30 July 2019

ਮਿਲਾਵਟੀ ਅਤੇ ਗਲਤ ਬਰਾਂਡ ਦੇ ਭੋਜਨ ਨਮੂਨਿਆਂ 'ਚ ਪੰਜਾਬ ਸਭ ਤੋਂ ਅੱਗੇ- ਇਕ ਖ਼ਬਰ
ਬਦਨਾਮ ਭੀ ਹੋਂਗੇ ਤੋ ਕਿਆ ਨਾਮ ਨਾ ਹੋਗਾ।

ਸੰਨ 2022 ਤੱਕ ਕਿਸਾਨਾਂ ਦੀ ਆਮਦਨ ਦੁੱਗਣੀ ਹੋਣ 'ਤੇ ਸਰਕਾਰ ਨੂੰ ਵੀ ਸ਼ੱਕ- ਇਕ ਖ਼ਬਰ 
ਕਸਮੇਂ, ਵਾਅਦੇ, ਜੁਮਲੇ, ਸ਼ੁਮਲੇ, ਬਾਤੇਂ ਹੈਂ ਬਾਤੋਂ ਕਾ ਕਿਆ।

ਅਫ਼ਸਰੋ ! ਬਾਜ਼ ਆ ਜਾਉ, ਨਹੀਂ ਤਾਂ ਸਖ਼ਤ ਐਕਸ਼ਨ ਲਵਾਂਗੀ- ਮਨੀਸ਼ਾ ਗੁਲਾਟੀ
ਮੈਨੂੰ ਨਰਮ ਕੁੜੀ ਨਾ ਜਾਣੀ, ਲੜ ਜੂੰ ਭਰਿੰਡ ਬਣ ਕੇ।

ਕੋਠੀ ਦੇ ਬੰਦ ਕਮਰਿਆਂ 'ਚ ਨਵਜੋਤ ਸਿੱਧੂ ਅਗਲੀ ਰਣਨੀਤੀ ਘੜਨ 'ਚ ਰੁਝੇ-ਇਕ ਖ਼ਬਰ
ਕੁੱਲੀ ਨੀਂ ਫ਼ਕੀਰ ਦੀ ਵਿਚੋਂ ਅੱਲਾ ਹੂ ਦਾ ਆਵਾਜ਼ਾ ਆਵੇ।

ਸ਼੍ਰੋਮਣੀ ਕਮੇਟੀ ਵਾਲ਼ੇ ਟਿੱਚ ਜਾਣਦੇ ਹਨ 'ਜਥੇਦਾਰ' ਦੇ 'ਇਲਾਹੀ' ਆਦੇਸ਼ਾਂ ਨੂੰ- ਇਕ ਖ਼ਬਰ
ਸਾਡੀ ਬਿੱਲੀ, ਸਾਨੂੰ ਹੀ ਮਿਆਊਂ?

ਇਮਰਾਨ ਖ਼ਾਨ ਅਮਰੀਕਾ ਨਾਲ਼ ਸਬੰਧਾਂ ਦੇ ਸੁਧਾਰ ਦੇ ਮਕਸਦ ਨਾਲ਼ ਟਰੰਪ ਨਾਲ਼ ਕਰਨਗੇ ਮੁਲਾਕਾਤ- ਇਕ ਖ਼ਬਰ
ਹੋ ਬੂਹੇ ਮੱਲ ਬੈਠੇ, ਭਗਤ ਮਈਆ ਜੀ ਦਰ ਤੇਰੇ 'ਤੇ।

ਟਰੰਪ ਵਲੋਂ ਕਸ਼ਮੀਰ ਮਸਲੇ ਲਈ ਵਿਚੋਲਗੀ ਦੀ ਪੇਸ਼ਕਸ਼-ਇਕ ਖ਼ਬਰ
ਸੱਦੀ ਨਾ ਬੁਲਾਈ, ਮੈਂ ਲਾੜੇ ਦੀ ਤਾਈ।

ਸਿੱਖ ਜਥੇਬੰਦੀਆਂ ਵਲੋਂ ਸਾਂਝਾ ਮੁਹਾਜ਼ ਉਸਾਰਨ ਲਈ ਇਕ ਹੋਰ ਹੰਭਲਾ- ਇਕ ਖ਼ਬਰ
ਝੰਡੇ ਨਿੱਕਲੇ ਕੂਚ ਦਾ ਹੁਕਮ ਹੋਇਆ, ਚੜ੍ਹੇ ਸੂਰਮੇ ਸਿੰਘ ਦਲੇਰ ਮੀਆਂ।

ਪ੍ਰਧਾਨ ਮੰਤਰੀ ਮੋਦੀ ਦੇਸ਼ ਨੂੰ ਦੱਸਣ ਕਿ ਟਰੰਪ ਨਾਲ਼ ਕੀ ਗੱਲ ਹੋਈ ਸੀ?- ਰਾਹੁਲ ਗਾਂਧੀ
ਕਿਹੜੇ ਯਾਰ ਦਾ ਗੁਤਾਵਾ ਕੀਤਾ, ਅੱਖ ਵਿਚ ਕੱਖ ਪੈ ਗਿਆ।

ਦਰਬਾਰਾ ਗੁਰੂ ਅਤੇ ਇਜ਼ਹਾਰ ਆਲਮ ਬਾਰੇ ਅਕਾਲੀ ਦਲ ਆਪਣਾ ਸਟੈਂਡ ਸਪਸ਼ਟ ਕਰੇ-ਆਪ ਪਾਰਟੀ
ਕੱਚੀਆਂ ਕਲੀਆਂ ਦਾ, ਕੌਣ ਭਰੂ ਹਰਜਾਨਾ।

ਬਾਦਲਾਂ ਵਾਂਗ ਹੀ ਨਾਕਾਮ ਰਹੀ ਕੈਪਟਨ ਸਰਕਾਰ- ਹਰਪਾਲ ਚੀਮਾ
ਨੱਥਾ ਸਿੰਘ ਪ੍ਰੇਮ ਸਿੰਘ, ਵੰਨ ਐਂਡ ਦੀ ਸੇਮ ਥਿੰਗ।

ਮੁਲਕ ਵਿਚਲੇ ਕਾਲ਼ੇ ਧਨ ਬਾਰੇ ਕੋਈ ਅੰਦਾਜ਼ਾ ਨਹੀਂ- ਵਿੱਤ ਰਾਜ ਮੰਤਰੀ ਅਨੁਰਾਗ ਠਾਕੁਰ
ਰੋਟੀ ਮੇਰਾ ਯਾਰ ਖਾ  ਗਿਆ, ਦਾਣੇ ਚੱਬ ਲਾ ਪਤੀਲੇ ਦਿਆ ਢੱਕਣਾ।

ਕਾਂਗਰਸ ਕਿਸੇ ਵੀ ਕੀਮਤ 'ਤੇ ਛੱਡਾਂਗਾ ਨਹੀਂ- ਸਿੱਧੂ
ਭਗਤੀ ਤੇਰੀ ਪੂਰਨਾ, ਕੱਚੇ ਧਾਗੇ ਦਾ ਸੰਗਲ ਬਣ ਜਾਵੇ।

ਸੁਪਰੀਮ ਕੋਰਟ ਵਲੋਂ 34 ਦੋਸ਼ੀਆਂ ਨੂੰ ਬਰੀ ਕਰਨ 'ਤੇ ਸਮੁੱਚਾ ਅਕਾਲੀ ਦਲ ਬਾਦਲ ਚੁੱਪ ਕਿਉਂ?-ਸਰਨਾ
ਕਬਰਾਂ ਨਾ ਪੁੱਟ ਵੇ, ਨਹੀਂ ਲੱਭਣੀ ਪਰਤਾਪੀ।

ਵਿਜੀਲੈਂਸ ਬਿਊਰੋ ਭ੍ਰਿਸ਼ਟਾਚਾਰ ਦੇ ਖ਼ਾਤਮੇ ਲਈ ਦ੍ਰਿੜ੍ਹ-ਡੀ.ਐੱਸ.ਪੀ.
ਟੁੰਡੀਲਾਟ ਨੇ ਚੁੱਕਿਆ ਆਣ ਬੀੜਾ, ਹਮ ਸਿੰਘ ਸੇ ਜਾਇ ਕੇ ਲੜੇਗਾ ਜੀ।

22 July 2019

ਸਿੱਧੂ ਦੇ ਅਸਤੀਫ਼ੇ ਬਾਅਦ ਪੰਜਾਬ 'ਚ ਫਿਰ ਤੀਜੇ ਬਦਲ ਦੀ ਗੱਲਬਾਤ ਹੋਣ ਲੱਗੀ- ਇਕ ਖ਼ਬਰ
ਚੁੱਕ ਚਾਦਰਾ ਚਰੀ੍ਹ ਵਿਚ ਚਲੀਏ, ਮੱਕੀ ਵਿਚ ਪੱਛ ਲੜਦੇ।

ਬਰਗਾੜੀ ਮੁੱਦੇ 'ਤੇ ਸੁਖਬੀਰ ਮਗਰਮੱਛ ਦੇ ਅੱਥਰੂ ਵਹਾਉਣੇ ਬੰਦ ਕਰੇ- ਕੈਪਟਨ
ਤੇਰੇ ਵਰਗੇ ਨੂੰ, ਗੱਲੀਂ ਰਾਤ ਲੰਘਾਵਾਂ।

ਲੁਧਿਆਣਾ ਸਿਟੀ ਸੈਂਟਰ ਘੁਟਾਲ਼ੇ ਦੀ ਫਾਈਲ ਗੁੰਮ- ਇਕ ਖ਼ਬਰ
ਮਿੱਟੀ ਨਾ ਫ਼ਰੋਲ ਜੋਗੀਆ, ਨਹੀਂ ਲੱਭਣੇ ਲਾਲ ਗੁਆਚੇ।

ਪਾਲ ਸਿੰਘ ਪੁਰੇਵਾਲ ਅੱਜ ਵੀ ਅਕਾਲ ਤਖ਼ਤ ਦੇ ਜਥੇਦਾਰ ਦੇ ਜਵਾਬ ਦੀ ਉਡੀਕ ਵਿਚ- ਇਕ ਖ਼ਬਰ
ਅਜੇ ਤੀਕ ਨਾ ਜਵਾਬ ਤੇਰਾ ਆਇਆ, ਮੈਂ ਡਾਕੀਏ ਨੂੰ ਰੋਜ਼ ਪੁੱਛਦਾ।

ਨਵਜੋਤ ਸਿੱਧੂ ਪੁੱਜਿਆ ਦਿੱਲੀ, ਪ੍ਰਿਅੰਕਾ ਨਾਲ ਮੁਲਾਕਾਤ ਦੇ ਚਰਚੇ- ਇਕ ਖ਼ਬਰ
ਮੇਰੀ ਸੁਣੀਂ ਪੁਕਾਰ ਨਿਮਾਣੇ ਦੀ, ਮੈਂ ਢੱਠਾ ਤੇਰੇ ਦੁਆਰੇ 'ਤੇ।

ਬਾਦਲ ਪਰਵਾਰ ਸਿੱਖਾਂ ਵਿਚ ਆਪਣਾ ਵਜੂਦ ਗੁਆ ਚੁੱਕਿਐ- ਐਡਵੋਕੇਟ ਪੰਨੂੰ
ਤੇਰੀ ਹਰ ਮੱਸਿਆ ਬਦਨਾਮੀ, ਨੀ ਸੋਨੇ ਦੇ ਤਵੀਤ ਵਾਲ਼ੀਏ।

ਅਮਰੀਕਾ ਪੁੱਜਣ 'ਤੇ ਨਹੀਂ ਹੋਇਆ ਇਮਰਾਨ ਖਾਨ ਦਾ ਸਵਾਗਤ- ਇਕ ਖ਼ਬਰ
ਡਰਿਓ ਲੋਕੋ ਡਰਿਓ ਵੇ, ਲੰਬੜਾਂ ਦੀ ਸੇਪ ਨਾ ਕਰਿਓ ਵੇ।

ਅਡਾਨੀ ਗਰੁੱਪ ਦੇ ਸੋਲਰ ਪ੍ਰਾਜੈਕਟ ਨੂੰ ਛੋਟਾਂ ਦੇ ਗੱਫੇ- ਇਕ ਖ਼ਬਰ
ਮਿੱਤਰਾਂ ਦੇ ਫੁਲਕੇ ਨੂੰ, ਨੀਂ ਮੈਂ ਖੰਡ ਦਾ ਪਲੇਥਣ ਲਾਵਾਂ।

ਮੱਧ ਪ੍ਰਦੇਸ਼ ਆਰ.ਪੀ.ਐਫ. ਦਾ ਇਕ ਡੀ.ਆਈ.ਜੀ. ਜਿਨਸੀ ਛੇੜਛਾੜ ਮਾਮਲੇ 'ਚ ਨਾਮਜ਼ਦ- ਇਕ ਖ਼ਬਰ
ਅੱਖਾਂ ਖੋਲ੍ਹ ਕੇ ਦੇਖ ਲੈ ਫ਼ਕਰਦੀਨਾਂ, ਵਾੜ ਆਪ ਹੀ ਖੇਤ ਨੂੰ ਖਾਂਵਦੀ ਏ।

ਸਰਕਾਰ ਵਲੋਂ ਸੀ.ਬੀ. ਆਈ. ਕਲੋਜ਼ਰ ਰਿਪੋਰਟ ਵਿਰੁੱਧ ਤਿਆਰੀ-ਇਕ ਖ਼ਬਰ
ਦੇਖ ਮੇਰੀ ਚਤੁਰਾਈ, ਮੈਂ ਵੀ ਸੁੱਕੇ ਸੰਘ ਅੜਾਈ, ਰੋਈ ਮੈਂ ਵੀ ਨਹੀਂ।

ਬੈਂਕ 'ਚੋਂ ਏ.ਟੀ.ਐੱਮ. ਹੀ ਪੁੱਟ ਕੇ ਲੈ ਗਏ ਚੋਰ-ਇਕ ਖ਼ਬਰ
ਨਾ ਰਹੇ ਬਾਂਸ, ਨਾ ਵੱਜੇ ਬੰਸਰੀ।

ਜੇ ਅਕਾਲੀ ਦਲ ਸ੍ਰੀ ਗੁਰੂੁ ਗ੍ਰੰਥ ਸਾਹਿਬ ਦੀਆਂ ਬੇਅਦਬੀਆਂ ਲਈ ਗੰਭੀਰ ਹੈ ਤਾਂ ਭਾਜਪਾ ਨਾਲ਼ੋਂ ਨਾਤਾ ਤੋੜੇ-ਤ੍ਰਿਪਤ ਬਾਜਵਾ
ਛੱਡ ਦੇ ਲੜ ਪ੍ਰਦੇਸੀ ਦਾ, ਤੈਨੂੰ ਨਿੱਤ ਦਾ ਰੋਣਾ ਪੈ ਜਾਊਗਾ।

ਅਕਾਲੀ ਦਲ ਵਲੋਂ ਸੀ.ਬੀ.ਆਈ. ਦੀ ਕਲੋਜ਼ਰ ਰਿਪੋਰਟ ਰੱਦ- ਇਕ ਖ਼ਬਰ
ਜੇਠ ਤੋਂ ਡਰ ਕੋਈ ਨਾ, ਮੈਨੂੰ ਤੇਰੇ ਤੋਂ ਖ਼ਤਰਾ ਭਾਰੀ।

ਹੁਣ ਭਾਰਤੀ ਹਵਾਈ ਜਹਾਜ਼ ਪਾਕਿਸਤਾਨ ਉੱਪਰੋਂ ਉਡਾਨ ਭਰ ਸਕਣਗੇ-ਇਕ ਖ਼ਬਰ
ਆ ਵੇ ਨਾਜਰਾ, ਜਾਹ ਵੇ ਨਾਜਰਾ, ਬੋਤਾ ਬੰਨ੍ਹ ਦਰਵਾਜ਼ੇ।

14 July 2019

ਸੱਤਾਹੀਣ ਹੋ ਕੇ ਹੀ ਬਾਦਲਾਂ ਦਾ ਹੇਜ ਪੰਜਾਬ ਨਾਲ ਕਿਉਂ ਜਾਗਦਾ ਹੈ?- ਹਰਪਾਲ ਚੀਮਾ
ਕੰਢੇ ਕੰਢੇ ਹੀਰ ਭਾਲ਼ਦਾ, ਰਾਂਝਾ ਪੱਜ ਮੱਝੀਆਂ ਦਾ ਲਾਵੇ।

ਹਰ ਸਿੱਖ ਪਰਵਾਰ ਦਾ ਇਕ ਮੈਂਬਰ ਅਕਾਲੀ ਦਲ ਦਾ ਕਾਰਕੁੰਨ ਹੋਵੇ-ਬਾਦਲ
ਆਸ਼ਕ ਸੜਦੇ ਧੁੱਪੇ, ਕੁਆਰੀਏ ਛਾਂ ਕਰ ਦੇ।

ਨਵਜੋਤ ਸਿੱਧੂ ਨੇ ਕੈਬਨਿਟ ਮੰਤਰੀ ਵਜੋਂ ਅਸਤੀਫ਼ਾ ਦਿਤਾ- ਇਕ ਖ਼ਬਰ
ਆਹ ਲੈ ਫੜ ਮਿੱਤਰਾ, ਮੇਰੇ ਬਾਂਕਾਂ ਮੇਚ ਨਾ ਆਈਆਂ।

ਆਮ ਆਦਮੀ ਪਾਰਟੀ  ਦਾ ਝਾੜੂ ਫਿਰ ਖਿੰਡਣ ਲੱਗਾ- ਇਕ ਖ਼ਬਰ
ਮੋੜੀਂ ਮੋੜੀਂ ਵੇ ਗੁਲਜ਼ਾਰੀ,  ਭੇਡਾਂ ਦੂਰ ਗਈਆਂ।

ਪੰਜਾਬ ਵਿਚ ਸੱਤਾ ਬਦਲੀ ਪਰ ਪੁਲੀਸ ਦਾ ਕੰਮ-ਕਾਰ ਕਰਨ ਦਾ ਤਰੀਕਾ ਉਹੀ-ਇਕ ਖ਼ਬਰ
ਮਾਉਂ ਹੀਰ ਥੀਂ ਲੋਕ ਕਰਨ ਚੁਗਲੀ, ਤੇਰੀ ਮਲਕੀਏ ਧੀ ਖ਼ਰਾਬ ਹੈ ਨੀਂ।

ਖੇਡਾਂ ਵਿਚ ਪਛੜਿਆ ਪੰਜਾਬ- ਇਕ ਖ਼ਬਰ
ਬਈ ਹੁਣ ਉਹ ਗੱਲ ਕਰੋ ਜੀਹਦੇ 'ਚ ਪੰਜਾਬ ਪਛੜਿਆ ਨਹੀਂ।

ਠੇਕੇਦਾਰ ਨੇ ਬਾਰਿਸ਼ ਦੌਰਾਨ ਹੀ ਸੜਕ 'ਤੇ ਲੁੱਕ ਪੁਆਈ-ਇਕ ਖ਼ਬਰ
ਲਾਗੀਆਂ ਨੇ ਲਾਗ ਲੈਣਾ ਭਾਵੇਂ ਜਾਂਦਿਆਂ ਹੀ..........।

ਕੈਪਟਨ ਖ਼ਾਲਿਸਤਾਨ ਦੇ ਮੁੱਦੇ 'ਤੇ ਦੋਹਰੀ ਬਾਜ਼ੀ ਖੇਡ ਰਿਹਾ ਹੈ- ਬਾਦਲ ਅਕਾਲੀ ਦਲ
ਨੀਂ ਉਹ ਲੰਬੜਾਂ ਦਾ ਮੁੰਡਾ ਬੋਲੀ ਹੋਰ ਬੋਲਦਾ।

ਕੌਮ ਦੀ ਚੜ੍ਹਦੀਕਲਾ ਕਰਨ ਲਈ ਯਤਨ ਕਰਨ ਦੀ ਲੋੜ- ਜਥੇਦਾਰ ਅਕਾਲ ਤਖ਼ਤ
ਤੁਸੀਂ ਖੱਟਾ ਪੀਣ ਲਈ ਤਖ਼ਤਾਂ 'ਤੇ ਬੈਠੇ ਹੋ?

ਕਿਸਾਨਾਂ ਨੂੰ 'ਤੁੱਛ' ਸਮਝਦੀ ਹੈ ਸਰਕਾਰ- ਰਾਹੁਲ
ਓਹੋ ਤੇਰੀ ਤੁਣਤੁਣੀ, ਉਹੀਓ ਤੇਰਾ ਰਾਗ।

ਕਿਸਾਨਾਂ ਦੀਆਂ ਖ਼ੁਦਕੁਸ਼ੀਆਂ ਦੇ ਅੰਕੜਿਆਂ ਨੂੰ ਛੁਪਾ ਰਹੀ ਹੈ ਸਰਕਾਰ- ਕਾਂਗਰਸ
ਸੱਪ ਤੋਂ ਨਾ ਡਰਦੀ ਸ਼ੀਂਹ ਤੋਂ ਨਾ ਡਰਦੀ, ਡਰਦੀ ਸੱਪ ਦੀ ਵਰਮੀ ਤੋਂ।

ਮੁਕਤਸਰ ਦੇ ਪਟਵਾਰੀ ਨੇ ਰੱਖੇ ਹੋਏ ਹਨ 16 ਕਰਿੰਦੇ- ਇਕ ਖ਼ਬਰ
ਸਿਰ ਫੌਜ ਦੇ ਰਿਹਾ ਨਾ ਕੋਈ ਕੁੰਡਾ, ਹੋਏ ਸ਼ੁਤਰ ਜਿਉਂ ਬਾਝ ਮੁਹਾਰ ਮੀਆਂ।

ਭਾਜਪਾ ਸੰਸਦ ਮੈਂਬਰ ਹੰਸ ਰਾਜ ਹੰਸ ਦਾ ਆਈ ਫੋਨ ਚੋਰੀ-ਇਕ ਖ਼ਬਰ
ਸਾਡਾ ਫੋਨ ਜੀ ਚੋਰੀ ਹੋ ਗਿਆ ਕੀ ਕਰੀਏ, ਕੀ ਕਰੀਏ।

ਨਸ਼ਿਆਂ ਨੇ 'ਲੁੱਟਿਆ' ਜਿਉਣੇ ਮੌੜ ਦਾ ਪਿੰਡ-ਇਕ ਖ਼ਬਰ
ਰਾਤੀਂ ਧਾੜ ਪਈ, ਲੁੱਟਿਆ ਤਖ਼ਤ ਹਜ਼ਾਰਾ।

ਬਿਜਲੀ ਚੋਰੀ ਰੋਕਣ 'ਚ ਪੁਲਿਸ ਤੇ ਪ੍ਰਸ਼ਾਸਨ ਸਹਿਯੋਗ ਕਰੇ- ਅਮਰਿੰਦਰ
ਰਾਖੀ ਦੁੱਧ ਦੀ ਬਿੱਲੀਆਂ ਤੋਂ, ਭਾਲ਼ਦੀ ਏਂ ਸਰਕਾਰੇ।                                                   

09 July 2019

ਚੰਗੇ ਰੁਜ਼ਗ਼ਾਰ ਪੱਖੋਂ ਭਾਰਤ ਦੇ ਹਾਲਾਤ ਪਾਕਿਸਤਾਨ ਨਾਲੋਂ ਵੀ ਮਾੜੇ-ਇਕ ਖ਼ਬਰ
ਸੱਸ ਮੇਰੀ ਦਾ ਐਡਾ ਜੂੜਾ ਵਿਚੋਂ ਕਿਰਦੀ ਰੇਤ, ਸੱਸੇ ਕੰਜਰੀਏ ਸ਼ੀਸ਼ਾ ਲੈ ਕੇ ਦੇਖ।

ਭਾਰਤ ਦੇ 70 ਫ਼ੀਸਦੀ ਲੋਕ ਮੋਟਾਪੇ ਦੇ ਸ਼ਿਕਾਰ- ਇਕ ਖ਼ਬਰ
ਤੇਰੀ ਮੇਰੀ ਨਹੀਂ ਨਿਭਣੀ, ਮੈਂ ਪਤਲੀ ਤੂੰ ਭਾਰਾ।

ਮਹਾਂਰਾਸ਼ਟਰ ਵਿਧਾਨ ਸਭਾ ਚੋਣਾਂ ਬੈਲਟ ਪੇਪਰ ਨਾਲ਼ ਕਰਵਾਈਆਂ ਜਾਣ- ਰਾਜ ਠਾਕਰੇ
ਤੇਰੀਆਂ ਮੈਂ ਲੱਖ ਮੰਨੀਆਂ, ਮੇਰੀ ਇਕ ਤੂੰ ਮੰਨੇ ਤਾਂ ਜਾਣਾ।

ਸਰਕਾਰੀ ਹਸਪਤਾਲਾਂ 'ਚ ਸਿਹਤ ਸਹੂਲਤਾਂ ਦੀ ਘਾਟ ਨਹੀਂ ਆਉਣ ਦਿਤੀ ਜਾਵੇਗੀ- ਬਲਬੀਰ ਸਿੰਘ ਸਿੱਧੂ
ਬਸ਼ਰਤਿ ਕਿ ਮਰੀਜ਼ਾਂ ਦੀਆਂ ਜੇਬਾਂ ਨੋਟਾਂ ਨਾਲ਼ ਭਰੀਆਂ ਹੋਈਆਂ ਹੋਣ।

ਕਰਨਾਟਕ ਦੇ ਬਾਗ਼ੀ ਵਿਧਾਇਕ ਮੁੰਬਈ 'ਚ, ਖ਼ਰੀਦੋ-ਫ਼ਰੋਖ਼ਤ ਦਾ ਦੋਸ਼- ਇਕ ਖ਼ਬਰ
ਨਦੀਓਂ ਪਾਰ ਰਾਂਝਣ ਦਾ ਠਾਣਾ, ਕੀਤੇ ਕੌਲ ਜ਼ਰੂਰੀ ਜਾਣਾ।

ਮਹਿੰਗੀ ਬਿਜਲੀ ਦੇ ਮੁੱਦੇ 'ਤੇ ਬਾਦਲਾਂ ਦੀ ਡਰਾਮੇਬਾਜ਼ੀ ਦੇ ਪਾਜ ਉਧੇੜਾਂਗੇ- ਹਰਪਾਲ ਚੀਮਾ
ਬਈ ਦਾਰੂ ਪੀ ਕੇ ਮਿੱਤਰਾਂ  ਨੇ, ਤੇਰੇ ਬੂਹੇ ਅੱਗੇ ਡਾਂਗ ਖੜਕਾਉਣੀ।

ਬੱਚਿਆਂ ਦੇ ਸ਼ੋਸ਼ਣ ਮਾਮਲੇ 'ਚ ਪਾਦਰੀ ਗ੍ਰਿਫ਼ਤਾਰ- ਇਕ ਖ਼ਬਰ
ਵਾਹ ਪਾਦਰੀ ਜੀ ਵਾਹ, ਪੜ੍ਹਨੀਆਂ ਪੋਥੀਆਂ ਤੇ ਕੰਮ ਕਰਨੇ ਆਹ।

ਕੇਜਰੀਵਾਲ ਨੇ ਕਿਹਾ, ਕੇਂਦਰ ਨਾਲ ਸਹਿਯੋਗ ਕਰਾਂਗੇ-ਇਕ ਖ਼ਬਰ
ਵਿਹੜੇ ਖੇੜਿਆਂ ਦੇ ਤਿਲਕਣਬਾਜ਼ੀਆਂ ਨੇ, ਜ਼ਰਾ ਸੋਚ ਕੇ ਪੈਰ ਟਿਕਾਈਂ ਜੋਗੀ।

ਭਾਰਤ ਵਿਚ 30% ਜਾਅਲੀ ਡਰਾਈਵਿੰਗ ਲਾਇਸੰਸ ਲੋਕ ਲਈ ਫਿਰਦੇ ਹਨ- ਟਰਾਂਸਪੋਰਟ ਮੰਤਰੀ
ਜੱਗ ਭਾਵੇਂ ਨਿੰਦਿਆ ਕਰੇ, ਸੱਸ ਪਿੱਟਣੀ ਪੰਜੇਬਾਂ ਪਾ ਕੇ।

ਖੇਤੀ ਬਾਰੇ ਬਣਾਈ ਕੌਮੀ ਕਮੇਟੀ 'ਚੋਂ ਪੰਜਾਬ ਨੂੰ ਬਾਹਰ ਰੱਖਣਾ ਸਰਾਸਰ ਧੱਕਾ- ਭਗਵੰਤ ਮਾਨ
ਰਾਤੀਂ ਧਾੜ ਪਈ, ਲੁੱਟਿਆ ਤਖ਼ਤ ਹਜ਼ਾਰਾ।

ਭਾਰਤ 'ਚ ਅਮੀਰ ਲੋਕਾਂ 'ਤੇ ਲਗਾਇਆ ਗਿਆ ਟੈਕਸ ਦੂਸਰੇ ਦੇਸ਼ਾਂ ਦੇ ਨਾਲ਼ੋਂ ਕਿਤੇ ਘੱਟ- ਸਰਕਾਰ
ਮਿੱਤਰਾਂ ਦੇ ਫੁਲਕੇ ਨੂੰ, ਨੀਂ ਮੈਂ ਖੰਡ ਦਾ ਪਲੇਥਣ ਲਾਵਾਂ।

ਦੋ ਵਿਧਾਨ ਰੱਖਣ ਬਦਲੇ ਅਕਾਲੀ ਦਲ ਦੀ ਮਾਨਤਾ ਰੱਦ ਕਰਵਾ ਕੇ ਹੀ ਰਹਾਂਗੇ- ਬਲਵੰਤ ਸਿੰਘ ਖੇੜਾ
ਸੋਨੇ ਦੇ ਤਵੀਤ ਵਾਲ਼ੀਏ, ਤੇਰੀ ਤੋੜ ਕੇ ਛੱਡਾਂਗੇ ਗਾਨੀ।               

02 July 2019

*ਕੋਈ ਗ਼ੈਰ-ਗਾਂਧੀ ਵੀ ਹੋ ਸਕਦੈ ਕਾਂਗਰਸ ਦਾ ਪ੍ਧਾਨ- ਰਾਹੁਲ ਗਾਂਧੀ
# ਛੜਿਆਂ ਦੀ ਮਾਂ ਮਰ ਗਈ,
 ਕੋਈ ਡਰਦੀ ਪਿੱਟਣ ਨਾ ਜਾਵੇ।

* ਭਾਖੜਾ ਡੈਮ ਭਾਈਵਾਲ ਰਾਜਾਂ ਦੀਆਂ ਸਿੰਜਾਈ ਜ਼ਰੂਰਤਾਂ ਪੂਰੀਆਂ ਕਰ ਰਿਹੈ- ਚੇਅਰਮੈਨ ਭਾਖੜਾ ਬੋਰਡ
# ਤੇ ਪੰਜਾਬ ਪੰਦਰਾਂ ਲੱਖ ਟਿਊਬਵੈੱਲਾਂ ਨਾਲ ਆਪਣਾ ਡੈੱਥ ਵਾਰੰਟ ਲਿਖ ਰਿਹੈ।

* ਸਿਆਸੀ ਸਰਪ੍ਸਤੀ ਤੋਂ ਬਿਨਾਂ ਨਹੀਂ ਚਲ ਸਕਦਾ ਡਰੱਗ ਮਾਫੀਆ- ਹਰਪਾਲ ਚੀਮਾ
# ਵਾਰਸ ਸ਼ਾਹ ਪਰ ਅਸਾਂ ਮਾਲੂਮ ਕੀਤਾ, ਜੱਟੀ ਜੋਗੀ ਇੱਕੋ ਹਾਣ ਦੇ ਨੇ।

* ਮੋਦੀ ਵੱਲੋਂ ਰਾਜ ਸਭਾ ' ਚ ਵੀ ਕਾਂਗਰਸ ਨੂੰ ਰਗੜੇ- ਇਕ ਖ਼ਬਰ
# ਜਿੱਥੇ ਮਰਜ਼ੀ ਨਿਸ਼ਾਨੇ ਲਾ,
    ਹੁਣ ਤੇਰੇ ਦਿਨ ਬੱਲੀਏ।

* ਸਮਾਜਵਾਦੀਆਂ ਤੋਂ ਮਾਇਆਵਤੀ ਨੇ ਪਾਸਾ ਕਿਉਂ ਵੱਟਿਆ?- ਇਕ ਸਵਾਲ
# ਗੁੱਸਾ ਨਾ ਕਰਿਆ ਕਰ ਨੀਂ,
    ਹੁੰਦਾ ਗੁੱਸਾ ਸਿਹਤ ਲਈ ਮਾੜਾ।

* ਮੁੱਖ ਮੰਤਰੀ ਵੱਲੋਂ ਨਸ਼ਾ ਤਸਕਰਾਂ ਤੇ ਪੁਲਸ ਦਾ ਗੱਠਜੋੜ ਤੋੜਨ ਦੀ ਹਦਾਇਤ- ਇਕ ਖ਼ਬਰ
# ਨਹਿਰੋਂ ਪਾਰ ਬੰਗਲਾ,
   ਪੁਆ ਦੇ ਹਾਣੀਆਂ।

* ਕਾਂਗਰਸ ਦੀ ਦਾਲ਼ ਵਿਚ ਕਾਲ਼ਾ ਕਾਲ਼ਾ ਨਹੀਂ ਸਗੋਂ ਸਾਰੀ ਦਾਲ਼ ਹੀ ਕਾਲ਼ੀ ਹੈ- ਭਗਵੰਤ ਮਾਨ
# ਬੇਰੀਆਂ ਨੂੰ ਬੇਰ ਲੱਗ ਗਏ,
    ਤੈਨੂੰ ਕੁਝ ਨਾ ਲੱਗਾ ਮੁਟਿਆਰੇ।

* ਪੰਜਾਬ ਨੂੰ ਨਸ਼ਾ ਮੁਕਤ ਕਰਨ ਲਈ ਮੁੱਖ ਮੰਤਰੀ ਨੇ ਅਹਿਦ ਲਿਆ- ਇਕ ਖ਼ਬਰ
# ਰਾਜਾ ਜੀ ਵੀਹ ਸੌ ਸਤਾਰਾਂ 'ਚ ਗੁਟਕਾ ਸਾਹਿਬ ਹੱਥ ਫੜ ਕੇ ਲਿਆ ਹੋਇਆ ਅਹਿਦ ਬੇਹਾ ਹੋ ਗਿਐ?

* ਕਮੇਟੀ ਦੀ ਰਿਪੋਰਟ ਆਉਣ ਤੋਂ ਪਹਿਲਾਂ ਸਿੱਖ ਰੈਫਰੈਂਸ ਲਾਇਬੇ੍ਰੀ ਬਾਰੇ ਗੱਲ ਕਰਨਾ ਠੀਕ ਨਹੀਂ- ਸੁਖਬੀਰ ਬਾਦਲ
# ਆਪੇ ਮੈਂ ਰੱਜੀ ਪੁੱਜੀ, ਆਪੇ ਮੇਰੇ ਬੱਚੇ ਜੀਣ।

* ਕਰਤਾਰ ਪੁਰ ਲਾਂਘਾਃ ਭਾਰਤ ਸਰਕਾਰ ਬੇਤੁਕੇੇ ਅੜਿੱਕੇ ਡਾਹ ਰਹੀ ਹੈ- ਅਮਰੀਕ ਸਿੰਘ ਸ਼ਾਹਪੁਰ
# ਬਦੀਆਂ ਨਾ ਕਰ ਵੇ,
    ਕੈਅ ਦਿਨ ਦੀ ਜ਼ਿੰਦਗਾਨੀ।

* ਯੂ.ਪੀ. 'ਚ ਐਂਬੂਲੈਂਸ ਨਾ ਮਿਲਣ 'ਤੇ ਮਰੀਜ਼ ਨੂੰ ਰੇਹੜੀ 'ਤੇ ਲਿਜਾਣਾ ਪਿਆ- ਇਕ ਖ਼ਬਰ
# ਮਰ ਗਈ ਰਾਮ ਤੁਰੇ,
ਡਾਕਦਾਰ ਨਾ ਆਇਆ।

* ਜੋਤਸ਼ੀ ਦੇ ਘਰ ਚੋਰੀ ਕਰ ਕੇ ਘਰ ਨੂੰ ਚੋਰ ਆਪਣਾ ਜਿੰਦਰਾ ਲਗਾ ਗਏ- ਇਕ ਖ਼ਬਰ
#  ਖ਼ਬਰ ਕਾਈ ਨਾ ਘਰ ਆਪਣੇ ਦੀ,
    ਹੱਥ ਲੋਕਾਂ ਦੇ ਦੇਖਦਾ ਰੱਬ ਬਣ ਕੇ।

* ਅਗਲੀਆਂ ਚੋਣਾਂ ਬਸਪਾ ਆਪਣੇ ਬਲਬੂਤੇ 'ਤੇ ਹੀ ਲੜੇਗੀ- ਮਾਇਆਵਤੀ
# ਘੜਾ ਚੁੱਕ ਲਉਂ ਪੱਟਾਂ 'ਤੇ ਹੱਥ ਧਰ ਕੇ, ਖਸਮਾਂ ਨੂੰ ਖਾਣ ਕੁੜੀਆਂ।

* ਸੌਦਾ ਸਾਧ ਨੇ ਆਪਣੀ ਪੈਰੋਲ ਅਰਜ਼ੀ ਵਾਪਸ ਲਈ-ਇਕ ਖ਼ਬਰ
# ਤੇਰੀ ਤੋੜ ਕੇ ਛੱਡਣਗੇ ਗਾਨੀ,
ਵੱਸ ਪੈ ਗਈ ਅੜ੍ਬਾਂ ਦੇ।

23 June 2019

ਕਾਂਗਰਸ ਲੋਕ ਸਭਾ ਲਈ ਅਜੇ ਵੀ ਆਪਣਾ ਨੇਤਾ ਨਹੀਂ ਚੁਣ ਸਕੀ- ਇਕ ਖ਼ਬਰ
ਗੰਜੀ ਕੀ ਨਹਾਊ ਤੇ ਕੀ ਨਿਚੋੜੂ।

ਪੰਜਾਬ ਦੀ ਧਰਤੀ ਹੇਠਾਂ ਵੀ ਛੁਪੇ ਹਨ ਪੈਟਰੋਲੀਅਮ ਪਦਾਰਥ- ਇਕ ਖ਼ਬਰ
ਪੰਜਾਬੀਓ ਤੁਹਾਨੂੰ ਕੀ ਮਿਲਣੈ? ਜਿਵੇਂ ਤੁਹਾਡਾ ਬਿਜਲੀ,ਪਾਣੀ ਲੁੱਟਿਐ ਉਵੇਂ ਪੈਟਰੋਲ ਲੁੱਟ ਲੈਣੈ।

ਵਿਰੋਧੀ ਧਿਰ ਗਿਣਤੀ ਦੀ ਚਿੰਤਾ ਨਾ ਕਰੇ, ਉਸਦਾ ਹਰ ਸ਼ਬਦ ਸਾਡੇ ਲਈ ਕੀਮਤੀ- ਮੋਦੀ
ਖ਼ਬਰਦਾਰ ਰਹਿਣਾ ਬਈ, ਚੌਂਕੀ ਜ਼ਾਲਮਾਂ ਦੀ ਆਈ।

ਅਮਰੀਕਾ ਵਪਾਰਕ ਪੱਖ ਤੋਂ ਭਾਰਤ ਖ਼ਿਲਾਫ਼ ਹੋਰ ਕਾਰਵਾਈ ਦੀ ਤਿਆਰੀ 'ਚ- ਇਕ ਖ਼ਬਰ
ਮੇਰੇ ਨਰਮ ਕਾਲ਼ਜੇ ਲੜ ਗਏ, ਲੱਡੂ ਖਾ ਲਏ ਤੇਰੇ ਤੇਲ ਦੇ।

ਸਿੱਖਾਂ ਦੇ ਕਾਤਲ ਪੁਲਸ ਮੁਲਾਜ਼ਮਾਂ ਨੂੰ ਮੁਆਫ਼ੀ ਦੇਣ ਦੀ ਸੁਖਬੀਰ ਬਾਦਲ ਵਲੋਂ ਨਿਖੇਧੀ- ਇਕ ਖ਼ਬਰ
ਬਈ ਖ਼ਬਰ ਐ ਕਿ ਇਹ ਮੁਆਫ਼ੀ ਦੀ ਫਾਈਲ ਤਾਂ ਅਕਾਲੀਆਂ ਵੇਲੇ ਹੀ ਤੁਰ ਪਈ ਸੀ।

ਸਿੱਖ ਬੁੱਧੀਜੀਵੀਆਂ ਵਲੋਂ ਸਿੱਖ ਰੈਫ਼ਰੈਂਸ ਲਾਇਬ੍ਰੇਰੀ ਦੀ ਪੜਤਾਲ ਲਈ ਬਣਾਈ ਕਮੇਟੀ ਰੱਦ- ਇਕ ਖ਼ਬਰ
ਕੰਧਾਂ ਕਾਲ਼ੀਆਂ ਸ਼ਹਿਰ ਹੜਤਾਲ ਹੋਈ, ਧੁੰਦੂਕਾਰ ਜ਼ਿਮੀਂ ਆਸਮਾਨ ਹੋਇਆ।  

ਆਸਟ੍ਰੇਲੀਆ 'ਚ ਭਾਰਤੀ ਦੂਤਾਵਾਸ ਵੀ ਕਰ ਰਿਹੈ ਪਰਵਾਸੀਆਂ ਦਾ ਸ਼ੋਸ਼ਣ- ਇਕ ਖ਼ਬਰ
ਹੁਣ ਰੱਬ ਡਾਢਾ ਵੀ ਡਰਿਆ, ਠਾਣੇਦਾਰਾਂ ਤੋਂ।

ਪਾਕਿਸਤਾਨੀਆਂ ਨੂੰ ਅੱਜ ਕਲ ਸਿਰਫ਼ ਨਿਰਾਸ਼ਾਜਨਕ ਖ਼ਬਰਾਂ ਹੀ ਸੁਣਾਈ ਦੇ ਰਹੀਆਂ ਹਨ- ਪਾਕਿ ਚੀਫ਼ ਜਸਟਿਸ
ਸੀਟੀ ਵਿਚ ਆਂਦਰਾਂ ਦੇ ਵੱਜਦੀ, ਕੰਨ ਲਾ ਕੇ ਸੁਣ ਅੜੀਏ।

ਟਰੰਪ ਵਲੋਂ 2020 'ਚ ਦੁਬਾਰਾ ਰਾਸ਼ਟਰਪਤੀ ਬਣਨ ਲਈ ਚੋਣ ਮੁਹਿੰਮ ਸ਼ੁਰੂ-ਇਕ ਖ਼ਬਰ
ਰੋਟੀ ਲੈ ਕੇ ਦਿਓਰ ਦੀ ਚੱਲੀ, ਅੱਗੇ ਜੇਠ ਬੱਕਰਾ ਹਲ਼ ਵਾਹਵੇ।

ਭਾਰਤ ਵਲੋਂ ਗੱਲਬਾਤ ਲਈ ਤਿਆਰ ਹੋਣ ਸਬੰਧੀ ਪਾਕਿ ਦਾਅਵੇ ਦਾ ਖੰਡਨ- ਇਕ ਖ਼ਬਰ
ਐਵੇਂ ਈ ਰੌਲ਼ਾ ਪੈ ਗਿਆ, ਐਵੇਂ ਈ ਰੌਲ਼ਾ ਪੈ ਗਿਆ।

ਸਰਬ ਪਾਰਟੀ ਬੈਠਕ ਦਾ ਕਾਂਗਰਸ ਤੇ ਹੋਰਾਂ ਵਲੋਂ ਬਾਈਕਾਟ- ਇਕ ਖ਼ਬਰ
ਆਹ ਲੈ ਫੜ ਮਾਲ਼ਾ ਆਪਣੀ, ਸਾਥੋਂ ਭੁੱਖਿਆਂ ਤੋਂ ਭਗਤੀ ਨਾ ਹੋਵੇ।

ਪਿਛਲੀ ਭਾਜਪਾ ਸਰਕਾਰ ਵਲੋਂ ਜਾਰੀ ਦਸ ਆਰਡੀਨੈਂਸ ਨਵੇਂ ਸਿਰੇ ਤੋਂ ਸੰਸਦ ਵਿਚ ਪੇਸ਼- ਇਕ ਖ਼ਬਰ
ਜਿਥੇ ਮਰਜ਼ੀ ਨਿਸ਼ਾਨੇ ਲਾ, ਹੁਣ ਤੇਰੇ ਦਿਨ ਬੱਲੀਏ।

ਫਤਿਹਵੀਰ ਦੇ ਸ਼ਰਧਾਂਜਲੀ ਸਮਾਗਮ ਸਮੇਂ ਬੁਲਾਰਿਆਂ ਨੂੰ ਬੋਲਣ ਦਾ ਮੌਕਾ ਨਾ ਮਿਲਿਆ- ਇਕ ਖ਼ਬਰ
ਢਿੱਡ ਫੁੱਲ ਗਏ ਸਾਡੇ ਜੀ, ਹੁਣ ਕਿਵੇਂ ਅਫ਼ਾਰਾ ਉੱਤਰੂ।

ਪਿਛਲੇ ਦਿਨਾਂ ਤੋਂ ਵਾਪਰੀਆਂ ਮੰਦਭਾਗੀਆਂ ਘਟਨਾਵਾਂ ਦੇਖ ਕੇ ਹਰ ਸਿੱਖ ਚਿੰਤਿਤ- ਭਾਈ ਰਾਮ ਸਿੰਘ
ਢਾਬ ਤੇਰੀ ਦਾ ਗੰਧਲਾ ਪਾਣੀ, ਉੱਤੋਂ ਬੂਰ ਹਟਾਵਾਂ।

ਲੌਂਗੋਵਾਲ ਨੇ ਲਾਇਬ੍ਰੇਰੀ ਮਾਮਲੇ ਲਈ ਆਪਣਿਆਂ ਦੀ ਹੀ ਇਕ ਸਬ ਕਮੇਟੀ ਗਠਿਤ ਕੀਤੀ- ਇਕ ਖ਼ਬਰ
ਆਪੇ ਮੈਂ ਰੱਜੀ ਪੁੱਜੀ, ਆਪੇ ਮੇਰੇ ਬੱਚੇ ਜੀਣ।

ਮੋਦੀ ਕਿਵੇਂ ਦੁਗਣੀ ਕਰਨਗੇ ਕਿਸਾਨਾਂ ਦੀ ਆਮਦਨ?- ਵਿਸ਼ਵ ਵਾਪਾਰ ਸੰਗਠਨ
ਯਾਰ ਇਹ ਜੁਮਲਾ ਸੀ, ਤੁਸੀਂ ਅਜੇ ਵੀ ਜੁਮਲੇ ਨੂੰ ਚੁੱਕੀ ਫਿਰਦੇ ਓ।

ਤੁਰਲੇ ਵਾਲ਼ੀ ਪੱਗ ਬੰਨ੍ਹ ਕੇ ਮੁਹੰਮਦ ਸਦੀਕ ਪਹੁੰਚਿਆ ਪਾਰਲੀਮੈਂਟ 'ਚ- ਇਕ ਖ਼ਬਰ
ਤੂੰ ਤੇ ਆ ਗਇਓਂ ਬਸੰਤੀ ਚੀਰਾ ਬੰਨ੍ਹ ਕੇ, ਮਾਪੇ ਮੈਨੂੰ ਨਹੀਓਂ ਤੋਰਦੇ।

26 May 2019

ਵੋਟਾਂ ਦੀ ਗਿਣਤੀ ਤੋਂ ਪਹਿਲਾਂ ਉਮੀਦਵਾਰਾਂ ਦੇ ਸਾਹ ਸੁੱਕੇ- ਇਕ ਖ਼ਬਰ
ਦਿਨੇ ਚੈਨ ਨਾ ਰਾਤ ਨੂੰ ਨੀਂਦਰ, ਜਿੰਦ ਖਾ ਲਈ ਫ਼ਿਕਰਾਂ ਨੇ।

ਬ੍ਰਹਮਪੁਰਾ ਦੇ ਸਿਆਸੀ ਜੀਵਨ ਦਾ ਫ਼ੈਸਲਾ ਕਰਨਗੇ ਚੋਣ ਨਤੀਜੇ- ਇਕ ਖ਼ਬਰ
ਮੈਂ ਤਾਂ ਹੋ ਗਈ ਹਕੀਮ ਜੀ, ਅੱਗੇ ਨਾਲੋਂ ਤੰਗ।

ਵੱਡੀ ਜਿੱਤ ਮਗਰੋਂ ਭਾਜਪਾ ਨੇ ਦਿੱਲੀ ਅਸੈਂਬਲੀ 'ਤੇ ਅੱਖ ਟਿਕਾਈ- ਇਕ ਖ਼ਬਰ
ਤੀਜਾ ਗੇੜਾ ਸੋਹਣੀਏਂ ਤੇਰਾ, ਪਿੰਡ ਦੀ ਫਿਰਨੀ 'ਤੇ।

ਅਕਾਲੀ ਦਲ ਦਾ ਏਨਾ ਮਾੜਾ ਹਾਲ ਪਹਿਲਾਂ ਕਦੇ ਨਹੀਂ ਹੋਇਆ- ਮਨਜੀਤ ਸਿੰਘ ਜੀ.ਕੇ.
ਨੀਂ ਐਡਾ ਤੇਰਾ ਕਿਹੜਾ ਦਰਦੀ, ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।

ਬੇਅਦਬੀਆਂ ਦੇ ਦੋਸ਼ੀਆਂ ਵਲੋਂ ਚੋਣਾਂ ਜਿੱਤ ਕੇ ਭੰਗੜੇ ਪਾਉਣੇ ਸ਼ਰਮਨਾਕ- ਖਾਲੜਾ ਮਿਸ਼ਨ ਆਰਗੇਨਾਈਜ਼ੇਸ਼ਨ
ਗੋਰੇ ਰੰਗ 'ਤੇ ਝਰੀਟਾਂ ਵੱਜੀਆਂ, ਬੇਰੀਆਂ ਦੇ ਬੇਰ ਖਾਣੀਏਂ।

ਪੰਜਾਬ 'ਚ ਸਭ ਤੋਂ ਵੱਧ 248ਉਮੀਦਵਾਰਾਂ ਦੀਆਂ ਜ਼ਮਾਨਤਾਂ ਜ਼ਬਤ- ਇਕ ਖ਼ਬਰ
ਬਦਨਾਮ ਭੀ ਹੋਂਗੇ ਤੋ ਕਿਆ ਨਾਮ ਨਾ ਹੋਗਾ।

ਲੋਕ ਸਭਾ ਚੋਣਾਂ ਦੇ ਨਤੀਜਿਆਂ ਤੋਂ ਬਾਅਦ ਪੈਟਰੋਲ ਤੇ ਡੀਜ਼ਲ ਦੇ ਭਾਅ ਵਧੇ- ਇਕ ਖ਼ਬਰ
ਇਬਤਦਾਏ ਇਸ਼ਕ ਹੈ ਰੋਤਾ ਹੈ ਕਿਆ, ਆਗੇ ਆਗੇ ਦੇਖੀਏ ਹੋਤਾ ਹੈ ਕਿਆ।

ਕਾਂਗਰਸ ਨੂੰ ਅਲਵਿਦਾ ਕਹਿਣ 'ਤੇ ਸਿੱਧੂ ਨਾਲ਼ ਖੜ੍ਹਾਂਗੇ- ਸੁਖਪਾਲ ਖਹਿਰਾ
ਡੋਰ ਵੱਟ ਕੇ ਗਲ਼ੇ ਦੇ ਵਿਚ ਪਾਵਾਂ, ਮਿੱਤਰਾ ਤਵੀਤ ਬਣ ਜਾ।

ਧਰਮਿੰਦਰ ਨੇ ਜਾਰੀ ਕੀਤਾ ਜਾਖੜ ਦੇ ਨਾਮ ਮੁਹੱਬਤ ਭਰਿਆ ਪੈਗ਼ਾਮ- ਇਕ ਖ਼ਬਰ
ਸਾਡਾ ਬੋਲਿਆ ਚਲਿਆ ਮਾਫ਼ ਕਰਨਾ, ਚੰਦਰੀ ਚੋਣ ਨੇ ਮਾਰ ਲਈ ਮੱਤ ਸਾਡੀ।

ਪੰਜਾਬ ਵਿਚ ਬਾਦਲ ਪਰਵਾਰ ਜਿੱਤਿਆ, ਅਕਾਲੀ ਦਲ ਹਾਰਿਆ- ਸਿਆਸੀ ਮਾਹਰ
ਅੰਨ੍ਹੀ ਕੁੱਤੀ, ਜਲੇਬੀਆਂ ਦੀ ਰਾਖੀ।

ਕਾਂਗਰਸ ਦੀ ਹਾਰ ਲਈ ਮੈਂ ਜ਼ਿੰਮੇਵਾਰ- ਰਾਹੁਲ
ਹੱਥ ਪੁਰਾਣੇ ਖੌਂਸੜੇ, ਬਸੰਤੇ ਹੁਣੀਂ ਆਏ।

ਟਰੀਜ਼ਾ ਮੇਅ ਵਲੋਂ ਬ੍ਰੈਗਜ਼ਿਟ ਕਾਰਨ ਅਸਤੀਫ਼ਾ ਦੇਣ ਦਾ ਐਲਾਨ- ਇਕ ਖ਼ਬਰ
ਪੈਰੀਂ ਝਾਂਜਰਾਂ ਗਲ਼ੀ ਦੇ ਵਿਚ ਗਾਰਾ, ਘਰ ਤੇਰਾ ਦੂਰ ਮਿੱਤਰਾ।

ਸਿੱਧੂ ਦੀ ਵਿਕਟ ਡੇਗਣ ਲਈ ਕੈਪਟਨ ਮਿਲਣਗੇ ਰਾਹੁਲ ਨੂੰ- ਇਕ ਖ਼ਬਰ
ਤੁੰਮਿਆਂ ਦੀ ਵੇਲ ਪੁੱਟ ਕੇ, ਜੱਟਾ ਬੀਜ ਦੇ ਖੇਤ ਵਿਚ ਨਰਮਾ।

ਅਡਵਾਨੀ ਵਲੋਂ ਮੋਦੀ ਤੇ ਸ਼ਾਹ ਨੂੰ ਜਿੱਤ ਦੀ ਵਧਾਈ- ਇਕ ਖ਼ਬਰ
ਤੀਲੀ ਵਾਲ਼ੀ ਖਾਲ਼ ਟੱਪ ਗਈ, ਲੌਂਗ ਵਾਲ਼ੀ ਨੇ ਭਨਾ ਲਏ ਗੋਡੇ।

ਤਿੰਨਾਂ ਰਾਜਾਂ 'ਚੋਂ ਇਕੱਲੇ ਭਗਵੰਤ ਮਾਨ ਨੇ ਹੀ ਰੱਖੀ 'ਆਪ' ਦੀ ਲਾਜ- ਇਕ ਖ਼ਬਰ
ਸਭੇ ਕੰਨ ਪੜਵਾ ਕੇ ਬੈਠ ਜਾਂਦੇ, ਮੁਸ਼ਕਿਲ ਜੋਗ ਦਾ ਤੋੜ ਚੜ੍ਹਾਉਣ ਬੇਟਾ।

ਸੀ.ਪੀ.ਆਈ.(ਐਮ) ਦੇ ਪੱਛਮੀ ਬੰਗਾਲ 'ਚ ਪਹਿਲੀ ਵਾਰੀ ਹੱਥ ਖ਼ਾਲੀ- ਇਕ ਖ਼ਬਰ
ਪਾਣੀ ਡੋਲ੍ਹ ਗਈ ਝਾਂਜਰਾਂ ਵਾਲ਼ੀ, ਕੈਂਠੇ ਵਾਲ਼ਾ ਤਿਲਕ ਗਿਆ।

21 May 2019

ਬਾਦਲ ਤੇ ਹੋਰ ਵੱਡੇ ਅਕਾਲੀ ਲੀਡਰਾਂ ਵਲੋਂ ਸ੍ਰੀ ਅਕਾਲ ਤਖ਼ਤ 'ਤੇ ਖਾਧੀਆਂ ਸੌਂਹਾਂ ਦਾ ਕੀ ਬਣਿਆਂ?- ਵਿਦੇਸ਼ੀ ਸਿੱਖ
ਜਿੱਧਰ ਗਈਆਂ ਬੇੜੀਆਂ, ਉੱਧਰ ਗਏ ਮਲਾਹ।   

ਮਹਾਂਗੱਠਜੋੜ ਦੇ ਆਗੂਆਂ ਦੀ ਦਿੱਲੀ 'ਚ ਅੱਜ ਮੀਟਿੰਗ-ਇਕ ਖ਼ਬਰ
ਸਾਧ ਦੀ ਭੂਰੀ 'ਤੇ 'ਕੱਠੇ ਹੋਣਗੇ ਸਾਧ ਦੇ ਚੇਲੇ।

ਨੇਤਾ ਨਹੀਂ, ਅਭਿਨੇਤਾ ਹੈ ਮੋਦੀ- ਪ੍ਰਿਅੰਕਾ ਗਾਂਧੀ
ਨਾਇਕ ਨਹੀਂ ਖਲਨਾਇਕ ਹੈ ਤੂ।

ਰਾਜ ਨਹੀਂ ਸੇਵਾ ਦੇ ਨਾਮ 'ਤੇ ਬਾਦਲਾਂ ਨੇ 10ਫ਼ੀ ਸਦੀ ਸੇਵਾ ਤੇ 90ਫ਼ੀ ਸਦੀ ਮੇਵਾ ਖਾਧਾ- ਸਿੱਧੂ
ਤੇਰਾ ਕੱਖ ਨਹੀਂ ਬਚਨੀਏਂ ਰਹਿਣਾ, ਛੜਿਆਂ ਦੇ ਹੱਕ ਮਾਰ ਕੇ।

ਪੰਜਾਬ ਦੀਆਂ ਸਾਰੀਆਂ ਸੀਟਾਂ 'ਤੇ ਅਕਾਲੀ-ਭਾਜਪਾ ਗੱਠਜੋੜ ਕਾਮਯਾਬ ਹੋਵੇਗਾ- ਸੁਖਬੀਰ
ਭਾਵੇਂ ਕਿ ਮੇਰੇ ਪਿਤਾ ਸਮਾਨ ਪ੍ਰਕਾਸ਼ ਸਿੰਘ ਬਾਦਲ ਦਾ ਹੁਣ ਰਾਜ ਨਹੀਂ ਵੀ ਹੈ।

ਮੋਦੀ ਨੇ ਪੱਤਰਕਾਰਾਂ ਦੇ ਸਵਾਲਾਂ ਤੋਂ ਟਾਲ਼ਾ ਵੱਟਿਆ- ਇਕ ਖ਼ਬਰ
ਮਰ ਗਈ ਰਾਮਕੁਰੇ, ਡਾਕਦਾਰ ਨਾ ਆਇਆ।

ਅੰਮ੍ਰਿਤਸਰ: ਸਰਕਾਰ ਤੋਂ ਨਿਰਾਸ਼ ਵੋਟਰਾਂ ਨੇ ਵੋਟਾਂ ਪਾਉਣ ਤੋਂ ਪਾਸਾ ਵੱਟਿਆ- ਇਕ ਖ਼ਬਰ
ਢਾਬ ਤੇਰੀ ਦਾ ਗੰਧਲਾ ਪਾਣੀ, ਉੱਤੋਂ ਬੂਰ ਹਟਾਵਾਂ।

ਕੈਪਟਨ ਤੇ ਸਿੱਧੂ ਵਿਚਾਲੇ ਟਕਰਾਅ ਦਾ ਹੱਲ ਹਾਈ ਕਮਾਂਡ ਕਰੇਗੀ- ਇਕ ਖ਼ਬਰ
ਪਾ ਕੇ ਮੁੰਦਰਾਂ ਤੂੰ ਤੋਰ ਦੇ ਫ਼ਕੀਰ ਨੂੰ, ਤੇਰਾ ਕਿਹੜਾ ਮੁੱਲ ਲਗਦਾ।

ਡੇਰਾ ਸਿਰਸਾ ਵਲੋਂ ਐਤਕੀਂ ਸਭ ਨੂੰ ਖ਼ੁਸ਼ ਕਰਨ ਦਾ ਚੋਗਾ- ਇਕ ਖ਼ਬਰ
ਅੱਧੀ ਤੇਰੀ ਆਂ ਮੁਲਾਹਜ਼ੇਦਾਰਾ, ਅੱਧੀ ਆਂ ਗ਼ਰੀਬ ਜੱਟ ਦੀ।

ਗੌਡਸੇ ਨੂੰ 'ਦੇਸ਼ਭਗਤ' ਆਖਣ ਲਈ ਪ੍ਰੱਗਿਆ ਨੂੰ ਮੁਆਫ਼ ਨਹੀਂ ਕਰਾਂਗਾ- ਮੋਦੀ
ਗੁੱਸਾ ਨਾ ਕਰੀਂ ਨੀਂ, ਤੈਨੂੰ ਪਿੱਛੋਂ 'ਵਾਜ ਮਾਰੀ ਆ।

ਮੋਦੀ ਵਾਂਗ ਅਮਰਿੰਦਰ ਵੀ ਗੱਪਾਂ ਮਾਰਨ 'ਚ ਮੋਹਰੀ- ਕੇਜਰੀਵਾਲ
ਪਿਆ ਦੇਸ਼ ਦੇ ਵਿਚ ਸੀ ਬੜਾ ਰੌਲ਼ਾ, ਭੂਤ ਮੰਡਲੀ ਇਕ ਥੀਂ ਚਾਰ ਹੋਈ

ਸਵਿਟਜ਼ਰਲੈਂਡ ਤੋਂ ਮਿਲੀ ਕਾਲ਼ੇ ਧਨ ਬਾਰੇ ਸੂਚਨਾ ਸਾਂਝੀ ਕਰਨ ਤੋਂ ਸਰਕਾਰ ਨੇ ਕੀਤਾ ਇਨਕਾਰ-ਇਕ ਖ਼ਬਰ
ਝੱਗਾ ਚੁੱਕਿਆਂ ਖੁੱਲ੍ਹਣੇ ਭੇਤ ਸਾਰੇ, ਢਿੱਡ ਆਪਣਾ ਹੀ ਨੰਗਾ ਹੋਵਣਾ ਜੀ।

ਸਿੱਧੂ ਬੇਵਕਤੇ ਬਿਆਨਾਂ ਨਾਲ਼ ਕਾਂਗਰਸ ਨੂੰ ਨੁਕਸਾਨ ਪਹੁੰਚਾ ਰਹੇ ਹਨ- ਕੈਪਟਨ
ਸੁੱਤੀ ਹੋਈ ਸੋਨ ਚਿੜੀ, ਲੈਣ ਲੱਗੀ ਅੰਗੜਾਈਆਂ।

ਕਈ ਕੇਂਦਰੀ ਮੰਤਰੀਆਂ ਨੇ ਸਰਕਾਰੀ ਬੰਗਲਿਆਂ ਦੇ ਬਕਾਏ ਦਾ ਭੁਗਤਾਨ ਨਹੀਂ ਕੀਤਾ-ਇਕ ਖ਼ਬਰ
ਅੱਜ ਕਲ ਸੁਹਣਿਉਂ ਫ਼ਤੂਰ ਵਿਚ ਰਹਿੰਦੇ ਓ।

ਗ਼ੈਰ- ਭਾਜਪਾ ਸਰਕਾਰ ਬਣਾਉਣ ਲਈ ਕੋਸ਼ਿਸ਼ਾਂ ਜਾਰੀ- ਚੰਦਰ ਬਾਬੂ ਨਾਇਡੂ
ਉਹੀਓ ਮੇਰਾ ਵੀਰ ਕੁੜੀਓ, ਜਿਹੜਾ ਮੂਹਰਲੀ ਗੱਡੀ ਦਾ ਬਾਬੂ।

ਦਿੱਲੀ ਦੇ ਨਾਮਵਰ ਸਿੱਖਾਂ ਸਹਾਰੇ ਦਿੱਲੀ ਗੁਰਦੁਆਰਾ ਕਮੇਟੀ ਆਪਣਾ ਵਕਾਰ ਬਹਾਲ ਕਰਨ ਦੀ ਰੌਂਅ 'ਚ- ਇਕ ਖ਼ਬਰ
ਤੁਸੀਂ ਕਰੋ ਅਸਾਡੀ ਕਾਰੀ ਜੀ, ਹੁਣ ਹੋ ਗਈ ਮੁਸ਼ਕਲ ਭਾਰੀ ਜੀ।

8 May 2019

* ਦਲ ਖਾਲਸਾ ਵੱਲੋਂ ਚੋਣਾਂ ਤੋਂ ਦੂਰ ਰਹਿਣ ਦਾ ਫ਼ੈਸਲਾ- ਇਕ ਖ਼ਬਰ
# ਰਾਂਝੇ ਆਖਿਆ ਸਿਆਲ ਰਲ ਗਏ ਸਾਰੇ, ਤੇ ਹੀਰ ਵੀ ਛੱਡ ਈਮਾਨ ਚੱਲੀ।

* ਮੋਦੀ ਸਰਕਾਰ ਦੇ ਪੰਜ ਸਾਲਾਂ 'ਚ ਬੈਂਕਿੰਗ ਸਿਸਟਮ ਲੀਰੋ ਲੀਰ ਹੋਇਆ-ਕਾਂਗਰਸ
# ਸਿਆਲਾਂ ਦੇ ਵਿਹੜੇ ਨਿੰਮ ਜੋ, ਉਹਦੇ ਪੱਤ ਗਏ ਕੁਮਲਾਅ।

*  ਲੰਮੇ ਚੋਣ ਪ੍ਚਾਰ ਨੇ ਉਮੀਦਵਾਰਾਂ ਦਾ ਦਮ ਕੱਢਿਆ- ਇਕ ਖਬਰ
# ਅਲਫ਼ ਅਵੱਲੜੀ ਚਾਲ ਇਸ਼ਕ ਦੀ
ਸਾਡੇ ਪਈ ਜਿਗਰ ਨੂੰ ਖਾਂਦੀ।

* ਕੈਪਟਨ ਕੰਵਲਜੀਤ ਸਿੰਘ ਦੀ ਮੌਤ ਬਾਰੇ ਜਾਂਚ ਰਿਪੋਰਟ ਨਸ਼ਰ ਕੀਤੀ ਜਾਵੇ- ਧਰਮਵੀਰ ਗਾਂਧੀ
# ਅਜੇ ਤੀਕ ਨਾ ਜਵਾਬ ਤੇਰਾ ਆਇਆ, ਮੈਂ ਡਾਕੀਏ ਨੂੰ ਰੋਜ਼ ਪੁੱਛਦੀ।

* ਆਪਣੀ ਹੋਂਦ ਲਈ ਭਾਰਤ ਨੂੰ ਖਤਰਾ ਮੰਨਦਾ ਹੈ ਪਾਕਿਸਤਾਨ- ਅਮਰੀਕਨ ਸੂਹੀਆ ਏਜੰਸੀ
# ਨਰਮ ਸਰੀਰਾਂ ਨੂੰ ਪੈ ਗਏ ਮਾਮਲੇ ਭਾਰੀ।

* 'ਪ੍ਰਧਾਨ ਮੰਤਰੀ ਮੋਦੀ' ਨਾਮ ਦੀ ਫਿਲਮ ਹੁਣ ਚੋਣਾਂ ਤੋਂ ਬਾਅਦ ਹੀ ਰੀਲੀਜ਼ ਹੋਵੇਗੀ- ਚੋਣ ਕਮਿਸ਼ਨ
# ਨਹਾਤੀ ਧੋਤੀ ਰਹਿ ਗਈ,
ਉੱਤੇ ਮੱਖੀ ਬਹਿ ਗਈ।

* ਚੋਣਾਂ ਦੇ ਛੇਵੇਂ ਪੜਾਅ 'ਚ 20% ਦਾਗ਼ੀ ਉਮੀਦਵਾਰ ਮੈਦਾਨ 'ਚ- ਇਕ ਖ਼ਬਰ
# ਖਬਰਦਾਰ ਰਹਿਣਾ ਬਈ ਚੌਂਕੀ ਜ਼ਾਲਮਾਂ ਦੀ ਆਈ।

* ਚੋਣ ਪ੍ਚਾਰ 'ਚ ਹਿੱਸਾ ਲੈਣ ਲਈ ਯੂ ਕੇ ਦੇ ਕਾਂਗਰਸੀ ਤੁਰੇ ਪੰਜਾਬ ਨੂੰ- ਇਕ ਖ਼ਬਰ
# ਚੱਲ ਚਲੀਏ ਅਠੌਲੇ ਵਾਲੇ ਮੇਲੇ,
ਹੋਰ ਛੱਡਦੇ ਸਭ ਝਮੇਲੇ।

* ਅਕਾਲੀ ਦਲ ਬਾਦਲ ਨੂੰ ਹਰਾਉਣ ਲਈ ਪੰਥਕ ਜਥੇਬੰਦੀਆਂ ਨੇ ਘੇਰਾ ਤੰਗ ਕੀਤਾ- ਇਕ ਖ਼ਬਰ
# ਮੁੰਡਿਆਂ ਨੇ ਘੇਰ ਲਈ,
ਸ਼ਾਮੇ ਨਿੱਕਲੀ ਸਰੋ੍ਂ ਦਾ ਫੁੱਲ ਬਣ ਕੇ।

* ਦੇਸ਼ 'ਚ ਤੀਜੇ ਮੋਰਚੇ ਦੀ ਸਰਕਾਰ ਬਣੇਗੀ- ਅਰਜਨ ਚੌਟਾਲਾ
# ਛੜਿਆਂ ਨੇ ਲੁੱਟਣੀ ਦਿੱਲੀ,
ਦੁਪਹਿਰੇ ਦੀਵਾ ਬਾਲ਼ ਕੇ।

* ਪੈਸੇ ਲੈ ਕੇ ਨੌਕਰੀਆਂ ਦੇਣ ਦੇ ਫਰਾਡ ਵਿਚ ਸ਼ੋਮਣੀ ਕਮੇਟੀ ਦਾ ਵਧੀਕ ਸਕੱਤਰ ਮੁਅੱਤਲ-ਇਕ ਖ਼ਬਰ
# ਕਾਅਬੇ 'ਚ ਕੁਫ਼ਰ।

* ਰਾਫ਼ਾਲ ਮਾਮਲਾ: ਕੇਂਦਰ ਸਰਕਾਰ ਕੇਸ ਦੀ ਮੁੜ ਸੁਣਵਾਈ ਦੇ ਹੱਕ 'ਚ ਨਹੀਂ- ਇਕ ਖ਼ਬਰ
# ਢੱਕੀ ਰਿਝ ਲੈਣ ਦੇ,
ਕਿਉਂ ਚੁੱਕਦੈਂ ਘੜੇ ਤੋਂ ਕੌਲਾ।

* ਸੰਦੋਆ ਦੀ ਡਿਊਟੀ ਮਨੀਸ਼ ਤਿਵਾੜੀ ਦਾ ਪ੍ਚਾਰ ਕਰਨ ' ਤੇ ਲਾਈ।
# ਫਕਰਦੀਨਾਂ ਉਸ ਸਿਰ ਦਾ ਮੁੱਲ ਕੌਡੀ, ਦਰ ਦਰ ਉੱਤੇ ਜੋ ਸਜਦੇ ਫਿਰੇ ਕਰਦਾ।

* ਸੰਨੀ ਦਿਓਲ ਨੂੰ ਮਿਲਣਾ ' ਦਿੱਲੀ ਦੂਰ' ਵਾਲੀ ਗੱਲ- ਕਾਂਗਰਸ ਬੁਲਾਰਾ
# ਪੈਰੀਂ ਝਾਂਜਰਾਂ ਗਲੀ ਦੇ ਵਿਚ ਗਾਰਾ, ਘਰ ਤੇਰਾ ਦੂਰ ਮਿੱਤਰਾ।

29 April 2019

* ਨਿਆਂ ਪਾਲਿਕਾ ਦੀ ਆਜ਼ਾਦੀ ਖਤਰੇ 'ਚ- ਚੀਫ਼ ਜਸਟਿਸ
# ਬੋਦੀ ਵਾਲਾ ਤਾਰਾ ਚੜ੍ਹਿਆ,
ਘਰ ਘਰ ਹੋਣ ਵੀਚਾਰਾਂ।

* ਚੌਕੀਦਾਰ ਚੋਰ ਹੈ ਕਹਿਣ 'ਤੇ ਰਾਹੁਲ ਗਾਂਧੀ ਨੂੰ ਅਫ਼ਸੋਸ- ਇਕ ਖ਼ਬਰ
# ਚੰਦਰੀ ਸਿਆਸਤ ਕੀ ਦਿਖਾਵੇ ਰੰਗ ਲੋਕੋ, ਲੀਡਰ ਆਪਣਾ ਹੀ ਥੁੱਕਿਆ ਚੱਟਦੇ ਜੀ।

* ਮੋਦੀ ਨੇ ਕੰਮ ਕੀਤੇ, ਰਾਹੁਲ ਤਾਂ ਅਨਾੜੀ ਐ- ਪ੍ਰਕਾਸ਼ ਸਿੰਘ ਬਾਦਲ
# ਉਹਦੇ ਨਾਲ ਕੀ ਬੋਲਣਾ ਜਿਹਨੂੰ ਪੱਗ ਬੰਨ੍ਹਣੀ ਨਾ ਆਵੇ।

* ਅਕਾਲੀ ਦਲ ਤੇ ਕਾਂਗਰਸ ਪਾਰਟੀਆਂ ਦੋ ਪਰ ਨੀਤੀ ਇਕ- ਖਹਿਰਾ
# ਐਵੇਂ ਦੋ ਕਲਬੂਤ ਬਣਾਏ ਕਿ ਤੇਰੀ ਮੇਰੀ ਇਕ ਜਿੰਦੜੀ।

* ਨਾ ਜੀ ਨਾ! ਜਗਮੀਤ ਬਰਾੜ ਤਾਂ ਬੁਲਾਰਾ ਹੀ ਬਹੁਤ ਵਧੀਆ ਐ- ਸੁਖਬੀਰ ਬਾਦਲ
# ਫੁੱਲ ਵੇ ਗੁਲਾਬ ਦਿਆ,
    ਸੀਨੇ ਨਾਲ ਤੈਨੂੰ ਲਾਵਾਂ,
    ਮੇਰੇ ਮਾਹੀਏ ਦੇ ਬਾਗ਼ ਦਿਆ।

* ਔਰਤ ਨੇ ਪਤੀ ਨਾਲ਼ ਮਿਲ ਕੇ ਪ੍ਰੇਮੀ ਦਾ ਕੀਤਾ ਕਤਲ- ਇਕ ਖਬਰ
# " ਘੋਰ ਕੁਲਯੁਗ" ਉਲਟੇ ਬਾਂਸ ਬਰੇਲੀ ਨੂੰ।

* ਚੋਣ ਨਤੀਜਿਆਂ ਦੀ ਉਮੀਦਵਾਰਾਂ ਨੂੰ ਕਰਨਾ ਪਵੇਗੀ ਲੰਮੀ ਉਡੀਕ- ਇਕ ਖਬਰ
# ਤੋੜ ਤੋੜ ਖਾਣ ਹੱਡੀਆਂ,
 ਰੱਤਾ ਪਲੰਘ ਚੰਨਣ ਦੇ ਪਾਵੇ।

* ਕਾਂਗਰਸੀਏ ਦੇਖਦੇ ਰਹਿ ਗਏ ਦਲ ਬਦਲੂ ਘੁਬਾਇਆ ਟਿਕਟ ਲੈ ਗਿਆ- ਇਕ ਖ਼ਬਰ
# ਬੱਗੀ ਤਿੱਤਰੀ ਕਮਾਦੋਂ ਨਿਕਲੀ,
ਉਡਦੀ ਨੂੰ ਬਾਜ਼ ਪੈ ਗਿਆ।

* ਲੋਕ ਕੈਪਟਨ ਸਰਕਾਰ ਨੂੰ ਸਿਖਾਉਣਗੇ ਸਬਕ- ਅਕਾਲੀ ਦਲ ਬਾਦਲ
# ਹੁੰਦੀਆਂ ਨਹੀਂ