ਚੁੰਝਾਂ-ਪ੍ਹੌਂਚੇ - Nrmal Singh Kandhalvi
31.03.2025
ਚੋਣ ਕਮਿਸ਼ਨ ‘ਕਿਰਿਆਹੀਣ, ਅਤੇ ‘ਅਸਫ਼ਲ ਸੰਸਥਾ’- ਕਪਿਲ ਸਿੱਬਲ
ਢਾਬ ਤੇਰੀ ਦਾ ਗੰਧਲਾ ਪਾਣੀ, ਉੱਤੋਂ ਬੂਰ ਹਟਾਵਾਂ।
ਨਸ਼ਾ ਸੌਦਾਗਰਾਂ ਦਾ ਸਹਿਯੋਗ ਕਰਨ ਵਾਲਿਆ ਦਾ ਹੋਵੇਗਾ ਬਾਈਕਾਟ- ਇਕ ਖ਼ਬਰ
ਕਾਲ਼ੇ ਕੋਲ ਮੰਜਾ ਨਹੀਂ ਡਾਹੁਣਾ, ਲਿਸ਼ਕੇ ਤਾਂ ਪੈ ਜੂ ਬਿਜਲੀ।
ਜੇ ਆਰ. ਐਸ. ਐਸ. ਨੇ ਸਿੱਖਿਆ ‘ਤੇ ਕਬਜ਼ਾ ਕਰ ਲਿਆ ਤਾਂ ਦੇਸ਼ ਤਬਾਹ ਹੋ ਜਾਵੇਗਾ- ਰਾਹੁਲ ਗਾਂਧੀ
ਗੀਤਾਂ ਨੂੰ ਜ਼ਹਿਰ ਪਿਲਾਉਂਦੇ ਨੇ, ਸਾਡੇ ਲਹੂ ਦੇ ਵਿਚ ਨਹਾਉਂਦੇ ਨੇ।
ਪੰਜਾਬ ਮਨੁੱਖੀ ਅਧਿਕਾਰ ਸੰਗਠਨ ਦੀ ਰਿਪੋਰਟ ਨੇ ਇਕ ਵਾਰ ਫੇਰ ਕੀਤਾ ਬਾਦਲਾਂ ਨੂੰ ਨੰਗਿਆਂ- ਹਰਜਿੰਦਰ ਸਿੰਘ ਮਾਝੀ
ਰੁੱਖ ਉੱਗਿਆ ਬੇਸ਼ਰਮ ਦੀ ਢੂਈ ‘ਤੇ, ਕਹਿੰਦਾ ‘ ਰਾਮ ਨਾਲ ਛਾਵੇਂ ਬੈਠਾਂਗੇ।
ਸ਼੍ਰੋਮਣੀ ਕਮੇਟੀ ਵਿਰੁੱਧ ਪ੍ਰਦਰਸ਼ਨ ਕਰਨਾ ਜਾਇਜ਼ ਨਹੀਂ- ਅੰਤ੍ਰਿੰਗ ਕਮੇਟੀ ਮੈਂਬਰ ਸੁਰਜੀਤ ਸਿੰਘ ਤੁਗਲਵਾਲ
ਮੇਰੇ ਯਾਰ ਨੂੰ ਮੰਦਾ ਨਾ ਬੋਲੀਂ, ਮੇਰੀ ਭਾਵੇਂ ਜਿੰਦ ਕੱਢ ਲੈ।
ਜਦੋਂ ਸੌਦਾ ਸਾਧ ਨੇ ਗੁਰੂ ਗ੍ਰੰਥ ਸਾਹਿਬ ਦੀਆਂ ਬੇਅਦਬੀਆਂ ਕਰਵਾਈਆਂ ਉਦੋਂ ਬਾਬੇ ਧੁੰਮੇ ਨੇ ਧਰਨੇ ਕਿਉਂ ਨਾ ਦਿਤੇ?- ਭਾਈ ਲਹਿਣਾ ਸਿੰਘ
ਉਦੋਂ ਬਾਬਾ ਧੁੰਮਾਂ ਬਾਦਲ ਦੇ ਪੈਰਾਂ ‘ਚ ਬੈਠ ਕੇ ਉਹਨੂੰ ਬਿਸਕੁਟ ਛਕਾਉਂਦਾ ਹੁੰਦਾ ਸੀ।
ਟਰੰਪ ਦੇ ਇਰਾਦੇ ਸਫ਼ਲ ਨਹੀਂ ਹੋਣ ਦੇਵਾਂਗੇ- ਕੈਨੇਡੀਅਨ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ
ਲੜ ਜੂੰ ਭ੍ਰਿੰਡ ਬਣ ਕੇ, ਮੈਨੂੰ ਨਰਮ ਕੁੜੀ ਨਾ ਜਾਣੀ।
ਅਡਾਨੀ ਦੀ ਜਾਇਦਾਦ ‘ਚ ਸਭ ਤੋਂ ਜ਼ਿਆਦਾ ਵਾਧਾ ਹੋਇਆ- ਇਕ ਖ਼ਬਰ
ਬਾਜ਼ੀ ਮਾਰ ਗਿਆ ਬਠਿੰਡੇ ਵਾਲ਼ਾ ਗੱਭਰੂ, ਬਾਕੀ ਰਹਿ ਗਏ ਹਾਲ ਪੁੱਛਦੇ।
ਸਾਜ਼ਿਸ਼ ਤਹਿਤ ਗਿਆਨੀ ਹਰਪ੍ਰੀਤ ਸਿੰਘ ਨੂੰ ਜਥੇਦਾਰੀ ਤੋਂ ਹਟਾਇਆ ਗਿਆ- ਮਨੁੱਖੀ ਅਧਿਕਾਰ ਸੰਗਠਨ ਰਿਪੋਰਟ
ਪਾਣੀ ਡੋਲ੍ਹ ਗਈ ਝਾਂਜਰਾਂ ਵਾਲੀ, ਕੈਂਠੇ ਵਾਲਾ ਤਿਲਕ ਗਿਆ।
ਧਾਮੀ ਵਲੋਂ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਕੇਂਦਰ ਸਰਕਾਰ ਵਲੋਂ ਦਿਖਾਈ ਉਦਾਸੀਨਤਾ ਦੀ ਆਲੋਚਨਾ- ਇਕ ਖ਼ਬਰ
ਬਾਦਲਾਂ ਨੇ ਆਪਣੇ ਰਾਜ ਸਮੇਂ ਦਿਖਾਈ ਉਦਾਸੀਨਤਾ ਦੀ ਵੀ ਕਦੇ ਗੱਲ ਕਰੋ, ਧਾਮੀ ਸਾਹਿਬ।
ਕੈਨੇਡਾ ਦੀਆਂ ਚੋਣਾਂ ਵਿਚ ਦਖ਼ਲ ਦੇਣ ਦਾ ਇਰਾਦਾ ਅਤੇ ਸਮਰੱਥਾ ਰੱਖਦਾ ਹੈ ਭਾਰਤ- ਸਕਿਉਰਿਟੀ ਇੰਟੈਲੀਜੈਂਸ, ਕੈਨੇਡਾ
ਛੜੇ ਜੇਠ ਦੀ ਮੈਂ ਅੱਖ ਵਿਚ ਰੜਕਾਂ, ਕੰਧ ਉੱਤੋਂ ਰਹੇ ਝਾਕਦਾ।
ਲੋਕ ਸਰਕਾਰਾਂ ਦੇ ਜ਼ੁਲਮਾਂ ਦਾ ਜਵਾਬ ਜ਼ਰੂਰ ਦੇਣਗੇ- ਜੋਗਿੰਦਰ ਸਿੰਘ ਉਗਰਾਹਾਂ
ਤੇਰਾ ਕੱਖ ਨਹੀਂ ਬਚਨੀਏਂ ਰਹਿਣਾ, ਛੜਿਆਂ ਦੇ ਹੱਕ ਮਾਰ ਕੇ।
ਜਲਦੀ ਹੀ ਪੰਜਾਬ ਪੂਰੀ ਤਰ੍ਹਾਂ ਨਸ਼ਾ ਮੁਕਤ ਹੋਵੇਗਾ- ਅਮਨ ਅਰੋੜਾ
ਅਮਨ ਅਰੋੜਾ ਜੀ ਸ਼ਰਾਬ ਦੇ ਨਸ਼ੇ ਬਾਰੇ ਕੀ ਖ਼ਿਆਲ ਐ ਜੀ?
ਜਿਲ੍ਹਾ ਸੰਗਰੂਰ ਦੇ ਪ੍ਰਮੁੱਖ ਅਕਾਲੀ ਆਗੂਆਂ ਨੇ ਬਾਦਲ ਅਕਾਲੀ ਦਲ ਦਾ ਸਾਥ ਛੱਡਿਆ- ਇਕ ਖ਼ਬਰ
ਮੇਰੇ ਨਰਮ ਕਾਲ਼ਜੇ ਲੜ ਗਏ, ਲੱਡੂ ਖਾ ਲਏ ਤੇਰੇ ਤੇਲ ਦੇ।
ਐਡਵੋਕੇਟ ਧਾਮੀ ਦੀ ਅਸਤੀਫ਼ਾ ਵਾਪਸੀ ਥੁੱਕ ਕੇ ਚੱਟਣ ਵਾਲੀ ਗੱਲ- ਸਿਮਰਨਜੀਤ ਸਿੰਘ ਮਾਨ
ਢਿੱਡ ਛਿੱਲ ਲਿਆ ਬੋਸਕੀ ਵਰਗਾ, ਰੋੜਾਂ ਵਾਲ਼ੀ ਕੰਧ ਟੱਪ ਕੇ।
=============================================================
ਚੁੰਝਾਂ-ਪ੍ਹੌਂਚੇ - Nirmal Singh KandhalvI
25.03.2025
ਪ੍ਰਧਾਨ ਮੰਤਰੀ ਮੋਦੀ ਨੇ ਰਾਸ਼ਟਰਪਤੀ ਟਰੰਪ ਦੀ ਕੀਤੀ ਤਾਰੀਫ਼- ਇਕ ਖ਼ਬਰ
ਨੀਂ ਆਹ ਫੜ ਮਾਏਂ ਪੂਣੀਆਂ, ਮੁੰਡਾ ਮੈਨੂੰ ਵੇਖ ਲੈਣ ਦੇ।
ਪੰਜਾਬ ਦੇ ਉਦਯੋਗ ਨੂੰ ਬਚਾਉਣ ਵਿਚ ਨਾਕਾਮ ਰਹੀ ਪੰਜਾਬ ਸਰਕਾਰ- ਗਿਰੀਰਾਜ ਸਿੰਘ
ਗੁਆਂਢੀ ਸੂਬਿਆਂ ਨੂੰ ਟੈਕਸ ਛੋਟਾਂ ਦੇ ਦੇ ਕੇ ਕਿਸ ਨੇ ਭਜਾਏ ਉਦਯੋਗ ਪੰਜਾਬ ‘ਚੋਂ, ਗਿਰੀਰਾਜ ਜੀ?
ਸਹੁੰ ਚੁੱਕਦੇ ਸਾਰ ਹੀ ਕੈਨੇਡਾ ਦੇ ਨਵੇਂ ਪ੍ਰਧਾਨ ਮੰਤਰੀ ਨੇ ਟਰੰਪ ਨੂੰ ਅੱਖਾਂ ਦਿਖਾਈਆਂ- ਇਕ ਖ਼ਬਰ
ਗੱਲ ਸੋਚ ਕੇ ਕਰੀਂ ਥਾਣੇਦਾਰਾ, ਅਸਾਂ ਨਹੀਂ ਕਨੌੜ ਝੱਲਣੀ।
ਡਾ.ਚੀਮਾ ਨੇ ਅਕਾਲ ਤਖ਼ਤ ਦੀ ਭਰਤੀ ਕਮੇਟੀ ਨੂੰ ਫਰਾਡ ਕਹਿ ਕੇ ਅਕਾਲ ਤਖ਼ਤ ਦੇ ਹੁਕਮਾਂ ਦੀਆਂ ਉਡਾਈਆਂ ਧੱਜੀਆਂ- ਚਰਨਜੀਤ ਸਿੰਘ ਬਰਾੜ
ਰੱਬ ਤੈਨੂੰ ਰੱਖੇ ਚੀਮਿਆ, ਨਿੱਤ ਝੂਠੀਆਂ ਗਵਾਹੀਆਂ ਦੇਵੇਂ।
ਸਰਕਾਰ ਪਟਰੌਲ-ਡੀਜ਼ਲ ਦੀਆਂ ਕੀਮਤਾਂ ਨਾਲ ਲੋਕਾਂ ਨੂੰ ਲੁੱਟ ਰਹੀ ਹੈ- ਖੜਗੇ
ਬੰਤੋ ਦੇ ਬਾਪੂ ਨੇ, ਪੱਗ ਲਾਹ ਕੇ ਸੁਆਹ ਵਿਚ ਮਾਰੀ।
ਖੇਤਰੀ ਦਲਾਂ ਲਈ ਚੁਣੌਤੀ ਬਣ ਰਹੀ ਹੈ ਭਾਜਪਾ- ਇਕ ਖ਼ਬਰ
ਜੰਮ ਕੇ ਮੈਂ ਨੌਂ ਕੁੜੀਆਂ, ਤੇਰੀ ਚੀਨ ਦੀ ਖੱਟੀ ਦਾ ਮੂੰਹ ਭੰਨਣਾ।
ਦੇਸ਼ ਦੇ 45% ਵਿਧਾਇਕਾਂ ਵਿਰੁੱਧ ਅਪਰਾਧਕ ਮਾਮਲੇ ਦਰਜ- ਇਕ ਖ਼ਬਰ
ਚੋਰ ਚੌਧਰੀ ਯਾਰ ਨਾਪਾਕ ਦਾਮਨ, ਭੂਤ ਮੰਡਲੀ ਇਕ ਦੂੰ ਚਾਰ ਹੋਈ।
ਮੀਟਿੰਗ ‘ਚੋਂ ਬਾਹਰ ਨਿਕਲਦਿਆਂ ਹੀ ਕਿਸਾਨ ਆਗੂਆਂ ਨੂੰ ਪੁਲਿਸ ਨੇ ਹਿਰਾਸਤ ‘ਚ ਲੈ ਲਿਆ- ਇਕ ਖ਼ਬਰ
ਬੱਗੀ ਤਿਤਰੀ ਕਮਾਦੋਂ ਨਿਕਲੀ, ਉਡਦੀ ਨੂੰ ਬਾਜ਼ ਪੈ ਗਿਆ।
ਸੰਗਤ, ਸ਼੍ਰੋਮਣੀ ਕਮੇਟੀ ਅਤੇ ਮੁਲਾਜ਼ਮ ਬੇਸਬਰੀ ਨਾਲ ਉਡੀਕ ਰਹੇ ਸਨ ਐਡਵੋਕੇਟ ਧਾਮੀ ਨੂੰ- ਇਕ ਖ਼ਬਰ
ਮੰਦਾ ਹਾਲ ਹੋ ਗਿਆ ਘਰ ਦਾ ਵੇ, ਸਾਡਾ ਤੇਰੇ ਬਿਨਾ ਨਾ ਸਰਦਾ ਵੇ।
ਧਾਮੀ ਨੇ ਮੁੜ ਸ਼੍ਰੋਮਣੀ ਕਮੇਟੀ ਦੀ ਪ੍ਰਧਾਨਗੀ ਸੰਭਾਲਣ ਦਾ ਕੀਤਾ ਐਲਾਨ-ਇਕ ਖ਼ਬਰ
ਮਰਦੀ ਨੇ ਅੱਕ ਚੱਬਿਆ, ਨੀ ਮੈਂ ਹਾਰ ਕੇ ਜੇਠ ਨਾਲ਼ ਲਾਈਆਂ।
ਇਜ਼ਰਾਈਲ ਸਰਕਾਰ ਨੂੰ ਮਨੁੱਖਤਾ ਦੀ ਕੋਈ ਚਿੰਤਾ ਨਹੀਂ- ਪ੍ਰਿਯੰਕਾ ਗਾਂਧੀ
ਭਲੇ ਕੰਮ ਦੇ ਵਿਚ ਨਾ ਇਹ ਰਾਜ਼ੀ, ਰਵਾਦਾਰ ਲੜਾਈ ਤੇ ਜੰਗ ਦੇ ਨੇ।
ਸ਼ਹੀਦ ਭਗਤ ਸਿੰਘ ਦੇ ਸੁਪਨਿਆਂ ਦਾ ਖ਼ੁਸ਼ਹਾਲ ਅਤੇ ਪ੍ਰਗਤੀਸ਼ੀਲ ਪੰਜਾਬ ਬਣਾਵਾਂਗੇ- ਭਗਵੰਤ ਮਾਨ
ਪਰ ਪਿਆਰੇ ਵੋਟਰੋ ਇਸ ਕੰਮ ਲਈ ਸਾਨੂੰ ਪੰਜ ਸੱਤ ਲੱਖ ਕਰੋੜ ਦਾ ਕਰਜ਼ਾ ਚੁੱਕਣਾ ਪੈਣੈ, ਹੌਸਲਾ ਰੱਖਿਉ।
ਹਿਮਾਚਲ ਸਰਕਾਰ ਸਿੱਖਾਂ ਨਾਲ਼ ਧੱਕੇਸ਼ਾਹੀ ‘ਤੇ ਮੂਕ ਦਰਸ਼ਕ ਬਣੀ ਹੋਈ ਹੈ- ਗਿਆਨੀ ਹਰਪ੍ਰੀਤ ਸਿੰਘ
ਜਦੋਂ ਕੱਢ ਕੇ ਵਹੀ ਲੇਖਾ ਮੰਗਿਆ, ਫੇਰ ਕੀ ਜਵਾਬ ਦੇਵੇਂਗਾ?
ਮਰਯਾਦਾ ਦੀ ਉਲੰਘਣਾ ਨਾਲ ਬਣੇ ਕਿਸੇ ਜਥੇਦਾਰ ਨੂੰ ਅਸੀਂ ਮਾਨਤਾ ਨਹੀਂ ਦਿੰਦੇ-ਨਿਹੰਗ ਸਿੰਘ ਜਥੇਬੰਦੀਆਂ
ਤੈਨੂੰ ਆ ਜਾਏ ਕਿਸੇ ਦੀ ਆਈ, ਹਾਣ ਦਾ ਨਾ ਵਰ ਟੋਲਿਆ।
ਪੰਜਾਬ ਸਰਕਾਰ ਨੇ ਕਿਸਾਨਾਂ ਨਾਲ ਵਿਸਾਹਘਾਤ ਕੀਤਾ- ਭਾਰਤੀ ਕਿਸਾਨ ਯੂਨੀਅਨ ਕਾਦੀਆਂ
ਕੀੜੇ ਪੈਣਗੇ ਮਰੇਂਗੀ ਸੱਪ ਲੜ ਕੇ, ਨੀ ਮਿੱਤਰਾਂ ਨੂੰ ਦਗ਼ਾ ਦੇਣੀਏਂ।
===================================================================
ਚੁੰਝਾਂ-ਪ੍ਹੌਂਚੇ- (ਨਿਰਮਲ ਸਿੰਘ ਕੰਧਾਲਵੀ)
ਦਿੱਲੀ ਵਿਧਾਨ ਸਭਾ ਚੋਣਾਂ ਵਿਚ ਭਾਜਪਾ ਨੇ ਕੇਜਰੀਵਾਲ ਤੇ ਉਹਦੀ ਪਾਰਟੀ ਨੂੰ ਦਿਤਾ ਕਰਾਰਾ ਝਟਕਾ- ਇਕ ਖ਼ਬਰ
ਪਾਣੀ ਡੋਲ੍ਹ ਗਈ ਝਾਂਜਰਾਂ ਵਾਲ਼ੀ, ਕੈਂਠੇ ਵਾਲ਼ਾ ਤਿਲਕ ਗਿਆ।
ਨਾਜਾਇਜ਼ ਮਾਈਨਿੰਗ ਰੋਕਣ ‘ਚ ‘ਆਪ’ ਸਰਕਾਰ ਰਹੀ ਨਾਕਾਮ- ਪਰਤਾਪ ਸਿੰਘ ਬਾਜਵਾ
ਬਾਜਵਾ ਸਾਹਿਬ, ਤੁਹਾਡੇ ਰਾਜ ਵੇਲੇ ਕਿੰਨੀ ਕੁ ਬੰਦ ਹੋ ਗਈ ਸੀ!
ਅਕਾਲ ਤਖ਼ਤ ਵਲੋਂ ਬਣਾਈ ਸੱਤ ਮੈਂਬਰੀ ਕਮੇਟੀ ਦੀ ਮੀਟਿੰਗ ਸੁਖਾਵੇਂ ਮਾਹੌਲ ‘ਚ ਹੋਈ- ਧਾਮੀ
ਜਦ ਏਜੰਡਾ ਹੀ ਕੋਈ ਨਹੀਂ ਸੀ ਤਾਂ ਮੀਟਿੰਗ ਸੁਖਾਵੇਂ ਮਾਹੌਲ ਵਿਚ ਹੀ ਹੋਣੀ ਸੀ।
ਟਰੰਪ ਵਲੋਂ ਅਮਰੀਕਾ ਨੂੰ ਟੈਰਿਫ਼ ਦੀ ਧਮਕੀ ਤੋਂ ਬਾਅਦ ਟਰੂਡੋ ਨੇ ਕਿਹਾ ਕਿ ਅਮਰੀਕਾ ਵੀ ਤਿਆਰ ਰਹੇ।
ਗੱਲ ਸੋਚ ਕੇ ਕਰੀਂ ਠਾਣੇਦਾਰਾ, ਅਸਾਂ ਨਹੀਂ ਕਨੌੜ ਝੱਲਣੀ।
ਹਰਿਆਣਾ ਕਮੇਟੀ ਦੀ ਪੰਥਕ ਏਕਤਾ ‘ਚ ਤਰੇੜ ਹੋਰ ਡੂੰਘੀ ਹੋਈ- ਇਕ ਖ਼ਬਰ
ਸ਼ਾਬਾਸ਼ ਸਿੱਖੋ! ਦੇਖਿਉ ਤਰੇੜਾਂ ਮਿਟ ਨਾ ਜਾਣ ਕਿਤੇ, ਦੱਬੀ ਚਲੋ ਕਿੱਲੀ।
ਰਾਹੁਲ ਗਾਂਧੀ ਨੇ ਮਹਾਰਾਸ਼ਟਰ ਦੀਆਂ ਚੋਣਾਂ ‘ਚ ਬੇਨਿਯਮੀਆਂ ਦਾ ਦੋਸ਼ ਲਗਾਇਆ- ਇਕ ਖ਼ਬਰ
ਕਾਰਵਾਂ ਗੁਜ਼ਰ ਗਿਆ, ਗ਼ੁਬਾਰ ਦੇਖਤੇ ਰਹੇ।
ਮੋਦੀ ਸਰਕਾਰ ਹਰ ਮੁੱਦੇ ‘ਤੇ ਧਿਆਨ ਦੇ ਰਹੀ ਹੈ- ਰਵਨੀਤ ਬਿੱਟੂ
ਬਿੱਟੂ ਸਾਹਿਬ ਇਸ ਵਿਚ ਕੋਈ ਸ਼ੱਕ ਐ!
7,113 ਕਰੋੜ ਰੁਪਏ ਨਾਲ਼ ਭਾਜਪਾ ਦੇਸ਼ ਦੀ ਸਭ ਤੋਂ ਅਮੀਰ ਪਾਰਟੀ ਬਣੀ- ਇਕ ਖ਼ਬਰ
ਮੇਰੀ ਕੱਤਣੀ ਨਸੀਬਾਂ ਵਾਲ਼ੀ, ਭਰੀ ਰਹੇ ਲੱਡੂਆਂ ਦੀ।
ਪੰਜਾਬ ‘ਚ 856 ਸੀਨੀਅਰ ਸਰਕਾਰੀ ਸੈਕੰਡਰੀ ਸਕੂਲ ਪ੍ਰਿੰਸੀਪਲਾਂ ਤੋਂ ਬਿਨਾਂ ਚਲ ਰਹੇ ਹਨ- ਇਕ ਖ਼ਬਰ
ਭੋਲਿਓ, ਅੱਜ ਏ.ਆਈ. ਦਾ ਯੁਗ ਹੈ, ਪ੍ਰਿੰਸੀਪਲਾਂ ਦੀ ਕੀ ਲੋੜ ਐ? ਨਾਲ਼ੇ ਦਿੱਲੀ ਦੇ ਖ਼ਰਚੇ ਵੀ ਕੱਢਣੇ ਨੇ।
ਫੋਰਬਸ ਨੇ ਭਾਰਤ ਨੂੰ ਪਹਿਲੇ ਦਸ ਸ਼ਕਤੀਸ਼ਾਲੀ ਦੇਸ਼ਾਂ ਦੀ ਸੂਚੀ ‘ਚੋਂ ਕੀਤਾ ਬਾਹਰ- ਇਕ ਖ਼ਬਰ
ਕਿਹੜੇ ਯਾਰ ਦਾ ਗੁਤਾਵਾ ਕੀਤਾ, ਅੱਖ ਵਿਚ ਕੱਖ ਪੈ ਗਿਆ।
ਸ਼ੇਖ਼ ਹਸੀਨਾ ਦੀਆਂ ਗਤੀਵਿਧੀਆਂ ਨੂੰ ਲੈ ਕੇ ਬੰਗਲਾਦੇਸ਼ ਨੇ ਭਾਰਤ ਵਿਰੁੱਧ ਰੋਸ ਪ੍ਰਗਟਾਇਆ- ਇਕ ਖ਼ਬਰ
ਅੱਗੇ ਬੀਬੀ ਟੱਪਣੀ, ਪਿੱਛੇ ਢੋਲਾਂ ਦੀ ਘੜਮੱਸ।
ਅਮਰੀਕਾ ਤੋਂ ਸਿਆਣੀ ਗੱਲਬਾਤ ਦੀ ਕੋਈ ਆਸ ਨਹੀਂ- ਈਰਾਨ
ਲੱਸੀ ਲੈਣ ਦੇ ਬਹਾਨੇ ਆਉਂਦੇ, ਛੜਿਆਂ ਦੀ ਨੀਤ ਬੁਰੀ।
ਅਕਾਲ ਤਖ਼ਤ ਵਲੋਂ ਬਣਾਈ 7 ਮੈਂਬਰੀ ਨਿਗਰਾਨ ਕਮੇਟੀ ਦੀ ਬਾਦਲ ਦਲ ਨੂੰ ਕੋਈ ਪ੍ਰਵਾਹ ਨਹੀਂ- ਇਕ ਖ਼ਬਰ
ਮੂੰਹ ਉਗਲਾਂ ਘੱਤ ਕੇ ਕਹਿਣ ਸਭੇ, ਕਾਰੇ ਕਰਨ ਥੀਂ ਇਹ ਨਾ ਸੰਗਦਾ ਏ।
ਨਵੇਂ ਕੇਂਦਰੀ ਬਜਟ ‘ਚ ਪੰਜਾਬ ਲਈ ਕੋਈ ਉਮੀਦ ਨਹੀਂ-ਪਰਤਾਪ ਸਿੰਘ ਬਾਜਵਾ
ਕਿਤੇ ਕੱਲੀ ਬਹਿ ਕੇ ਸੋਚੀਂ ਨੀਂ, ਅਸੀਂ ਕੀ ਨਹੀਂ ਕੀਤਾ ਤੇਰੇ ਲਈ।
ਦਿੱਲੀ ‘ਚ ਭਾਜਪਾ ਦੀ ਜਿੱਤ ‘ਤੇ ਪੰਜਾਬ ‘ਆਪ’ ਵਿਚ ਖ਼ਾਮੋਸ਼ੀ- ਇਕ ਖ਼ਬਰ
ਨੀ ਐਡਾ ਤੇਰਾ ਕਿਹੜਾ ਦਰਦੀ, ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।
=======================================================================
 http://mediapunjab.com/composition?id=5762){kind=logo}
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
10.03.2025
ਸੇਬੀ ਦੀ ਸਾਬਕਾ ਮੁਖੀ ਮਾਧਵੀ ਬੁੱਚ ਵਿਰੁੱਧ ਐਫ. ਆਈ. ਆਰ. ਦਰਜ ਕਰਨ ‘ਤੇ ਰੋਕ- ਇਕ ਖ਼ਬਰ
ਤੈਨੂੰ ਜ਼ੁਲਫ਼ਾਂ ਦੀ ਛਾਂ ‘ਚ ਬਿਠਾ ਕੇ, ਚੂਰੀਆਂ ਖਵਾਵਾਂ ਮਿੱਤਰਾ।
ਬਾਦਲ ਦਲ ਦੇ ਹਾਸ਼ੀਏ ‘ਤੇ ਜਾਣ ਦੇ ਕੀ ਕਾਰਨ ਹਨ?- ਇਕ ਸਵਾਲ
ਇਹ ਗੱਲ ਤਾਂ ਹੁਣ ਬੱਚਾ ਬੱਚਾ ਜਾਣਦੈ ਭਾਈ, ਕੋਈ ਹੋਰ ਸਵਾਲ ਪੁੱਛੋ।
ਬਸਪਾ ਸੁਪਰੀਮੋ ਮਾਇਆਵਤੀ ਨੇ ਆਪਣੇ ਭਤੀਜੇ ਆਕਾਸ਼ ਆਨੰਦ ਨੂੰ ਪਾਰਟੀ ‘ਚੋਂ ਕੱਢਿਆ- ਇਕ ਖ਼ਬਰ
ਲੈ ਗਈ ਕੁੰਜੀਆਂ ਚੁਬਾਰਿਆਂ ਵਾਲ਼ੀ, ਹੋ ਗਏ ਮਲੰਗ ਮੁੜ ਕੇ।
ਨਸ਼ਾ ਮਾਫ਼ੀਏ ਦਾ ਲੱਕ ਤਾਂ ਹੀ ਟੁੱਟੇਗਾ ਜੇ ਵੱਡੀਆਂ ਮੱਛੀਆਂ ਫੜੀਆਂ ਜਾਣ- ਖਾਲੜਾ ਮਿਸ਼ਨ
ਕਈ ਬੱਕਰੇ ਜੰਗਲੀਂ ਫਿਰਨ ਚਰਦੇ, ਕਦ ਫ਼ਸਣਗੇ ਹੱਥ ਕਸਾਈ ਯਾਰਾ?
ਬੁਲਡੋਜ਼ਰ ਕਾਰਵਾਈ ‘ਤੇ ਸੁਪਰੀਮ ਕੋਰਟ ਨੇ ਯੋਗੀ ਸਰਕਾਰ ਨੂੰ ਦੱਸਿਆ ਜ਼ਾਲਮ- ਇਕ ਖ਼ਬਰ
ਲੋਕੋ ਜਾਗਦੇ ਰਹਿਣਾ, ਗੱਡੀ ਜ਼ਾਲਮਾਂ ਦੀ ਆਈ।
ਕੈਨੇਡਾ ‘ਚ ਸ਼ਰਾਬ ਚੋਰੀ ਦੇ ਇਲਜ਼ਾਮ ’ਚ ਪੰਜ ਪੰਜਾਬੀ ਨੌਜਵਾਨ ਗ੍ਰਿਫ਼ਤਾਰ- ਇਕ ਖ਼ਬਰ
ਬਦਨਾਮ ਭੀ ਹੋਂਗੇ ਤੋ ਕਿਆ ਨਾਮ ਨਾ ਹੋਗਾ।
ਅਮਰੀਕਾ ‘ਚ ਵਿਰੋਧ ਪ੍ਰਦਰਸ਼ਨ ਕੀਤਾ ਤਾਂ ਦੇਸ਼ ‘ਤੋਂ ਕੱਢ ਦੇਵਾਂਗੇ, ਟਰੰਪ ਦੀ ਵਿਦਿਆਰਥੀਆਂ ਨੂੰ ਧਮਕੀ-ਇਕ ਖ਼ਬਰ
ਮੂੰਹ ਉਂਗਲਾਂ ਘੱਤ ਕੇ ਕਹਿਣ ਸਭੇ, ਕਾਰੇ ਕਰਨ ਥੀਂ ਇਹ ਨਾ ਸੰਗਦਾ ਏ।
ਟਰੰਪ ਨਾਲ ਉਲਝਣ ਦਾ ਟਰੂਡੋ ਦੀ ਲਿਬਰਲ ਪਾਰਟੀ ਨੂੰ ਮਿਲਿਆ ਫ਼ਾਇਦਾ- ਇਕ ਖ਼ਬਰ
ਕੁੱਬੇ ਦੇ ਲੱਤ ਮਾਰੀ, ਕੁੱਬੇ ਦੇ ਗੁਣ ਆਈ।
ਮੇਰੀ ਨਰਮਾਈ ਦਾ ਇਹ ਮਤਲਬ ਨਹੀਂ ਕਿ ਮੈਂ ਐਕਸ਼ਨ ਨਹੀਂ ਲੈ ਸਕਦਾ- ਭਗਵੰਤ ਮਾਨ
ਮੈਨੂੰ ਨਰਮ ਕੁੜੀ ਨਾ ਜਾਣੀ, ਲੜਜੂੰ ਭ੍ਰਿੰਡ ਬਣ ਕੇ।
ਟਰੰਪ ਵਲੋਂ ਵਾਰ ਵਾਰ ਭਾਰਤ ਦਾ ਅਪਮਾਨ ਕੀਤੇ ਜਾਣ ‘ਤੇ ਪ੍ਰਧਾਨ ਮੰਤਰੀ ਚੁੱਪ ਕਿਉਂ?- ਕਾਂਗਰਸ
ਮੂੰਹ ਖਾਵੇ, ਅੱਖ ਸ਼ਰਮਾਵੇ।
ਏਕਤਾ ਲਈ ਕਿਸਾਨ ਮੋਰਚਿਆਂ ਦੀ 6 ਘੰਟੇ ਚੱਲੀ ਮੀਟਿੰਗ ਰਹੀ ਬੇਸਿੱਟਾ- ਇਕ ਖ਼ਬਰ
ਹੱਥ ਪੁਰਾਣੇ ਖੌਂਸੜੇ, ਬਸੰਤੇ ਹੋਰੀਂ ਆਏ।
ਕੇਜਰੀਵਾਲ ਚਾਹੁਣ ਤਾਂ ਅੱਜ ਹੀ ਰਾਜ ਸਭਾ ਤੋਂ ਅਸਤੀਫ਼ਾ ਦੇ ਦਿਆਂਗਾ- ਸੰਜੀਵ ਅਰੋੜਾ
ਤੇਰੀ ਆਈ ਮੈਂ ਮਰ ਜਾਂ, ਤੇਰਾ ਵਾਲ਼ ਵੀ ਵਿੰਗਾ ਨਾ ਹੋਵੇ।
ਕਿਸੇ ਵੀ ਹਾਲਤ ਵਿਚ ਮੈਂ ਅਸਤੀਫ਼ਾ ਵਾਪਸ ਨਹੀਂ ਲਵਾਂਗਾ- ਹਰਜਿੰਦਰ ਸਿੰਘ ਧਾਮੀ
ਵਾਰਸਸ਼ਾਹ ਨਾ ਮੁੜਾਂ ਰੰਝੇਟੜੇ ਤੋਂ, ਭਾਵੇਂ ਬਾਪ ਦੇ ਬਾਪ ਦਾ ਬਾਪ ਆਵੇ।
ਭਾਰਤ ਸਰਕਾਰ ਦੀ ਨਵੀਂ ਸਿੱਖਿਆ ਨੀਤੀ ਨੂੰ ਪੰਜਾਬ ਸਰਕਾਰ ਰੱਦ ਕਰੇ- ਪਰਗਟ ਸਿੰਘ
ਭੱਠ ਪਿਆ ਸੋਨਾ, ਜਿਹੜਾ ਕੰਨਾਂ ਨੂੰ ਖਾਵੇ।
ਮਜੀਠੀਆ ਨੇ ਅਕਾਲੀ ਦਲ ਦੀ ਪਿੱਠ ਵਿਚ ਛੁਰਾ ਮਾਰਿਆ- ਭੂੰਦੜ
ਤੇ ਤੁਹਾਡੇ ਟੋਲੇ ਨੇ ਸ੍ਰੀ ਅਕਾਲ ਤਖ਼ਤ ਦੇ ਸਿਧਾਂਤ ਨੂੰ ਲਹੂ-ਲੁਹਾਨ ਕੀਤੈ।
ਦਿੱਲੀ ਦੀਆਂ ਔਰਤਾਂ ਨੂੰ ਢਾਈ – ਢਾਈ ਹਜ਼ਾਰ ਦੇਣ ਦੀ ‘ਮੋਦੀ ਦੀ ਗਾਰੰਟੀ’ ਝੂਠ ਸਾਬਤ ਹੋਈ- ਆਤਿਸ਼ੀ
ਮੋਦੀ ਦੇ ਲਾਰੇ, ਮੁੰਡੇ ਰਹਿਣ ਕੁਆਰੇ।
=========================================================================
ਚੁੰਝਾਂ-ਪ੍ਹੌਂਚੇ - (ਨਿਰਮਲ ਸਿੰਘ ਕੰਧਾਲਵੀ)
ਅਮਰੀਕਾ ਤੋਂ ਵਾਪਸ ਆ ਰਹੇ ਭਾਰਤੀਆਂ ਬਾਰੇ ਦਿਤੇ ਬਿਆਨ ਲਈ ਖੱਟੜ ਮੁਆਫ਼ੀ ਮੰਗੇ- ਨੀਲ ਗਰਗ
ਚਿੜੀਆਂ ਦੀ ਮੌਤ, ਗਵਾਰਾਂ ਦਾ ਹਾਸਾ।
ਧਾਮੀ ਸਾਹਿਬ ਦੁਚਿੱਤੀ ਛੱਡੋ ਤੇ ਫੁੰਕਾਰਾ ਮਾਰੋ- ਤਰਲੋਚਨ ਸਿੰਘ ਦੁਪਾਲਪੁਰ
ਦੁਪਾਲਪੁਰੀ ਸਾਹਿਬ ਮਾਲਕਾਂ ਨੇ ਦੰਦ ਹੀ ਨਹੀਂ ਕੱਢੇ ਸਗੋਂ ਜ਼ੁਬਾਨ ਵੀ ਟੁੱਕ ਦਿਤੀ ਹੈ ਧਾਮੀ ਸਾਹਿਬ ਦੀ।
ਦੋਸ਼ੀ ਕਰਾਰ ਦਿਤੇ ਗਏ ਸਿਆਸਤਦਾਨਾਂ ‘ਤੇ ਉਮਰ ਭਰ ਦੀ ਪਾਬੰਦੀ ਲਗਾਉਣ ਦਾ ਅਧਿਕਾਰ ਕੇਵਲ ਸੰਸਦ ਕੋਲ- ਕੇਂਦਰ ਸਰਕਾਰ
ਓ ਭਾਈ! ਇਨ੍ਹਾਂ ‘ਭੱਦਰ ਪੁਰਸ਼ਾਂ’ ਦੇ ਸਿਰ ‘ਤੇ ਤਾਂ ਸਰਕਾਰਾਂ ਚਲਦੀਆਂ।
ਕੇਂਦਰ ਦਾ ਖੇਤੀ ਮੰਡੀਕਰਣ ਨੀਤੀ ਦਾ ਖਰੜਾ ਪੰਜਾਬ ਵਿਧਾਨ ਸਭਾ ਨੇ ਸਰਬਸੰਮਤੀ ਨਾਲ ਕੀਤਾ ਰੱਦ- ਇਕ ਖ਼ਬਰ
ਤੇਰੇ ਖੁਸ਼ਕ ਮੱਕੀ ਦੇ ਦਾਣੇ, ਮਿੱਤਰਾਂ ਨੇ ਨਹੀਓਂ ਚੱਬਣੇ।
ਟਰੰਪ ਪ੍ਰਸ਼ਾਸਨ ਨੇ ਯੂ.ਐਸ.ਏਡ ਦੇ ਮੁਲਾਜ਼ਮਾਂ ਨੂੰ ਛੁੱਟੀ ‘ਤੇ ਭੇਜਿਆ- ਇਕ ਖ਼ਬਰ
ਡਿਗੀ ਖੋਤੇ ਤੋਂ ਗੁੱਸਾ ਘੁਮਿਆਰ ‘ਤੇ।
ਧਾਮੀ ਨੂੰ ਮਨਾਉਣ ਆਏ ਮਜੀਠੀਆ ਨੂੰ ਖਾਲੀ ਹੱਥ ਮੁੜਨਾ ਪਿਆ- ਇਕ ਖ਼ਬਰ
ਬੜੇ ਬੇਆਬਰੂ ਹੋ ਕਰ ਤੇਰੇ ਕੂਚੇ ਸੇ ਹਮ ਨਿਕਲੇ।
ਦੁਨੀਆਂ ਨੂੰ ਚਲਾਉਣ ਲਈ ਸਭ ਤੋਂ ਵਧੀਆ ਹੈ ਸਿੱਖ ਧਰਮ- ਈਲੋਨ ਮਸਕ ਦਾ ਏ.ਆਈ. ਹੈਂਡਲ
ਪੰਥ ਤੇਰੇ ਦੀਆਂ ਗੂੰਜਾਂ ਦਿਨੋ ਦਿਨ ਪੈਣਗੀਆਂ।
ਮਾਣਹਾਨੀ ਕੇਸ ਵਿਚ ਕੰਗਣਾਂ ਨੇ ਜਾਵੇਦ ਅਖ਼ਤਰ ਤੋਂ ‘ਖੇਚਲ’ ਲਈ ਮੰਗੀ ਮੁਆਫ਼ੀ- ਇਕ ਖ਼ਬਰ
ਜੇਠਾ ਵੇ ਮਾਫ਼ ਕਰੀਂ, ਭੁੱਲ ਗਈ ਮੈਂ ਘੁੰਡ ਕੱਢਣਾ।
ਪੰਜਾਬ ਦੇ ਸਕੂਲਾਂ ‘ਚ ਦਸਵੀਂ ਜਮਾਤ ਤਕ ਪੰਜਾਬੀ ਦਾ ਵਿਸ਼ਾ ਹੋਇਆ ਲਾਜ਼ਮੀ-ਇਕ ਖ਼ਬਰ
ਇਹ ਵੀ ਦੇਖਿਆ ਜਾਏਗਾ ਕਿ ਸਰਕਾਰ ਇਸ ‘ਤੇ ਕਿੰਨਾ ਕੁ ਪਹਿਰਾ ਦਿੰਦੀ ਹੈ।
ਕੇਂਦਰੀ ਮੰਡੀਕਰਣ ਨੀਤੀ ਤਾਂ ਰੱਦ ਕਰ ਦਿਤੀ, ਹੁਣ ਆਪਣੀ ਖੇਤੀ ਨੀਤੀ ਲਾਗੂ ਕਰ ਕੇ ਦਿਖਾਉ- ਜਾਖੜ
ਹੁਣ ਤੂੰ ਕਿਧਰ ਗਿਆ, ਜੇਠ ਬੋਲੀਆਂ ਮਾਰੇ।
ਜੇ ਕਰ ਮੈਨੂੰ ਹਟਾਇਆ ਜਾਂਦਾ ਹੈ ਤਾਂ ਮੈਂ ਵੀ ਕੱਪੜੇ ਬੈਗ ‘ਚ ਪਾਏ ਹੋਏ ਹਨ, ਕੋਈ ਪ੍ਰਵਾਹ ਨਹੀਂ- ਜਥੇਦਾਰ ਰਘਬੀਰ ਸਿੰਘ
ਅਸੀਂ ਰੱਖੀਏ ਡਾਂਗ ਉੱਤੇ ਡੇਰਾ, ਪਰਵਾਹ ਨਾਹੀਂ ਟੁੰਡੀਲਾਟ ਦੀ।
‘ਯੁੱਧ ਨਸ਼ਿਆਂ ਵਿਰੁੱਧ’ ਪੰਜਾਬ ਪੁਲਿਸ ਨੇ ਨਸ਼ਿਆਂ ਦੇ ਵਿਰੋਧ ‘ਚ ਕੀਤੀ ਵਿਆਪਕ ਮੁਹਿੰਮ ਸ਼ੁਰੂ-ਇਕ ਖ਼ਬਰ
‘ਮਹਾਰਾਜੇ’ ਦੀ ਮੁਹਿੰਮ ਵਾਂਗ ਇਹ ਵੀ ਛੇਤੀ ਹੀ ਠੁੱਸ ਹੋ ਜਾਣੀ ਐ।
ਦਿੱਲੀ ਦੀ ਮੁੱਖ ਮੰਤਰੀ ਦੇ ਦਫ਼ਤਰ ਦੇ ਬਾਹਰ ‘ਆਪ’ ਵਿਧਾਇਕਾਂ ਨੇ ਕੀਤਾ ਪ੍ਰਦਰਸ਼ਨ- ਇਕ ਖ਼ਬਰ
ਸੱਸ ਪਿੱਟਣੀ ਪੰਜੇਬਾਂ ਪਾ ਕੇ, ਜਾਗ ਚਾਹੇ ਕਰੇ ਨਿੰਦਿਆ।
ਆਲ ਇੰਡੀਆ ਕਿਸਾਨ ਖੇਤ ਮਜ਼ਦੂਰ ਸੰਗਠਨ ਵਲੋਂ ਵੀ ਸੰਘਰਸ਼ ਦਾ ਐਲਾਨ- ਇਕ ਖ਼ਬਰ
ਜੱਗੇ ਮਾਰਿਆ ਪਿੱਛੋਂ ਲਲਕਾਰਾ, ਸੁੱਕਾ ਜਾਵੇ ਨਾ ਵੈਲੀ ਕਰਤਾਰਾ।
ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਨੇ ਕੌਮਾਂਤਰੀ ਭਾਈਚਾਰੇ ਤੋਂ ਮਦਦ ਮੰਗੀ- ਇਕ ਖ਼ਬਰ
ਪਾਕ ਰੱਬ ਤੇ ਪੀਰ ਦੀ ਮੇਹਰ ਬਾਝੋਂ, ਕੌਣ ਕੱਟੇ ਮੁਸੀਬਤਾਂ ਭਾਰੀਆਂ ਜੀ।
----------------------------------------------------------------------------------------------------
 http://mediapunjab.com/composition?id=5736){kind=logo}
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
24.02.2025
ਸਿੱਖ ਕਤਲੇ-ਆਮ: ਸਰਕਾਰੀ ਵਕੀਲ ਨੇ ਸੱਜਣ ਕੁਮਾਰ ਨੂੰ ਮੌਤ ਦੀ ਸਜ਼ਾ ਦੇਣ ਦੀ ਮੰਗ ਕੀਤੀ।
ਸਲਵਾਨ ਜਲਾਦਾਂ ਨੂੰ ਆਖਦਾ, ਕਰ ਦਿਓ ਪੂਰਨ ਜਲਦ ਹਲਾਲ।
ਐਡਵੋਕੇਟ ਧਾਮੀ ਨੇ ਦਬਾਅ ਹੇਠ ਅਸਤੀਫ਼ਾ ਦਿਤਾ- ਗਿਆਨੀ ਹਰਪ੍ਰੀਤ ਸਿੰਘ
ਅਸੀਂ ਆਣ ਕੇ ਰੁਲ਼ਾਂਗੇ ਵਿਚ ਵਿਹੜੇ, ਸਾਡੀ ਕੋਈ ਨਾ ਲਵੇਗਾ ਸਾਰ ਹੀਰੇ।
ਹੁਣ ਪਤਾ ਲੱਗਿਐ ਕਿ ਅਕਾਲ ਤਖ਼ਤ ਦੇ ਹੁਕਮਨਾਮੇ ਸਿਰਫ਼ ਇਸ ਦੀ ਚਾਰ ਦੀਵਾਰੀ ਤੱਕ ਹੀ ਸੀਮਤ ਹੁੰਦੇ ਨੇ- ਜਥੇਦਾਰ ਰਘਬੀਰ ਸਿੰਘ
ਲੋਕਾਂ ਭਾਣੇ ਇਸ਼ਕ ਸੁਖਾਲਾ. ਇਸ਼ਕ ਨਾ ਛੱਡਦਾ ਫੱਕਾ ਕੁੜੇ।
ਕਿਸਾਨ ਚਿੰਤਾ ਨਾ ਕਰਨ, ਫ਼ਸਲਾਂ ਦੇ ਪੂਰੇ ਮੁੱਲ ਦਿਤੇ ਜਾਣਗੇ- ਸ਼ਿਵਰਾਜ ਚੌਹਾਨ
ਤੇਰਾ ਲਾਰਾ ਵੇ ਸ਼ਰਾਬੀਆਂ ਦੀ ਗੱਪ ਵਰਗਾ।
ਕੈਨੇਡਾ ‘ਚ ਰੂਬੀ ਢੱਲਾ ਲਿਬਰਲ ਪਾਰਟੀ ਦੀ ਲੀਡਰਸ਼ਿੱਪ ਤੋਂ ਬਾਹਰ, ਦਿਤੀ ਅਯੋਗ ਕਰਾਰ- ਇਕ ਖ਼ਬਰ
ਬੀਬੀ ਆਵਾਸੀਆਂ ਨੂੰ ਕੱਢਦੀ ਕੱਢਦੀ ਆਪ ਹੀ ਅਯੋਗ ਕਰਾਰ ਹੋ ਗਈ।
ਮੈਂ ਕਿਸੇ ਨੂੰ ਵੀ ਨਹੀਂ ਬਖ਼ਸ਼ਾਂਗਾ, ਭਾਰਤ ਹੋਵੇ ਜਾਂ ਚੀਨ- ਟਰੰਪ
ਯਾਰੀ ਲੱਗੀ ਤੇ ਲਵਾ ‘ਤੇ ਤਖਤੇ, ਟੁੱਟੀ ‘ਤੇ ਚੁਗਾਠ ਪੁੱਟ ਲਈ।
ਹਰਿਆਣਾ ‘ਚ ਕਾਂਗਰਸ ਨੂੰ ਝਟਕਾ: ਚਾਰ ਵੱਡੇ ਆਗੂ ਭਾਜਪਾ ‘ਚ ਸ਼ਾਮਲ- ਇਕ ਖ਼ਬਰ
ਸੂਰਜ ਚੜ੍ਹਦੇ ਨੂੰ ਹੁੰਦੀਆਂ ਸਲਾਮਾਂ, ਡੁੱਬਦੇ ਨੂੰ ਕੌਣ ਪੁੱਛਦਾ।
ਅਹੁਦੇ ਦੀ ਸਹੁੰ ਚੁੱਕਣਗੇ ਨਵੇਂ ਚੁਣੇ ਗਏ ਮੁੱਖ ਚੋਣ ਕਮਿਸ਼ਨਰ ਗਿਆਨੇਸ਼ ਕੁਮਾਰ- ਇਕ ਖ਼ਬਰ
ਸੰਨ 2029 ਤੱਕ ਭਾਜਪਾ ਨੂੰ ਹੁਣ ਮੌਜਾਂ ਹੀ ਮੌਜਾਂ।
ਅਕਾਲ ਤਖ਼ਤ ਦੇ ਜਥੇਦਾਰ ਨੇ ਸੋਧਿਆ ਹੋਇਆ ਨਾਨਕਸ਼ਾਹੀ ਕੈਲੰਡਰ ਜਾਰੀ ਕੀਤਾ- ਇਕ ਖ਼ਬਰ
ਜਥੇਦਾਰ ਜੀ, ਚੰਗਾ ਹੁੰਦਾ ਜੇ ਇਸ ਨੂੰ ਵਿਗਾੜੇ ਹੋਏ ਧੁਮੱਕੜ ਕੈਲੰਡਰ ਦਾ ਨਾਮ ਦਿੰਦੇ।
2027 ਦੀਆਂ ਚੋਣਾਂ ਲਈ ਭਾਜਪਾ ਅਕਾਲੀ ਦਲ ਨਾਲ ਗੱਠਜੋੜ ਨਹੀਂ ਕਰੇਗੀ- ਮਨਜਿੰਦਰ ਸਿਰਸਾ
ਸਿਰਸਾ ਸਾਹਿਬ, ਜਨਾਨੀ ਮਰਦ ਵਿਚ ਕਦੇ ਵੀ ਸੁਲ੍ਹਾ ਹੋ ਸਕਦੀ ਐ।
ਸਰਕਾਰ ਕਿਸਾਨਾਂ ਨਾਲ਼ ਗੱਲਬਾਤ ਕਰ ਰਹੀ ਹੈ ਤੇ ਅੱਗੇ ਵੀ ਕਰਦੀ ਰਹੇਗੀ- ਸ਼ਿਵਰਾਜ ਚੌਹਾਨ
ਗੱਲ ਮੁੱਕੀ ਨਾ ਸੱਜਣ ਨਾਲ ਮੇਰੀ, ਅੱਧੀ ਰਾਤੋਂ ਰਾਤ ਟੱਪ ਗਈ।
ਹੁਣ ਗ਼ੈਰ-ਕਾਨੂੰਨੀ ਢੰਗ ਨਾਲ ਅਮਰੀਕਾ ‘ਚ ਦਾਖ਼ਲ ਹੋਣਾ ਅਸੰਭਵ- ਅਮਰੀਕੀ ਫੌਜੀ ਅਧਿਕਾਰੀ
ਪਿੰਡ ਪਹਿਰੇ ਲੱਗ ਗਏ ਵੇ, ਚੰਦਰਿਆ ਹੁਣ ਨਾ ਮਾਰੀਂ ਗੇੜੇ।
ਪੰਥ ਨੂੰ ਸੰਕਟ ‘ਚੋਂ ਕੱਢਣ ਦੀ ਬਜਾਇ ਧਾਮੀ ਅਸਤੀਫ਼ਾ ਦੇ ਕੇ ਭੱਜੇ- ਸਿੱਖ ਯੂਥ ਫ਼ੈਡਰੇਸ਼ਨ ਭਿੰਡਰਾਵਾਲਾ
ਸਾਨੂੰ ਵਿਚ ਕੰਡਿਆਂ ਦੇ ਛੱਡ ਕੇ, ਆਪ ਕਿੱਕਰ ‘ਤੇ ਚੜ੍ਹ ਗਿਆ ਨੀ।
ਰਾਕੇਸ਼ ਟਿਕੈਤ ਕਿਸਾਨਾਂ ਦਾ ਏਕਾ ਕਰਵਾਉਣ-ਚੜੂਨੀ
ਆਸ਼ਕ ਸੜਦੇ ਧੁੱਪੇ, ਕੁਆਰੀਏ ਛਾਂ ਕਰ ਦੇ।
ਸੀਨੀਅਰ ਅਕਾਲੀ ਆਗੂ ਐਡਵੋਕੇਟ ਧਾਮੀ ਨੂੰ ਮਨਾਉਣ ਲਈ ਉਨ੍ਹਾਂ ਦੇ ਘਰ ਪਹੁੰਚੇ- ਇਕ ਖ਼ਬਰ
ਅੜੀ ਵੇ ਅੜੀ ਨਾ ਕਰ ਬਹੁਤੀ ਤੂੰ ਅੜੀ, ਦੁੱਧ ਪੀ ਲੈ ਬਾਲਮਾਂ, ਵੇ ਮੈਂ ਕਦੋਂ ਦੀ ਖੜ੍ਹੀ।
==================================================================
ਚੁੰਝਾਂ-ਪ੍ਹੌਂਚੇ - (ਨਿਰਮਲ ਸਿੰਘ ਕੰਧਾਲਵੀ)
ਸਿੱਖ ਕਤਲੇ-ਆਮ: ਸਰਕਾਰੀ ਵਕੀਲ ਨੇ ਸੱਜਣ ਕੁਮਾਰ ਨੂੰ ਮੌਤ ਦੀ ਸਜ਼ਾ ਦੇਣ ਦੀ ਮੰਗ ਕੀਤੀ।
ਸਲਵਾਨ ਜਲਾਦਾਂ ਨੂੰ ਆਖਦਾ, ਕਰ ਦਿਓ ਪੂਰਨ ਜਲਦ ਹਲਾਲ।
ਐਡਵੋਕੇਟ ਧਾਮੀ ਨੇ ਦਬਾਅ ਹੇਠ ਅਸਤੀਫ਼ਾ ਦਿਤਾ- ਗਿਆਨੀ ਹਰਪ੍ਰੀਤ ਸਿੰਘ
ਅਸੀਂ ਆਣ ਕੇ ਰੁਲ਼ਾਂਗੇ ਵਿਚ ਵਿਹੜੇ, ਸਾਡੀ ਕੋਈ ਨਾ ਲਵੇਗਾ ਸਾਰ ਹੀਰੇ।
ਹੁਣ ਪਤਾ ਲੱਗਿਐ ਕਿ ਅਕਾਲ ਤਖ਼ਤ ਦੇ ਹੁਕਮਨਾਮੇ ਸਿਰਫ਼ ਇਸ ਦੀ ਚਾਰ ਦੀਵਾਰੀ ਤੱਕ ਹੀ ਸੀਮਤ ਹੁੰਦੇ ਨੇ- ਜਥੇਦਾਰ ਰਘਬੀਰ ਸਿੰਘ
ਲੋਕਾਂ ਭਾਣੇ ਇਸ਼ਕ ਸੁਖਾਲਾ. ਇਸ਼ਕ ਨਾ ਛੱਡਦਾ ਫੱਕਾ ਕੁੜੇ।
ਕਿਸਾਨ ਚਿੰਤਾ ਨਾ ਕਰਨ, ਫ਼ਸਲਾਂ ਦੇ ਪੂਰੇ ਮੁੱਲ ਦਿਤੇ ਜਾਣਗੇ- ਸ਼ਿਵਰਾਜ ਚੌਹਾਨ
ਤੇਰਾ ਲਾਰਾ ਵੇ ਸ਼ਰਾਬੀਆਂ ਦੀ ਗੱਪ ਵਰਗਾ।
ਕੈਨੇਡਾ ‘ਚ ਰੂਬੀ ਢੱਲਾ ਲਿਬਰਲ ਪਾਰਟੀ ਦੀ ਲੀਡਰਸ਼ਿੱਪ ਤੋਂ ਬਾਹਰ, ਦਿਤੀ ਅਯੋਗ ਕਰਾਰ- ਇਕ ਖ਼ਬਰ
ਬੀਬੀ ਆਵਾਸੀਆਂ ਨੂੰ ਕੱਢਦੀ ਕੱਢਦੀ ਆਪ ਹੀ ਅਯੋਗ ਕਰਾਰ ਹੋ ਗਈ।
ਮੈਂ ਕਿਸੇ ਨੂੰ ਵੀ ਨਹੀਂ ਬਖ਼ਸ਼ਾਂਗਾ, ਭਾਰਤ ਹੋਵੇ ਜਾਂ ਚੀਨ- ਟਰੰਪ
ਯਾਰੀ ਲੱਗੀ ਤੇ ਲਵਾ ‘ਤੇ ਤਖਤੇ, ਟੁੱਟੀ ‘ਤੇ ਚੁਗਾਠ ਪੁੱਟ ਲਈ।
ਹਰਿਆਣਾ ‘ਚ ਕਾਂਗਰਸ ਨੂੰ ਝਟਕਾ: ਚਾਰ ਵੱਡੇ ਆਗੂ ਭਾਜਪਾ ‘ਚ ਸ਼ਾਮਲ- ਇਕ ਖ਼ਬਰ
ਸੂਰਜ ਚੜ੍ਹਦੇ ਨੂੰ ਹੁੰਦੀਆਂ ਸਲਾਮਾਂ, ਡੁੱਬਦੇ ਨੂੰ ਕੌਣ ਪੁੱਛਦਾ।
ਅਹੁਦੇ ਦੀ ਸਹੁੰ ਚੁੱਕਣਗੇ ਨਵੇਂ ਚੁਣੇ ਗਏ ਮੁੱਖ ਚੋਣ ਕਮਿਸ਼ਨਰ ਗਿਆਨੇਸ਼ ਕੁਮਾਰ- ਇਕ ਖ਼ਬਰ
ਸੰਨ 2029 ਤੱਕ ਭਾਜਪਾ ਨੂੰ ਹੁਣ ਮੌਜਾਂ ਹੀ ਮੌਜਾਂ।
ਅਕਾਲ ਤਖ਼ਤ ਦੇ ਜਥੇਦਾਰ ਨੇ ਸੋਧਿਆ ਹੋਇਆ ਨਾਨਕਸ਼ਾਹੀ ਕੈਲੰਡਰ ਜਾਰੀ ਕੀਤਾ- ਇਕ ਖ਼ਬਰ
ਜਥੇਦਾਰ ਜੀ, ਚੰਗਾ ਹੁੰਦਾ ਜੇ ਇਸ ਨੂੰ ਵਿਗਾੜੇ ਹੋਏ ਧੁਮੱਕੜ ਕੈਲੰਡਰ ਦਾ ਨਾਮ ਦਿੰਦੇ।
2027 ਦੀਆਂ ਚੋਣਾਂ ਲਈ ਭਾਜਪਾ ਅਕਾਲੀ ਦਲ ਨਾਲ ਗੱਠਜੋੜ ਨਹੀਂ ਕਰੇਗੀ- ਮਨਜਿੰਦਰ ਸਿਰਸਾ
ਸਿਰਸਾ ਸਾਹਿਬ, ਜਨਾਨੀ ਮਰਦ ਵਿਚ ਕਦੇ ਵੀ ਸੁਲ੍ਹਾ ਹੋ ਸਕਦੀ ਐ।
ਸਰਕਾਰ ਕਿਸਾਨਾਂ ਨਾਲ਼ ਗੱਲਬਾਤ ਕਰ ਰਹੀ ਹੈ ਤੇ ਅੱਗੇ ਵੀ ਕਰਦੀ ਰਹੇਗੀ- ਸ਼ਿਵਰਾਜ ਚੌਹਾਨ
ਗੱਲ ਮੁੱਕੀ ਨਾ ਸੱਜਣ ਨਾਲ ਮੇਰੀ, ਅੱਧੀ ਰਾਤੋਂ ਰਾਤ ਟੱਪ ਗਈ।
ਹੁਣ ਗ਼ੈਰ-ਕਾਨੂੰਨੀ ਢੰਗ ਨਾਲ ਅਮਰੀਕਾ ‘ਚ ਦਾਖ਼ਲ ਹੋਣਾ ਅਸੰਭਵ- ਅਮਰੀਕੀ ਫੌਜੀ ਅਧਿਕਾਰੀ
ਪਿੰਡ ਪਹਿਰੇ ਲੱਗ ਗਏ ਵੇ, ਚੰਦਰਿਆ ਹੁਣ ਨਾ ਮਾਰੀਂ ਗੇੜੇ।
ਪੰਥ ਨੂੰ ਸੰਕਟ ‘ਚੋਂ ਕੱਢਣ ਦੀ ਬਜਾਇ ਧਾਮੀ ਅਸਤੀਫ਼ਾ ਦੇ ਕੇ ਭੱਜੇ- ਸਿੱਖ ਯੂਥ ਫ਼ੈਡਰੇਸ਼ਨ ਭਿੰਡਰਾਵਾਲਾ
ਸਾਨੂੰ ਵਿਚ ਕੰਡਿਆਂ ਦੇ ਛੱਡ ਕੇ, ਆਪ ਕਿੱਕਰ ‘ਤੇ ਚੜ੍ਹ ਗਿਆ ਨੀ।
ਰਾਕੇਸ਼ ਟਿਕੈਤ ਕਿਸਾਨਾਂ ਦਾ ਏਕਾ ਕਰਵਾਉਣ-ਚੜੂਨੀ
ਆਸ਼ਕ ਸੜਦੇ ਧੁੱਪੇ, ਕੁਆਰੀਏ ਛਾਂ ਕਰ ਦੇ।
ਸੀਨੀਅਰ ਅਕਾਲੀ ਆਗੂ ਐਡਵੋਕੇਟ ਧਾਮੀ ਨੂੰ ਮਨਾਉਣ ਲਈ ਉਨ੍ਹਾਂ ਦੇ ਘਰ ਪਹੁੰਚੇ- ਇਕ ਖ਼ਬਰ
ਅੜੀ ਵੇ ਅੜੀ ਨਾ ਕਰ ਬਹੁਤੀ ਤੂੰ ਅੜੀ, ਦੁੱਧ ਪੀ ਲੈ ਬਾਲਮਾਂ, ਵੇ ਮੈਂ ਕਦੋਂ ਦੀ ਖੜ੍ਹੀ।
 http://mediapunjab.com/composition?id=5722){kind=logo}
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
17.02.2025
ਪੰਜਾਬ ਨੂੰ ਇਕ ਮਾਡਲ ਸੂਬਾ ਬਣਾਉਣ ਲਈ ਦਿੱਲੀ ਦੀ ਮੁਹਾਰਤ ਦੀ ਵਰਤੋਂ ਕਰਾਂਗੇ- ਭਗਵੰਤ ਮਾਨ
ਮਾਨ ਸਾਹਿਬ, ਦਿੱਲੀ ਦੇ ਮਹਾਂਰਥੀ ਚੰਡੀਗੜ੍ਹ ‘ਚ ਬੈਠੇ ਪਹਿਲਾਂ ਹੀ ਮਾਡਲ ਸੂਬਾ ਬਣਾ ਰਹੇ ਐ!
ਉੱਤਰ ਪ੍ਰਦੇਸ਼ ਦੀ ‘ਡਬਲ ਇੰਜਣ’ ਸਰਕਾਰ ਕਰ ਰਹੀ ਹੀ ‘ਡਬਲ ਬਲੰਡਰ’ - ਅਖਿਲੇਸ਼ ਯਾਦਬ
ਮੈਂ ਡਿਪਟੀ ਦੀ ਸਾਲ਼ੀ, ਕੈਦ ਕਰਾ ਦਊਂਗੀ।
ਦਿੱਲੀ ਦੀ ਹਾਰ ਤੋਂ ਬਾਅਦ ਮਾਨ ਸਰਕਾਰ ਅੰਦਰ ਹਲਚਲ ਛਿੜੀ- ਰੰਧਾਵਾ
ਨੱਚਾਂ ਮੈਂ ਪਟਿਆਲੇ, ਮੇਰੀ ਧਮਕ ਜਲੰਧਰ ਪੈਂਦੀ।
ਸਿਖਿਆ ‘ਚ ਕਿਸੇ ਨਾਲ ਵੀ ਵਿਤਕਰਾ ਨਾ ਕੀਤਾ ਜਾਵੇ- ਸੁਪਰੀਮ ਕੋਰਟ
ਹੋਰ ਕੁਝ ਵੀ ਨਹੀਂ ਅਸੀਂ ਦੇਣ ਜੋਗੇ, ਮਿੱਟੀ ਗੋਂਗਲੂਆਂ ਦੇ ਉੱਤੋਂ ਝਾੜਦੇ ਹਾਂ।
ਜਾਖੜ ਦੀ ਹਾਲਤ ‘ ਨਾ ਘਰ ਦੇ ਰਹੇ ਨਾ ਘਾਟ ਦੇ’ ਵਾਲ਼ੀ ਹੋ ਗਈ ਹੈ- ਨੀਲ ਗਰਗ
ਨਾ ਖੁਦਾ ਹੀ ਮਿਲਾ, ਨਾ ਵਿਸਾਲੇ-ਸਨਮ, ਨਾ ਇਧਰ ਕੇ ਰਹੇ ਨਾ ਉਧਰ ਕੇ ਰਹੇ।
ਅਡਾਨੀ ਲਈ ਰਾਹਤ: ਟਰੰਪ ਨੇ ਵਿਦੇਸ਼ੀ ਰਿਸ਼ਵਤਖੋਰੀ ਕਾਨੂੰਨ ਨੂੰ ਲਾਗੂ ਕਰਨ ’ਤੇ ਲਗਾਈ ਰੋਕ- ਇਕ ਖ਼ਬਰ
ਲੱਡੂ ਵੰਡਦੀ ਗਲ਼ੀ ਦੇ ਵਿਚੋਂ ਨਿਕਲਾਂ, ਜੇ ਪਹਿਲੀ ਪੇਸ਼ੀ ਯਾਰ ਛੁੱਟ ਜਾਏ।
ਸਾਰੇ ਜਥੇਦਾਰਾਂ ਦੀ ਮੀਟਿੰਗ ਸੱਦ ਕੇ ਗਿਆਨੀ ਰਘਬੀਰ ਸਿੰਘ ਸੁਖਬੀਰ ਬਾਦਲ ਨੂੰ ਪੰਥ ‘ਚੋਂ ਛੇਕਣ- ਦਾਦੂਵਾਲ
ਨਾ ਰਹੇ ਬਾਂਸ, ਨਾ ਵੱਜੇ ਬੰਸਰੀ।
ਸ਼੍ਰੋਮਣੀ ਅਕਾਲੀ ਦਲ ਨੂੰ ‘ਸ਼੍ਰੋਮਣੀ ਭਗੌੜਾ ਦਲ’ ਆਖਣਾ ਵਾਜਬ ਹੋਵੇਗਾ- ਗਿਆਨੀ ਹਰਪ੍ਰੀਤ ਸਿੰਘ
ਮੈਂ ਕੋਈ ਝੂਠ ਬੋਲਿਆ, ਮੈਂ ਕੋਈ ਕੁਫ਼ਰ ਤੋਲਿਆ। ਕੋਈ ਨਾ ਬਈ ਕੋਈ ਨਾ!
ਭਾਜਪਾ ਬਿਹਾਰ ਵਿਧਾਨ ਸਭਾ ਦੀਆਂ ਚੋਣਾਂ ਨਹੀਂ ਜਿੱਤ ਸਕਦੀ- ਲਾਲੂ ਯਾਦਵ ਦਾ ਦਾਅਵਾ
ਪਰੇ ਹਟ ਜਾ ਬਲਦ ਸਿੰਙ ਮਾਰੂ, ਨੀਂ ਸੋਨੇ ਦੇ ਤਵੀਤ ਵਾਲ਼ੀਏ।
ਪਾਕਿਸਤਾਨ ਦੇ ਸਿੱਖਾਂ ਵਲੋਂ ਗਿਆਨੀ ਹਰਪ੍ਰੀਤ ਸਿੰਘ ਦੇ ਹੱਕ ਵਿਚ ਹਾਅ ਦਾ ਨਾਅਰਾ- ਇਕ ਖ਼ਬਰ
ਮੈਨੂੰ ਬਗਲੀ ਸਿਖਾ ਦੇ ਗਲ਼ ਪਾਉਣੀ, ਚੱਲੂੰਗੀ ਤੇਰੇ ਨਾਲ ਜੋਗੀਆ।
ਪਰਵਾਸੀਆਂ ਦੇ ਦੇਸ਼ ਨਿਕਾਲੇ ‘ਤੇ ਪੋਪ ਨੇ ਕੀਤੀ ਟਰੰਪ ਪ੍ਰਸ਼ਾਸਨ ਦੀ ਨਿੰਦਾ- ਇਕ ਖ਼ਬਰ
ਅੰਬਰਸਰੀਆ ਮੁੰਡਿਆ ਵੇ ਕੱਚੀਆਂ ਕਲੀਆਂ ਨਾ ਤੋੜ।
ਮੀਟਿੰਗ ‘ਚ ਤੀਜੀ ਧਿਰ ਦੇ ਸ਼ਾਮਲ ਨਾ ਹੋਣ ਕਰ ਕੇ ਕਿਸਾਨ ਜਥੇਬੰਦੀਆਂ ‘ਚ ਏਕੇ ਦਾ ਫ਼ੈਸਲਾ ਨਾ ਹੋ ਸਕਿਆ- ਇਕ ਖ਼ਬਰ
ਨਾ ਖੇਡਣਾ ਨਾ ਖੇਡਣ ਦੇਣਾ, ਖੁੱਤੀ ਵਿਚ ਅਸੀਂ ਮੂ...ਣਾ।
ਗਿਆਨੀ ਹਰਪ੍ਰੀਤ ਸਿੰਘ ਦੇ ਹੱਕ ‘ਚ ਆਏ ਅਕਾਲ ਤਖ਼ਤ ਦੇ ਜਥੇਦਾਰ ਗਿਆਨੀ ਰਘਬੀਰ ਸਿੰਘ- ਇਕ ਖ਼ਬਰ
ਤੇਰੀ ਆਈ ਮੈਂ ਮਰ ਜਾਂ, ਤੇਰਾ ਵਾਲ਼ ਵੀ ਵਿੰਗਾ ਨਾ ਹੋਵੇ।
ਸ਼੍ਰੋਮਣੀ ਕਮੇਟੀ ਦੇ ਕਈ ਮੈਂਬਰਾਂ ਨੇ ਹੁਣ ਧਾਮੀ ਤੋਂ ਮੰਗਿਆ ਅਸਤੀਫ਼ਾ- ਇਕ ਖ਼ਬਰ
ਚੁੱਕ ਚਰਖ਼ਾ ਪਰ੍ਹਾਂ ਕਰ ਪੀੜ੍ਹੀ, ਛੜਿਆਂ ਨੇ ਬੋਕ ਬੰਨ੍ਹਣਾ।
ਸੁਖਬੀਰ ਬਾਦਲ ਦੀ ਤਾਨਾਸ਼ਾਹੀ ਵਿਰੁੱਧ ਰਣਨੀਤੀ ਉਲੀਕਣ ਦਾ ਸਮਾਂ ਆ ਗਿਐ- ਭਾਈ ਰਾਮ ਸਿੰਘ
ਡਾਂਗ ਮੇਰੀ ਖ਼ੂਨ ਮੰਗਦੀ, ਜੱਟ ਵੜ ਕੇ ਚਰ੍ਹੀ ਵਿਚ ਬ੍ਹੜਕੇ।
=================================================================
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
10.02.2025
ਦਿੱਲੀ ਵਿਧਾਨ ਸਭਾ ਚੋਣਾਂ ਵਿਚ ਭਾਜਪਾ ਨੇ ਕੇਜਰੀਵਾਲ ਤੇ ਉਹਦੀ ਪਾਰਟੀ ਨੂੰ ਦਿਤਾ ਕਰਾਰਾ ਝਟਕਾ- ਇਕ ਖ਼ਬਰ
ਪਾਣੀ ਡੋਲ੍ਹ ਗਈ ਝਾਂਜਰਾਂ ਵਾਲ਼ੀ, ਕੈਂਠੇ ਵਾਲ਼ਾ ਤਿਲਕ ਗਿਆ।
ਨਾਜਾਇਜ਼ ਮਾਈਨਿੰਗ ਰੋਕਣ ‘ਚ ‘ਆਪ’ ਸਰਕਾਰ ਰਹੀ ਨਾਕਾਮ- ਪਰਤਾਪ ਸਿੰਘ ਬਾਜਵਾ
ਬਾਜਵਾ ਸਾਹਿਬ, ਤੁਹਾਡੇ ਰਾਜ ਵੇਲੇ ਕਿੰਨੀ ਕੁ ਬੰਦ ਹੋ ਗਈ ਸੀ!
ਅਕਾਲ ਤਖ਼ਤ ਵਲੋਂ ਬਣਾਈ ਸੱਤ ਮੈਂਬਰੀ ਕਮੇਟੀ ਦੀ ਮੀਟਿੰਗ ਸੁਖਾਵੇਂ ਮਾਹੌਲ ‘ਚ ਹੋਈ- ਧਾਮੀ
ਜਦ ਏਜੰਡਾ ਹੀ ਕੋਈ ਨਹੀਂ ਸੀ ਤਾਂ ਮੀਟਿੰਗ ਸੁਖਾਵੇਂ ਮਾਹੌਲ ਵਿਚ ਹੀ ਹੋਣੀ ਸੀ।
ਟਰੰਪ ਵਲੋਂ ਅਮਰੀਕਾ ਨੂੰ ਟੈਰਿਫ਼ ਦੀ ਧਮਕੀ ਤੋਂ ਬਾਅਦ ਟਰੂਡੋ ਨੇ ਕਿਹਾ ਕਿ ਅਮਰੀਕਾ ਵੀ ਤਿਆਰ ਰਹੇ।
ਗੱਲ ਸੋਚ ਕੇ ਕਰੀਂ ਠਾਣੇਦਾਰਾ, ਅਸਾਂ ਨਹੀਂ ਕਨੌੜ ਝੱਲਣੀ।
ਹਰਿਆਣਾ ਕਮੇਟੀ ਦੀ ਪੰਥਕ ਏਕਤਾ ‘ਚ ਤਰੇੜ ਹੋਰ ਡੂੰਘੀ ਹੋਈ- ਇਕ ਖ਼ਬਰ
ਸ਼ਾਬਾਸ਼ ਸਿੱਖੋ! ਦੇਖਿਉ ਤਰੇੜਾਂ ਮਿਟ ਨਾ ਜਾਣ ਕਿਤੇ, ਦੱਬੀ ਚਲੋ ਕਿੱਲੀ।
ਰਾਹੁਲ ਗਾਂਧੀ ਨੇ ਮਹਾਰਾਸ਼ਟਰ ਦੀਆਂ ਚੋਣਾਂ ‘ਚ ਬੇਨਿਯਮੀਆਂ ਦਾ ਦੋਸ਼ ਲਗਾਇਆ- ਇਕ ਖ਼ਬਰ
ਕਾਰਵਾਂ ਗੁਜ਼ਰ ਗਿਆ, ਗ਼ੁਬਾਰ ਦੇਖਤੇ ਰਹੇ।
ਮੋਦੀ ਸਰਕਾਰ ਹਰ ਮੁੱਦੇ ‘ਤੇ ਧਿਆਨ ਦੇ ਰਹੀ ਹੈ- ਰਵਨੀਤ ਬਿੱਟੂ
ਬਿੱਟੂ ਸਾਹਿਬ ਇਸ ਵਿਚ ਕੋਈ ਸ਼ੱਕ ਐ!
7,113 ਕਰੋੜ ਰੁਪਏ ਨਾਲ਼ ਭਾਜਪਾ ਦੇਸ਼ ਦੀ ਸਭ ਤੋਂ ਅਮੀਰ ਪਾਰਟੀ ਬਣੀ- ਇਕ ਖ਼ਬਰ
ਮੇਰੀ ਕੱਤਣੀ ਨਸੀਬਾਂ ਵਾਲ਼ੀ, ਭਰੀ ਰਹੇ ਲੱਡੂਆਂ ਦੀ।
ਪੰਜਾਬ ‘ਚ 856 ਸੀਨੀਅਰ ਸਰਕਾਰੀ ਸੈਕੰਡਰੀ ਸਕੂਲ ਪ੍ਰਿੰਸੀਪਲਾਂ ਤੋਂ ਬਿਨਾਂ ਚਲ ਰਹੇ ਹਨ- ਇਕ ਖ਼ਬਰ
ਭੋਲਿਓ, ਅੱਜ ਏ.ਆਈ. ਦਾ ਯੁਗ ਹੈ, ਪ੍ਰਿੰਸੀਪਲਾਂ ਦੀ ਕੀ ਲੋੜ ਐ? ਨਾਲ਼ੇ ਦਿੱਲੀ ਦੇ ਖ਼ਰਚੇ ਵੀ ਕੱਢਣੇ ਨੇ।
ਫੋਰਬਸ ਨੇ ਭਾਰਤ ਨੂੰ ਪਹਿਲੇ ਦਸ ਸ਼ਕਤੀਸ਼ਾਲੀ ਦੇਸ਼ਾਂ ਦੀ ਸੂਚੀ ‘ਚੋਂ ਕੀਤਾ ਬਾਹਰ- ਇਕ ਖ਼ਬਰ
ਕਿਹੜੇ ਯਾਰ ਦਾ ਗੁਤਾਵਾ ਕੀਤਾ, ਅੱਖ ਵਿਚ ਕੱਖ ਪੈ ਗਿਆ।
ਸ਼ੇਖ਼ ਹਸੀਨਾ ਦੀਆਂ ਗਤੀਵਿਧੀਆਂ ਨੂੰ ਲੈ ਕੇ ਬੰਗਲਾਦੇਸ਼ ਨੇ ਭਾਰਤ ਵਿਰੁੱਧ ਰੋਸ ਪ੍ਰਗਟਾਇਆ- ਇਕ ਖ਼ਬਰ
ਅੱਗੇ ਬੀਬੀ ਟੱਪਣੀ, ਪਿੱਛੇ ਢੋਲਾਂ ਦੀ ਘੜਮੱਸ।
ਅਮਰੀਕਾ ਤੋਂ ਸਿਆਣੀ ਗੱਲਬਾਤ ਦੀ ਕੋਈ ਆਸ ਨਹੀਂ- ਈਰਾਨ
ਲੱਸੀ ਲੈਣ ਦੇ ਬਹਾਨੇ ਆਉਂਦੇ, ਛੜਿਆਂ ਦੀ ਨੀਤ ਬੁਰੀ।
ਅਕਾਲ ਤਖ਼ਤ ਵਲੋਂ ਬਣਾਈ 7 ਮੈਂਬਰੀ ਨਿਗਰਾਨ ਕਮੇਟੀ ਦੀ ਬਾਦਲ ਦਲ ਨੂੰ ਕੋਈ ਪ੍ਰਵਾਹ ਨਹੀਂ- ਇਕ ਖ਼ਬਰ
ਮੂੰਹ ਉਗਲਾਂ ਘੱਤ ਕੇ ਕਹਿਣ ਸਭੇ, ਕਾਰੇ ਕਰਨ ਥੀਂ ਇਹ ਨਾ ਸੰਗਦਾ ਏ।
ਨਵੇਂ ਕੇਂਦਰੀ ਬਜਟ ‘ਚ ਪੰਜਾਬ ਲਈ ਕੋਈ ਉਮੀਦ ਨਹੀਂ-ਪਰਤਾਪ ਸਿੰਘ ਬਾਜਵਾ
ਕਿਤੇ ਕੱਲੀ ਬਹਿ ਕੇ ਸੋਚੀਂ ਨੀਂ, ਅਸੀਂ ਕੀ ਨਹੀਂ ਕੀਤਾ ਤੇਰੇ ਲਈ।
ਦਿੱਲੀ ‘ਚ ਭਾਜਪਾ ਦੀ ਜਿੱਤ ‘ਤੇ ਪੰਜਾਬ ‘ਆਪ’ ਵਿਚ ਖ਼ਾਮੋਸ਼ੀ- ਇਕ ਖ਼ਬਰ
ਨੀ ਐਡਾ ਤੇਰਾ ਕਿਹੜਾ ਦਰਦੀ, ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।
=======================================================================
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
03.02.2025
ਟਰੰਪ ਨੇ ਕੌਮਾਂਤਰੀ ਮੰਚ ‘ਤੇ ਕੈਨੇਡਾ ਅਤੇ ਕੈਨੇਡਾ ਵਾਲਿਆਂ ਨੂੰ ਭੰਡਿਆ- ਇਕ ਖ਼ਬਰ
ਨੀਂ ਉਹ ਲੰਬੜਾਂ ਦਾ ਮੁੰਡਾ ਬੋਲੀ ਹੋਰ ਬੋਲਦਾ।
ਭਾਰਤ ਨੇ ਕੈਨੇਡਾ ਦੀਆਂ ਚੋਣਾਂ ਵਿਚ ਦਖਲ ਦੇਣ ਦੀ ਕੋਸ਼ਿਸ਼ ਕੀਤੀ- ਇਕ ਰਿਪੋਰਟ
ਕਾਟੋ ਦੁੱਧ ਰਿੜਕੇ, ਚੁਗ਼ਲ ਝਾਤੀਆਂ ਮਾਰੇ।
ਦਿੱਲੀ ਚੋਣਾਂ ‘ਚ ਟਿਕਟਾਂ ਨਾ ਮਿਲਣ ‘ਤੇ ‘ਆਪ’ ਦੇ ਅੱਠ ਵਿਧਾਇਕਾਂ ਨੇ ਦਿਤਾ ਅਸਤੀਫਾ- ਇਕ ਖ਼ਬਰ
ਤੇਲੀ ਕਰ ਕੇ ਰੁੱਖਾ ਖਾਈਏ, ਇਹ ਨਹੀਂ ਪੁੱਗਦਾ ਸਾਨੂੰ।
ਅਕਾਲ ਤਖ਼ਤ ਦੇ ਜਥੇਦਾਰ ਨੇ ਸੱਤ ਮੈਂਬਰੀ ਕਮੇਟੀ ਨੂੰ ਕਾਰਜਸ਼ੀਲ ਹੋਣ ਲਈ ਮੁੜ ਦਿਤੇ ਹੁਕਮ- ਇਕ ਖ਼ਬਰ
ਢੀਠਪੁਣੇ ਦੀ ਝੰਡੀ ਹੈ ਕੋਲ ਸਾਡੇ, ਥੁੱਕ ਕੇ ਚੱਟਣ ਦੀ ਸਾਨੂੰ ਕੋਈ ਸ਼ਰਮ ਨਾਹੀਂ।
ਪ੍ਰਧਾਨ ਮੰਤਰੀ ਕਦੇ ਵੀ ਲੋਕਾਂ ਦੇ ਮੁੱਦਿਆਂ ‘ਤੇ ਗੱਲ ਨਹੀਂ ਕਰਦੇ- ਪ੍ਰਿਅੰਕਾ ਗਾਂਧੀ
ਬੀਬੀ, ਇਹ ਵੋਟਤੰਤਰ ਹੈ, ਲੋਕਤੰਤਰ ਦਾ ਭਰਮ ਨਾ ਪਾਲ਼ੋ।
ਕੇਂਦਰੀ ਬਜਟ ਨੇ ਪੰਜਾਬ ਨੂੰ ਬੁਰੀ ਤਰ੍ਹਾਂ ਕੀਤਾ ਨਿਰਾਸ਼- ਹਰਪਾਲ ਸਿੰਘ ਚੀਮਾ
ਖੱਟੀ ਲੱਸੀ ਦੀ ਸੁਲਾਹ ਵੀ ਨਾ ਮਾਰੀ, ਬਾਪੂ ਤੇਰੇ ਕੁੜਮਾਂ ਨੇ।
ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਪ੍ਰਧਾਨਗੀ ਲਈ ਯਤਨ ਤੇਜ਼- ਇਕ ਖ਼ਬਰ
ਰੁੱਤ ਆਈ ਗਿੱਧੇ ਪਾਉਣ ਦੀ, ਲੱਕ ਲੱਕ ਹੋ ਗਏ ਬਾਜਰੇ।
ਟਰੰਪ ਵਲੋਂ ਭਾਰਤ ਸਮੇਤ ਬ੍ਰਿਕਸ ਦੇਸ਼ਾਂ ਨੂੰ 100% ਟੈਰਿਫ਼ ਦੀ ਧਮਕੀ- ਇਕ ਖ਼ਬਰ
ਕਾਹਨੂੰ ਪਾਲ਼ਿਆ ਕੁਲੱਛਣੀ ਬੋਤਾ, ਚੜ੍ਹਦੀ ਨੂੰ ਵੱਢੇ ਦੰਦੀਆਂ।
ਜੇ ਮੈਂ ਪ੍ਰਧਾਨ ਮੰਤਰੀ ਬਣੀ ਤਾਂ ਕੈਨੇਡਾ ‘ਚੋਂ ਪੰਜ ਲੱਖ ਗ਼ੈਰ-ਕਾਨੂੰਨੀ ਪ੍ਰਵਾਸੀਆਂ ਨੂੰ ਕੱਢਾਂਗੀ- ਰੂਬੀ ਢੱਲਾ
ਮਾਂ ਮਾਂ, ਜੇ ਮੈਂ ਠਾਣੇਦਾਰ ਬਣਿਆ ਪਹਿਲਾਂ ਤੇਰੇ ਪੁੜੇ ਸੇਕੂੰ।
ਸਿੱਖ ਪੰਥ ਦਾ ਸੰਕਟ ਅੱਧ ਵਿਚਕਾਰ ਛੱਡ ਕੇ ਸ੍ਰੀ ਅਕਾਲ ਤਖ਼ਤ ਦੇ ਜਥੇਦਾਰ ਧਰਮ ਪ੍ਰਚਾਰ ਲਈ ਹੋਏ ਵਿਦੇਸ਼ ਰਵਾਨਾ- ਇਕ ਖ਼ਬਰ
ਤੇਰੇ ਲੱਡੂਆਂ ਤੋਂ ਨੀਂਦ ਪਿਆਰੀ, ਸੁੱਤੀ ਨਾ ਜਗਾਈਂ ਮਿੱਤਰਾ।
ਸੌਦਾ ਸਾਧ ਨੂੰ ਮੁੜ ਮਿਲੀ 30 ਦਿਨਾਂ ਦੀ ਪੈਰੋਲ- ਇਕ ਖ਼ਬਰ
ਮਿੱਤਰਾਂ ਦੇ ਫੁਲਕੇ ਨੂੰ, ਨੀਂ ਮੈਂ ਖੰਡ ਦਾ ਪਲੇਥਣ ਲਾਵਾਂ।
ਭਾਜਪਾ ਚੋਣਾਂ ਦਾ ਮਾਹੌਲ ਖ਼ਰਾਬ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ- ਅਮਨ ਅਰੋੜਾ
ਨਾ ਖੇਲ੍ਹਣਾ ਨਾ ਖੇਲ੍ਹਣ ਦੇਣਾ, ਖੁੱਤੀ ਵਿਚ ਅਸੀਂ ਮੂ....ਣਾ।
ਬਾਗ਼ੀ ਅਕਾਲੀ ਧੜੇ ਦੇ ਆਗੂ ਮੁੜ ਅਕਾਲ ਤਖ਼ਤ ‘ਤੇ ਸ਼ਿਕਾਇਤ ਪੱਤਰ ਦੇਣਗੇ- ਇਕ ਖ਼ਬਰ
ਜੇ ਤੂੰ ਭਾਗਭਰੀ ਚੁੱਕ ਲਿਆਵੇਂ, ਮਣ ਘਿਉ ਤੇਰਾ ਬੋਤਿਆ।
ਅਰਬਪਤੀਆਂ ਦੀ ਕਰਜ਼ਾ ਮੁਆਫ਼ੀ ‘ਤੇ ਪਾਬੰਦੀ ਲਗਾਉਣ ਵਾਲਾ ਕਾਨੂੰਨ ਬਣਾਵੇ ਸਰਕਾਰ- ਕੇਜਰੀਵਾਲ
ਨੀ ਐਡਾ ਤੇਰਾ ਕਿਹੜਾ ਦਰਦੀ, ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।
ਹੁਣ ਹਨੀਪ੍ਰੀਤ ਅਤੇ ਡੇਰਾ ਪ੍ਰਬੰਧਕ ਕਮੇਟੀ ਵਿਚਕਾਰ ਛਿੜਿਆ ਵਿਵਾਦ- ਇਕ ਖ਼ਬਰ
ਕੁੰਢੀਆਂ ਦੇ ਸਿੰਙ ਫ਼ਸ ਗਏ, ਕੋਈ ਨਿਕਲੂ ਵੜੇਵੇਂ ਖਾਣੀ।
==================================================================
