ਗ਼ਜ਼ਲ - ਫੈਸਲ ਖਾਨ

ਜੀਵਨ ਦਾ ਸੰਘਰਸ਼ ਨਿਰੰਤਰ ਜਾਰੀ ਹੈ।
ਹੁਣ ਤਾ ਕੁਝ ਵੱਡਾ ਕਰਨੇ ਦੀ ਤਿਆਰੀ ਹੈ।
ਸੱਚ ਲੁਕਾਉਂਣਾ ਇੰਨਾ ਸੌਖਾ ਨਈਂ ਯਾਰੋ,
ਬੇਸ਼ਕ ਦੁਨੀਆਂ ਝੂਠਾਂ ਦੀ ਹੀ ਪੁਜਾਰੀ ਹੈ।
ਓਹੀ ਵੱਡਾ ਹਾਕਮ ਬਣਦਾ ਹੈ ਅਜ ਕੱਲ੍ਹ,
ਜਿਸ ਨੇਤਾ ਦੇ ਜ਼ਹਿਨ ਵਿੱਚ ਮੱਕਾਰੀ ਹੈ।
ਫਲ਼ਦਾਰ ਰੁੱਖ ਤਾਂ ਖੁਦ ਹੀ ਝੁਕ ਜਾਂਦਾ ਹੈ,
ਤੇਰੀ ਸ਼ੁਹਰਤ ਤਾਂ ਲਗਦੀ ਅਖ਼ਬਾਰੀ ਹੈ।
ਫਸ ਗੀ ਜੰਤਾ,ਝੂਠੇ ਲਾਰਿਆਂ ਲਪਿਆਂ ਵਿਚ,
ਹਰ ਇਕ ਨੇਤਾ ਬਣਿਆਂ ਫਿਰੇ ਸ਼ਿਕਾਰੀ ਹੈ।
ਮਾਂ ਦਾ ਦਰਜਾ ਰਬ ਨਾਲੋਂ ਵੀ ਵੱਡਾ ਏ,
ਕੁਲ ਦੁਨੀਆਂ ਵਿਚ ਮਾਂ ਹੀ ਸਭ ਤੋਂ ਪਿਆਰੀ ਹੈ।
ਕਿਵੇਂ ਆਖ ਦਾਂ ਦੇਸ਼ ਮੇਰਾ ਖ਼ੁਸਹਾਲ ਬੜਾ,
ਹਰ ਪਾਸੇ ਹੀ ਗੁਰਬਤ ਹੈ,ਲਾਚਾਰੀ ਹੈ।
ਹਰ ਮਹਿਫਲ ਵਿਚ ਜ਼ਿਕਰ ਤੇਰਾ ਹੁੰਦਾ ਹੈ ਯਾਰ,
ਤੇਰੀ 'ਫੈਸਲ' ਹਰ ਥਾਂ ਤੇ ਸਰਦਾਰੀ ਹੈ।

ਫੈਸਲ ਖਾਨ
ਜਿਲ੍ਹਾ:- ਰੋਪੜ
ਮੋਬ:- 99149-65937