8 June 2020

ਭਾਰਤ ਦੇ ਇਤਰਾਜ਼ ਦੇ ਬਾਵਜੂਦ ਚੀਨ ਮਕਬੂਜ਼ਾ ਕਸ਼ਮੀਰ 'ਚ ਬਿਜਲੀ ਪ੍ਰਾਜੈਕਟ ਲਗਾਏਗਾ- ਇਕ ਖ਼ਬਰ
ਘੁੰਡ ਕੱਢਣਾ ਤਵੀਤ ਨੰਗਾ ਰੱਖਣਾ, ਛੜਿਆਂ ਦੀ ਹਿੱਕ ਲੂਹਣ ਨੂੰ।

ਅੰਮ੍ਰਿਤਸਰ ਲਈ ਨਵੇਂ 'ਐਕਸਪ੍ਰੈਸ ਵੇਅ' ਦਾ ਐਲਾਨ- ਇਕ ਖ਼ਬਰ
ਚੰਨ ਚੰਨਾਂ ਦੇ ਮਾਮਲੇ, ਖਵਰੇ ਚੜ੍ਹਨ ਕਿ ਨਾ ਹੀ ਚੜ੍ਹਨ।

ਸਿੱਧੂ ਮੂਸੇ ਵਾਲ਼ੇ ਨੂੰ ਕਾਨੂੰਨ ਦਾ ਕੋਈ ਡਰ ਨਹੀਂ-ਇਕ ਖ਼ਬਰ
ਸਈਆਂ ਭਏ ਕੋਤਵਾਲ, ਅਬ ਡਰ ਕਾਹੇ ਕਾ।

ਪੰਜਾਬ ਦੇਸ਼ ਦੇ ਦੂਜੇ ਸੂਬਿਆਂ ਲਈ ਬਣੇਗਾ ਚਾਨਣ ਮੁਨਾਰਾ- ਮਨਪ੍ਰੀਤ ਸਿੰਘ ਬਾਦਲ
ਪੱਲੇ ਨਹੀਂ ਧੇਲਾ, ਕਰਦੀ ਮੇਲਾ ਮੇਲਾ।

ਬਾਦਲ ਦਲ 'ਚ ਵਾਪਸ ਜਾਣ ਦੀਆਂ ਅਫ਼ਵਾਹਾਂ ਦਾ ਜਥੇਦਾਰ ਬ੍ਰਹਮਪੁਰਾ ਵਲੋਂ ਖੰਡਨ- ਇਕ ਖ਼ਬਰ
ਐਵੇਂ ਹੀ ਰੌਲ਼ਾ ਪੈ ਗਿਆ, ਐਵੇਂ ਹੀ ਰੌਲ਼ਾ ਪੈ ਗਿਆ।

ਰਾਜਸਥਾਨ ਪੁਲਿਸ ਨੇ ਜਾਰਜ ਫਲਾਇਡ ਵਾਂਗ ਹੀ ਇਕ ਨੌਜਵਾਨ ਦੀ ਧੌਣ 'ਤੇ ਰੱਖਿਆ ਗੋਡਾ- ਇਕ ਖ਼ਬਰ
ਖ਼ਰਬੂਜ਼ੇ ਨੂੰ ਦੇਖ ਕੇ ਖ਼ਰਬੂਜ਼ਾ ਰੰਗ ਫੜਦੈ।

ਸਿੱਖ ਨੌਜਵਾਨਾਂ ਦੀ ਫੜੋ-ਫੜਾਈ 'ਤੇ ਅਕਾਲ ਤਖ਼ਤ ਦੇ ਜਥੇਦਾਰ ਨੇ ਧਾਰੀ ਚੁੱਪ- ਇਕ ਖ਼ਬਰ
ਹਿਜ਼ ਮਾਸਟਰਜ਼ ਵਾਇਸ। 

ਮਨਪ੍ਰੀਤ ਬਾਦਲ ਨੇ ਕੇਂਦਰ ਸਰਕਾਰ ਦੇ ਪੈਕੇਜ ਦੀ ਪੋਲ ਖੋਲ੍ਹੀ-ਇਕ ਖ਼ਬਰ
ਨਾਲ਼ੇ ਬਾਬਾ ਲੱਸੀ ਪੀ ਗਿਆ, ਨਾਲ਼ੇ ਦੇ ਗਿਆ ਦੁਆਨੀ ਖੋਟੀ।

ਕਾਂਗਰਸੀ ਆਗੂਆਂ ਦੀ ਸ਼ਮੂਲੀਅਤ ਨਾਲ ਹੋ ਰਹੇ ਹਨ ਵੱਡੇ ਘੁਟਾਲੇ-ਯੂਥ ਅਕਾਲੀ ਦਲ
ਬਈ ਸਿਆਣੇ ਕਹਿੰਦੇ ਹੁੰਦੇ ਆ ਕਿ 'ਕੱਲਾ ਇਕ ਤੇ ਦੋ ਗਿਆਰਾਂ'

ਟਰੰਪ ਦੀ ਬਿਆਨਬਾਜ਼ੀ ਨੇ ਬਲ਼ਦੀ ਉੱਪਰ ਤੇਲ ਪਾਇਆ- ਜੋਅ ਬਿਡੇਨ
ਨਿੱਤ ਨਵੇਂ ਪੁਆੜੇ ਪਾਉਂਦਾ ਨੀਂ, ਮਰ ਜਾਣਾ ਅਮਲੀ।

ਬੀਜ ਤੇ ਕੀੜੇਮਾਰ ਦਵਾਈਆਂ ਦੀਆਂ ਦੁਕਾਨਾਂ ਦੀ ਅਚਨਚੇਤ ਚੈਕਿੰਗ ਸ਼ੁਰੂ-ਇਕ ਖ਼ਬਰ
ਸੱਪ ਲੰਘੇ ਤੇ ਲਕੀਰ ਪਿੱਟਣੀ। ਬੜੀ ਪੁਰਾਣੀ ਆਦਤ ਹੈ ਇਹਨਾਂ ਦੀ।

ਦਿੱਲੀ ਦੇ ਸੀਨੀਅਰ ਅਕਾਲੀ ਨੇਤਾ ਹਰਮਨਜੀਤ ਸਿਘ ਨੇ ਅਕਾਲੀ ਦਲ ਤੋਂ ਦਿਤਾ ਅਸਤੀਫ਼ਾ- ਇਕ ਖ਼ਬਰ
ਆਹ ਲੈ ਫੜ ਚੁੱਕ ਮਿੱਤਰਾ, ਸਾਡੇ ਬਾਂਕਾਂ ਮੇਚ ਨਾ ਆਈਆਂ।

ਜੈਸਿਕਾ ਲਾਲ ਕਤਲ ਕਾਂਡ 'ਚ ਦੋਸ਼ੀ ਮਨੂ ਸ਼ਰਮਾ ਸਜ਼ਾ ਪੂਰੀ ਹੋਣ ਤੋਂ ਪਹਿਲਾਂ ਹੀ ਰਿਹਾਅ- ਇਕ ਖ਼ਬਰ
ਸਜ਼ਾ ਪੂਰੀ ਹੋਣ ਤੋਂ ਬਾਅਦ ਵੀ ਜੇਲ੍ਹਾਂ 'ਚ ਰੱਖਣ ਦੀ 'ਸਹੂਲਤ' ਤਾਂ ਸਿਰਫ਼ ਸਿੱਖਾਂ ਨੂੰ ਹੀ ਮਿਲਦੀ ਐ।
 
ਮੰਤਰੀਆਂ ਤੇ ਵਿਧਾਇਕਾਂ ਲਈ ਲੱਖਾਂ ਦੇ ਭੱਤਿਆਂ ਦਾ ਮੀਟਰ ਚਾਲੂ-ਇਕ ਖ਼ਬਰ
ਭਰ ਲਉ ਝੋਲ਼ੀਆਂ ਮਿੱਤਰੋ ਕਿ ਲੱਡੂਆਂ ਦਾ ਮੀਂਹ ਵਰ੍ਹਦਾ।

ਨਿਕੰਮੇ ਅਧਿਕਾਰੀਆਂ ਤੇ ਕਰਮਚਾਰੀਆਂ ਦੀ ਕਰੇਗੀ ਛੁੱਟੀ ਪੰਜਾਬ ਸਰਕਾਰ- ਇਕ ਖ਼ਬਰ
ਜੇ ਇਹ ਨਿਕੰਮੇ ਸੀ ਤਾਂ ਹੁਣ ਤਾਈਂ ਤੁਸੀਂ ਛੁਣਛੁਣੇ ਵਜਾਉਂਦੇ ਸੀ, ਸਰਕਾਰ ਜੀ।

ਜੇ ਚੀਨ ਹਾਂਗਕਾਂਗ ਦੇ ਲੋਕਾਂ ਨੂੰ ਡਰਾਏਗਾ ਤਾਂ ਬ੍ਰਿਟੇਨ ਚੁੱਪ ਕਰ ਕੇ ਨਹੀਂ ਬੈਠੇਗਾ- ਬੋਰਿਸ ਜਾਨਸਨ
ਤੇਰੀ ਆਈ ਮੈਂ ਮਰ ਜਾਂ, ਤੇਰਾ ਵਾਲ਼ ਵੀ ਵਿੰਗਾ ਨਾ ਹੋਵੇ।

ਸਿੱਧੂ ਮੂਸੇਵਾਲ਼ਾ ਨਾਭਾ ਪੁਲਿਸ ਦੀਆਂ ਅੱਖਾਂ 'ਚ ਘੱਟਾ ਪਾ ਕੇ ਥਾਣੇ 'ਚੋਂ ਚਲਾ ਗਿਆ- ਇਕ ਖ਼ਬਰ
ਨਹੀਂ ਭਾਈ ਇੰਜ ਨਹੀਂ, ਪੁਲਿਸ ਨੇ ਆਪਣੀਆਂ ਅੱਖਾਂ 'ਚ ਘੱਟਾ ਆਪ ਪਾਇਐ।

01 June 2020

'ਆਸਕ ਕੈਪਟਨ' ਦੀ ਪਹੁੰਚ 70 ਲੱਖ ਲੋਕਾਂ ਤੱਕ ਹੋਈ- ਇਕ ਖ਼ਬਰ
ਯਾਰੋ ਦੇਖਿਉ ਕਿਤੇ 'ਆਸਕ' ਦੇ ਸੱਸੇ ਹੇਠਾਂ ਬਿੰਦੀ ਨਾ ਪਾ ਦਿਉ।

ਕੇਂਦਰ ਸਰਕਾਰ ਤੋਂ ਪੰਜਾਬ ਸਰਕਾਰ ਨੂੰ ਵੱਡੇ ਰਾਹਤ ਪੈਕੇਜ ਦੀ ਲੋੜ- ਬ੍ਰਹਮਪੁਰਾ
ਉਹ ਫਿਰੇ ਨੱਥ ਘੜਾਉਣ ਨੂੰ ਤੇ ਉਹ ਫਿਰੇ ਨੱਕ ਵਢਾਉਣ ਨੂੰ।

ਸਰਕਾਰ ਝੋਨਾ ਬੀਜ ਘਪਲੇ ਦੀ ਜਾਂਚ ਤੋਂ ਭੱਜ ਕਿਉਂ ਰਹੀ ਹੈ-ਲੱਖੋਵਾਲ
ਚੋਰ ਕੀ ਦਾਹੜੀ ਮੇਂ ਤਿਨਕਾ।

ਅਮਰੀਕਾ ਨੇ ਵਿਸ਼ਵ ਸਿਹਤ ਸੰਗਠਨ ਨਾਲੋਂ ਪੂਰੀ ਤਰ੍ਹਾਂ ਤੋੜਿਆ ਨਾਤਾ- ਇਕ ਖ਼ਬਰ
ਲਾਈ ਬੇਕਦਰਾਂ ਨਾਲ਼ ਯਾਰੀ, ਕਿ ਟੁੱਟ ਗਈ ਤੜੱਕ ਕਰ ਕੇ।

ਕਰਜ਼ਾ ਮਿਲੇ ਜਾਂ ਨਾ ਮਿਲੇ, ਮੋਦੀ ਸਰਕਾਰ ਦੀਆਂ ਸ਼ਰਤਾਂ ਸਾਨੂੰ ਮੰਨਜ਼ੂਰ ਨਹੀਂ-ਬਾਜਵਾ
ਉਜੜੀਆਂ ਭਰਜਾਈਆਂ, ਵਲੀ ਜਿਹਨਾਂ ਦੇ ਜੇਠ।

ਬਾਬਰੀ ਮਸਜਿਦ ਮਾਮਲਾ: ਦੋਸ਼ੀਆਂ ਦੇ ਬਿਆਨ ਦਰਜ ਕਰਨ ਲਈ 4 ਜੂਨ ਦੀ ਤਰੀਕ ਤੈਅ- ਇਕ ਖ਼ਬਰ
ਇਸ ਦਿਲਚਸਪ ਡਰਾਮੇ ਦਾ ਡਰਾਪ ਸੀਨ 4 ਜੂਨ ਨੂੰ ਜ਼ਰੂਰ ਦੇਖੋ ਜੀ।

ਮੁੱਖ ਸਕੱਤਰ ਕਰਨ ਅਵਤਾਰ ਨੇ ਪੂਰੇ ਮੰਤਰੀ ਮੰਡਲ ਤੋਂ ਮੰਗੀ ਮਾਫ਼ੀ-ਇਕ ਖ਼ਬਰ
ਨੂਨ ਨਾਲ ਚਾਲਾਕੀ ਸਰਦਾਰ ਜੀ ਨੇ, ਲਿਆ ਆਪਣਾ ਆਪ ਸੰਭਾਲ ਬੇਲੀ।

ਅਧਿਕਾਰੀਆਂ ਵਲੋਂ ਦਲਿਤਾਂ ਨਾਲ ਵਧੀਕੀਆਂ ਦੇ ਮਾਮਲੇ ਨਜ਼ਰਅੰਦਾਜ਼- ਇਕ ਖ਼ਬਰ
ਖਾਵਣ ਵੱਢੀਆਂ ਨਿੱਤ ਈਮਾਨ ਵੇਚਣ, ਇਹੋ ਮਾਰ ਹੈ ਕਾਜ਼ੀਆਂ ਸਾਰਿਆਂ ਨੂੰ।

ਝੋਨੇ ਦੀ ਸਿੱਧੀ ਬਿਜਾਈ ਵਾਲ਼ੀਆਂ ਮਸ਼ੀਨਾਂ 'ਚ ਕਿਸਾਨਾਂ ਦੀ ਲੁੱਟ- ਇਕ ਖ਼ਬਰ
ਸਉਣ ਵਿਚ ਤਾਂ ਲੁੱਟਦੇ ਬਾਣੀਏਂ, ਨਵੀਆਂ ਹੱਟੀਆਂ ਪਾ ਕੇ।

ਡੋਨਲਡ ਟਰੰਪ ਨੇ ਭਾਰਤ-ਚੀਨ ਵਿਚਾਲੇ ਵਿਚੋਲਗੀ ਦੀ ਕੀਤੀ ਪੇਸ਼ਕਸ਼- ਇਕ ਖ਼ਬਰ
ਕਾਟੋ ਦੁੱਧ ਰਿੜਕੇ, ਚੁਗਲ ਝਾਤੀਆਂ ਮਾਰੇ।

ਕੋਝੇ ਹੱਥਕੰਡਿਆਂ ਨਾਲ਼ ਅਕਾਲੀਆਂ ਨੂੰ ਆਪਣਾ ਖੁੱਸਿਆ ਵਕਾਰ ਨਹੀਂ ਲੱਭੇਗਾ- ਸੁਖਜਿੰਦਰ ਰੰਧਾਵਾ
ਹੁਣ ਅੱਕਾਂ ਤੋਂ ਭਾਲ਼ਦੀ ਡੇਲੇ, ਜੱਟਾਂ ਨੇ ਕਰੀਰ ਪੁੱਟ ਲਏ।

ਪੰਜਾਬ ਵਿਧਾਨ ਸਭਾ ਦੇ ਥਾਂ ਦੀ ਹਿੱਸੇਦਾਰੀ ਨੂੰ ਲੈ ਕੇ ਪੰਜਾਬ ਤੇ ਹਰਿਆਣਾ ਆਹਮੋ ਸਾਹਮਣੇ-ਇਕ ਖ਼ਬਰ
ਮਰ ਜਾਏਂ ਦੋਜਕੀਆ, ਜਿਨ ਤੱਕਲ਼ਾ ਸੇਹ ਦਾ ਗੱਡਿਆ।

ਕੇਂਦਰ ਸਰਕਾਰ ਨੇ ਔਖੀ ਘੜੀ 'ਚ ਪੰਜਾਬ ਦੀ ਬਾਂਹ ਮਰੋੜੀ-ਇਕ ਖ਼ਬਰ
ਉੱਤੋਂ ਰਾਤ ਹਨ੍ਹੇਰੀ ਵੇ, ਇਥੇ ਕੋਈ ਨਾ ਤੇਰਾ ਦਰਦੀ।

ਫੌਜੀ ਹਮਲੇ ਤੇ ਝੂਠੇ ਪੁਲਸ ਮੁਕਾਬਲਿਆਂ ਦਾ ਸੱਚ ਸਿੱਖ ਕੌਮ 36 ਸਾਲਾਂ ਬਾਅਦ ਵੀ ਨਾ ਜਾਣ ਸਕੀ-ਬੀਬੀ ਖਾਲੜਾ
ਬੀਬੀ ਜੀ! ਜਦ ਕੁੱਤੀ ਚੋਰਾਂ ਨਾਲ਼ ਰਲ਼ ਜਾਏ ਤਾਂ ਸੱਚ ਕਿਥੋਂ ਲੱਭੇਗਾ।

18 Feb. 2020

# ਚੂਚਕ ਮਹਿਰ ਨੇ ਘਰ ਦੀਆਂ ਬਿੱਲੀਆਂ ਤੋਂ, ਟੱਬਰ ਖੇੜਿਆਂ ਦਾ ਪੜਵਾਇਆ ਈ।
# ਨਾ ਬੈਠਣਾ ਨਾ ਬੈਠਣ ਦੇਣਾ, ਕਾਨਾ ਟਿੰਡ ਵਿਚ ਪਾਈ ਰੱਖਣਾ।
# ਜਿਹੜਾ ਮੂਹਰਲੀ ਗੱਡੀ ਦਾ ਬਾਬੂ  ਉਹ ਮੇਰਾ ਵੀਰ ਕੁੜੀਓ।
# ਨੀ ਛੜੇ ਅੱਜ ਭਜਨ ਕੁਰੇ, ਹੋ ਕੇ ਸ਼ਰਾਬੀ ਬੁੱਕਦੇ।
# ਪਿੱਛੇ ਮੁੜ ਜਾ ਸੋਹਣਿਆਂ ਵੇ, ਸੌਖਾ ਨਹੀਂ ਇਸ਼ਕ ਕਮਾਉਣਾ।
# ਉਹ ਘਰ ਅਮਲੀ ਦਾ ਜਿੱਥੇ ਰੋਜ਼ ਪਤੀਲੀ ਖੜਕੇ।
# ਗੁੱਸੇ ਨਾਲ ਜਲਾਦਾਂ ਨੂੰ ਆਖਦਾ,
ਇਹਨੂੰ ਛੇਤੀ ਕਰੋ ਹਲਾਲ।
# ਇਸ ਅਦਾਲਤ ' ਬੰਦੇ ਬਿਰਖ ਹੋ ਗਏ।
# ਲੋਕ ਆਖਦੇ ਮੋਇਆ ਹੈ ਖਸਮ ਜਿਹਦਾ, ਤਖ਼ਤ ਉਜੜੇ ਤਦੋਂ ਵੀਰਾਨ ਹੋ ਕੇ।
# ਠਾਣੇਦਾਰ ਦੇ ਬਰਾਬਰ ਬੋਲੇ, ਚੁੱਕੀ ਹੋਈ ਲੰਬੜਾਂ ਦੀ।
# ਇਕ ਤਾਂ ਮੁੰਡਾ ਚੜ੍ਹ ਗਿਆ ਪਿੱਪਲ 'ਤੇ, ਡਾਹਣੇ ਨੂੰ ਹੱਥ ਪਾ ਕੇ।
# ਤੇਰੀ ਤੋੜ ਕੇ ਛੱਡਣਗੇ ਗਾਨੀ, ਵੱਸ ਪੈ ਗਈ ਅੜ੍ਹਬਾਂ ਦੇ।

10 Feb. 2020

ਸੁਖਬੀਰ ਬਾਦਲ ਅੰਦਰ ਸਵਾਲ ਦੇ ਜਵਾਬ ਦਾ ਸਾਹਮਣਾ ਕਰਨ ਦੀ ਹਿੰਮਤ ਨਹੀਂ- ਪਰਮਿੰਦਰ ਢੀਂਡਸਾ
ਹੁਣ ਤੂੰ ਕਿਧਰ ਗਿਆ, ਜੇਠ ਬੋਲੀਆਂ ਮਾਰੇ।

 
'ਸੀਆਰਾ' ਨਾਮਕ ਤੂਫ਼ਾਨ ਨੇ ਯੂ.ਕੇ. 'ਚ ਨੱਬੇ ਮੀਲ ਦੀ ਰਫ਼ਤਾਰ ਨਾਲ ਹਨ੍ਹੇਰੀ ਲਿਆਂਦੀ- ਇਕ ਖ਼ਬਰ
ਨੀਲਿਆ ਬਸ ਕਰ ਓਏ, ਹੁਣ ਦੇ ਦੇ ਘੜੇ ਉੱਤੇ ਚੱਪਣੀ।

ਮੋਦੀ ਸਰਕਾਰ ਸ਼ਾਇਦ ਤਾਜ ਮਹਿਲ ਵੀ ਵੇਚ ਦੇਵੇ-ਰਾਹੁਲ ਗਾਂਧੀ
ਲੋਟਣ ਪੱਚੀਆਂ ਦੇ, ਚਹੁੰ 'ਚ ਵੇਚ ਗਿਆ ਜਾਨੀ।

ਸ਼੍ਰੋਮਣੀ ਕਮੇਟੀ ਨੂੰ ਬਾਦਲ ਦਲ ਤੋਂ ਮੁਕਤ ਕਰਵਾਉਣਾ ਸਮੇਂ ਦੀ ਲੋੜ-ਬੱਬੀ ਬਾਦਲ
ਖੇਤ ਤਾਂ ਆਪਣਾ ਡਬਰਿਆਂ ਖਾ ਲਿਆ, ਧੜਕੇ ਕਾਲ਼ਜਾ ਮੇਰਾ।

ਮਹਾਂ ਦੋਸ਼ਾਂ ਤੋਂ ਮੁਕਤ ਹੋਇਆ ਡੋਨਲਡ ਟਰੰਪ- ਇਕ ਖ਼ਬਰ
ਚੁੰਘੀ ਬੱਕਰੀ, ਬਣਾਇਆ ਸੀ ਡਾਕਾ।

ਪੰਥਕ ਵਿਚਾਰਧਾਰਾ ਵਾਲੇ ਪਰਵਾਰ ਵੀ ਅਕਾਲੀ ਦਲ ਤੋਂ ਕਿਉਂ ਦੂਰ ਹੋ ਰਹੇ ਹਨ?- ਸੁਖਦੇਵ ਸਿੰਘ ਢੀਂਡਸਾ
ਖੇਤ ਉਜਾੜ ਪਿਆ, ਮੈਂ ਕਿਵੇਂ ਗਿੱਧੇ ਵਿਚ ਜਾਵਾਂ।

ਸਰਨਾ ਭਰਾਵਾਂ ਵਲੋਂ ਦਿੱਲੀ ਚੋਣਾਂ 'ਚ ਕਾਂਗਰਸ ਅਤੇ 'ਆਪ' ਦੋਵਾਂ ਪਾਰਟੀਆਂ ਦੀ ਮਦਦ ਦਾ ਫ਼ੈਸਲਾ- ਇਕ ਖ਼ਬਰ
ਅੱਧੀ ਤੇਰੀ ਆਂ ਮੁਲਾਹਜ਼ੇਦਾਰਾ, ਅੱਧੀ ਆਂ ਗ਼ਰੀਬ ਜੱਟ ਦੀ।

ਭਾਈਚਾਰਕ ਸਾਂਝ ਦੇ ਨਾਅਰਿਆਂ ਨਾਲ਼ ਸ਼ਾਹੀਨ ਧਰਨੇ ਦੀ ਸ਼ਾਨੋ-ਸ਼ੌਕਤ ਬਰਕਰਾਰ- ਇਕ ਖ਼ਬਰ
ਅਵਲ ਅੱਲਾ ਨੂਰ ਉਪਾਇਆ, ਕੁਦਰਤ ਕੇ ਸਭ ਬੰਦੇ।

'ਆਪ' ਵਲੋਂ ਭਾਜਪਾ ਨੂੰ ਮੁੱਖ ਮੰਤਰੀ ਐਲਾਨਣ ਦੀ ਚੁਨੌਤੀ- ਇਕ ਖ਼ਬਰ
ਸਾਡੇ ਨਾਲ਼ ਕੀ ਪਾਇਆ ਈ ਵੈਰ ਕਾਕਾ, ਮੱਥਾ ਸੌਂਕਣਾਂ ਵਾਂਗ ਕੀ ਲਾਇਆ ਈ।

ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਵਲੋਂ 15 ਜ਼ਿਲ੍ਹਿਆਂ 'ਚ ਧਰਨਿਆਂ ਦਾ ਐਲਾਨ- ਇਕ ਖ਼ਬਰ
ਆ ਜਾਉ ਲਾਈਏ ਧਰਨੇ, ਹੁਣ ਅਸੀਂ ਵਿਹਲੇ ਆਂ।

ਕੇਜਰੀਵਾਲ ਨੇ ਅਮਿਤ ਸ਼ਾਹ ਨੂੰ ਬਹਿਸ ਲਈ ਲਲਕਾਰਿਆ- ਇਕ ਖ਼ਬਰ
ਜਾਮਨੂੰ ਦੀ ਗਿਟਕ ਜਿਹਾ, ਮੇਰੇ ਸਾਹਮਣੇ ਧੜਾ ਧੜ ਬੋਲੇ।

ਭਾਜਪਾ ਨਾਲ਼ ਹੁਣ ਸਾਰੇ ਗ਼ਿਲੇ ਸ਼ਿਕਵੇ ਹੋਏ ਦੂਰ- ਸੁਖਬੀਰ ਬਾਦਲ
ਹਾਏ ਨੀ ਮੇਰਾ ਬਾਲਮ ਹੈ ਬੜਾ ਜ਼ਾਲਮ, ਮੈਨੂੰ ਕਦੀ ਕਦੀ ਕਰਦਾ ਏ ਪਿਆਰ, ਕਦੀ ਮਾਰਦਾ ਏ ਛਮਕਾਂ ਦੀ ਮਾਰ।

03 Feb. 2020

ਹਰਿਆਣੇ ਦੇ ਇਕ ਮੰਤਰੀ ਦੀ ਮਿਹਰਬਾਨੀ ਨਾਲ਼ ਹਨੀਪ੍ਰੀਤ ਪੰਜਵੀਂ ਵਾਰ ਸੌਦਾ ਸਾਧ ਨੂੰ ਮਿਲੀ-ਇਕ ਖ਼ਬਰ
ਕੈਦ ਕਰਾ ਦਊਂਗੀ, ਮੈਂ ਡਿਪਟੀ ਦੀ ਸਾਲ਼ੀ।

ਦਿੱਲੀ ਚੋਣਾਂ ਵਿਚ ਬਾਦਲ ਅਕਾਲੀ ਦਲ ਨੇ ਭਾਜਪਾ ਦੇ ਸਮਰਥਨ ਦਾ ਕੀਤਾ ਐਲਾਨ-ਇਕ ਖ਼ਬਰ
ਮਰਦੀ ਨੇ ਅੱਕ ਚੱਬਿਆ, ਹਾਰ ਕੇ ਜੇਠ ਨਾਲ਼ ਲਾਈਆਂ।

ਹਰਸਿਮਰਤ ਦੀ ਵਜ਼ੀਰੀ ਲਈ ਮੋਦੀ-ਸ਼ਾਹ ਦੇ ਪੈਰਾਂ 'ਚ ਡਿਗੇ ਬਾਦਲ- ਭਗਵੰਤ ਮਾਨ
ਮੈਨੂੰ ਚੱਟ ਲੈ ਤਲ਼ੀ 'ਤੇ ਧਰ ਕੇ, ਮਿੱਤਰਾਂ ਮੈਂ ਖੰਡ ਬਣ ਗਈ।

ਬਾਦਲ ਅਕਾਲ਼ੀ ਦਲ ਨੇ ਢੀਂਡਸਿਆਂ ਨੂੰ ਅਕਾਲੀ ਦਲ 'ਚੋਂ ਬਾਹਰ ਦਾ ਰਾਹ ਦਿਖਾਇਆ-ਇਕ ਖ਼ਬਰ
ਤੇਰਾ ਕੱਖ ਨਹੀਂ ਬਚਨੀਏਂ ਰਹਿਣਾ, ਛੜਿਆਂ ਦਾ ਹੱਕ ਮਾਰ ਕੇ।

ਢੀਂਡਸਾ ਦੇ ਗੜ੍ਹ 'ਚ ਰੈਲੀ ਕਰਨਾ ਅਕਾਲੀਆਂ ਲਈ ਵਕਾਰ ਦਾ ਸਵਾਲ ਬਣਿਆ-ਇਕ ਖ਼ਬਰ
ਕਰਾਮਾਤ ਲਗਾਇ ਕੇ ਸਿਹਰ ਫੂਕਾਂ, ਜੜ੍ਹਾਂ ਖੇੜਿਆਂ ਦੀਆਂ ਮੁੱਢੋਂ ਪੁੱਟ ਸੁੱਟਾਂ।

ਜਥੇਦਾਰ ਵਲੋਂ ਬਣਾਈ ਕਮੇਟੀ ਅੱਗੇ ਢੱਡਰੀਆਂ ਵਾਲ਼ੇ ਅੱਜ ਵੀ ਪੇਸ਼ ਨਾ ਹੋਏ- ਇਕ ਖ਼ਬਰ
ਗੱਲ ਸੋਚ ਕੇ ਕਰੀਂ ਜ਼ੈਲਦਾਰਾ, ਅਸਾਂ ਨਹੀਂ ਕਨੌੜ ਝੱਲਣੀ।

ਨਵੇਂ ਸਿਰਿਉਂ ਘੜੀ ਜਾ ਰਹੀ ਹੈ ਹਰਿਆਣਾ ਗੁਰਦੁਆਰਾ ਕਮੇਟੀ 'ਤੇ ਰਣਨੀਤੀ- ਇਕ ਖ਼ਬਰ
ਵਾਰਿਸ ਸ਼ਾਹ ਮੀਆਂ ਚੰਦ ਰੋਜ਼ ਅੰਦਰ, ਖੇੜੇ ਮੇਲ ਕੇ ਜੰਜ ਲੈ ਆਂਵਦੇ ਨੇ।

ਸਰਕਾਰ ਨੇ ਸ਼ਰਾਬ ਕਾਰੋਬਾਰ ਤੋ 6250 ਕਰੋੜ ਰੁਪਏ ਮਾਲੀਏ ਦਾ ਟੀਚਾ ਮਿਥਿਆ- ਇਕ ਖ਼ਬਰ
ਬੋਤਲਾਂ ਦੀ ਗਿਣਦੈਂ ਕਮਾਈ, ਨਸ਼ੇ ਦਾ ਲੱਕ ਕਿਵੇਂ ਤੋੜੇਂਗਾ।

ਅਮਰੀਕੀ ਸੰਸਦ ਮੈਂਬਰਾਂ ਵਲੋਂ ਅਮਰੀਕਾ 'ਚ ਸਿੱਖਾਂ ਦੇ ਯੋਗਦਾਨ ਦੀ ਪ੍ਰਸ਼ੰਸਾ- ਇਕ ਖ਼ਬਰ
ਪੰਥ ਤੇਰੇ ਦੀਆਂ ਗੂੰਜਾਂ ਦਿਨੋਂ ਦਿਨ ਪੈਣਗੀਆਂ।

ਅਕਾਲੀ ਨੇਤਾ ਦੀ ਕੋਠੀ 'ਚੋਂ ਕਰੋੜਾਂ ਦੀ ਹੈਰੋਇਨ ਤੇ ਨਸ਼ੀਲੇ ਪਦਾਰਥ ਬਰਾਮਦ- ਇਕ ਖ਼ਬਰ
ਵਾਹ ਭਾਈ ਜੀ ਵਾਹ, ਪੜ੍ਹਨੀਆਂ ਪੋਥੀਆਂ ਤੇ ਕੰਮ ਕਰਨੇ ਆਹ।

ਸਰਕਾਰੀ ਸਕੂਲਾਂ ਨੇ ਨਿਜੀ ਸਕੂਲਾਂ ਦੇ ਬਰਾਬਰ ਵਿੱਢੀ ਦਾਖਲਾ ਮੁਹਿੰਮ- ਇਕ ਖ਼ਬਰ
ਕੁੰਢੀਆਂ ਦੇ ਸਿੰਗ ਫਸ ਗਏ, ਕੋਈ ਨਿਕਲੂ ਵੜੇਵੇਂ ਖਾਣੀ।

ਰੈਲੀਆਂ ਕਰ ਕੇ ਟਕਸਾਲੀ ਅਕਾਲੀ ਬਾਦਲਾਂ ਨੂੰ ਦੇਣਗੇ ਜਵਾਬ- ਇਕ ਖ਼ਬਰ
ਮੇਰੀ ਕੱਚੇ ਘੜੇ ਦੀ ਬੇੜੀ, ਜੇ ਰੱਬ ਪਾਰ ਕਰੇ।

ਕੇਜਰੀਵਾਲ ਨੂੰ ਅਤਿਵਾਦੀ ਕਹਿਣ 'ਤੇ ਦਿੱਲੀ ਦੇ ਲੋਕ ਖ਼ਫ਼ਾ- ਇਕ ਖ਼ਬਰ
ਮੇਰੇ ਯਾਰ ਨੂੰ ਮੰਦਾ ਨਾ ਬੋਲੀਂ, ਮੇਰੀ ਭਾਵੇਂ ਜਿੰਦ ਕੱਢ ਲੈ।

ਸਾਬਕਾ ਕਾਂਗਰਸੀ ਵਿਧਾਇਕ ਰਮੇਸ਼ ਸਿੰਗਲਾ 'ਆਪ' ਵਿਚ ਸ਼ਾਮਲ- ਇਕ ਖ਼ਬਰ
ਮਿੱਠੇ ਬੇਰ ਸੁਰਗਾਂ ਦਾ ਮੇਵਾ, ਕੋਲ਼ ਬਹਿ ਕੇ ਚੁਗ ਮਿੱਤਰਾ।

27 Jan. 2020

ਦਿੱਲੀ 'ਚ ਭਾਜਪਾ ਨੇ ਵਿਧਾਨ ਸਭਾ ਦੀਆਂ ਚੋਣਾਂ ਲਈ ਅਕਾਲੀਆਂ ਨੂੰ ਬਾਹਰ ਦਾ ਰਸਤਾ ਦਿਖਾਇਆ- ਇਕ ਖ਼ਬਰ
ਕੱਚੀ ਟੁੱਟ ਗਈ ਜਿਹਨਾਂ ਦੀ ਯਾਰੀ, ਪੱਤਣਾਂ 'ਤੇ ਰੋਣ ਖੜ੍ਹੀਆਂ।

ਕੜਾਕੇ ਦੀ ਠੰਢ ਵਿਚ ਗਰਮ ਹੋ ਰਹੀ ਹੈ ਪੰਜਾਬ ਦੀ ਰਾਜਨੀਤੀ- ਇਕ ਖ਼ਬਰ
ਵਾਰਸ ਸ਼ਾਹ ਮੀਆਂ ਪੁੱਛੇ ਛੁਹਰੀਆਂ ਨੂੰ, ਅੱਗ ਲਾ ਫ਼ਕੀਰ ਕਿਉਂ ਸਾੜਿਆ ਜੇ।

ਅਕਾਲੀ ਦਲ ਦੀ ਪ੍ਰਧਾਨਗੀ ਤੋਂ ਸੁਖਬੀਰ ਬਾਦਲ ਨੂੰ ਹਟਾਉਣਾ ਚਾਹੁੰਦੇ ਹਾਂ- ਢੀਂਡਸਾ
ਕਰਾਮਾਤ ਲਗਾਇ ਕੇ ਸਿਹਰ ਫੂਕਾਂ, ਜੜ੍ਹਾਂ ਖੇੜਿਆਂ ਦੀਆਂ ਮੁੱਢੋਂ ਪੁੱਟ ਸੁੱਟਾਂ।

ਸ਼੍ਰੋਮਣੀ ਅਕਾਲੀ ਦਲ ਆਸਟ੍ਰੇਲੀਆ ਹਮੇਸ਼ਾ ਸੁਖਬੀਰ ਬਾਦਲ ਨਾਲ਼ ਡਟ ਕੇ ਖੜ੍ਹੇਗਾ-ਭੂਪਿੰਦਰ ਸਿੰਘ ਮਨੇਸ਼
ਜਿੱਥੇ ਚੱਲੇਂਗਾ ਚੱਲੂੰਗੀ ਨਾਲ਼ ਤੇਰੇ, ਟਿਕਟਾਂ ਦੋ ਲੈ ਲਈਂ।

ਅਮਿਤ ਸ਼ਾਹ ਵਲੋਂ ਨਾਗਰਿਕਤਾ ਕਾਨੂੰਨ 'ਤੇ ਬਹਿਸ ਦੀ ਚੁਣੌਤੀ ਬਸਪਾ ਵਲੋਂ ਮੰਨਜ਼ੂਰ-ਮਾਇਆਵਤੀ
ਨਿੰਮ ਹੇਠ ਕੱਤਦੀ ਦੀ, ਮੇਰੀ ਗੂੰਜ ਪਵੇ ਦਰਵਾਜ਼ੇ।

ਨਾਗਰਿਕਤਾ ਕਾਨੂੰਨ ਦੇ ਵਿਰੋਧ ਵਿਚ ਭਾਜਪਾ ਦੇ 80 ਮੁਸਲਮਾਨ ਆਗੂਆਂ ਨੇ ਛੱਡੀ ਪਾਰਟੀ- ਇਕ ਖ਼ਬਰ
ਤੇਰੀ ਰੰਨ ਦਾ ਨਾ ਭਰਨਾ ਪਾਣੀ, ਤੇਰੀ ਨਾ ਮੁਥਾਜ ਝੱਲਣੀ।

ਸ਼੍ਰੋਮਣੀ ਕਮੇਟੀ 550 ਸਾਲਾ ਸ਼ਤਾਬਦੀ ਦੀ ਤਰਜ਼ 'ਤੇ ਮਨਾਏਗੀ ਤਿੰਨ ਵੱਡੀਆਂ ਸ਼ਤਾਬਦੀਆਂ- ਲੌਂਗੋਵਾਲ
ਬਾਰਾਂ ਕਰੋੜੀ ਟੈਂਟਾਂ ਦੇ ਆਰਡਰ ਹੁਣੇ ਹੀ ਦੇ ਦਿਤੇ ਜਾਣਗੇ।

ਕਮਲਨਾਥ ਨੂੰ ਦਿੱਲੀ 'ਚ ਚੋਣ ਪਰਚਾਰ ਨਹੀਂ ਕਰਨ ਦਿਆਂਗੇ- ਮਨਜਿੰਦਰ ਸਿਰਸਾ
ਟੁੰਡੇ ਲਾਟ ਨੇ ਚੁੱਕਿਆ ਆਣ ਬੀੜਾ, ਹਮ ਸਿੰਘ ਸੇ ਜਾਇ ਕੇ ਲੜੇਗਾ ਜੀ।

ਅਕਾਲੀ ਦਲ ਬਾਦਲ ਦਿੱਲੀ ਚੋਣਾਂ ਨਹੀਂ ਲੜੇਗਾ-ਇਕ ਖ਼ਬਰ
ਦਾਖੇ ਹੱਥ ਨਾ ਅੱਪੜੇ, ਆਖਹਿ ਥੂ ਕੌੜੀ।

ਸ਼੍ਰੋਮਣੀ ਕਮੇਟੀ ਤੇ ਅਕਾਲੀ ਦਲ ਇਕੋ ਸਿੱਕੇ ਦੇ ਦੋ ਪਾਸੇ- ਲੌਂਗੋਵਾਲ
ਉਂਜ ਵੇਖਣ ਨੂੰ ਅਸੀਂ ਦੋ, ਕਿ ਤੇਰੀ ਮੇਰੀ ਇਕ ਜਿੰਦੜੀ।

ਹਰਿਆਣੇ ਦੇ ਇਕ ਮੰਤਰੀ ਦੀ ਮਿਹਰਬਾਨੀ ਨਾਲ਼ ਹਨੀਪ੍ਰੀਤ ਦੀ ਸੌਦਾ ਸਾਧ ਨਾਲ਼ ਪੰਜਵੀਂ ਮੁਲਾਕਾਤ- ਇਕ ਖ਼ਬਰ
ਸਈਆਂ ਭਏ ਕੋਤਵਾਲ, ਅਬ ਡਰ ਕਾਹੇ ਕਾ।

ਬਾਦਲਾਂ ਨੂੰ ਝਟਕਾ ਦੇਣ ਲਈ ਮੋਦੀ ਢੀਂਡਸਾ ਨੂੰ ਕੈਬਨਿਟ 'ਚ ਕਰ ਸਕਦੇ ਹਨ ਸ਼ਾਮਲ- ਇਕ ਖ਼ਬਰ
ਧਾਹਾਂ ਮਾਰਦਾ ਫਿਰੂਗਾ ਰਾਂਝਾ, ਜੇ ਲੈ ਗਏ ਖੇੜੇ ਡੋਲੀ ਹੀਰ ਦੀ

ਜਿੰਨਾ ਮਰਜ਼ੀ ਵਿਰੋਧ ਕਰੋ, ਨਾਗਰਿਕਤਾ ਸੋਧ ਕਾਨੂੰਨ ਵਾਪਸ ਨਹੀਂ ਹੋਵੇਗਾ- ਅਮਿਤ ਸ਼ਾਹ
ਵਾਰਸ ਸ਼ਾਹ ਨਾ ਮੁੜਾਂ ਰੰਝੇਟੜੇ ਤੋਂ, ਭਾਵੇਂ ਬਾਪ ਦੇ ਬਾਪ ਦਾ ਬਾਪ ਆਵੇ।

19 Jan. 2020

ਕੈਪਟਨ ਅਮਰਿੰਦਰ ਸਿੰਘ ਨਸ਼ਿਆਂ ਦੇ ਖ਼ਾਤਮੇ ਲਈ ਪੂਰੀ ਤਰ੍ਹਾਂ ਸੰਜੀਦਾ- ਬਲਬੀਰ ਸਿੰਘ ਸਿੱਧੂ
ਗੱਡੀ ਵਿਚ ਇੱਟ ਰੱਖ ਲੈ, ਲਈ ਜਾਨਾਂ ਓ ਪ੍ਰਾਹੁਣਿਆਂ ਖ਼ਾਲੀ।

ਕੈਪਟਨ ਵਿਰੁੱਧ ਬਗਾਵਤ ਕਰਨ ਲਈ ਸਮੂਹ ਮੰਤਰੀਆਂ ਨੇ ਬਾਜਵਾ 'ਤੇ ਅਨੁਸ਼ਾਸਨੀ ਕਾਰਵਾਈ ਮੰਗੀ-ਇਕ ਖ਼ਬਰ
ਵੈਰੀਆਂ ਦਾ ਖੂਹ ਵਗਦਾ, ਮੈਨੂੰ ਤੇਰੀ ਵੇ ਜਾਨ ਦਾ ਧੋਖਾ।

ਕਸ਼ਮੀਰ 'ਚ ਇੰਟਰਨੈੱਟ ਬੰਦ ਕਰਨਾ ਠੀਕ, ਕਸ਼ਮੀਰੀ ਗੰਦੀਆਂ ਫ਼ਿਲਮਾਂ ਦੇਖਦੇ ਹਨ-ਵੀ.ਕੇ. ਸਰਸਵਤ
ਤੇ ਜਿਹੜੇ ਪਾਰਲੀਮੈਂਟ ਤੇ ਵਿਧਾਨ ਸਭਾਵਾਂ ਦੇ ਸੈਸ਼ਨਾਂ 'ਚ ਦੇਖਦੇ ਆ, ਉਹਨਾਂ ਬਾਰੇ ਕੀ ਖਿਆਲ ਐ।

ਹੈਰੀ ਅਤੇ ਮੇਗਨ ਨੇ ਸ਼ਾਹੀ ਠਾਠ ਬਾਠ ਛੱਡੇ- ਇਕ ਖ਼ਬਰ
ਚਾਰੇ ਕੰਨੀਆਂ ਮੇਰੀਆਂ ਵੇਖ ਖ਼ਾਲੀ, ਅਸੀਂ ਨਾਲ਼ ਨਹੀਂ ਕੁਝ ਲੈ ਚੱਲੇ।

ਮਾਲਵਾ 'ਚ ਬਾਦਲਾਂ ਖ਼ਿਲਾਫ਼ ਮੁਹਿੰਮ ਵਿੱਢਣ ਲਈ ਢੀਂਡਸਾ ਤਿਆਰ- ਇਕ ਖ਼ਬਰ
ਸਿੰਘ ਸੂਰਮੇ ਸ਼ੇਰ ਦਲੇਰ ਬਾਂਕੇ, ਕੱਸਣ ਘੋੜੀਆਂ ਜ਼ੀਨਾਂ ਸਵਾਰੀਆਂ ਨੀਂ।

ਦਿੱਲੀ ਦੇ ਸੰਘਰਸ਼ੀ ਯੱਗ 'ਚ ਹੁਣ ਪੰਜਾਬ ਵੀ ਪਾਏਗਾ ਆਪਣਾ ਹਿੱਸਾ-ਇਕ ਖ਼ਬਰ
ਛਾਲ਼ ਗੱਡੀ 'ਚੋਂ ਮਾਰੀ, ਮਿੱਤਰਾਂ ਦਾ ਨਾਂ ਸੁਣ ਕੇ।

ਭੂੰਦੜ ਨੇ ਬਾਦਲਾਂ ਦੇ ਪੁਰਖਿਆਂ ਤੋਂ ਬੰਦਾ ਬਹਾਦਰ ਦਾ ਸਿਰ ਵਢਵਾ ਦਿਤਾ-ਇਕ ਖ਼ਬਰ
ਆਨਰੇਰੀ ਪੀ.ਐਚ.ਡੀ. ਵਿਗੈਰਾ ਦੁਆਉ ਯਾਰ ਅਜਿਹੇ ਇਤਿਹਾਸਕ ਖੋਜੀ ਨੂੰ ।

ਅਕਾਲੀ ਸਰਕਾਰ ਸਮੇਂ ਹੋਏ ਬਿਜਲੀ ਸਮਝੌਤਿਆਂ 'ਤੇ ਵਾਈਟ ਪੇਪਰ ਲਿਆਵਾਂਗੇ-ਕੈਪਟਨ
ਕੌਨ ਜੀਤਾ ਹੈ ਤੇਰੀ ਜ਼ੁਲਫ਼ ਕੇ ਸਰ ਹੋਨੇ ਤੱਕ, ਖ਼ਾਕ ਹੋ ਜਾਏਂਗੇ ਹਮ ਤੁਮ ਕੋ ਖ਼ਬਰ ਹੋਨੇ ਤੱਕ।

ਸੁਖਬੀਰ ਬਾਦਲ ਦੇ ਤਾਨਾਸ਼ਾਹੀ ਵਤੀਰੇ ਕਰ ਕੇ ਵੱਡੇ ਆਗੂਆਂ ਨੇ ਅਕਾਲੀ ਦਲ ਤੋਂ ਦੂਰੀ ਬਣਾਈ- ਸੇਖਵਾਂ
ਗੱਲ ਸੋਚ ਕੇ ਕਰੀਂ ਜ਼ੈਲਦਾਰਾ, ਅਸਾਂ ਨਹੀਂ ਕਨੌੜ ਝੱਲਣੀ।

ਜਨਵਰੀ ਮਹੀਨੇ ਪਰਚੂਨ ਮਹਿੰਗਾਈ ਅੱਠ ਪ੍ਰਤੀਸ਼ਤ ਰਹਿਣ ਦੀ ਪੇਸ਼ੀਨਗੋਈ-ਇਕ ਖ਼ਬਰ
ਸਾਡੇ ਨਾਲ਼ ਰਵ੍ਹੋਗੇ ਤੇ ਐਸ਼ ਕਰੋਗੇ।

ਅਕਾਲੀ ਦਲ ਦੇ ਕੁਝ ਵੱਡੇ ਚਿਹਰੇ ਸੁਧਾਰ ਮੁਹਿੰਮ 'ਚ ਹੋਣਗੇ ਸ਼ਾਮਲ- ਪਰਮਿੰਦਰ ਢੀਂਡਸਾ
ਰੁੱਤ ਯਾਰੀਆਂ ਲਾਉਣ ਦੀ ਆਈ, ਬੇਰੀਆਂ ਦੇ ਬੇਰ ਪੱਕ ਗਏ।

ਕੀ ਦਿੱਲੀ ਵਿਚ ਕੇਜਰੀਵਾਲ ਦਾ ਸਿੱਖਾਂ ਤੋਂ ਮੋਹ ਭੰਗ ਹੋ ਗਿਐ?-ਇਕ ਸਵਾਲ
ਭੁੱਲ ਗਈ ਯਾਰ ਪੁਰਾਣੇ, ਨਵਿਆਂ ਦੇ ਸੰਗ ਲੱਗ ਕੇ।

ਮਾਨਸਾ 'ਚ ਬਾਦਲ ਦਲੀਏ ਪਰਮਿੰਦਰ ਸਿੰਘ ਢੀਂਡਸਾ ਦੀ ਪੈੜ ਨੱਪਦੇ ਰਹੇ-ਇਕ ਖ਼ਬਰ
ਲੱਡੂ ਖਾ ਕੇ ਚੁਬਾਰੇ ਵਿਚੋਂ ਨਿਕਲੀ, ਮੱਖੀਆਂ ਨੇ ਪੈੜ ਨੱਪ ਲਈ।

ਸੁਖਬੀਰ ਬਾਦਲ ਮੁੰਗੇਰੀ ਲਾਲ ਵਾਲ਼ੇ ਰਾਜ ਕਰਨ ਦੇ ਸੁਪਨੇ ਲੈਣੇ ਛੱਡ ਦੇਵੇ- ਭੱਠਲ
ਅੱਗੇ ਬੀਬੀ ਟੱਪਣੀ, ਪਿੱਛੇ ਢੋਲਾਂ ਦੀ ਘੜਮੱਸ।

15 Jan. 2020

ਜੇ.ਐਨ.ਯੂ. ਹਿੰਸਾ ਵਿਰੁੱਧ ਰੋਹ ਦਿੱਲੀ ਤੋਂ ਆਕਸਫੋਰਡ ਤੱਕ ਫ਼ੈਲਿਆ-ਇਕ ਖ਼ਬਰ
ਜਿਊਣਾ ਮੌੜ ਵੱਢਿਆ ਨਾ ਜਾਵੇ, ਛਵ੍ਹੀਆਂ ਦੇ ਘੁੰਡ ਮੁੜ ਗਏ।

ਸਾਰਿਆਂ ਨੂੰ ਤਰੱਕੀ ਦੇ ਮੌਕੇ ਤੇ ਰੋਜ਼ਗਾਰ ਦਿੱਤੇ ਬਿਨਾਂ ਸਿਆਸਤ ਨਹੀਂ ਛੱਡਾਂਗਾ- ਕੈਪਟਨ
ਇਕ ਤਾਂ ਮੁੰਡਾ ਚੜ੍ਹ ਗਿਆ ਪਿੱਪਲ 'ਤੇ, ਡਾਹਣੇ ਨੂੰ ਹੱਥ ਪਾ ਕੇ।

ਐਨ.ਆਰ.ਸੀ. ਦੇ ਮਸਲੇ 'ਤੇ ਮੈਂ ਸੋਨੀਆ ਵਲੋਂ ਬੁਲਾਈ ਮੀਟਿੰਗ 'ਚ ਨਹੀਂ ਜਾਵਾਂਗੀ- ਮਮਤਾ
ਘੜਾ ਚੁੱਕ ਲਉਂ ਪੱਟਾਂ 'ਤੇ ਹੱਥ ਧਰ ਕੇ, ਖ਼ਸਮਾਂ ਨੂੰ ਖਾਣ ਕੁੜੀਆਂ।

ਈਰਾਨ ਨੇ ਅਮਰੀਕਾ ਤੋਂ ਬਦਲਾ ਲੈਣ ਦਾ ਅਹਿਦ ਦੁਹਰਾਇਆ- ਇਕ ਖ਼ਬਰ
ਤੇਰੇ ਲਹੂ ਦੇ ਪੂਰਨਾ ਘੁੱਟ ਭਰਸਾਂ, ਕਿੱਥੇ ਜਾਏਂਗਾ ਬਚ ਕੇ ਛੋਹਰੂਆ ਓਏ।

ਢੀਂਡਸਾ ਬਾਰੇ ਫ਼ੈਸਲਾ ਕੋਰ ਕਮੇਟੀ ਕਰੇਗੀ- ਸੁਖਬੀਰ ਸਿੰਘ ਬਾਦਲ
ਹਾਹਾਹਾ, ਕੋਰ ਕਮੇਟੀ!..............

ਐਸ.ਐਚ.ਓ. ਨੇ ਲੁਟੇਰਿਆਂ ਨੂੰ ਛੱਡਣ ਬਦਲੇ ਸਾਢੇ ਤਿੰਨ ਲੱਖ ਰੁਪਏ ਲਏ- ਇਕ ਖ਼ਬਰ
ਕੋਠੀ ਦਾ ਲੈਂਟਰ ਵਿਚਾਰੇ ਦਾ ਅੱਧ 'ਚ ਪਿਆ ਸੀ, ਹੋਰ ਕੀ ਕਰਦਾ।

ਸਹਿਕਾਰੀ ਸੁਸਾਇਟੀ 'ਚੋਂ ਕਰਜ਼ਿਆਂ ਦਾ ਰਜਿਸਟਰ ਗ਼ਾਇਬ, ਮੈਨੇਜਰ ਸ਼ੱਕ ਦੇ ਘੇਰੇ 'ਚ-ਇਕ ਖ਼ਬਰ
ਨਾ ਰਹੇ ਬਾਂਸ , ਨਾ ਵੱਜੇ ਬੰਸਰੀ।

ਸੜਕ ਵਿਚਕਾਰ ਆਪਸ 'ਚ ਭਿੜੇ ਆਵਾਰਾ ਸਾਨ੍ਹ, ਜਾਨੀ ਮਾਲੀ ਨੁਕਸਾਨ ਤੋਂ ਬਚਾਅ-ਇਕ ਖ਼ਬਰ
ਸਰਕਾਰ ਨੂੰ ਚਾਹੀਦੈ ਕਿ ਸੈੱਸ ਦੀ ਰਾਸ਼ੀ 'ਚੋਂ ਇਹਨਾਂ ਲਈ ਸਟੇਡੀਅਮ ਬਣਵਾਵੇ।

ਢੀਂਡਸਾ ਪਿਉ-ਪੁੱਤਰ ਨੂੰ ਅਕਾਲੀ ਦਲ 'ਚੋਂ ਕੱਢਣ ਦੀ ਕਵਾਇਦ ਸ਼ੁਰੂ-ਇਕ ਖ਼ਬਰ
ਵੱਢਿਆ ਗੰਡਾਸਿਆਂ ਦੇ ਨਾਲ਼, ਚੰਦੜਾਂ ਨੇ ਮਿਰਜ਼ੇ ਨੂੰ।

ਰਾਮਗੜ੍ਹੀਆ ਫੈਡਰੇਸ਼ਨ ਵਲੋਂ ਅਵਤਾਰ ਸਿੰਘ ਹਿੱਤ ਦਾ ਸਵਾਗਤ- ਇਕ ਖ਼ਬਰ
ਸਵਾਗਤ ਹੋਣਾ ਵੀ ਚਾਹੀਦੈ, ਮੂੰਹ 'ਚੋਂ ਫੁੱਲ ਜੁ ਕਿਰਦੇ ਐ।

ਸ਼ਮਸ਼ਾਨਘਾਟ 'ਚ ਲੱਗਾ ਲੋਹੇ ਦਾ ਗੇਟ ਅਤੇ ਪਾਣੀ ਦੀ ਟੈਂਕੀ ਚੋਰੀ- ਇਕ ਖ਼ਬਰ
ਨੰਗ ਭੁੱਖ ਦੀ ਏਥੇ ਪ੍ਰਵਾਹ ਕੋਈ ਨਹੀਂ, ਹੁਕਮ ਹੋਵੇ ਤਾਂ ਦੇਗਾਂ ਨੂੰ ਚੱਟੀਏ ਜੀ।

 ਕੌਮੀ ਨਾਗਰਿਕਤਾ ਰਜਿਸਟਰ ਦੀ ਕੋਈ ਲੋੜ ਨਹੀਂ- ਨਿਤੀਸ਼ ਕੁਮਾਰ
ਪਰੇ ਹਟ ਜਾ ਬਲ਼ਦ ਸਿੰਗ ਮਾਰੂ, ਨੀਂ ਸੋਨੇ ਦੇ ਤਵੀਤ ਵਾਲ਼ੀਏ।

ਸੂਬਾ ਪ੍ਰਧਾਨ ਲਈ ਭਾਜਪਾ ਨੂੰ ਨਹੀਂ ਲੱਭਿਆ ਕੋਈ ਦਮਦਾਰ ਚਿਹਰਾ- ਇਕ ਖ਼ਬਰ
ਦੀਵਾ ਬਾਲ਼ ਕੇ ਮਿਟਾ ਲੈ ਨੀਂ ਹਨ੍ਹੇਰਾ, ਕੁੱਲੀ ਵਿਚੋਂ ਯਾਰ ਲੱਭ ਲੈ।

ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੀ ਕਾਨਫ਼੍ਰੰਸ ਨੂੰ ਮਾਘੀ 'ਤੇ ਪਈ ਮੀਂਹ ਦੀ ਮਾਰ- ਇਕ ਖ਼ਬਰ
ਭਿੱਜ ਗਈਆਂ ਨਣਾਨੇ ਪੂਣੀਆਂ, ਰੰਗਲੇ ਭਿੱਜ ਗਏ ਚਰਖ਼ੇ।

5 Jan. 2020

ਢੀਂਡਸਾ ਦੀ ਚੁੱਪ ਤੋਂ ਮਿਲ ਰਹੀ ਹੈ ਵੱਡੀ ਸਿਆਸੀ ਹਲਚਲ ਦੀ ਆਹਟ-ਇਕ ਖ਼ਬਰ
ਇਹਦੀ ਚੁੱਪ ਵਿਚ ਛੁਪਿਆ ਤੂਫਾਨ ਜੀ, ਕਰੂ ਬਾਦਲਾਂ ਦਾ ਡਾਢਾ ਨੁਕਸਾਨ ਜੀ।

ਨਾਗਰਿਕਤਾ ਕਾਨੂੰਨ ਦੇ ਫ਼ੈਸਲੇ ਤੋਂ ਇਕ ਇੰਚ ਵੀ ਪਿੱਛੇ ਨਹੀਂ ਹਟਾਂਗੇ-ਸ਼ਾਹ
ਵਾਰਸ ਸ਼ਾਹ ਨਾ ਮੁੜਾਂ ਰੰਝੇਟੜੇ ਤੋਂ ਭਾਵੇਂ ਬਾਪ ਦੇ ਬਾਪ ਦਾ ਬਾਪ ਆਵੇ।

ਭਾਜਪਾ, ਅਮਰਿੰਦਰ ਤੇ ਬਾਦਲਾਂ ਦੀ ਯਾਰੀ ਸਿੱਖਾਂ ਨੂੰ ਲੈ ਡੁੱਬੀ-ਭੋਮਾ, ਜੰਮੂ
ਤਿੰਨ ਰਲ਼ੇ, ਘਰ ਗਲ਼ੇ।

ਵਿਧਾਇਕਾਂ ਦੀ ਸਲਾਹ ਨਾਲ਼ ਹੀ ਢਿੱਲੋਂ ਨੂੰ ਆਗੂ ਥਾਪਿਆ- ਚੀਮਾ
ਖਵਾਜੇ ਦਾ ਗਵਾਹ.......।

ਹੱਥਾਂ ਨਾਲ਼ ਦਿਤੀਆਂ ਗੰਢਾਂ ਬਾਦਲਾਂ ਨੂੰ ਮੂੰਹ ਨਾਲ਼ ਖੋਲ੍ਹਣੀਆਂ ਪੈ ਰਹੀਆਂ ਹਨ- ਰਾਮੂਵਾਲੀਆ
ਢਿੱਡ ਛਿੱਲ ਲਿਆ ਬੋਸਕੀ ਵਰਗਾ, ਰੋੜਾਂ ਵਾਲ਼ੀ ਕੰਧ ਟੱਪ ਕੇ।

ਨਵੇਂ ਸਾਲ ਮੌਕੇ ਭਾਰਤ 'ਚ ਜੰਮੇ ਸਭ ਤੋਂ ਵੱਧ ਬੱਚੇ- ਇਕ ਖ਼ਬਰ
ਚਲੋ ਕਿਸੇ ਪਾਸੇ ਤਾਂ ਜੀ.ਡੀ.ਪੀ. ਵਧੀ, ਵਧਾਈਆਂ।

ਮੱਧ ਪ੍ਰਦੇਸ਼ ਚੋਂ ਸਿੱਖਾਂ ਨੂੰ ਕੱਢਣ ਖਿਲਾਫ਼ ਦਿੱਲੀ ਕਮੇਟੀ ਦਾ ਵਫ਼ਦ ਮਿਲੇਗਾ ਸ਼ਾਹ ਨੂੰ- ਇਕ  ਖ਼ਬਰ
ਹੁਣ ਅੱਕਾਂ ਤੋਂ ਭਾਲ਼ਦੀ ਡੇਲੇ, ਜੱਟਾਂ ਨੇ ਕਰੀਰ ਪੁੱਟ ਲਏ।

ਮੈਂ ਸੁਖਬੀਰ ਦੀ ਤਾਨਾਸ਼ਾਹੀ ਕਾਰਨ ਅਸਤੀਫ਼ਾ ਦਿਤਾ- ਪਰਮਿੰਦਰ ਢੀਂਡਸਾ
ਮੇਰੇ ਨਰਮ ਕਾਲ਼ਜੇ ਲੜ ਗਏ, ਲੱਡੂ ਖਾ ਲਏ ਤੇਰੇ ਤੇਲ ਦੇ।

ਉੱਤਰ ਪ੍ਰਦੇਸ਼ 'ਚ ਨਗਰ ਕੀਰਤਨ ਸਜਾਉਣ ਤੋਂ ਰੋਕਣਾ ਸਿੱਖਾਂ ਦੀ ਧਾਰਮਕ ਆਜ਼ਾਦੀ 'ਤੇ ਹਮਲਾ-ਲੌਂਗੋਵਾਲ
ਬਾਣੀਆਂ ਨੇ ਅੱਤ ਚੁੱਕ ਲਈ, ਸਾਰੇ ਜੱਟ ਕਰਜ਼ਾਈ ਕੀਤੇ।

ਮਮਤਾ ਵਲੋਂ ਸਾਰੀਆਂ ਧਿਰਾਂ ਨੂੰ ਇਕਜੁੱਟ ਹੋ ਕੇ ਭਾਜਪਾ ਦੇ ਬਾਈਕਾਟ ਦਾ ਸੱਦਾ-ਇਕ ਖ਼ਬਰ
ਕੁਰਸੀ 'ਤੇ ਬੈਠਦੀ ਲਗਾ ਕੇ ਮੇਜ਼ ਜੀ, ਬੀਬੀ ਦਾ ਸਰੂਪ ਬਿਜਲੀ ਤੋਂ ਤੇਜ਼ ਜੀ।

ਲੋਕਾਂ ਨੂੰ ਗੁੰਮਰਾਹ ਕਰ ਰਹੀ ਹੈ ਕੈਪਟਨ ਸਰਕਾਰ-ਰਾਜੂ ਖੰਨਾ
ਦੋ ਘੁੱਟ ਪੀ ਕੇ ਦਾਰੂ, ਪੈਰ 'ਤੇ ਮੁਕਰ ਗਿਆ।

ਭਾਰਤ ਦੇ ਉਪ ਰਾਸ਼ਟਰਪਤੀ ਵਲੋਂ ਜ਼ਾਤ-ਪਾਤ ਖ਼ਤਮ ਕਰਨ ਦੀ ਅਪੀਲ-ਇਕ ਖ਼ਬਰ
ਬਿਆਨ ਦੇਣ ਤੋਂ ਪਹਿਲਾਂ 'ਘਰੇ' ਸਲਾਹ ਨਹੀਂ ਕੀਤੀ ਲਗਦੀ।

ਨਵੇਂ ਸਾਲ 'ਚ ਪਰਮਿੰਦਰ ਸਿੰਘ ਢੀਂਡਸਾ ਵੀ ਬਾਦਲਾਂ ਖਿਲਾਫ਼ ਫਰੰਟ ਖੋਲ੍ਹਣਗੇ- ਬੱਬੀ ਬਾਦਲ
ਘੁੱਗੂਆਂ ਨੂੰ ਤੂੰ ਟੱਕਰੀ, ਤੈਨੂੰ ਟੱਕਰੂ ਬੰਸਰੀ ਵਾਲ਼ਾ।

ਨਵੇਂ ਸਾਲ 'ਚ ਵੀ ਲੋਕਾਂ ਦੇ ਰੋਹ ਦਾ ਸ਼ਿਕਾਰ ਹੋਵੇਗੀ ਪੰਜਾਬ ਸਰਕਾਰ- ਇਕ ਖ਼ਬਰ
ਲੱਤ ਮਾਰੂੰਗੀ ਪੰਜੇਬਾਂ ਵਾਲ਼ੀ, ਪਰ੍ਹਾਂ ਹੋ ਜਾ ਚੱਟੂ ਵੱਟਿਆ।

ਮਹਾਂਰਾਸ਼ਟਰ 'ਚ ਮੰਤਰੀਆਂ ਦੀ ਚੋਣ ਤੋਂ ਕਾਂਗਰਸ ਧੜਾ ਨਾਰਾਜ਼- ਇਕ ਖ਼ਬਰ
ਕੋਹ ਤੁਰੀ ਨਾ ਅਖੇ ਬਾਬਾ ਤ੍ਰਿਹਾਈ।

ਕੇਰਲਾ ਅਸੈਂਬਲੀ ਨੇ ਨਾਗਰਿਕਤਾ ਕਾਨੂੰਨ ਨੂੰ ਰੱਦ ਕਰਨ ਦਾ ਮਤਾ ਪਾਸ ਕੀਤਾ- ਇਕ ਖ਼ਬਰ
ਹਾਜੀ ਲੋਕ ਮੱਕੇ ਵਲ ਜਾਂਦੇ, ਅਸਾਂ ਜਾਣਾ ਤਖ਼ਤ ਹਜ਼ਾਰੇ।

30 Dec. 2019

ਬੋਰਿਸ ਜਾਹਨਸਨ ਦੀ ਜਿੱਤ ਨੇ ਬ੍ਰੈਗਜ਼ਿਟ ਦਾ ਰਾਹ ਕੀਤਾ ਪੱਧਰਾ- ਇਕ ਖ਼ਬਰ
ਚੰਨ ਬਣ ਗਿਆ ਠਾਣੇਦਾਰ, ਹੁਣ ਮੈਂ ਨਹੀਂ ਡਰਦੀ।

ਨਾਗਰਿਕਤਾ ਸੋਧ ਐਕਟ ਵਿਰੁੱਧ ਸਾਰਾ ਦੇਸ਼ ਇਕਜੁੱਟ- ਜਾਖੜ
ਮੈਨੂੰ ਬਗਲੀ ਸਿਖਾ ਦੇ ਗਲ਼ ਪਾਉਣੀ, ਚੱਲੂੰਗੀ ਤੇਰੇ ਨਾਲ ਜੋਗੀਆ।

ਲੋਕਾਂ ਦਾ ਭਰੋਸਾ ਆਈ.ਜੀ. ਕੁੰਵਰ ਵਿਜੇ ਪ੍ਰਤਾਪ ਸਿੰਘ 'ਤੇ ਕਿਉਂ?-ਇਕ ਸਵਾਲ
ਕੰਨੀਂ ਨੱਤੀਆਂ ਸੰਧੂਰੀ ਸਿਰ ਸਾਫ਼ਾ, ਉਹ ਮੇਰਾ ਵੀਰ ਕੁੜੀਓ।

ਹੁਣ ਮੈਂ ਅਕਾਲੀ ਸਿਆਸਤ ਬਾਰੇ ਪਹਿਲੀ ਜਨਵਰੀ ਨੂੰ ਦੱਸਾਂਗਾ- ਸੁਖਦੇਵ ਸਿੰਘ ਢੀਂਡਸਾ
ਕਿਤੇ 'ਕੱਲੀ ਬਹਿ ਕੇ ਸੋਚੀਂ ਨੀਂ, ਅਸੀਂ ਕੀ ਨਹੀਂ ਕੀਤਾ ਤੇਰੇ ਲਈ।

ਹਿੰਦੂਤਵੀ ਤਾਕਤਾਂ ਨੇ ਸਿੱਖਾਂ ਨਾਲ਼ ਹਮੇਸ਼ਾ ਹੀ ਧੋਖਾ ਕੀਤਾ-ਸਿਮਰਨਜੀਤ ਸਿੰਘ ਮਾਨ
ਤੇਰਾ ਕੱਖ ਨਹੀਂ ਬਚਨੀਏਂ ਰਹਿਣਾ, ਛੜਿਆਂ ਦਾ ਹੱਕ ਮਾਰ ਕੇ।

ਨਵੇਂ ਸਾਲ 'ਚ ਤਿਆਰੀ ਨਾਲ਼ ਨਿੱਤਰਾਂਗੇ ਮੈਦਾਨ 'ਚ- ਰਾਮੂਵਾਲੀਆ
ਜੱਟ ਆਉਂਦੈ ਪਰੈਣੀ ਕੱਸੀ, ਨੀਂ ਹੁਣ ਮੈਂ ਕੀ ਕਰਾਂ।

ਅਕਾਲੀਆਂ ਦੇ ਰਾਜ ਸਮੇਂ ਲੱਗੇ ਤਾਪ ਬਿਜਲੀ ਘਰਾਂ ਦੀ ਜਾਂਚ ਹੋਵੇ- ਜਾਖੜ
ਤੁਸੀਂ ਜਾਂਚ ਕਰਵਾਉ ਜਾਖੜ ਸਾਹਿਬ, ਰੋਕਿਆ ਕਿਸ ਨੇ ਹੈ।

ਜਦ ਤਕ ਮੈਂ ਜਿਊਂਦੀ ਹਾਂ, ਬੰਗਾਲ 'ਚ ਨਾਗਰਿਕਤਾ ਕਾਨੂੰਨ ਲਾਗੂ ਨਹੀਂ ਹੋਵੇਗਾ- ਮਮਤਾ ਬੈਨਰਜੀ
ਹਾਜੀ ਲੋਕ ਮੱਕੇ ਵਲ ਜਾਂਦੇ, ਅਸਾਂ ਜਾਣਾ ਤਖ਼ਤ ਹਜ਼ਾਰੇ।

ਵਿਰੋਧ ਨੂੰ ਵੇਖਦਿਆਂ ਐਨ. ਆਰ. ਸੀ. ਤੋਂ ਚਾਲਾਕੀ ਨਾਲ਼ ਪਿੱਛੇ ਹਟ ਗਈ ਭਾਜਪਾ- ਪ੍ਰਸ਼ਾਂਤ ਕਿਸ਼ੋਰ
ਸਾਨ੍ਹ ਬਣ ਕੇ ਮਾਰੀਆਂ ਬੜ੍ਹਕਾਂ, ਹੁਣ ਬਣ ਗਏ ਗਊ ਦੇ ਜਾਏ।

ਦਸ ਸਾਲਾਂ ਦੇ ਰਾਜ ਵਿਚ ਗੈਂਗਸਟਰ ਪੈਦਾ ਕਰਨ ਵਾਲੇ ਹੁਣ ਦੂਜਿਆਂ 'ਤੇ ਦੋਸ਼ ਲਾ ਰਹੇ ਹਨ- ਨਵਜੋਤ ਸਿੱਧੂ
ਸੱਸੇ ਕਾਹਨੂੰ ਮਿਹਣੇ ਮਾਰਦੀ, ਆਪਣੇ ਤੂੰ ਦਿਨ ਭੁੱਲ ਗਈ।

ਬਠਿੰਡਾ 'ਚ ਏਅਰਕਰਾਫਟ ਮਿੱਗ ਦਾ ਸਿਹਰਾ ਲੈਣ ਲਈ ਦਿਉਰ-ਭਰਜਾਈ 'ਚ ਦੌੜ-ਇਕ ਖ਼ਬਰ
ਦਿਉਰ ਬਣਦਾ ਮੈਂ ਦੁੱਧ ਪਿਆਉਂਦੀ, ਤੂੰ ਬਣਿਆ ਮੇਰਾ ਸ਼ਰੀਕ ਵੇ ਮੁੰਡਿਆ ਤੂੰ ਬਣਿਆ ਮੇਰਾ ਸ਼ਰੀਕ।
ਵਿਚ ਸਿਆਸਤ ਸਕਾ ਨਾ ਕੋਈ, ਕਹਿੰਦੇ ਲੋਕ ਸਿਆਣੇ, ਅੱਲ੍ਹੜੇ ਤੂੰ ਕੀ ਜਾਣੇ।

ਭਾਜਪਾ ਦੀਆਂ ਫੁੱਟਪਾਊ ਨੀਤੀਆਂ ਤੋਂ ਲੋਕ ਹੋਏ ਜਾਗਰੂਕ- ਮਨੀਸ਼ ਤਿਵਾੜੀ
ਘੁੰਡ ਕੱਢ ਕੇ ਸਦਾ ਖੈਰ ਪਾਈਏ, ਸਾਧਾਂ ਦਾ ਭਰੋਸਾ ਕੋਈ ਨਾ।

ਭਾਰਤ ਦੀ ਅਰਥ ਵਿਵਸਥਾ ਗੰਭੀਰ ਮੰਦੀ ਦੇ ਦੌਰ 'ਚ, ਫੌਰੀ ਨੀਤੀਗਤ ਕਦਮ ਚੁੱਕਣ ਦੀ ਲੋੜ- ਆਈ.ਐਮ.ਐਫ.
ਬਹੁਤਿਆਂ ਭਰਾਵਾਂ ਵਾਲ਼ੀਏ, ਗੱਡਾ ਜਾਂਦਾ ਏ ਸੰਦੂਕੋਂ ਖ਼ਾਲੀ।

ਬਿਜਲੀ ਦਰਾਂ 'ਚ ਕੀਤੇ ਵਾਧੇ ਦੀ ਅਕਾਲੀ ਦਲ ਵਲੋਂ ਨਿਖੇਧੀ- ਇਕ ਖ਼ਬਰ
ਬੀਬੀ ਐਹ ਬਲਦ ਮਾਰਦਾ ਤਾਂ ਨਹੀਂ? ਵੇ ਵੀਰਾ ਰੰਡੀ ਕਿਹਦੀ ਕੀਤੀ ਹੋਈ ਆਂ!