨੇ ਲੱਡੂ ਵੰਡੇ- ਇਕ ਖ਼ਬਰ

ਦੁਸ਼ਮਣ ਮਰੇ ਤਾਂ ਖੁਸ਼ੀ ਨਾ ਕਰੀਏ, ਸੱਜਣਾ ਵੀ ਮਰ ਜਾਣਾ।

ਕੈਪਟਨ ਨੇ ਵਿਹਲਾ ਸਮਾਂ ਆਪਣੇ ਪੁਰਾਣੇ ਦੋਸਤਾਂ ਨਾਲ ਗੁਜ਼ਾਰਿਆ- ਇਕ ਖ਼ਬਰ

ਵਿਹਲੀ ਰੰਨ ਪਰਾਹੁਣਿਆਂ ਜੋਗੀ।

ਪ੍ਰਧਾਨ ਬਣਨ ਤੋਂ ਬਾਅਦ ਪਹਿਲੀ ਵਾਰ ਆਏ ਸਿੱਧੂ ਨੂੰ ਫਤਿਹਗੜ੍ਹ ਸਾਹਿਬ ਸਰੋਪਾ ਨਹੀਂ ਦਿਤਾ,ਕਿਉਂ?

ਕਿਉਂਕ ਸਿਰੋਪਾ ਦੇਣ ਲਈ ਪਹਿਲਾਂ ਬਾਦਲਾਂ ਦੀ ਮੰਨਜ਼ੂਰੀ ਲੈਂਣੀ ਪੈਂਦੀ ਹੈ।

ਸਿੱਧੂ ਨੇ ਪਹਿਲਾਂ ਅਮਰਿੰਦਰ ਨੂੰ ਤਬਾਹ ਕੀਤਾ ਤੇ ਹੁਣ ਕਾਂਗਰਸ ਨੂੰ- ਸੁਖਬੀਰ ਬਾਦਲ

ਹਾਏ ਓਏ ਸਿੱਧੂ ਤੂੰ ਮੇਰੇ ਚਾਚਾ ਜੀ ਨੂੰ ਗੱਦੀਉਂ ਲੁਹਾਇਆ।

26 Sept. 2021

ਜਾਖੜ ਦੀ ਕਾਂਗਰਸ ਪਾਰਟੀ ਨਾਲ਼ ਨਾਰਾਜ਼ਗੀ ਹੋਈ ਖ਼ਤਮ- ਇਕ ਖ਼ਬਰ

ਗੁੱਸੇ ਗ਼ਿਲੇ ਦੂਰ ਕਰ ਕੇ, ਆ ਜਾ ਕਰੀਏ ਦਿਲਾਂ ਦੇ ਸੌਦੇ।

ਰਾਕੇਸ਼ ਟਿਕੈਤ ਵਲੋਂ ਯੋਗੀ ਸਰਕਾਰ ਨੂੰ ਤਾੜਨਾ- ਇਕ ਖ਼ਬਰ

ਟੁੱਟ ਪੈਣੇ ਛੜੇ ਜੇਠ ਨੇ, ਮੇਰੇ ਮੂੰਹ ‘ਤੇ ਬੈਟਰੀ ਮਾਰੀ।

ਈਰਖਾ ਕਾਰਣ ਮੈਨੂੰ ਵਿਦੇਸ਼ ਜਾਣ ਦੀ ਆਗਿਆ ਨਹੀਂ ਦਿਤੀ ਗਈ- ਮਮਤਾ

ਤੀਆਂ ਨੂੰ ਹਟਾਉਣ ਵਾਲਿਆ, ਤੇਰਾ ਹੋਵੇ ਨਰਕਾਂ ਵਿਚ ਵਾਸਾ।

ਚੀਨ ਨੇ ਤਾਲਿਬਾਨ ਤੋਂ ਪਾਬੰਦੀ ਹਟਾਉਣ ਦੀ ਕੀਤੀ ਅਪੀਲ- ਇਕ ਖ਼ਬਰ

ਦਾਲ਼ ਮੰਗੇਂ ਛੜਿਆਂ ਤੋਂ, ਤੈਨੂੰ ਸ਼ਰਮ ਨਾ ਗੁਆਂਢਣੇ ਆਵੇ।

ਕਿਸਾਨਾਂ ਲਈ ਇਨਸਾਫ਼ ਦੀ ਲੜਾਈ ਲੜੇਗਾ ਅਕਾਲੀ ਦਲ- ਸੁਖਬੀਰ ਬਾਦਲ

ਤੱਤੇ ਤਵੇ ‘ਤੇ ਬੈਠ ਜਾ ਭਾਵੇਂ, ਤੇਰਾ ਕਿਸੇ ਯਕੀਨ ਨਹੀਂ ਕਰਨਾ।

ਪੰਜਾਬ ‘ਚ ਦਲਿਤ ਮੁੱਖ ਮੰਤਰੀ ਬਣਾਉਣਾ ਕਾਂਗਰਸ ਦਾ ਚੁਣਾਵੀ ਹੱਥਕੰਡਾ- ਮਾਇਆਵਤੀ

ਹੱਥਕੰਡੇ ਵਰਤੇ ਬਿਨਾ ਸਿਆਸਤ ਖੇਡਣ ਦਾ ਮਜ਼ਾ ਹੀ ਕੀ ਬੀਬੀ ਜੀ !

ਸੁਨੀਲ ਜਾਖੜ ਨੂੰ ਮਨਾਉਣ ਦੀਆਂ ਕੋਸ਼ਿਸ਼ਾਂ ਵੀ ਜਾਰੀ- ਇਕ ਖ਼ਬਰ

ਅੜੀਆਂ ਨਾ ਕਰ ਵੇ, ਕੈ ਦਿਨ ਦੀ ਜ਼ਿੰਦਗਾਨੀ!

ਡਾ. ਨਵਜੋਤ ਕੌਰ ਸਿੱਧੂ ਨੇ ਅਮਰਿੰਦਰ ਸਿੰਘ ਨੂੰ ਪੁੱਛੇ ਕਈ ਸਵਾਲ-ਇਕ ਖ਼ਬਰ

ਜੱਗ ਭਾਵੇਂ ਕਰੇ ਨਿੰਦਿਆ, ਸੱਸ ਪਿੱਟਣੀ ਪੰਜੇਬਾਂ ਪਾ ਕੇ।

ਅਮਰਿੰਦਰ ਸਿੰਘ ਰਾਸ਼ਟਰਵਾਦੀ ਐ, ਇਸ ਲਈ ਰਾਜਨੀਤਕ ਮੌਤ ਉਸ ਨੂੰ ਮਾਰਿਆ-ਅਨਿਲ ਵਿਜ

 ਤੁਸੀਂ ਜੋ ਵੀ ਹੋ ਬਸ ਸਾਡੇ ਕੋਲ਼ ਆਉ ਜੀ, ਮੋਹਰ ਰਾਸ਼ਟਰਵਾਦ ਦੀ ਸਾਡੇ ਤੋਂ ਲੁਆਉ ਜੀ।

ਸਿੱਧੂ ਨੂੰ ਮੁੱਖ ਮੰਤਰੀ ਦਾ ਚਿਹਰਾ ਬਣਾਇਆ ਤਾਂ ਉਸ ਵਿਰੁੱਧ ਮਜ਼ਬੂਤ ਉਮੀਦਵਾਰ ਉਤਾਰਾਂਗਾ- ਕੈਪਟਨ

ਅੱਗ ਭੜਕਦੀ ਭੜਕਦੀ ਭੜਕ ਜਾਂਦੀ, ਪੌਣ ਛੇੜਦੀ ਜਦੋਂ ਚੰਗਿਆੜਿਆਂ ਨੂੰ।

ਪਾਕਿਸਤਾਨ ਤੋਂ ਨਸ਼ਿਆਂ ਅਤੇ ਹਥਿਆਰਾਂ ‘ਤੇ ਰੋਕ ਲਗਵਾਉਣ ਸਿੱਧੂ- ਅਸ਼ਵਨੀ ਸ਼ਰਮਾ

ਤੁਸੀਂ ਪਹਿਲਾਂ ਅਡਾਨੀ ਦੀ ਬੰਦਰਗਾਹ ਤੋਂ ਤਾਂ ਬੰਦ ਕਰਵਾਉ।

ਅੰਦਰੂਨੀ ਖਿੱਚੋਤਾਣ ਨੇ ਕਾਂਗਰਸ ਲੀਡਰਸ਼ਿੱਪ ਕੀਤੀ ਕਮਜ਼ੋਰ- ਤੋਮਰ

ਤੁਝੇ ਪਰਾਈ ਕਿਆ ਪੜੀ ਤੂ ਅਪਨੀ ਨਿਬੇੜ।

ਗੁਰਮੁਖੀ ਲਿਖਣ ਤੇ ਪੜ੍ਹਨ ਦੇ ਟੈਸਟ ਵਿਚੋਂ ਮਨਜਿੰਦਰ ਸਿੰਘ ਸਿਰਸਾ ਫੇਲ੍ਹ- ਇਕ ਖ਼ਬਰ

ਉਹਦੇ ਨਾਲ਼ ਕੀ ਬੋਲਣਾ, ਜਿਹਨੂੰ ਪੱਗ ਬੰਨ੍ਹਣੀ ਨਾ ਆਵੇ।

ਹੁਣ ਬਾਦਲ ਦਲ ਦੇ ਆਗੂ ਕਿਸਾਨ ਮੋਰਚੇ ਨੂੰ ਕਰਨ ਲੱਗੇ ਬਦਨਾਮ- ਰਾਜੇਵਾਲ

ਪਹਾੜਾ ਸਿੰਘ ਸੀ ਯਾਰ ਫਿਰੰਗੀਆਂ ਦਾ, ਸਿੰਘਾਂ ਨਾਲ਼ ਸੀ ਉਸ ਦੀ ਗ਼ੈਰਸਾਲੀ।

ਕੁਰਸੀ ਜਾਣ ਤੋਂ ਬਾਅਦ ਬੋਰਡਾਂ ਤੋਂ ਵੀ ਗ਼ਾਇਬ ਹੋਈ ਕੈਪਟਨ ਦੀ ਤਸਵੀਰ- ਇਕ ਖ਼ਬਰ

ਚੜ੍ਹਦੇ ਸੂਰਜ ਨੂੰ ਸਲਾਮਾਂ !

ਸਾਡੀ ਪਾਰਟੀ ‘ਚ ਆਉਣਾ ਚਾਹੁਣ ਤਾਂ ਕੈਪਟਨ ਸਾਹਿਬ ਦਾ ਸਵਾਗਤ ਹੈ- ਢੀਂਡਸਾ

ਤੁਹਾਡੇ ‘ਚ ਆਉਣ ਨਾਲੋਂ ਉਹ ਭਤੀਜੇ ਨਾਲ ਰਲ਼ਣਾ ਵਧੇਰੇ ਪਸੰਦ ਕਰੂ।

19 Sept. 2021

ਹਾਈ ਕਮਾਨ ਦੇ ਰਵੱਈਏ ਨੇ ਅਪਮਾਨਿਤ ਕੀਤਾ- ਕੈਪਟਨ

ਬੜੇ ਬੇਆਬਰੂ ਹੋ ਕਰ ਤੇਰੇ ਕੂਚੇ ਸੇ ਹਮ ਨਿਕਲੇ।

ਲੋਕਾਂ ਨਾਲ ਟਕਰਾਉਣ ਵਾਲ਼ੀਆਂ ਸਰਕਾਰਾਂ ਨੂੰ ਹਮੇਸ਼ਾ ਮੂੰਹ ਦੀ ਖਾਣੀ ਪਈ-ਚੜੂਨੀ

ਤਾਜਦਾਰਾਂ ਨਾ ਅਮੀਰਾਂ ਦੇ, ਦੀਵੇ ਜਗਦੇ ਰਹਿਣ ਫ਼ਕੀਰਾਂ ਦੇ।

ਕਿਸਾਨਾਂ ਦੇ ਪ੍ਰਦਰਸ਼ਨਾਂ ਲਈ ਮੇਰੀ ਅਪੀਲ ਨੂੰ ਗ਼ਲਤ ਰੰਗਤ ਦਿਤੀ ਗਈ- ਕੈਪਟਨ

ਕਿਤੇ ‘ਕੱਲੀ ਬਹਿ ਕੇ ਸੋਚੀਂ ਨੀਂ, ਅਸੀਂ ਕੀ ਨਹੀਂ ਕੀਤਾ ਤੇਰੇ ਲਈ।

ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਸਿਆਸਤ ਵਲ ਘੱਟ ਧਿਆਨ ਦੇ ਕੇ ਗੁਰਦੁਆਰਾ ਪ੍ਰਬੰਧ ਵਲ ਦੇਣ- ਰਾਜਾਸਾਂਸੀ

ਗ਼ੈਰਾਂ ਨਾਲ਼ ਤੂੰ ਬੇਲੇ ਵਿਚ ਘੁੰਮੇ, ਨਹੀਂ ਮੱਝੀਂ ਦੇ ਵਲ ਧਿਆਨ ਤੇਰਾ।

ਹਰੀਸ਼ ਰਾਵਤ ਵਲੋਂ ਸੋਨੀਆ ਨੂੰ ਪੰਜਾਬ ਕਾਂਗਰਸ ਦਾ ਵਿਵਾਦ ਸੁਲਝਾਉਣ ਦੀ ਅਪੀਲ- ਇਕ ਖ਼ਬਰ

ਮੋਤੀ ਖਿੱਲਰ ਗਏ, ਚੁਗ ਲੈ ਕਬੂਤਰ ਬਣ ਕੇ।

ਸਥਾਨਕ ਸ਼੍ਰੋਮਣੀ ਕਮੇਟੀ ਮੈਂਬਰਾਂ ਨੂੰ ਧਰਨਾਕਾਰੀ ਸਿੱਖਾਂ ਵਿਚ ਆ ਕੇ ਬੈਠਣਾ ਚਾਹੀਦਾ ਹੈ- ਜਥੇਦਾਰ

‘ਵੱਡੇ ਮਾਲਕਾਂ’ ਦਾ ਹੁਕਮ ਜਦ ਹੋਊ ਸਾਨੂੰ, ਬੈਠ ਜਾਵਾਂਗੇ ਅਸੀਂ ਨਿਸ਼ੰਗ ਉੱਥੇ। 

ਵਿਵਾਦਤ ਬਿਆਨ ‘ਤੇ ਭਾਜਪਾ ਆਗੂ ਹਰਿੰਦਰ ਕਾਹਲੋਂ ਨੇ ਮੰਗੀ ਮੁਆਫ਼ੀ-ਇਕ ਖ਼ਬਰ

ਤੀਂਘੜਦੈਂ! ਸਾਨ੍ਹ ਹੁੰਨੇ ਆਂ, ਹੁਣ ਮੋਕ ਮਾਰਦੈਂ! ਗਊ ਦਾ ਜਾਇਆ ਜੁ ਹੋਇਆ।

ਟ੍ਰਿਬਿਊਨਲਾਂ ‘ਚ ਹੋ ਰਹੀ ਹੈ ਪਸੰਦੀਦਾ ਵਿਅਕਤੀਆਂ ਦੀ ਨਿਯੁਕਤੀ- ਸੁਪਰੀਮ ਕੋਰਟ

ਅੰਨ੍ਹਾਂ ਵੰਡੇ ਰਿਉੜੀਆਂ.............

ਦਿੱਲੀ ਚੋਣਾਂ ‘ਚ ਬਾਦਲਾਂ ਦੀ ਹੁੱਲੜਬਾਜ਼ੀ ਨੇ ਸਾਰੀ ਸਿੱਖ ਕੌਮ ਨੂੰ ਸ਼ਰਮਸਾਰ ਕੀਤਾ-ਸਰਬਜੀਤ ਸਿੰਘ ਭੂਟਾਨੀ

ਮਾਉਂ ਹੀਰ ਥੀਂ ਲੋਕ ਕਰਨ ਚੁਗਲੀ, ਤੇਰੀ ਮਲਕੀਏ ਧੀ ਖ਼ਰਾਬ ਹੈ ਨੀ।

ਮੋਦੀ ਤੇ ਸ਼ਾਹ ਦੀ ਬੋਲੀ ਬੋਲਣ ਲੱਗੇ ਕੈਪਟਨ ਅਮਰਿੰਦਰ ਸਿੰਘ- ਸੀ.ਪੀ.ਆਈ.

ਚਿੜੀ ਵਿਚਾਰੀ ਕੀ ਕਰੇ, ਠੰਡਾ ਪਾਣੀ ਪੀ ਮਰੇ।

ਕਿਸਾਨ ਜਥੇਬੰਦੀਆਂ ਵਲੋਂ ਸੁਖਬੀਰ ਖ਼ਿਲਾਫ਼ ਪ੍ਰਦਰਸ਼ਨ ਦੀਆਂ ਤਿਆਰੀਆਂ-ਇਕ ਖ਼ਬਰ

ਮੁੰਡਿਆਂ ਨੇ ਘੇਰ ਲੈਣੀ, ਜਦੋਂ ਨਿੱਕਲੂ ਪਟੋਲਾ ਬਣ ਕੇ।

ਕਾਬੁਲ ਤੋਂ ਭੱਜ ਰਹੇ ਹਨ ਅਫ਼ਗਾਨ ਸੰਗੀਤਕਾਰ-ਇਕ ਖ਼ਬਰ

ਸੂਰਜ ਭੱਜ ਵੜਿਆ ਵਿਚ ਬਦਲੀਂ, ਡਰਦਾ ਲਿਸ਼ਕ ਨਾ ਮਾਰੇ।

ਹਰਿੰਦਰ ਕਾਹਲੋਂ ਦੇ ਬਿਆਨ ਨਾਲ਼ ਭਾਜਪਾ ਕਸੂਤੀ ਫ਼ਸੀ- ਇਕ ਖ਼ਬਰ

ਕੰਤ ਨਿਆਣੇ ਦਾ, ਖਾ ਗਿਆ ਹੱਡਾਂ ਨੂੰ ਝੋਰਾ।

ਮੇਰੇ ਦਾਦਾ ਗਿਆਨੀ ਜ਼ੈਲ ਸਿੰਘ ਕਾਂਗਰਸ ਪਾਰਟੀ ਤੋਂ ਦੁਖੀ ਸਨ- ਗਿਆਨੀ ਜੀ ਦਾ ਪੋਤਾ

ਥੋੜ੍ਹੀ ਦੇਰ ਠਹਿਰ ਕਾਕਾ ਤੂੰ ਭਾਜਪਾ ਤੋਂ ਵੀ ਦੁਖੀ ਹੋਵੇਂਗਾ।

ਪੈਗਾਸਸ ਮਾਮਲੇ ‘ਚ ਸਰਕਾਰ ਹਲਫ਼ਨਾਮਾ ਦੇਣ ਲਈ ਤਿਆਰ ਨਹੀਂ- ਇਕ ਖ਼ਬਰ

ਚੋਰ ਦੀ ਦਾੜ੍ਹੀ ਵਿਚ ਤਿਣਕਾ।

12 Sept. 2021

ਅਕਾਲੀ ਦਲ ਨੇ ਹੁਣ ਗੱਲਬਾਤ ਲਈ ਕਿਸਾਨ ਜਥੇਬੰਦੀਆਂ ਨੂੰ ਲਿਖੀ ਚਿੱਠੀ- ਇਕ ਖ਼ਬਰ

ਤੁਸੀਂ ਕਰੋ ਅਸਾਡੀ ਕਾਰੀ ਜੀ, ਹੁਣ ਹੋ ਗਈ ਮੁਸ਼ਕਿਲ ਭਾਰੀ ਜੀ।

ਅਦਾਲਤੀ ਫ਼ੈਸਲਿਆਂ ਦਾ ਸਤਿਕਾਰ ਨਹੀਂ ਕਰਦੀ ਕੇਂਦਰ ਸਰਕਾਰ- ਸੁਪਰੀਮ ਕੋਰਟ

ਤੇਰੀਆਂ ਮੈਂ ਲੱਖ ਮੰਨੀਆਂ, ਮੇਰੀ ਇਕ ਤੂੰ ਮੰਨੇ ਤਾਂ ਜਾਣਾ।

ਸੌਦਾ ਸਾਧ ਆਪਣੀ ਚਿੱਟੀ ਦਾੜ੍ਹੀ ਤੋਂ ਪ੍ਰੇਸ਼ਾਨ, ਰੰਙਣ ਦੀ ਇਜਾਜ਼ਤ ਨਹੀਂ ਮਿਲ ਰਹੀ- ਇਕ ਖ਼ਬਰ

ਦੁਨੀਆਂ ਵਿਚ ਹਾਂ ਬਹੁਤ ਉਦਾਸ ਹੋਇਆ, ਪੈਰੋਂ ਸਾਡਿਓਂ ਲਾਹ ਜੰਜ਼ੀਰ ਸਾਈਂ।

ਖੇਤੀ ਕਾਨੂੰਨਾਂ ਦੇ ਮਾਮਲੇ ‘ਚ ਮੇਰੇ ਕੋਲੋਂ ਗ਼ਲਤੀ ਹੋਈ- ਹਰਸਿਮਰਤ ਬਾਦਲ

ਹੁੰਦੀਆਂ ਨਹੀਂ ਮਨ ਮਿਥੀਆਂ, ਕਦੀ ਲਗਦੇ ਨਹੀਂ ਭਾਗ ਪਰਾਏ।

ਹਾਈ ਕੋਰਟ ਵਲੋਂ ਵਿਧਾਨ ਸਭਾ ਦੀਆਂ ਚੋਣਾਂ ਤੱਕ ਸੁਮੇਧ ਸੈਣੀ ਦੀ ਗ੍ਰਿਫ਼ਤਾਰੀ ‘ਤੇ ਰੋਕ-ਇਕ ਖ਼ਬਰ

ਕਿਉਂ ਬਈ ਸੱਜਣੋਂ ਕੋਈ ਦੱਸ ਸਕਦੈ ਕਿ ਕੇਸ ਦਾ ਚੋਣਾਂ ਨਾਲ਼ ਕੀ ਸਬੰਧ ਹੈ?

ਸੁਖਬੀਰ ਸਾਡੇ ਵਾਪਸ ਆਉਣ ਦੇ ਸੁਪਨੇ ਦੇਖਣੇ ਬੰਦ ਕਰੇ- ਬ੍ਰਹਮਪੁਰਾ, ਢੀਂਡਸਾ

ਮੁੜਨ ਮੁਹਾਲ ਤਿਨ੍ਹਾਂ ਨੂੰ ਬਾਹੂ, ਜਿਨ੍ਹਾਂ ਸਾਹਿਬ ਆਪ ਬੁਲਾਵੇ ਹੂ।

ਚੀਨ ਵਲੋਂ ਤਾਲਿਬਾਨ ਸਰਕਾਰ ਦੀ ਹਮਾਇਤ-ਇਕ ਖ਼ਬਰ

ਭੈੜੇ ਭੈੜੇ ਯਾਰ ਮੇਰੀ ਫੱਤੋ ਦੇ।

ਸੰਘ ਵਲੋਂ ਜੰਮੂ ਕਸ਼ਮੀਰ ਦੇ ਸੱਭਿਆਚਾਰ ਨੂੰ ਢਾਹ ਲਾਉਣ ਦੇ ਯਤਨ-ਰਾਹੁਲ ਗਾਂਧੀ

ਏਸੇ ਲਈ ਤਾਂ ਅਗਲਿਆਂ ਨੇ ਅੱਕ ਚੱਬਿਆ ਸੀ ਰਾਹੁਲ ਸਾਬ।

ਬੇਅਦਬੀ ਕਾਂਡ: ਡੇਰਾ ਪ੍ਰੇਮੀਆਂ ਦੀ ਸੁਰੱਖਿਆ ਲਈ ਪੁਲਿਸ ਫਿਕਰਮੰਦ- ਇਕ ਖ਼ਬਰ

ਤੱਤੀ ਵਾਅ ਨਹੀਂ ਥੋਨੂੰ ਲੱਗਣ ਦਿੰਦੇ, ਰਾਖੀ ਕਰਾਂਗੇ ਮਰਦੇ ਦਮ ਤਾਈਂ।

ਬਿਮਾਰ ਪਤਨੀ ਨੂੰ ਚਾਰ ਕਿੱਲੋਮੀਟਰ ਮੋਢਿਆਂ ‘ਤੇ ਚੁੱਕ ਕੇ ਬਜ਼ੁਰਗ਼ ਹਸਪਤਾਲ ਪਹੁੰਚਾ-ਇਕ ਖ਼ਬਰ

ਡਿਜੀਟਲ ਇੰਡੀਆ ਦੀਆਂ ਬਰਕਤਾਂ।

ਕਿਸਾਨਾਂ ਦੀਆਂ ਜ਼ਿੰਦਗੀਆਂ ਵਿਚ ਕ੍ਰਾਂਤੀ ਲਿਆਉਣਗੇ ਨਵੇਂ ਖੇਤੀ ਕਾਨੂੰਨ- ਤੋਮਰ

ਲੰਬੜਾਂ ਦੇ ਸੰਨ੍ਹ ਲੱਗ ਗਈ, ਅੱਗੋਂ ਨਿੱਕਲੀ ਸਾਗ ਵਾਲੀ ਤੌੜੀ।

ਕੇਂਦਰ ਸਿਆਸੀ ਲੜਾਈ ਨਹੀਂ ਜਿੱਤ ਸਕਦਾ ਇਸ ਲਈ ਉਹ ਏਜੰਸੀਆਂ ਦਾ ਸਹਾਰਾ ਲੈ ਰਿਹਾ ਹੈ-ਮਮਤਾ

ਜੇਠ ਦੇ ਬੁਰੇ ਦਿਨ ਆਏ, ਕਿੱਕਰਾਂ ਨੂੰ ਪਾਵੇ ਜੱਫੀਆਂ।

ਗ਼ੈਰਕਾਨੂੰਨੀ ਬੱਸਾਂ ਦੇ ਪਰਮਿਟ ਕੈਂਸਲ ਕਰਨ ਲਈ ਫ਼ਾਈਲ ਐਡਵੋਕੇਟ ਜਨਰਲ ਕੋਲ਼ ਭੇਜੀ-ਇਕ ਖ਼ਬਰ

ਐਡਵੋਕੇਟ ਜਨਰਲ ਨੇ ਬਿਮਾਰੀ ਦੀ ਛੁੱਟੀ ‘ਤੇ ਚਲੇ ਜਾਣਾ, ਬੱਸਾਂ ਇਵੇਂ ਹੀ ਚੱਲਣਗੀਆਂ।

ਕੈਪਟਨ ਤੇ ਸਿੱਧੂ ਵਿਚਾਲੇ ਵਿਵਾਦ ਕਾਂਗਰਸ ਲਈ ਫ਼ਾਇਦੇਮੰਦ-ਹਰੀਸ਼ ਰਾਵਤ

ਹੋਰ ਵਧੇਰੇ ਫ਼ਾਇਦਾ ਲੈਣ ਲਈ ਵਿਵਾਦ ਤੋਂ ਥੋੜ੍ਹਾ ਅੱਗੇ ਵਧੋ ਬਈ।

ਬਟਾਲਾ ਦੇ ਹੋਟਲ ‘ਚ ਇਕ ਦਰਜਨ ਮੁੰਡੇ ਕੁੜੀਆਂ ਇਤਰਾਜ਼ਯੋਗ ਹਾਲਤ ‘ਚ ਫੜੇ- ਇਕ ਖ਼ਬਰ

ਬਟਾਲੇ ਨੂੰ ਜਿਲ੍ਹਾ ਬਣਾਉਣ ਦੀਆਂ ਖੁਸ਼ੀਆਂ ਮਨਾ ਰਹੇ ਸਨ।