20 ਜਨਵਰੀ 2019

ਰਹਿੰਦੇ ਕੰਮ ਪੂਰੇ ਕਰਨ ਲਈ ਮੋਦੀ ਦਾ ਦੁਬਾਰਾ ਪ੍ਰਧਾਨ ਮੰਤਰੀ ਬਣਨਾ ਜ਼ਰੂਰੀ-ਮਨੋਜ ਤਿਵਾੜੀ
ਕਿਉਂ ਕੋਈ ਕਰੰਸੀ ਨੋਟ ਬਚਿਆ ਰਹਿ ਗਿਆ?

ਪਹਿਲੀਆਂ ਸਰਕਾਰਾਂ ਨੇ ਦੇਸ਼ 'ਤੇ ਸੁਲਤਾਨਾਂ ਵਾਂਗ ਰਾਜ ਕੀਤਾ- ਮੋਦੀ
ਤੇ ਤੇਰਾ ਵੀ ਦਸ ਲੱਖਾ ਸੂਟ ਲੋਕਾਂ ਨੂੰ ਭੁੱਲਿਆ ਨਹੀਂ।

ਪੰਥ ਦੋਖੀ ਸ਼ਕਤੀਆਂ ਸ਼੍ਰੋਮਣੀ ਕਮੇਟੀ 'ਤੇ ਕਾਬਜ਼ ਹੋਣ ਲਈ ਯਤਨਸ਼ੀਲ - ਬਾਦਲ
ਕੋਈ ਰੋੋਕੋ ਬਈ ਓਏ ਰੋਕੋ, ਲੁੱਟ ਲੈਣ ਨਾ ਸ਼ਹਿਰ ਭੰਬੌਰ ਮੇਰਾ।

ਪ੍ਰਧਾਨ ਮੰਤਰੀ ਨੇ ਕਰਤਾਰ ਪੁਰ ਲਾਂਘੇ ਦਾ ਕੰਮ ਤੇਜ਼ੀ ਨਾਲ਼ ਕਰਵਾਉਣ ਦਾ ਵਿਸ਼ਵਾਸ ਦੁਆਇਆ - ਲੌਂਗੋਵਾਲ
ਨਿੰਮ ਨਾਲ਼ ਝੂਟਦੀਏ, ਤੋਤਾ ਪੀ ਗਿਆ ਗੁਲਾਬੀ ਰੰਗ ਤੇਰਾ।

ਰਾਜ ਠਾਕਰੇ ਨੇ ਮੋਦੀ ਨੂੰ ਦਰਕਿਨਾਰ ਕਰਦਿਆਂ ਰਾਹੁਲ ਨੂੰ ਬੇਟੇ ਦੇ ਵਿਆਹ ਦਾ ਸੱਦਾ ਭੇਜਿਆ- ਇਕ ਖ਼ਬਰ
ਕਾਹਨੂੰ ਕੀਤੀ ਅਸਾਂ ਨਾਲ ਬੱਸ ਵੇ, ਕੋਈ ਦੋਸ਼ ਅਸਾਡਾ ਦੱਸ ਵੇ।

ਸੌਦਾ ਸਾਧ ਨੂੰ ਸਜ਼ਾ 'ਤੇ ਅਕਾਲ ਤਖ਼ਤ ਦੇ ਕਾਰਜਕਾਰੀ ਜਥੇਦਾਰ ਨੇ ਤਸੱਲੀ ਪ੍ਰਗਟਾਈ- ਇਕ ਖ਼ਬਰ
ਤੇਰੇ 'ਵੱਡੇ ਭਾ ਜੀ' ਨੇ ਤਾਂ ਫੱਟੀ ਹੀ ਪੋਚ 'ਤੀ ਸੀ ਭਾਈ।

ਸੁਰੇਸ਼ ਅਰੋੜਾ ਦੇ ਸੇਵਾ ਕਾਲ 'ਚ ਵਾਧੇ ਨਾਲ਼ ਕੈਪਟਨ ਫ਼ਸੇ ਮਹਿਸੂਸ ਕਰਦੇ ਹਨ- ਇਕ ਖ਼ਬਰ
ਰੁੱਖਾਂ ਪੌਣ ਪਰਿੰਦਿਆਂ ਡਿੱਠੀ ਜੋ ਨਾਲ਼ ਯੂਸਫ਼ ਦੇ ਬੀਤੀ।

'ਦਰਬਾਰ-ਏ-ਖਾਲਸਾ' ਜਥੇਬੰਦੀ ਦੀ ਗਵਾਹੀ ਨਾਲ਼ ਕਸੂਤੇ ਫ਼ਸ ਸਕਦੇ ਹਨ ਗਿਆਨੀ ਗੁਰਬਚਨ ਸਿੰਘ-ਇਕ ਖ਼ਬਰ
ਵੱਡੀ ਬੰਨ੍ਹ ਦਸਤਾਰ ਤੇ ਪਹਿਨ ਜਾਮੇ, ਝੂਠ ਬੋਲ ਕੇ ਵੱਢੀਆਂ ਲੀਤੀਆਂ ਨੇ।

ਪੰਜਾਬ ਅਤੇ ਚੰਡੀਗੜ੍ਹ 'ਚ ਅਕਾਲੀ-ਭਾਜਪਾ ਗੱਠਜੋੜ ਕਾਇਮ ਰਹੇਗਾ-ਕੈਪਟਨ ਅਭਿਮੰਨਿਊਂ
ਯਾਨੀ ਕਿ 'ਤੀਵੀਂ ਆਦਮੀ' ਦੇ ਤਲਾਕ ਦੀ ਅਜੇ ਕੋਈ ਉਮੀਦ ਨਹੀਂ।

ਚੋਣ ਮੈਨੀਫੈਸਟੋ ਨੂੰ ਕਾਨੂੰਨੀ ਮਾਨਤਾ ਦੇਣ ਦੇ ਹੱਕ ਕਿਉਂ ਨਹੀਂ ਸਿਅਸਤਦਾਨ?- ਸ਼ਿੰਗਾਰਾ ਸਿੰਘ ਭੁੱਲਰ
ਜੜ੍ਹੀਂ ਆਪਣੀ ਕੌਣ ਤੇਲ ਦਿੰਦਾ, ਕਬਰ ਆਪਣੀ ਕੌਣ ਆਪੇ ਪੁੱਟਦਾ ਏ?

'ਆਪ' ਐਮ.ਐਲ.ਏ. ਮਾਸਟਰ ਬਲਦੇਵ ਸਿੰਘ ਵਲੋਂ ਪਾਰਟੀ ਤੋਂ ਅਸਤੀਫ਼ਾ- ਇਕ ਖ਼ਬਰ
ਹੋਣਾ ਬੜਾ ਹੀ ਫ਼ਸਵਾਂ ਮੈਚ ਕਿ ਵਿਕਟਾਂ ਡਿਗ ਰਹੀਆਂ।

ਸੁਪਰੀਮ ਕੋਰਟ ਨੇ ਵੀ ਬੰਗਾਲ 'ਚ ਭਾਜਪਾ ਦੀ ਰੱਥ ਯਾਤਰਾ 'ਤੇ ਲਾਈ ਪਾਬੰਦੀ- ਇਕ ਖ਼ਬਰ
ਜੱਗ ਭਾਵੇਂ ਕਰੇ ਨਿੰਦਿਆ, ਸੱਸ ਪਿੱਟਣੀ ਪੰਜੇਬਾਂ ਪਾ ਕੇ।

ਮੈਨੂੰ ਸਰਕਾਰ ਤੋਂ ਬਾਹਰ ਕਰਨ ਦੀਆਂ ਹੋ ਰਹੀਆਂ ਨੇ ਸਾਜ਼ਿਸ਼ਾਂ- ਮੋਦੀ
ਸੀਟੀ ਵਿਚ ਆਂਦਰਾਂ ਦੇ ਵੱਜਦੀ, ਕੰਨ ਲਾ ਕੇ ਸੁਣ ਅੜੀਏ।

ਵਿਧਾਨ ਸਭਾ ਦੀ ਮਰਿਆਦਾ ਕਮੇਟੀ ਜਲਦੀ ਹੀ ਸੁਖਬੀਰ ਬਾਦਲ ਨੂੰ ਸੰਮਨ ਕਰੇਗੀ- ਇਕ ਖ਼ਬਰ
ਉੱਤੋਂ ਰਾਤ ਹਨੇਰੀ ਵੇ, ਏਥੇ ਕੋਈ ਨਾ ਮੇਰਾ ਦਰਦੀ।

ਸਿੱਖਾਂ ਨੂੰ ਪਰਭਾਵਤ ਕਰਨ ਲਈ ਮੋਦੀ ਸਰਕਾਰ ਲੱਗੀ ਸਿਆਸੀ ਪੱਤੇ ਖੇਡਣ- ਬੀਬੀ ਭੱਠਲ
ਆ ਜਾ ਰਲ ਮਿਲ ਦੋਵੇਂ ਨੱਚੀਏ, ਆਪਾਂ ਭੈਣ ਭਰਾ।

14 ਜਨਵਰੀ 2019

ਆਪਣਾ ਵਜੂਦ ਬਚਾਉਣ ਲਈ ਹੁਣ 'ਆਪ' ਟਕਸਾਲੀ ਅਕਾਲੀਆਂ ਨਾਲ਼ ਨੇੜਤਾ ਵਧਾਉਣ ਲੱਗੀ- ਇਕ ਖ਼ਬਰ
ਬੜੀ ਮੁਸ਼ਕਿਲ ਬਣ ਗਈ ਵੇ, ਕਿਤੇ ਮਾਰ ਭਾਗ ਸਿਆਂ ਗੇੜਾ।

ਪੰਜਾਬ ਸਰਕਾਰ ਦੇ ਮੁਲਾਜ਼ਮਾਂ ਨੇ ਮਨਾਈ 'ਠੰਢੀ' ਲੋਹੜੀ- ਇਕ ਖ਼ਬਰ
ਲੋਹੜੀ ਦਾ ਦਿਹਾੜਾ ਮਨਾਉਂਦੇ ਲੋਕੀਂ ਲੋਹੜੀਆਂ, ਸਾਡੀ ਕਾਹਦੀ ਲੋਹੜੀ ਅੱਖਾਂ 'ਸੱਜਣਾਂ' ਨੇ ਮੋੜੀਆਂ।

ਪਾਕਿਸਤਾਨ ਅਮਰੀਕਾ ਦਾ 'ਗਾਹਕ' ਬਣਨ ਦੀ ਬਜਾਇ ਗੁਆਂਢੀਆਂ ਨਾਲ ਆਪਣੇ ਸਬੰਧ ਸੁਧਾਰੇ- ਹਿਨਾ ਖਾਰ
ਕਾਹਨੂੰ ਚੂਪਦੈਂ ਚਰ੍ਹੀ ਦੇ ਟਾਂਡੇ, ਘਰ 'ਚ ਸੰਧੂਰੀ ਅੰਬੀਆਂ।

ਦਿੱਲੀ 'ਚ ਕਾਂਗਰਸ ਆਪਣੇ ਦਮ 'ਤੇ ਚੋਣਾਂ ਲੜੇਗੀ- ਸ਼ੀਲਾ ਦੀਕਸ਼ਿਤ
ਘੜਾ ਚੁੱਕ ਲਊਂ ਪੱਟਾਂ 'ਤੇ ਹੱਥ ਧਰ ਕੇ, ਖਸਮਾਂ ਨੂੰ ਖਾਣ ਕੁੜੀਆਂ।

ਦਸਮ ਗੁਰੂ ਨੇ ਇਨਸਾਫ਼ ਮੰਗਣ ਵਾਲ਼ੇ ਨਹੀਂ, ਇਨਸਾਫ਼ ਦੇਣੇ ਵਾਲ਼ੇ ਪੈਦਾ ਕੀਤੇ- ਪ੍ਰਿੰ.ਸੁਰਿੰਦਰ ਸਿੰਘ
ਗੁਰੂਆਂ ਸਿੰਘਾਂ ਦੇ ਸਿਰਾਂ 'ਤੇ ਤਾਜ ਰੱਖੇ, ਪੈਰੀਂ ਰੋਲ਼ ਦਿੱਤੇ ਬੇਈਮਾਨ ਲੀਡਰਾਂ ਨੇ।

ਸ਼ਿਵ ਸੈਨਾ ਨੂੰ ਹਰਾਉਣ ਵਾਲਾ ਅਜੇ ਪੈਦਾ ਨਹੀਂ ਹੋਇਆ- ਠਾਕਰੇ
ਰੱਬ ਚਾੜ੍ਹ ਪਹਾੜ ਤੋਂ ਡੇਗ ਦਿੰਦਾ, ਐਡੇ ਕੁਫ਼ਰ ਦੇ ਬੋਲ ਨਾ ਬੋਲੀਏ ਜੀ।

ਸਮਾਜਵਾਦੀ ਪਾਰਟੀ ਤੇ ਬਹੁਜਨ ਸਮਾਜ ਪਾਰਟੀ ਵਲੋਂ ਲੋਕ ਸਭਾ ਚੋਣਾਂ ਲਈ ਗੱਠਜੋੜ ਦਾ ਐਲਾਨ- ਇਕ ਖ਼ਬਰ
ਯਾਦਵਾਂ ਦੇ ਸਾਈਕਲ 'ਤੇ, ਬੀਬੀ ਮਾਰ ਪਲਾਕੀ ਬਹਿ ਗਈ। 

ਅਜੇ ਵੀ ਸੌਦਾ ਸਾਧ ਵਿਰੁੱਧ ਬਾਦਲ ਅਤੇ ਸ਼੍ਰੋਮਣੀ ਕਮੇਟੀ ਦਾ ਮੂੰਹ ਬੰਦ ਕਿਉਂ? ਭਾਈ ਮਾਝੀ
ਸਾਡੇ ਨੈਣੀਂ ਨਾ ਸੁੱਕਦਾ ਨੀਰ, ਕਿ ਯਾਰ ਪਰਦੇਸੀ ਹੋ ਗਿਆ।

ਮੁੱਖ ਮੰਤਰੀ ਨੇ ਦੋ ਜਿਲ੍ਹਿਆਂ ਦੇ ਪੰਚਾਇਤੀ ਨੁਮਾਇੰਦਿਆਂ ਨੂੰ ਸਹੁੰ ਖੁਆਈ- ਇਕ ਖ਼ਬਰ
ਜਿਵੇਂ ਦੀ ਤੂੰ ਸਹੁੰ ਨਿਭਾਈ ਉਵੇਂ ਦੀ ਤੇਰੇ ਪੰਚਾਇਤੀ ਨੁਮਾਇੰਦੇ ਨਿਭਾਉਣਗੇ।

ਬਾਦਲ ਵੀ ਬੇਅਦਬੀ ਦੇ ਦੋਸ਼ੀਆਂ ਨੂੰ ਬਚਾਉਂਦੇ ਰਹੇ ਤੇ ਹੁਣ ਵੀ ਉਹੋ ਕੁਝ ਹੋ ਰਿਹਾ ਹੈ- ਜਸਟਿਸ
ਇਕ ਨੂੰ ਕੀ ਰੋਨੀ ਏਂ, ਊਤ ਗਿਆ ਈ ਆਵਾ।

ਜੰਨਤਾ ਦੀ ਅਦਾਲਤ ਤੋਂ ਭੱਜ ਗਿਆ 56 ਇੰਚ ਦੀ ਛਾਤੀ ਵਾਲਾ ਚੌਕੀਦਾਰ- ਰਾਹੁਲ ਗਾਂਧੀ
ਚਰਖੇ ਦੀ ਘੂਕ ਸੁਣ ਕੇ, ਤੋਪਾਂ ਸੁੱਟ ਕੇ ਫਰੰਗੀ ਭੱਜਿਆ।

ਘਪਲੇ ਲੁਕਾਉਣ ਲਈ ਇਕੱਠੀਆਂ ਹੋ ਰਹੀਆਂ ਹਨ ਵਿਰੋਧੀ ਪਾਰਟੀਆਂ- ਮੋਦੀ
ਐਵੇਂ ਮਾਰ ਨਾ ਚੰਦਰਿਆ ਮੇਹਣੇ, ਤੈਨੂੰ ਵੀ ਜੱਗ ਜਾਣ ਗਿਆ।

ਬਾਦਲ ਸਰਕਾਰ ਨੇ ਬੇਅਦਬੀ ਮਾਮਲੇ ਦੀ ਢੁੱਕਵੀਂ ਜਾਂਚ ਨਹੀਂ ਕਰਵਾਈ- ਜ਼ੋਰਾ ਸਿੰਘ
ਕੀਹਨੂੰ ਸ਼ੌਕ ਏ ਮਹੁਰਾ ਖਾਵਣੇ ਦਾ, ਸਿਰ ਉੱਖਲੀ 'ਚ ਕੌਣ ਫ਼ਸਾਂਵਦਾ ਏ?

ਭ੍ਰਿਸ਼ਟਾਚਾਰ ਦੇ ਮਾਮਲਿਆਂ 'ਚ ਪੰਜਾਬ ਪੁਲਿਸ ਪਹਿਲੇ ਨੰਬਰ 'ਤੇ- ਵਿਜੀਲੈਂਸ ਵਿਭਾਗ
ਬਦਨਾਮ ਭੀ ਹੋਂਗੇ ਤੋ ਕਿਆ ਨਾਮ ਨਾ ਹੋਗਾ।

08 ਜਨਵਰੀ 2018

ਬਾਦਲ ਪਰਵਾਰ ਤੋਂ ਸ਼੍ਰੋਮਣੀ ਕਮੇਟੀ ਨੂੰ ਮੁਕਤ ਕਰਵਾਉਣ ਲਈ ਮਿਸ਼ਨ ਚਲਾਵਾਂਗਾ- ਫੂਲਕਾ
ਨੰਗੇ ਮੂੰਹ ਦਾ ਮੁੱਲ ਪੁੱਛਦਾ, ਮੁੰਡਾ ਬਟੂਆ ਹੱਥਾਂ ਵਿਚ ਫੜ ਕੇ।

'ਆਪ' ਪਾਰਟੀ ਪੰਜਾਬ 'ਚ ਹੈ ਕਿੱਥੇ ਜਿਸ ਨਾਲ ਗੱਠਜੋੜ ਕਰਨ ਬਾਰੇ ਸੋਚੀਏ?- ਕੈਪਟਨ
ਕੱਲ ਦੀ ਭੂਤਨੀ, ਸਿਵਿਆਂ 'ਚ ਅੱਧ।

ਕੇਜਰੀਵਾਲ ਦੇ ਦੂਤ ਵਜੋਂ ਮਾਨ ਨੇ ਬ੍ਰਹਮਪੁਰਾ ਨਾਲ਼ ਕੀਤੀ ਮੁਲਾਕਾਤ- ਇਕ ਖ਼ਬਰ
ਕੌਣ ਕੌਣ ਹੋਈਆਂ ਰੰਡੀਆਂ, ਛੜੇ ਬੈਠ ਕੇ ਸਲਾਹਾਂ ਕਰਦੇ।

ਬਰਗਾੜੀ ਮੁੱਦੇ 'ਤੇ ਭਲਕੇ ਬਾਦਲ ਅਤੇ ਕੈਪਟਨ ਦਾ ਖੋਲ੍ਹਾਂਗੇ ਕੱਚਾ ਚਿੱਠਾ- ਭਗਵੰਤ ਮਾਨ
 ਤੈਨੂੰ ਜੋਗ ਦੀ ਜ਼ਰਾ ਵੀ ਸਾਰ ਹੈ ਨੀ, ਤੇਰੀ ਉਮਰ ਹੈ ਅਜੇ ਨਾਦਾਨ ਬੇਟਾ।

ਸਿੱਖਿਆ ਮੰਤਰੀ ਸੋਨੀ ਨੇ ਸਰਕਾਰੀ ਸਕੂਲਾਂ ਨੂੰ ਢਾਬੇ ਤੇ ਪ੍ਰਾਈਵੇਟ ਸਕੂਲਾਂ ਨੂੰ ਫਾਈਵ ਸਟਾਰ ਹੋਟਲ ਕਿਹਾ- ਇਕ ਖ਼ਬਰ
ਖੇਤ ਤਾਂ ਆਪਣਾ ਡਬਰਿਆਂ ਖਾ ਲਿਆ, ਧੜਕੇ ਕਾਲਜਾ ਮੇਰਾ।

 ਅੱਛੇ ਦਿਨਾਂ ਦੇ ਸੁਪਨੇ ਵਿਖਾ ਕੇ ਮੋਦੀ ਨੇ ਲੋਕਾਂ ਦੀਆਂ ਭਾਵਨਾਵਾਂ ਨਾਲ਼ ਖੇਡਿਆ- ਤ੍ਰਿਪਤ ਬਾਜਵਾ
ਪੀੜ ਵੇਲਣੇ ਵਿਚ ਕਮਾਦ ਵਾਂਗੂੰ, ਸਾਡਾ ਚੱਲੀਂ ਏਂ ਰਸਾ ਨਿਚੋੜ ਹੀਰੇ।
ਨੀਂ ਛੜੇ ਅੱਜ ਭਜਨ ਕੁਰੇ, ਫੇਰ ਹੋ ਕੇ ਸ਼ਰਾਬੀ ਬੁੱਕਦੇ।

ਮਾਇਆਵਤੀ ਨੇ ਅਖਿਲੇਸ਼ ਨੂੰ ਕਿਹਾ 'ਛਾਪਿਆਂ ਤੋਂ ਨਾ ਘਬਰਾਉ, ਮੈਂ ਤੁਹਾਡੇ ਨਾਲ਼ ਹਾਂ'- ਇਕ ਖ਼ਬਰ
ਤੇਰੀ ਆਈ ਮੈਂ ਮਰ ਜਾਂ, ਤੇਰਾ ਵਾਲ਼ ਵੀ ਵਿੰਗਾ ਨਾ ਹੋਵੇ।

ਸ਼੍ਰੋਮਣੀ ਕਮੇਟੀ 'ਚ ਕਿਸੇ ਵੀ ਸਿਆਸੀ ਪਾਰਟੀ ਦਾ ਦਖ਼ਲ ਨਹੀਂ- ਲੌਂਗੋਵਾਲ
ਬਾਦਲ ਨੇ ਮੰਨ ਲਿਐ ਕਿ ਅਸਲੀ ਅਕਾਲੀ ਦਲ ਉਹੀ ਜਿਸ ਕੋਲ ਸ਼੍ਰੋਮਣੀ ਕਮੇਟੀ, ਤੁਸੀਂ ਲੂਣ ਗੁੰਨ੍ਹਣਾ ਛੱਡੋ।

ਕੈਲੰਡਰ ਵਿਵਾਦ ਹੱਲ ਕਰਨ ਵਿਚ ਸ਼੍ਰੋਮਣੀ ਕਮੇਟੀ ਅਸਫ਼ਲ- ਇਕ ਖ਼ਬਰ
ਖੂਹ ਟੋਭੇ ਤੇਰੀ ਚਰਚਾ ਹੁੰਦੀ, ਚਰਚਾ ਨਾ ਕਰਵਾਈਏ।

ਰਾਜਨਾਥ ਨੂੰ ਭਾਜਪਾ ਦੀ ਮੈਨੀਫੈਸਟੋ ਕਮੇਟੀ ਦਾ ਮੁਖੀ ਬਣਾਇਆ- ਇਕ ਖ਼ਬਰ
ਮੈਨੀਫੈਸਟੋ ਨਵਾਂ ਬਣਾਵਾਂਗੇ, ਨਵੇਂ ਜੁਮਲੇ ਹੋਰ ਲਿਆਵਾਂਗੇ।

ਪਿੰਡਾਂ ਦੇ ਨਵੇਂ ਬਣੇ ਸਰਪੰਚਾਂ ਨੇ ਵਾਅਦਿਆਂ ਦੀ ਝੜੀ ਲਾਈ-ਇਕ ਖਬਰ
ਗੁਰੂ ਜਿਹਨਾਂ ਦੇ ਟੱਪਣੇ, ਚੇਲੇ ਜਾਣ ਛੜੱਪ।

24 Dec. 2018

ਸੱਜਣ ਕੁਮਾਰ ਦੀ ਸਜ਼ਾ ਦਾ ਸਿਆਸੀਕਰਣ ਨਾ ਕੀਤਾ ਜਾਵੇ-ਕਾਂਗਰਸ ਆਗੂ ਸਿੰਘਵੀ
ਕਿਉਂ ਦੁੱਖ ਲਗਦੈ ਹੁਣ?

ਡੇਰਾ ਪ੍ਰੇਮੀਆਂ ਖ਼ਿਲਾਫ਼ ਦੋਸ਼ ਪੱਤਰ ਦਾਇਰ ਕਰਨ ਲਈ ਗ੍ਰਹਿ ਵਿਭਾਗ ਮੰਨਜ਼ੂਰੀ ਨਹੀਂ ਦੇ ਰਿਹਾ- ਇਕ ਖ਼ਬਰ
ਯਾਰ ਦੀ ਕਸਮ ਨਾ ਖਾਵਾਂ, ਪੁੱਤ ਵਾਲਾ ਨੇਮ ਚੁੱਕ ਲਾਂ।

ਰਾਫੇਲ ਸੌਦੇ ਬਾਰੇ ਧਮੱਚੜ, ਸੱਜਣ ਕੁਮਾਰ ਵੇਲੇ ਕਾਂਗਰਸੀ ਨੇਤਾ ਕੁਮਾਰੀ ਸ਼ੈਲਜਾ ਭੱਜੀ- ਇਕ ਖ਼ਬਰ
ਮਿੱਠੇ ਮਿੱਠੇ ਗੜੁੱਪ, ਕੌੜੇ ਕੌੜੇ ਥੂਹ।

ਬਾਦਲਾਂ ਵਿਰੁੱਧ ਵੱਡੀ ਲਹਿਰ ਖੜ੍ਹੀ ਕਰਨ 'ਚ ਨਾਕਾਮ ਰਹੇ ਟਕਸਾਲੀ ਆਗੂ- ਇਕ ਖ਼ਬਰ
ਜੇ ਮਾਏਂ ਕੁਝ ਦਿਸਦਾ ਹੋਵੇ, ਕਰਾਂ ਅੰਦੇਸਾ ਥੋੜ੍ਹਾ ।

ਚੋਣਾਂ 'ਚ ਕੈਪਟਨ ਨਾਲ਼ ਪੇਚਾ ਪਾਉਣਗੀਆਂ ਮੁਲਾਜ਼ਮ ਜਥੇਬੰਦੀਆਂ- ਇਕ ਖ਼ਬਰ
ਬੰਤੋ ਦਿਆਂ ਯਾਰਾ ਨੇ, ਬੋਤਾ ਪਾ ਲਿਆ ਸ਼ਰੀਂਹ ਵਾਲੀ ਸੜਕੇ।

ਚੀਨ ਨੂੰ ਕੋਈ 'ਚਿਤਾਵਨੀ' ਨਹੀਂ ਦੇ ਸਕਦਾ- ਜਿਨਪਿੰਗ
ਨੀਂ ਛੜੇ ਅੱਜ ਭਜਨ ਕੁਰੇ, ਹੋ ਕੇ ਸ਼ਰਾਬੀ ਬੁੱਕਦੇ।

ਰਾਜਨਾਥ ਤੇ ਗਡਕਰੀ ਵਲੋਂ ਰਾਮ ਮੰਦਰ ਦੇ ਮੁੱਦੇ 'ਤੇ ਸੰਜਮ ਰੱਖਣ ਦਾ ਸੱਦਾ- ਇਕ ਖ਼ਬਰ
ਇਹ ਵਿਚਾਰੇ ਸਹੀ ਕਹਿ ਰਹੇ ਐ ਭਾਈ, ਸੋਨੇ ਦੇ ਆਂਡੇ ਦੇਣ ਵਾਲ਼ੀ ਮੁਰਗ਼ੀ ਨਾ ਮਾਰੋ, ਮੂਰਖੋ!

ਚੋਣਾਂ 'ਚ ਹਾਰ ਦਾ ਅਸਰ, ਜੀ.ਐੱਸ.ਟੀ. ਦੀਆਂ ਦਰਾਂ ਘਟਾਈਆਂ ਜਾਣਗੀਆਂ- ਇਕ ਖ਼ਬਰ
ਹੁਣ ਗਈ ਵਸਤ ਨੂੰ ਝੂਰਦਾ, ਜਿਉਂ ਪੈਰਾਂ ਨੂੰ ਝੂਰੇ ਮੋਰ।

ਭਾਜਪਾ ਦੇ ਕੁਝ ਬੰਦਿਆਂ ਨੂੰ ਘੱਟ ਬੋਲਣਾ ਚਾਹੀਦਾ ਹੈ- ਗਡਕਰੀ
ਅੱਤ ਨਾ ਬਹੁਤਾ ਬੋਲਣਾ ਅੱਤ ਨਾ ਬਹੁਤੀ ਚੁੱਪ, ਅੱਤ ਨਾ ਬਹੁਤਾ ਮੇਘਲਾ ਅੱਤ ਨਾ ਬਹੁਤੀ ਧੁੱਪ।

ਸਿੱਖ ਕਤਲੇਆਮ 'ਚ ਨਿਆਇਕ ਪ੍ਰਕ੍ਰਿਆ ਪ੍ਰਭਾਵਿਤ ਕੀਤੀ ਗਈ- ਅਮਿਤ ਸ਼ਾਹ
ਬਿਲਕੁਲ ਠੀਕ, ਪਰ ਗੁਜਰਾਤ ਕਤਲੇਆਮ 'ਚ ਤਾਂ ਵਿਚਾਰੇ ਜੱਜ ਹੀ ਗੁੰਮ ਗਏ।

ਮੁਤਵਾਜ਼ੀ ਜਥੇਦਾਰਾਂ ਵਿਚਾਲੇ ਸੁਲ੍ਹਾ-ਸਫ਼ਾਈ ਦੇ ਯਤਨ- ਇਕ ਖ਼ਬਰ
ਉੱਠ ਖੜ੍ਹ ਨੀਂ ਬੱਲੀਏ, ਨਬਜ਼ਾਂ ਦੇਖਣ ਪਿਆਰੇ।

ਬਰਗਾੜੀ ਮੋਰਚਾ: ਮੰਡ ਨੇ ਆਪਹੁਦਰੀ ਕੀਤੀ- ਹਵਾਰਾ
ਡਿਕਟੇਟਰ ਹੋਰ ਕੀ ਕਰਦੇ ਹੁੰਦੇ ਐ ਬਈ?

ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਗੁਰੂ ਗ੍ਰੰਥ ਸਾਹਿਬ ਅਧਿਐਨ ਕੇਂਦਰ ਨੂੰ ਫੰਡਾਂ ਦਾ ਸੋਕਾ- ਇਕ ਖ਼ਬਰ
ਫੰਡ ਤਾਂ ਉੱਥੇ ਗੁਰੂ ਡੰਮ ਨੂੰ ਫੈਲਾਉਣ ਲਈ ਦਿੱਤੇ ਜਾ ਰਹੇ ਐ।

ਸ਼ਹੀਦੀ ਸਭਾ ਵੇਲੇ ਮਾਨ ਦਲ ਰਾਜਨੀਤਕ ਕਾਨਫਰੰਸ ਕਰਨ ਲਈ ਬਜ਼ਿਦ- ਇਕ ਖ਼ਬਰ
ਕਰ ਲੈਣ ਦਿਉ, ਫੇਰ ਕਿਹੜਾ ਕੱਦੂ 'ਚ ਤੀਰ ਮਾਰ ਲੈਣਾ।

17 Dec. 2018

ਪੰਜਾਬ ਦੇ ਹਿਤਾਂ ਲਈ ਲੋਕ ਸਭਾ ਦੀਆਂ ਚੋਣਾਂ ਲੜਨ ਤੋਂ ਵੀ ਗੁਰੇਜ਼ ਨਹੀਂ ਕਰਾਂਗਾ- ਖਹਿਰਾ
ਹੱਸ ਕੇ ਨਾ ਲੰਘ ਵੈਰੀਆ, ਮੇਰੀ ਸੱਸ ਭਰਮਾਂ ਦੀ ਮਾਰੀ।

ਵਿਧਾਨ ਸਭਾ ਨੂੰ ਗੁੰਮਰਾਹ ਕਰਨ ਦੇ ਮਾਮਲੇ 'ਚ ਸੁਖਬੀਰ ਦੀ ਐਮ.ਐਲ.ਏ. ਮੈਂਬਰਸ਼ਿੱਪ ਹੋਵੇ ਰੱਦ- ਗੁਰਦੀਪ ਸਿੰਘ ਬਠਿੰਡਾ
ਜਿਸ ਮਰਦ ਨੂੰ ਸ਼ਰਮ ਨਾ ਹੋਏ ਗ਼ੈਰਤ, ਉਸ ਮਰਦ ਤੋਂ ਚੰਗੀਆਂ ਤੀਵੀਆਂ ਨੇ।

ਕਿਸੇ ਵੀ ਕੀਮਤ 'ਤੇ ਦੇਸ਼ ਨੂੰ ਕਮਜ਼ੋਰ ਕਰਨਾ ਚਾਹੁੰਦੀ ਹੈ ਕਾਂਗਰਸ- ਮੋਦੀ
ਤੇ ਤੂੰ ਭਾਈ ਕਿਹੜਾ ਦੇਸ਼ ਨੂੰ ਛੋਲੇ ਚਾਰਦੈਂ।

ਟਕਸਾਲੀ ਅਕਾਲੀਆਂ ਲਈ ਸ਼੍ਰੋਮਣੀ ਕਮੇਟੀ ਨੇ ਸੂਚਨਾ ਦਫ਼ਤਰ ਦੇ ਦਰਵਾਜ਼ੇ ਕੀਤੇ ਬੰਦ- ਇਕ ਖ਼ਬਰ
ਯਾਨੀ ਕਿ ਭਾਂਡੇ ਮਾਂਜਣ ਅਤੇ ਜੁੱਤੀਆਂ ਸਾਫ਼ ਕਰਨ ਤੋਂ ਬਾਅਦ ਵੀ ਸ਼ਰਮ ਨਹੀਂ ਆਈ ਇਹਨਾਂ ਨੂੰ।

ਸ਼੍ਰੋਮਣੀ ਅਕਾਲੀ ਦਲ ਦੇ ਖ਼ਿਲਾਫ਼ ਬਣੇ 'ਅਕਾਲੀ ਦਲਾਂ' ਨੂੰ ਲੋਕਾਂ ਨੇ ਹਮੇਸ਼ਾ ਨਕਾਰਿਆ- ਬਾਦਲ
ਤੇਲ ਦੇਖੋ ਤੇਲ ਦੀ ਧਾਰ ਦੇਖੋ, ਬਾਦਲ ਸਾਹਿਬ।

ਆਰ.ਐੱਸ.ਐੱਸ. ਦੀ ਬੋਲੀ ਬੋਲ ਰਹੇ ਨੇ ਕੈਪਟਨ ਅਮਰਿੰਦਰ ਸਿੰਘ- ਬੀਰਦਵਿੰਦਰ ਸਿੰਘ
ਹਾਇ ਰੇ ਇਨਸਾਨ ਕੀ ਮਜਬੂਰੀਆਂ।

ਕੈਪਟਨ ਵਲੋਂ ਗੁਰੂ ਤੇਗ਼ ਬਹਾਦਰ ਜੀ ਦੇ ਦਰਸਾਏ ਮਾਰਗ 'ਤੇ ਚੱਲਣ ਦਾ ਸੱਦਾ-ਇਕ ਖ਼ਬਰ
ਪਹਿਲਾਂ ਗੁਟਕਾ ਫੜੇ ਦੀ ਲਾਜ ਰੱਖੋ, ਫੇਰ ਮੱਤਾਂ ਦਿਓ ਲੋਕਾਂ ਨੂੰ ਰਾਜਾ ਜੀ।

ਭਾਜਪਾ ਤੋਂ ਅੱਕੇ ਲੋਕ ਹੁਣ ਤਬਦੀਲੀ ਚਾਹੁੰਦੇ ਹਨ- ਕੈਪਟਨ
ਵਾਰਸ ਸ਼ਾਹ ਤੇ ਰਾਂਝਣੇ ਸੋਗ ਹੋਇਆ, ਮਿਲਣ ਰੰਗ ਪੁਰ ਵਿਚ ਵਧਾਈਆਂ ਵੇ।

ਬਾਗ਼ੀ ਟਕਸਾਲੀ ਅਕਾਲੀ ਆਗੂਆਂ ਵਲੋਂ ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾਂ ਲੜਨ ਦਾ ਐਲਾਨ- ਇਕ ਖ਼ਬਰ
ਸ਼ਾਹ ਮੁਹੰਮਦਾ ਫੱਗਣੋਂ ਤੇਰ੍ਹਵੀਂ ਨੂੰ, ਹਮ ਸ਼ਹਿਰ ਲਹੌਰ ਵਿਚ ਵੜੇਗਾ ਜੀ।

ਬਾਦਲ ਪਰਵਾਰ ਸਾਰੇ ਅਹੁੱਦਿਆਂ ਤੋਂ ਅਸਤੀਫ਼ੇ ਦੇ ਕੇ ਬਖ਼ਸ਼ਾਵੇ ਭੁੱਲ- ਐਡਵੋਕੇਟ ਹੰਝਰਾ
ਪੁੰਨ ਪਾਪ ਤੇਰੇ ਬੰਦਿਆ, ਤੱਕੜੀ 'ਤੇ ਤੁਲ ਜਾਣਗੇ।

ਕੈਪਟਨ ਸਰਕਾਰ ਨੇ ਧੋਖੇ ਨਾਲ਼ ਪੰਜਾਬ ਦੀ ਨੌਜੁਆਨੀ ਨੂੰ ਲੁੱਟਿਆ- ਮਜੀਠੀਆ
ਜ਼ਰਾ ਆਪਣੇ ਬਾਰੇ ਵੀ ਦੱਸ ਦਿੰਦੇ ਕਿ ਤੁਸੀਂ ਨੌਜੁਆਨੀ ਕਿਵੇਂ ਬਰਬਾਦ ਕੀਤੀ।

ਜਨਰਲ ਜੇ. ਜੇ. ਸਿੰਘ ਨੇ ਅਕਾਲੀ ਦਲ ਬਾਦਲ ਤੋਂ ਦਿਤਾ ਅਸਤੀਫ਼ਾ- ਇਕ ਖ਼ਬਰ
ਆਹ ਲੈ ਫੜ ਚੁੱਕ ਮਿੱਤਰਾ, ਸਾਡੇ ਬਾਂਕਾ ਮੇਚ ਨਾ ਆਈਆਂ।

ਲੋਕਾਂ ਦੀ ਇੱਛਾ 'ਭਾਜਪਾ ਮੁਕਤ' ਭਾਰਤ- ਸ਼ਿਵ ਸੈਨਾ
ਜੀਣੇ ਵੈਲੀ ਨੇ, ਹੱਥ ਜੋੜ ਕੇ ਗੰਡਾਸੀ ਮਾਰੀ।

ਮੈਨੂੰ ਜੇਲ੍ਹਾਂ ਨੇ ਹੀ ਭ੍ਰਿਸ਼ਟਾਚਾਰ ਵਿਰੁੱਧ ਲੜਨ ਦਾ ਹੌਸਲਾ ਦਿਤਾ- ਪਰਕਾਸ਼ ਸਿੰਘ ਬਾਦਲ
ਸੁਣ ਲੈ ਨਿਹਾਲੀਏ ਚੋ૴.ਦੀਆਂ ਗੱਲਾਂ।

ਅਕਾਲ ਤਖ਼ਤ ਦੇ ਜਥੇਦਾਰ ਵਲੋਂ ਅਕਾਲੀ ਦਲ ਬਾਦਲ ਨੂੰ 'ਕਲੀਨ ਚਿੱਟ'- ਇਕ ਖ਼ਬਰ
ਤੇਰਾ ਵਾਲ਼ ਵੀ ਵਿੰਗਾ ਨਾ ਹੋਵੇ, ਤੇਰੀ ਆਈ ਮੈਂ ਮਰ ਜਾਂ।

ਕਾਂਗਰਸ ਦੀ 'ਬੀ' ਟੀਮ ਹੈ ਆਮ ਆਦਮੀ ਪਾਰਟੀ- ਮਨਜਿੰਦਰ ਸਿਰਸਾ
ਤੁਸੀਂ ਵੀ ਆਪਣੀ 'ਏ' ਟੀਮ ਦਾ ਨਾਮ ਲੈ ਦਿੰਦੇ ਸਿਰਸਾ ਸਾਹਿਬ।

10 Dec. 2018

ਪੰਜਾਬ 'ਚ ਟਰਾਂਸਪੋਰਟ ਮਾਫ਼ੀਆ ਦੀ ਜਕੜ ਤੋੜਨ 'ਚ ਪੰਜਾਬ ਸਰਕਾਰ ਫ਼ੇਲ੍ਹ- ਇਕ ਖ਼ਬਰ
ਇਕ ਜੱਟ ਦੇ ਖੇਤ ਨੂੰ ਅੱਗ ਲੱਗੀ, ਦੇਖਾਂ ਆਣ ਕੇ ਕਦੋਂ ਬੁਝਾਂਵਦਾ ਈ।

ਪਹਿਲੀ ਵਾਰ ਰਾਜਸਥਾਨ 'ਚ ਅਕਾਲੀ ਦਲ ਬਾਦਲ ਚੋਣ ਪ੍ਰਚਾਰ 'ਚੋਂ ਬਾਹਰ- ਇਕ ਖ਼ਬਰ
ਰੋਟੀ ਲੈ ਕੇ ਦਿਓਰ ਦੀ ਚਲੀ, ਅੱਗੇ ਜੇਠ ਬੱਕਰਾ ਹਲ਼ ਵਾਹੇ।

ਸਮੁੱਚੀ ਅਕਾਲੀ ਲੀਡਰਸ਼ਿੱਪ ਅਕਾਲ ਤਖ਼ਤ 'ਤੇ ਪੇਸ਼ ਹੋ ਕੇ 'ਭੁੱਲਾਂ' ਬਖ਼ਸ਼ਵਾਈਆਂ-ਇਕ ਖ਼ਬਰ
ਅਪਰਾਧੀ ਦੂਣਾ ਨਿਵੇ ਜਿਉ ਹੰਤਾ ਮਿਰਗਾਹਿ।

ਬੰਗਾਲ 'ਚ ਮਮਤਾ ਵਲੋਂ ਅਮਿਤ ਸ਼ਾਹ ਦੇ ਰੱਥ ਨੂੰ ਪ੍ਰਵਾਨਗੀ ਦੇਣ ਤੋਂ ਇਨਕਾਰ- ਇਕ ਖ਼ਬਰ
ਘੁੰਡ ਕੱਢਣਾ ਤਵੀਤ ਨੰਗਾ ਰੱਖਣਾ, ਛੜਿਆਂ ਦੀ ਹਿੱਕ ਲੂਹਣ ਨੂੰ।

ਵਿਧਾਨ ਸਭਾ ਸੈਸ਼ਨ 'ਚ ਡਟ ਕੇ ਘੇਰਾਂਗੇ ਕਾਂਗਰਸ ਸਰਕਾਰ ਨੂੰ- ਸੁਖਬੀਰ ਬਾਦਲ
ਜਸਟਿਸ ਰਣਜੀਤ ਸਿੰਘ ਰਿਪੋਰਟ ਵੇਲੇ ਤਾਂ ਚਿ....ੜਾਂ 'ਚ ਪੂਛ ਦੇ ਕੇ ਭੱਜ ਗਏ ਸੀ।

ਈਰਾਨ ਨੇ ਅਮਰੀਕਾ ਨੂੰ ਤੇਲ ਨਿਰਯਾਤ ਕਰਨ ਲਈ ਰਸਤਾ ਬੰਦ ਕਰਨ ਦੀ ਮੁੜ ਦਿਤੀ ਧਮਕੀ- ਇਕ ਖ਼ਬਰ
ਗੰਨਾ ਪੁੱਟ ਕੇ ਸੁਰੈਣਾ ਬੋਲਿਆ, ਜਿੰਮੀਦਾਰੀ ਐਂ ਭੰਨ ਦਊਂ।

ਬੀ.ਜੇ.ਪੀ. ਨੇ ਹੁਣ ਮੰਨਿਆ ਕਿ ਆਪਰੇਸ਼ਨ ਨੀਲਾ ਤਾਰਾ ਇਕ 'ਇਤਿਹਾਸਕ ਭੁੱਲ' ਸੀ- ਇਕ ਖ਼ਬਰ
ਕੀ ਮੰਨੋਗੇ ਕਿ ਇੰਦਰਾ ਨੂੰ ਦੁਰਗਾ ਦਾ ਦਰਜਾ ਦੇਣਾ ਵੀ ਤੁਹਾਡੀ ਇਤਿਹਾਸਕ ਭੁੱਲ ਸੀ?

ਦੇਸ਼ ਵੰਡ ਬਾਰੇ ਬਿਆਨਬਾਜ਼ੀ ਨਾਲ਼ ਮੋਦੀ ਲੋਕਾਂ ਨੂੰ ਗੁਮਰਾਹ ਨਾ ਕਰਨ- ਸੁਖਜਿੰਦਰ ਰੰਧਾਵਾ
ਪਿਆਰ, ਜੰਗ ਅਤੇ ਚੋਣਾਂ 'ਚ ਸਭ ਕੁਝ ਜਾਇਜ਼ ਐ ਬਈ।

ਕਾਂਗਰਸ ਦੀਆਂ ਗ਼ਲਤੀਆਂ ਸੁਧਾਰਨ ਦਾ ਸੁਭਾਗ ਮੈਨੂੰ ਪਰਾਪਤ ਹੋਇਆ ਜਿਵੇਂ ਕਿ ਕਰਤਾਰ ਪੁਰ ਲਾਂਘਾ- ਮੋਦੀ
ਆਪੇ ਮੈਂ ਰੱਜੀ ਪੁੱਜੀ, ਆਪੇ ਮੇਰੇ ਬੱਚੇ ਜੀਣ।

ਵਿਦਿਅਕ ਖੇਤਰ ਨੂੰ ਫੰਡਾਂ ਦੀ ਵੰਡ 'ਚ ਸੰਸਦ ਮੈਂਬਰਾਂ ਨੇ ਹੱਥ ਘੁੱਟੇ- ਇਕ ਖ਼ਬਰ
ਨਾ ਬਈ ਨਾ, ਬਹੁਤਾ ਪੜ੍ਹਾ ਕੇ ਕੀ ਕਰਨਾ ਨਿਆਣਿਆਂ ਨੂੰ, ਰੁਜ਼ਗ਼ਾਰ ਤਾਂ ਅੱਗੇ ਹੈ ਨਹੀਂ।

ਮੋਦੀ ਨੇ ਕਾਂਗਰਸ ਨੂੰ ਪੁੱਛਿਆ ਕਿ ਉਨ੍ਹਾਂ ਨੇ ਹਿੰਦੂ ਧਰਮ ਦਾ ਗਿਆਨ ਕਿਥੋਂ ਹਾਸਲ ਕੀਤਾ ਹੈ- ਇਕ ਖ਼ਬਰ
ਮੋਦੀ ਸਾਹਿਬ ਜਿਹੜੇ ਸ਼ਾਸਤਰਾਂ 'ਚੋਂ ਤੁਸੀਂ ਸਾਇੰਸ ਵਿਗਿਆਨ ਕੱਢਿਆ ਹੈ।

ਤਾਲਿਬਾਨ ਨੂੰ ਗੱਲਬਾਤ ਲਈ ਰਾਜ਼ੀ ਕਰਨ ਸਬੰਧੀ ਟਰੰਪ ਨੇ ਇਮਰਾਨ ਖਾਨ ਤੋਂ ਮਦਦ ਮੰਗੀ- ਇਕ ਖ਼ਬਰ
ਤੁਸੀਂ ਕਰੋ ਅਸਾਡੀ ਕਾਰੀ ਜੀ, ਹੁਣ ਹੋ ਗਈ ਮੁਸ਼ਕਿਲ ਭਾਰੀ ਜੀ।

ਹੁਣ 1984 'ਚ ਦਿੱਲੀ ਇਕ ਇਲਾਕੇ ਵਿਚ ਕਤਲ ਕੀਤੇ 63 ਸਿੱਖਾਂ ਦੀ ਫ਼ਾਈਲ ਗੁੰਮ ਹੋ ਗਈ- ਜੀ.ਕੇ.
ਗੁੰਮ ਹੋ ਗਈ ਜਾਂ ਜਾਣ ਬੁੱਝ ਕੇ ਗੁੰਮ ਕਰ ਦਿਤੀ ਗਈ।

ਪੰਜਾਬ ਦੀਆਂ ਜੇਲ੍ਹਾਂ 'ਚ ਵਿਦੇਸ਼ੀ ਕੈਦੀ ਚਲਾ ਰਹੇ ਹਨ ਨਸ਼ਾ ਸਪਲਾਈ ਦਾ ਰੈਕੇਟ- ਇਕ ਖ਼ਬਰ
ਦੇਸੀ ਬੰਦੇ ਤੁਸੀਂ ਵਿਹਲੇ ਕਰ'ਤੇ ਹੁਣ ਵਿਦੇਸ਼ੀਆਂ ਨੇ ਹੀ ਚਲਾਉਣਾ ਕੰਮ।

ਸਾਬਕਾ ਚੀਫ਼ ਜਸਟਿਸ ਦੀਪਕ ਮਿਸ਼ਰਾ ਕਿਸੇ ਬਾਹਰੀ ਪ੍ਰਭਾਵ ਹੇਠ ਸਨ- ਸਾਬਕਾ ਜੱਜ ਕੁਰੀਅਨ ਜੋਜ਼ਫ਼
ਰੜਕੇ, ਰੜਕੇ, ਰੜਕੇ, ਮੱਘਾ ਭੰਨਿਆਂ ਜੇਠ ਨਾਲ਼ ਲੜ ਕੇ।

04 Dec. 2018

ਕੈਪਟਨ ਵਲੋਂ ਇਮਰਾਨ ਖ਼ਾਨ ਦਾ ਸੱਦਾ ਅਸਵੀਕਾਰ- ਇਕ ਖ਼ਬਰ
ਵਿਚ ਵੇਲਣੇ ਬਾਂਹ ਅਸਾਡੀ, ਕੀਕਣ ਆਖਾਂ ਛੱਡ ਵੇ ਅੜਿਆ।

ਸਿਆਸੀ ਸੰਕਟ 'ਚ ਘਿਰੇ ਅਕਾਲੀ ਦਲ ਨੂੰ ਕਰਤਾਰ ਪੁਰ ਲਾਂਘੇ 'ਤੇ ਟੇਕ- ਇਕ ਖ਼ਬਰ
ਚੁੱਲ੍ਹੇ ਅੱਗ ਨਾ ਘੜੇ ਵਿਚ ਪਾਣੀ, ਵੇ ਅਮਲੀਆ ਦੋਜ਼ਖ਼ੀਆ।

ਪਠਾਨਕੋਟ 'ਚ ਫਿਰ ਦਿਸੇ ਸ਼ੱਕੀ ਬੰਦੇ-ਇਕ ਖ਼ਬਰ
ਮੜ੍ਹ ਦਿਉ ਸਿੱਧੂ ਦੇ ਗ਼ਲ਼ ਇਹ ਵੀ ਕਿ ਉਹੀ ਲੈ ਕੇ ਆਇਐ ਬੰਦੇ ਸਰਹੱਦ ਪਾਰੋਂ।

ਸਾਬਕਾ ਜਥੇਦਾਰ ਨੂੰ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਦੀਆਂ ਘਟਨਾਵਾਂ ਦੀ ਜਾਂਚ 'ਚ ਸ਼ਾਮਲ ਕਰਨ ਦੀ ਮੰਗ-ਬੋਨੀ
ਲਿਖਿਆ ਵਿਚ ਕਿਤਾਬ ਕੁਰਾਨ ਦੇ ਜੀ, ਗੁਨਾਹਗ਼ਾਰ ਖ਼ੁਦਾ ਦਾ ਚੋਰ ਹੈ ਜੀ।

ਡੇਰਾ ਬਿਆਸ ਮੁਖੀ ਨੂੰ ਸੁਖਬੀਰ ਬਾਦਲ ਵਲੋਂ ਸਿਰੋਪਾ ਪਾਉਣ ਦਾ ਮਸਲਾ ਭਖਿਆ- ਇਕ ਖ਼ਬਰ
ਰੌਲ਼ਾ ਭਾਈ ਸਿਰੋਪੇ ਦਾ ਨਹੀਂ, ਰਾਅ ਸਿੱਖਾਂ ਦੀਆਂ ਵੋਟਾਂ ਸੁਖਬੀਰ ਬਾਦਲ ਨੂੰ ਪਵਾਉਣ ਦਾ ਐ।

ਕਿੱਥੇ ਗਏ ਪੰਜਾਬ ਦੇ ਸਿਆਸੀ ਪਿੜ 'ਚੋਂ ਖੱਬੇ-ਪੱਖੀ?- ਇਕ ਸਵਾਲ
ਇਸ ਘਰ ਕੋ ਆਗ ਲਗ ਗਈ ਘਰ ਕੇ ਚਿਰਾਗ਼ ਸੇ।

ਬਾਦਲ ਪਰਵਾਰ ਲਈ ਕਮਾਊ ਪੁੱਤ ਸਾਬਤ ਹੋ ਰਿਹੈ ਸ਼੍ਰੋਮਣੀ ਕਮੇਟੀ ਪ੍ਰਧਾਨ-ਇਕ ਖ਼ਬਰ
ਉਹਦੇ ਸਿਰ 'ਤੇ ਕਲਗ਼ੀ ਤੇ ਪੈਰੀਂ ਝਾਂਜਰ, ਨੀਂ ਉਹ ਚੋਗ ਚੁਗੇਂਦਾ ਆਇਆ।

ਕੈਪਟਨ ਅਮਰਿੰਦਰ ਸਿੰਘ ਨੇ ਬੋਲੀ ਭਾਜਪਾ ਦੀ ਬੋਲੀ- ਹਰਪਾਲ ਚੀਮਾ
ਨੀਂ ਉਹ ਲੰਬੜਾਂ ਦਾ ਮੁੰਡਾ, ਬੋਲੀ ਹੋਰ ਬੋਲਦਾ।

ਪਟਰੌਲ ਪੰਪ ਨੂੰ ਨੁਕਸਾਨ ਪਹੁੰਚਾਉਣ ਦੇ ਮਾਮਲੇ 'ਚ 17 ਡੇਰਾ ਪ੍ਰੇਮੀ ਬਰੀ-ਇਕ ਖ਼ਬਰ
ਅਸਾਂ ਜੇਠ ਨੂੰ ਲੱਸੀ ਨਹੀਂ ਦੇਣੀ, ਦਿਓਰ ਭਾਵੇਂ ਦੁੱਧ ਪੀ ਲਵੇ।

ਅਕਾਲੀ ਆਗੂਆਂ ਨੇ ਕੀ ਖੱਟਿਆ ਕਰਤਾਰ ਪੁਰ ਲਾਂਘੇ ਦੇ ਸਮਾਗਮ 'ਚ ਆ ਕੇ?-ਇਕ ਸਵਾਲ
ਤੂੜੀ ਵਿਚੋਂ ਪੁੱਤ ਜੱਗਿਆ, ਲਿਆ ਤੰਗਲ਼ੀ ਨਸੀਬਾਂ ਨੂੰ ਫਰੋਲੀਏ।

ਕਰਤਾਰ ਪੁਰ ਲਾਂਘਾ ਇਕੱਲੇ ਸਿੱਧੂ ਦੀ ਨਹੀਂ ਬਲਕਿ ਸਾਰਿਆਂ ਦੀ ਮੰਗ-ਵੀ.ਕੇ.ਸਿੰਘ
ਕੱਲ੍ਹ ਤੱਕ ਤਾਂ ਇਹਨਾਂ 'ਸਾਰਿਆਂ' ਨੂੰ ਲਾਂਘੇ ਰਾਹੀਂ ਅੱਤਵਾਦੀ ਆਉਂਦੇ ਦਿਸਦੇ ਸਨ।

ਪ੍ਰਧਾਨ ਮੰਤਰੀ ਦਫ਼ਤਰ ਵਲੋਂ ਕਾਲ਼ੇ ਧਨ ਬਾਰੇ ਜਾਣਕਾਰੀ ਦੇਣ ਤੋਂ ਨਾਂਹ- ਇਕ ਖ਼ਬਰ
ਬੋਲਣ ਝੂਠ ਤੇ ਖਾਣ ਹਰਾਮ, ਕਿਆ ਹੋਵੇ ਤਾਸੀਰ।

ਸ਼੍ਰੋਮਣੀ ਅਕਾਲੀ ਦਲ ਦੀ ਸਮੁੱਚੀ ਲੀਡਰਸ਼ਿੱਪ ਅੱਜ ਨੀਂਹ-ਪੱਥਰ ਸਮਾਗਮ 'ਚ ਹੋਵੇਗੀ ਸ਼ਾਮਲ- ਇਕ ਖ਼ਬਰ
ਹੋਰ ਹੁਣ ਤੁਹਾਡੇ ਕੋਲ਼ ਰਾਹ ਵੀ ਕੀ ਹੈ! ਰਲ਼ ਜਾਉ ਦੌੜ ਕੇ।

ਸਿੱਧੂ ਨੂੰ ਗ਼ਦਾਰ ਕਹਿਣ ਬਾਅਦ ਹੁਣ ਬੀਬੀ ਬਾਦਲ ਕਿਸ ਮੂੰਹ ਨਾਲ਼ ਪਾਕਿਸਤਾਨ ਜਾਵੇਗੀ-ਸੁਖਜਿੰਦਰ ਸਿੰਘ ਰੰਧਾਵਾ
ਜਿਨ੍ਹਾਂ ਰਾਹਾਂ ਦੀ ਮੈਂ ਸਾਰ ਨਾ ਜਾਣਾ, ਉਹਨੀਂ ਰਾਹੀਂ ਵੇ ਮੈਨੂੰ ਤੁਰਨਾ ਪਿਆ।

25 Nov. 2018

ਬਾਲਾਸਰ ਫਾਰਮ ਤੋਂ ਕਿੰਨੂਆਂ ਦੀ ਚੋਰੀ ਨੇ ਬਾਦਲ ਦੇ ਸਾਹ ਸੁਕਾਏ- ਇਕ ਖ਼ਬਰ
ਕਾਸ਼ ਕਿ ਗੁਰੂ ਗ੍ਰੰਥ ਸਾਹਿਬ ਦੀ ਹੋਈ ਚੋਰੀ ਵੇਲੇ ਵੀ ਤੁਹਾਡੇ ਸਾਹ ਸੁੱਕਦੇ ਬਾਦਲ ਸਾਹਿਬ।

ਅਕਾਲੀ ਦਲ ਦੀ 'ਸਿਆਸਤ' ਦੇ ਗੇੜ 'ਚ ਉਲਝੀ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ- ਇਕ ਖ਼ਬਰ
ਆਪ ਤੇ ਡੁੱਬਿਉਂ ਬਾਹਮਣਾ, ਜਜਮਾਨ ਵੀ ਗਾਲ਼ੇ।

ਸਾਡੀ ਲੜਾਈ ਪਾਰਟੀ ਨਾਲ਼ ਨਹੀਂ, ਬਾਦਲਾਂ ਨਾਲ਼ ਹੈ- ਬੋਨੀ ਅਜਨਾਲ਼ਾ
ਜੱਗ ਭਾਵੇਂ ਜੋ ਵੀ ਕਹੇ, ਸੱਸ ਪਿੱਟਣੀ ਪੰਜੇਬਾਂ ਪਾ ਕੇ।

ਐੱਸ.ਆਈ.ਟੀ. ਬਾਰੀਕੀ ਨਾਲ਼ ਜਾਂਚ ਕਰ ਰਹੀ ਹੈ ਪਰ ਹੱਥ ਉਹਦੇ ਅਜੇ ਵੀ ਖ਼ਾਲੀ?- ਇਕ ਖ਼ਬਰ
ਜਾਂਚ ਕਿਸੇ ਬਾਹਰਲੀ ਏਜੰਸੀ ਨੂੰ ਦਿਉ, ਦੇਖੋ ਫਿਰ ਹੱਥ ਭਰਦੇ।

ਜੀਜੇ-ਸਾਲੇ ਨੇ ਲਗਾਇਆ ਸਿੱਖ ਪੰਥ ਅਤੇ ਅਕਾਲੀ ਦਲ ਨੂੰ ਧੱਬਾ-ਟਕਸਾਲੀ ਅਕਾਲੀ ਆਗੂ
ਲਾਲ ਸਿੰਘ ਤੇਜ ਸਿੰਘ ਜੀ, ਕਰ ਗਏ ਨੇ ਗ਼ਦਾਰੀ ਭਾਰੀ।

ਜਮਹੂਰੀਅਤ ਲਈ ਖ਼ਤਰਾ ਬਣੀ ਮੋਦੀ ਸਰਕਾਰ- ਮਨਮੋਹਨ ਸਿੰਘ
ਬੋਦੀ ਵਾਲ਼ਾ ਤਾਰਾ ਚੜ੍ਹਿਆ, ਘਰ ਘਰ ਹੋਣ ਵਿਚਾਰਾਂ।

ਬੈਂਕਾਂ ਨਾਲ਼ ਧੋਖਾ ਧੜੀ ਕਰਨ ਵਾਲ਼ੇ ਹੁਣ ਨਹੀਂ ਭੱਜ ਸਕਣਗੇ ਵਿਦੇਸ਼- ਇਕ ਖ਼ਬਰ
ਜੋਤਸ਼ੀ ਦੱਸਿਆ ਕਰਨਗੇ ਕਿ ਬੰਦਾ ਭੱਜਣ ਵਾਲ਼ਾ ਹੈ ਜਾਂ ਨਹੀਂ, ਸ਼ੱਕੀਆਂ ਨੂੰ ਸੰਗਲ ਲਾਏ ਜਾਣਗੇ।

ਕੌਮੀ ਸਿਆਸਤ ਵਿਚ ਚਮਕਣ ਲੱਗਿਆ ਨਵਜੋਤ ਸਿੱਧੂ-ਇਕ ਖ਼ਬਰ
ਤੇਗ਼ਾਂ ਮਾਰਦਾ ਦਲਾਂ ਨੂੰ ਜਾਵੇ ਚੀਰਦਾ, ਗੋਰਿਆਂ ਦੇ ਘਾਣ ਲੱਥ ਗਏ।

ਪਾਕਿਸਤਾਨ ਕਈ ਸਾਲਾਂ ਤੋਂ ਆਪਣੇ ਸਾਧਨਾਂ ਤੋਂ ਬਾਹਰ ਜਾ ਕੇ ਖ਼ਰਚ ਕਰ ਰਿਹੈ- ਇਕ ਰਿਪੋਰਟ
ਆਮਦਨੀ ਅਠੰਨੀ, ਖ਼ਰਚਾ ਰੁਪੱਈਆ, ਥਾ ਥੱਈਆ ਥਾ ਥੱਈਆ।

ਡੇਰਾ ਸਿਰਸਾ ਦੇ ਉਭਾਰ ਲਈ ਗੁਰਦੁਆਰਿਆਂ ਦੀਆਂ ਪ੍ਰਬੰਧਕ ਕਮੇਟੀਆਂ ਦੇ ਪ੍ਰਧਾਨ ਜ਼ਿੰਮੇਵਾਰ- ਰਾਮੂਵਾਲੀਆ
ਤੁਸੀਂ ਵਿਚ ਖ਼ੁਦਾ ਦੇ ਖ਼ਾਨਿਆਂ ਦੇ, ਜੀਊਂਦੇ ਨਾਲ਼ ਦਵਾਈਆਂ ਮਾਰਦੇ ਓ।

ਬਾਦਲਾਂ ਨੂੰ ਚੁਰਾਸੀ ਦੇ ਪੀੜਤਾਂ ਦੀ ਯਾਦ ਹੁਣ ਹੀ ਕਿਉਂ ਆਈ- ਸ਼ਿੰਗਾਰਾ ਸਿੰਘ ਭੁੱਲਰ
ਬੰਨੇ ਬੰਨੇ ਹੀਰ ਭਾਲ਼ਦਾ, ਰਾਂਝਾ ਪੱਜ ਮੱਝੀਆਂ ਦਾ ਲਾਵੇ।

ਸੁਖਪਾਲ ਖਹਿਰਾ ਹੀ ਪੰਜਾਬ ਦੇ ਹਿਤਾਂ ਦੀ ਰਾਖੀ ਕਰ ਸਕਦਾ ਹੈ- ਕੰਗ ਭਰਾ ਤੇ ਮਾਨ
ਐਪਰ ਇਕ ਸਰਦਾਰ ਅਜੀਬ ਯਾਰੋ, ਜ਼ਖ਼ਮ ਸਾਹਮਣੇ ਮੂੰਹ 'ਤੇ ਖਾਣ ਵਾਲ਼ਾ।

ਬਠਿੰਡਾ ਹਲਕੇ ਤੋਂ 'ਬੀਬਾ ਹਰਸਿਮਰਤ' ਦੀ ਜਗ੍ਹਾ 'ਬਾਬੇ ਬਾਦਲ' ਨੂੰ ਚੋਣ ਲੜਾਉਣ ਦੀ ਚਰਚਾ- ਇਕ ਖ਼ਬਰ
ਬਾਪੂ ਵੇ ਕਲਾ ਮਰੋੜ! ਨੀਂ ਸਿਮਰੋ ਲਾ ਦੇ ਜ਼ੋਰ। 

ਸਿਆਸਤ ਤੋਂ ਪ੍ਰੇਰਿਤ ਬਿਆਨ ਦੇ ਕੇ ਅੱਗ ਨਾਲ਼ ਨਾ ਖੇਡੇ ਸੁਖਬੀਰ- ਕੈਪਟਨ
ਫ਼ੈਸ਼ਨ ਨਾ ਕਰ ਨੀਂ, ਤੇਰੀ ਹਾਲੇ ਉਮਰ ਨਿਆਣੀ।

ਅਗਲੀਆਂ ਲੋਕ ਸਭਾ ਚੋਣਾਂ ਨਹੀਂ ਲੜਾਂਗੀ- ਸੁਸ਼ਮਾ ਸਵਰਾਜ
ਜਿੰਨਾ ਨਹਾਤੀ ਓਨਾ ਈ ਪੁੰਨ।

'ਆਪ' ਦੇ ਬਰਾਬਰ ਜਥੇਬੰਦਕ ਢਾਂਚਾ ਖੜ੍ਹਾ ਕਰੇਗਾ ਬਾਗ਼ੀ ਧੜਾ- ਇਕ ਖ਼ਬਰ
ਸੌਂਕਣ ਲਿਆਂਦੀ ਸਿੰਘ ਜੀ, ਤੈਂ ਡਰ ਦੁਨੀਆਂ ਦਾ ਲਾਹ ਕੇ।

ਸਰਕਾਰੀ ਵੋਲਵੋ ਬੱਸ ਨੂੰ ਬਠਿੰਡਾ ਬੱਸ ਸਟੈਂਡ 'ਤੇ ਸੁਖਬੀਰ ਦੀ ਔਰਬਿੱਟ ਨੇ ਲਾਈਆਂ ਬਰੇਕਾਂ- ਇਕ ਖ਼ਬਰ
ਅਸੀਂ ਟੈਂ ਨਹੀਂ ਕਿਸ ਦੀ ਮੰਨਦੇ, ਚਾਚਾ ਸਾਡਾ ਮੁੱਖ ਮੰਤਰੀ।

ਕਾਨੂੰਨ ਦੇ ਹੱਥ ਟਾਈਟਲਰ ਅਤੇ ਸੱਜਣ ਕੁਮਾਰ ਤੱਕ ਵੀ ਪਹੁੰਚਣਗੇ- ਸੁਖਬੀਰ ਬਾਦਲ
ਰੱਬ ਕਰੇ ਇਹ ਹੱਥ ਬਹਿਬਲ ਕਲਾਂ ਤੇ ਕੋਟਕਪੂਰੇ ਗੋਲ਼ੀ ਦਾ ਹੁਕਮ ਦੇਣ ਵਾਲ਼ਿਆਂ ਤੱਕ ਵੀ ਪਹੁੰਚਣ।

18 Nov. 2018

ਸੰਗਰੂਰ ਤੋਂ ਲੋਕ ਸਭਾ ਚੋਣ ਲੜਨਗੇ ਸਿਮਰਨਜੀਤ ਸਿੰਘ ਮਾਨ - ਇਕ ਖ਼ਬਰ
ਘੱਲਿਆ ਸੀ ਮੈਂ ਮਹੀਂ ਖ਼ਰੀਦਣ, ਖ਼ਰੀਦ ਲਿਆਇਆ ਝੋਟਾ, ਖ਼ਸਮਾਂ ਨੂੰ ਖਾਣੇ ਦਾ ਛੱਪੜੀ ਵਿਚ ਖਲੋਤਾ।

ਬੇਅਦਬੀ ਮਾਮਲਿਆਂ 'ਚ ਐਸ.ਆਈ.ਟੀ. ਦੀ ਜਾਂਚ ਤੋਂ ਧਿਆਨ ਹਟਾਉਣ ਦੀਆਂ ਕੋਸ਼ਿਸ਼ਾਂ ਨਾ ਕਰਨ ਬਾਦਲ- ਅਮਰਿੰਦਰ ਸਿੰਘ
ਉਹਨੇ ਤਖਤੋ ਬਖਤੋ ਬੰਨ੍ਹ ਲਈਆਂ, ਪਾ ਲਈਆਂ ਲਾਹੌਰ ਦੇ ਰਾਹ।

ਸਰਕਾਰ ਬਣਨ ਦੇ ਦਸ ਦਿਨਾਂ 'ਚ ਕਿਸਾਨਾਂ ਦਾ ਕਰਜ਼ਾ ਮੁਆਫ਼ ਹੋਵੇਗਾ- ਰਾਹੁਲ ਗਾਂਧੀ
ਤੈਨੂੰ ਬਾਜਰੇ ਤੋਂ ਘੱਗਰਾ ਸੰਵਾ ਦਊਂ, ਜਿਗਰਾ ਤੂੰ ਰੱਖ ਗੋਰੀਏ।

ਬਾਦਲਾਂ ਕਾਰਨ ਸ਼੍ਰੋਮਣੀ ਅਕਾਲੀ ਦਲ ਮੁਸ਼ਕਿਲਾਂ 'ਚ ਘਿਰਿਆ- ਇਕ ਖ਼ਬਰ
ਮਾਉਂ ਹੀਰ ਥੀਂ ਲੋਕ ਕਰਨ ਚੁਗਲੀ, ਤੇਰੀ ਮਲਕੀਏ ਧੀ ਖ਼ਰਾਬ ਹੈ ਨੀਂ।

ਬਾਦਲ ਦੱਸਣ ਕਿ ਗੋਲ਼ੀ ਚਲਾਉਣ ਦੇ ਹੁਕਮ ਕਿਸ ਨੇ ਦਿੱਤੇ- ਜਾਖੜ
ਤੇਰੀ ਤੋੜ ਕੇ ਛੱਡਣਗੇ ਗਾਨੀ, ਵੱਸ ਪੈ ਗਈ ਅੜ੍ਹਬਾਂ ਦੇ।

ਅਰੂਸਾ ਦੇ ਆਲਮ ਅੱਗੇ ਕੇਂਦਰੀ ਗ੍ਰਹਿ ਮੰਤਰਾਲਾ ਖ਼ਾਮੋਸ਼- ਇਕ ਖ਼ਬਰ
ਪੱਤਣੋਂ ਪਾਰ ਲੰਘਣਾ, ਮੈਨੂੰ ਯਾਰ ਉਡੀਕੇ ਖੜ੍ਹ ਕੇ।

ਆਂਧਰਾ ਪ੍ਰਦੇਸ਼ ਅਤੇ ਪੱਛਮੀ ਬੰਗਾਲ ਨੇ ਲਗਾਈ ਸੀ.ਬੀ.ਆਈ. 'ਤੇ ਪਾਬੰਦੀ- ਇਕ ਖ਼ਬਰ
ਜੱਗ ਭਾਵੇਂ ਨਿੰਦਿਆ ਕਰੇ, ਸੱਸ ਪਿੱਟਣੀ ਪੰਜੇਬਾਂ ਪਾ ਕੇ।

ਪਰਧਾਨ ਮੰਤਰੀ ਅੱਜ ਕਲ ਆਪਣੇ ਭਾਸ਼ਨ ਵਿਚ ਭ੍ਰਿਸ਼ਟਾਚਾਰ ਦਾ ਜ਼ਿਕਰ ਨਹੀਂ ਕਰਦੇ- ਰਾਹੁਲ ਗਾਂਧੀ
ਫੈਸ਼ਨ ਬੇਗੋ ਦੇ, ਮਨ ਮਰਜ਼ੀ ਦੇ ਹੋਣੇ।

ਡਾਕਟਰ ਗਾਂਧੀ ਨੇ ਨਵੇਂ ਤੇ ਖ਼ੁਦ ਮੁਖ਼ਤਾਰ ਪੰਜਾਬ ਦਾ ਹੋਕਾ ਦਿੱਤਾ- ਇਕ ਖ਼ਬਰ
ਫਰਦ ਫ਼ਕੀਰ ਹੋਇਆ ਕੋਈ ਖਾਸਾ, ਮਰਦ ਸਫ਼ਾਈ ਵਾਲ਼ਾ।

ਬਾਦਲ ਜੀ ਤੁਹਾਡੀ ਸਰਕਾਰ ਵੇਲੇ ਮੈਨੂੰ ਵੀ ਸੰਮਨ ਕਰ ਕੇ ਸਰਕਟ ਹਾਊਸ 'ਚ ਪੁੱਛ-ਗਿੱਛ ਕੀਤੀ ਗਈ ਸੀ- ਕੈਪਟਨ
ਕਦੇ ਦਾਦੇ ਦੀਆਂ, ਕਦੇ ਪੋਤੇ ਦੀਆਂ।

ਡੇਰਾ ਬਿਆਸ ਮੁਖੀ ਨੇ ਦਾਦੂਵਾਲ ਨਾਲ ਕੀਤੀ ਵਿਚਾਰ ਚਰਚਾ-ਇਕ ਖ਼ਬਰ
ਖੂਹ ਟੋਭੇ ਤੇਰੀ ਚਰਚਾ ਹੁੰਦੀ, ਚਰਚਾ ਨਾ ਕਰਵਾਈਏ।

ਸ਼੍ਰੋਮਣੀ ਕਮੇਟੀ ਇਜਲਾਸ 'ਚ ਬੀਬੀ ਕਿਰਨਜੋਤ ਕੌਰ ਨੂੰ ਬੋਲਣ ਤੋਂ ਰੋਕਣਾ ਬਾਦਲ ਦਲ ਦਾ ਹੰਕਾਰ- ਸਰਨਾ
ਰੱਬ ਚਾੜ੍ਹ ਪਹਾੜ ਤੋਂ ਡੇਗ ਦਿੰਦਾ, ਕਰੀਏ ਗਰਬ ਨਾ ਵੱਡੇ ਇਕਬਾਲ ਦਾ ਜੀ।

ਭਾਜਪਾ ਤੇ ਆਰ.ਐੱਸ.ਐੱਸ ਘੱਟ ਗਿਣਤੀਆਂ ਨੂੰ ਦਬਾਉਣ ਲਈ ਹਰ ਹੀਲਾ ਵਰਤ ਰਹੀਆਂ ਹਨ-ਭੋਮਾ/ਜੰਮੂ
ਕੰਧਾਂ ਕਾਲ਼ੀਆਂ ਸ਼ਹਿਰ ਹੜਤਾਲ ਹੋਈ, ਧੁੰਦੂਕਾਰ ਜ਼ਮੀਂ ਆਸਮਾਨ ਹੋਇਆ।

ਬੇਅਦਬੀ ਘਟਨਾਵਾਂ: ਬਾਦਲਾਂ 'ਤੇ ਕੇਸ ਦਰਜ ਕਰ ਕੇ ਤੁਰੰਤ ਗ੍ਰਿਫ਼ਤਾਰ ਕੀਤਾ ਜਾਵੇ- ਸਿੱਖ ਬੁੱਧੀਜੀਵੀ
ਬੰਨ੍ਹ ਮੁਸ਼ਕਾਂ ਲੈ ਜਾਉ ਛੇਤੀ, ਤੇ ਜਲਦੀ ਕਰੋ ਹਲਾਲ।

ਜਬਰ ਜਨਾਹ ਕਰਨ ਵਾਲੇ ਪਾਦਰੀ ਦਾ ਕੱਟਿਆ ਪ੍ਰਾਈਵੇਟ ਪਾਰਟ- ਇਕ ਖ਼ਬਰ
ਨਾ ਰਹੇ ਬਾਂਸ. ਨਾ ਵੱਜੇ ਬੰਸਰੀ।

14 Nov. 2018

'  ਸ਼ਹੀਦ ਭਗਤ ਸਿੰਘ ਦਾ ਨਾਨਕਾ ਪਿੰਡ ਮੋਰਾਂਵਾਲੀ ਸਰਕਾਰੀ ਬੇਰੁਖੀ ਦਾ ਸ਼ਿਕਾਰ - ਇਕ ਖਬਰ
' ਸਰਕਾਰਾਂ ਦਾ ਵਸ ਚੱਲੇ ਤਾਂ ਇਹ ਲੋਕਾਂ ਦੇ ਦਿਲਾਂ 'ਚੋਂ ਹੀ ਸ਼ਹੀਦਾਂ ਨੂੰ ਖਾਰਜ ਕਰ ਦੇਣ।

'  ਫੈਜ਼ਾਬਾਦ ਨਾਮ ਹੁਣ ਅਯੁੱਧਿਆ ਹੋਇਆ - ਇਕ ਖਬਰ
' ਇਬਤਦਾਏ ਇਸ਼ਕ ਹੈ ਰੋਤਾ ਹੈ ਕਿਆ, ਆਗੇ ਆਗੇ ਦੇਖੀਏ ਹੋਤਾ ਹੈ ਕਿਆ।

'  ਕਰਨਾਟਕ ਜਿਮਨੀ ਚੋਣਾਂ 'ਚ ਭਾਜਪਾ ਨੂੰ ਵੱਡਾ ਝਟਕਾ - ਇਕ ਖਬਰ
' ਰੋਂਦੀ ਮਾਂ ਸੁੰਦਰ ਦੀ ਖੜ੍ਹ ਕੇ, ਕਿਹੜਾ ਦੇਵੇ ਧੀਰਾਂ।

'  ਇਟਲੀ ਵਿਚ ਆਪ ਦਾ ਝਾੜੂ ਖਿਲਰਨ ਲੱਗਾ - ਇਕ ਖਬਰ
' ਮੋਤੀ ਖਿੱਲਰ ਗਏ, ਚੁਗ ਲੈ ਕਬੂਤਰ ਬਣ ਕੇ।

'  ਨੋਟਬੰਦੀ ਦੇ ਦੋ ਸਾਲ ਹੋਣ 'ਤੇ ਕਾਂਗਰਸ ਨੇ ਮੋਦੀ ਦੇ ਪੁਤਲੇ ਫੂਕੇ - ਇਕ ਖਬਰ
' ਰੂੜੀ ਉੱਤੇ ਖੜ੍ਹਾ ਕੁੜੇ, ਔਂਤਰਿਆਂ ਦਾ ਛੜਾ ਕੁੜੇ।

'  ਕੈਪਟਨ ਸਰਕਾਰ 'ਤੇ ਵਾਅਦਿਆਂ ਤੋਂ ਭੱਜਣ ਦੇ ਦੋਸ਼ ਲਗਾਏ - ਇਕ ਖਬਰ
' ਵੋਹ ਵਾਅਦਾ ਹੀ ਕਿਆ ਜੋ ਵਫ਼ਾ ਹੋ ਗਯਾ।

'  ਆਰ. ਬੀ. ਆਈ. 'ਤੇ ਭਾਜਪਾ ਨੇ ਸੁਰ ਬਦਲੀ - ਇਕ ਖਬਰ
' ਬੜ੍ਹਕਾਂ ਮਾਰਦੈਂ! ਸਾਨ੍ਹ ਹੁੰਨੇ ਆਂ। ਹੁਣ ਮੋਕ ਮਾਰਦੈਂ! ਗਊ ਦਾ ਜਾਇਆ ਹੁੰਨਾ।

'  ਕੋਈ ਵੀ ਵਿਅਕਤੀ ਪਾਰਟੀ ਤੋਂ ਵੱਡਾ ਨਹੀਂ - ਭਗਵੰਤ ਮਾਨ
' ਲੋਟਣ ਪੱਚੀਆਂ ਦੇ ਚਹੁੰ 'ਚ ਵੇਚ ਗਿਆ ਵੈਲੀ।

'  ਨੋਟਬੰਦੀ ਯੋਜਨਾ ਬਸ 'ਡਕੈਤੀ' ਸੀ - ਨਵਜੋਤ ਸਿੱਧੂ
' ਹਾਏ ਓ ਦਿੱਲੀ ਲੁੱਟੀ, ਦੁਪਹਿਰੇ ਦੀਵਾ ਬਾਲ ਕੇ।

'  ਵਿਰੋਧ ਦੀ ਭਿਣਕ ਪੈਂਦਿਆਂ ਹੀ ਹਰਸਿਮਰਤ ਨੇ ਰੂਟ ਬਦਲਿਆ - ਇਕ ਖਬਰ
' ਕੀਤੀਆਂ ਦੁੱਲੇ ਦੀਆਂ ਪੇਸ਼ ਲੱਧੀ ਦੇ ਆਈਆਂ।

'  ਚੋਣਵੇਂ ਸਨਅਤਕਾਰਾਂ ਲਈ ਮੋਦੀ ਅਤੇ ਰਮਨ ਕੰਮ ਕਰਦੇ ਹਨ - ਰਾਹੁਲ ਗਾਂਧੀ
' ਮੇਰੇ ਵੀਰ ਨੇ ਲਾਮ ਨੂੰ ਜਾਣਾ ਮਿੱਠੀਆਂ ਪਕਾਵਾਂ ਰੋਟੀਆਂ।

'  ਸਰਕਾਰ ਨੇ ਰੋਜ਼ਗਾਰ ਦਫਤਰ ਅੱਠ ਤੋਂ ਅੱਠ ਖੋਲ੍ਹਣ ਦਾ ਫੈਸਲਾ ਵਾਪਸ ਲਿਆ - ਇਕ ਖਬਰ
' ਜਦ ਨੌਕਰੀਆਂ ਹੀ ਨਹੀ ਤਾਂ ਐਵੇਂ ਬਿਜਲੀ ਫੂਕਣੀ ਐ।

'  ਸ਼ਰੋਮਣੀ ਕਮੇਟੀ ਦੇ ਪ੍ਰਧਾਨ ਦੀ ਚੋਣ:ਅਕਾਲੀ ਦਲ ਵੱਲੋਂ ਲਿਫਾਫਾ ਕਲਚਰ ਬਦਲਣ ਦੀ ਤਿਆਰੀ - ਇਕ ਖਬਰ
' ਚੱਲੇਗਾ ਲਿਫਾਫਾ ਹੀ ਪਰ ਜ਼ਰਾ ਘੁੰਮ ਕੇ ਆਊ।